% Text title            : Harihara Prarthana
% File name             : hariharaprArthanA.itx
% Category              : vishhnu, vishnu, moropanta, shiva
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Harihara Prarthana ..}##
\itxtitle{.. hariharaprArthanA ..}##\endtitles ##
(\* gItivR^ittama)
kimu (1)mAdhava! | bhagavan ! mAmatidInamupekShase? na yuktamidaM |
bho (2)nAtha! bhavavyasane trAtA tvaM paramavatsalo varadaH || 1||
prabhutA jagatsu bhavato natajanabhavaduHkhalaya (3)mahAdeva! |
kuru hara! uchitaM shuchi taM svayameva svaM vichintya mahimAnam || 2||
(4)mAmava shambho! | bhagavannavanIradanIlakaNTha ! patitaM tvam;
kimashakyaM tava loke karuNAvaruNAlaya! prabhoretat || 3||
gaurIsha(5)! | nanu trAtA bhavatA sharaNAgatA nikAmahita !
yashasAkhilasAdhuptabhA kAmaM (6)shobhanandashAvatAramitA || 4||
na(7) hi keshava! | tulyAste bhaktA vyaktAtishayitavAtsalya !
mantuM kShamasva namato bhavatApaM chAsya hara! dayA kAryA || 5||
bho bhava(8) hara! | sharaNAgatasa~NgopanasahatAchyuta! svAmin !
kA(9) madanakAla! shaktiH prabhavati puratastava prabho sthAtum || 6||
jagatAM guruM vinA tvAM saMsAre ko.atra (10)vAmadeva hitaH |
na (11) ramApate.adya mAtaM trAtA bhrAtA sakhA pitA putraH || 7||
pAlayasi sarvamapi janamachirAtkarpUragaura! | kIrtirataM |
etamapi tathA pAlaya (12)bhAlayametu tvameva deva gatiH || 8||
prabhurasi yashaH shrutaM te kR^itavAMstvaM parvataM(13) purAreNum |
dhAva vinAshaM kartuM mama pApasyAshu toShakarakIrte ! || 9||
yAche svAM nistAraM bhrAnto.atra chiraM (14)bhavAndhakAre.aham |
mA rAdhikApriya! tyaja mA karuNAnIradAshritamayUram || 10||

iti shrIrAmanandanamayUreshvarakR^itA shrIhariharaprArthanA samAptA tadapitAstu |

TippaNi
\* atra kaviH sabha~NgashleShabhaDgImanusR^itya sambodhanairhari haraM cha svoddhArAya vij~nApayati |
1| \ldq{}kiM umAdhava\rdq{} iti \ldq{}kimu mAdhava\rdq{} iti cha padachChedaH |
2| nAtha bhava iti harapakShe sambuddhidayam | haripakShe tu nAtha bhavavyasane saMsAraduHkhe tvaM trAtA iti yojyam |
3| mahAn devo mahAdeva iti hara iti chobhayatrApi yojyam |
4| haripakShe mAM avashaM bhoH bhagavan aba nIradanIla kaNThapatitaM iti padachChedaH. bho nIradanIla ghanashyAma bhagavan kaNThapatitaM mAmavetyanvayaH | harapakShe tu mAM ava shambho bhagavan navanIradanIlakaNTha patitaM iti padachChedaH | anvayastu sulabhaH |
5| haripakShe gauH Isha iti padachChedaH | gauH pR^ithivI |
6| harapakShe shobhanadasha avatA ramitA iti padachChedaH | shobhanadasheti sambuddhipadam | haripakShe shobhanadashAvatAraM itA iti padachChedaH |
7| prathamArdhaM, hariparam | dvitIyArdhe tu haripakShe namato bhaktasya mantumaparAdhaM kShamasva bhavatApaM chAsya haretyanvayaH | harapakShe tu he pa~nchAsya, bhavatA dayA kAryA ityanvayaH |
8| haripakShe bhavaharetyekaM padam | harapakShe tu padadvayam | tadvadeva haripakShe sharaNAgata sadrata achyuta iti padachChedaH | harapakShe tu sharaNAgatasadratAdachyuta iti pa~nchamIsamAsaH |
9| haripakShe he kAmada kAlashaktistavapurataH sthAtuM na prabhavatItyanvayaH | harapakShe
tu he madanakAla kA shaktistava purataH sthAtuM prabhavatItyanvayaH |
10| haripakShe vA made avahitaH iti padachChedaH | harapakShe tu vAmadeva hitaH iti |
11| haripakShe na ramApate adya mA ArtaM iti padachChedaH | bhrAtrAdayastrAtAro na santItyarthaH | harapakShe tu naraM Apatet yamArtaM iti padachChedaH | yamArtaM naraM bhrAtrAdayo na trAtumApateyurgachCheyurityarthaH |
12| prathamArdhaM haraparam | dvitIyArdhe tu haripakShe mAlaya me tu iti padachChedaH | mAlaya lakShmInivAsa | harapakShe mA layaM etu iti padachChedaH |
13| haripakShe parvataM purA reNuM iti padachChedaH | reNuvallaghumityarthaH | harapakShe ta purAre aNuM iti padachChedaH | dvitIyArthe ta hara pakShe tu AshutoSha karakIrte iti sambuddhau padadvayam | mama pApasya vinAshaM kartuM dhAvetyanvayaH | haripakShe toShakarakIrte ityekaM padam |
14| prathamArthe harapakShe bhava iti bhinnaM padam | haripakShe tu bhavAndhakAre ityekameva | dvitIyArdhe tu haripakShe he rAdhikApriya karuNAnIrada AshritaM mayUraM mAM mA tyajetyanvayaH | harapakShe tu mArasya madanasyAdhikamapriya ityekaM padaM. sheShaM samAnaM |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}