% Text title            : hariharastutiH
% File name             : hariharastutiH.itx
% Category              : vishhnu, shiva
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hariharastutih ..}##
\itxtitle{.. hariharastutiH ..}##\endtitles ##

jAhnavI mUrdhni pAde vA kAlaH kaNThe vapuShyatha |
kAmAriM kAmatAtaM vA ka~nchiddevaM bhajAmahe || 1||
gA~NgayAmunayogena tulyaM hAriharaM vapuH |
pAtu nAbhigataM padmaM yasya tanmadhyagaM yathA || 2||
abalADhyavigrahashrIramartyanatirakShamAlayopetaH |
pa~nchakramoditamukhaH pAyAtparameshvaro muhuranAdiH || 3||
pannagadhArikarAgro ga~NgomAlakShito.a~Ngado.agrabhujaH |
shashikhaNDashekhara umAparigraho muhuranAdiravatu tvAm || 4||
gavIshapatro nagajArtihArI kumAratAtaH shashikhaNDamauliH |
la~NkeshasampUjitapAdapadmaH pAyAdanAdiH parameshvaro vaH || 5||
sphaTikamarakatashrIhAriNoH prItiyogAt
tadavatu vapurekaM kAmakaMsadviShorvaH |
bhavati girisutAyAH sArdhamambhodhiputryA
sadR^ishamahasi kaNThe yatra sImAvivAdaH || 6||
samprAptaM makaradhvajena mathanaM tvatto madarthe purA
tadyuktaM bahumArgagAM mama puro nirlajja voDhustava |
tAmevAnunayasva\-bhAvakuTilAM he kR^iShNa kaNThagrahaM
mu~nchetyAha ruShA yamadritanayA lakShmIshcha pAyAtsa vaH || 7||
yau tau sha~NkhakapAlabhUShitakarau mAlAsthimAlAdharau
devau dvAravatIshmashAnanilayau nAgArigovAhanau |
dvitryakShau balidakShayaj~namathanau shrIshailajAvallabhau
pApaM vo haratAM sadA hariharau shrIvatsaga~NgAdharau || 8||
lole brUhi kapAlikAmini pitA kaste patiH pAthasAM
kaH pratyeti jalAdapatyajananaM pratyeti yaH prastarAt |
itthaM parvatasindhurAjasutayorAkarNya vAkchAturIM
saMsmerasya harerharasya cha mudo nighnantu vighnaM tu vaH || 9||
yasmAdAsItkumAraH kuvalayadalavallIlayovAha ga~NgAM
vAmA yasyA~Ngasa~NgA pihitajanachayo yo gavIshadhvajo.api |
la~NkeshAdyekanAtho himakararuchibhR^idbhUvisheShAshrayo.asau
varNasyAdyasya lopAdapaharatu hariH pAtakaM vaH smarAriH || 10||

iti hariharastutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}