% Text title            : Harimidestotram
% File name             : harimIDestotra.itx
% Category              : vishhnu, vishnu, shankarAchArya
% Location              : doc\_vishhnu
% Author                : Shankaracharya
% Proofread by          : Swamini Tattvapriyananda tattvapriya3108 at gmail com
% Latest update         : June 27, 2015, July 11, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Harimidestotram ..}##
\itxtitle{.. harimIDestotram athavA haristutiH (sha~NkarAchAryavirachitam) ..}##\endtitles ##
stoShye bhaktyA viShNumanAdiM jagadAdiM yasminnetatsaMsR^itichakraM bhramatIttham |
yasmin dR^iShTe nashyati tatsaMsR^itichakraM taM saMsAradhvAntavinAshaM harimIDe || 1||
yasyaikAMshAditthamasheShaM jagadetat prAdurbhUtaM yena pinaddhaM punarittham |
yena vyAptaM yena vibuddhaM sukhaduHkhaistaM saMsAradhvAntavinAshaM harimIDe || 2||
sarvaj~no yo yashcha hi sarvaH sakalo yo yashchAnando.anantaguNo yo guNadhAmA |
yashchA.avyakto vyastasamastaH sadasadyastaM saMsAradhvAntavinAshaM harimIDe || 3||
yasmAdanyaM nAstyapi naivaM paramArthaM dR^ishyAdanyo nirviShayaj~nAnamayatvAt |
j~nAtR^ij~nAnaj~neyavihIno.api sadA j~nastaM saMsAradhvAntavinAshaM harimIDe || 4||
AchAryebhyo labdhasusUkShmA.achyutatattvA vairAgyeNAbhyAsabalAchchaiva draDhimnA |
bhaktyaikAgradhyAnaparAM yaM vidurIshaM taM saMsAradhvAntavinAshaM harimIDe || 5||
prANAnAyamyomiti chittaM hR^idi ruddhvA nAnyatsmR^itvA tatpunaratraiva vilApya |
kShINe chitte bhAdR^ishirasmIti viduryaM taM saMsAradhvAntavinAshaM harimIDe || 6||
yaM brahmAkhyaM devamananyaM paripUrNaM hR^itsthaM bhaktairlabhyamajaM sUkShmamatarkyam |
dhyAtvAtmasthaM brahmavido yaM vidurIshaM taM saMsAradhvAntavinAshaM harimIDe || 7||
mAtrAtItaM svAtmavikAshAtmavibodhaM j~neyAtItaM j~nAnamayaM hR^idyupalabhyam |
bhAvagrAhyAnandamananyaM cha viduryaM taM saMsAradhvAntavinAshaM harimIDe || 8||
yadyadvedyaM vastusatattvaM viShayAkhyaM tattadbrahmaiveti viditvA tadahaM cha |
dhyAyantyevaM yaM sanakAdyA munayo.ajaM taM saMsAradhvAntavinAshaM harimIDe || 9||
yadyadvedyaM tattadahaM neti vihAya svAtmajyotirj~nAnamayAnandamavApya |
tasminnasmityAtmavido yaM vidurIshaM taM saMsAradhvAntavinAshaM harimIDe || 10||
hitvA hitvA dR^ishyamasheShaM savikalpaM matvA shiShTaM bhAdR^ishimAtraM gaganAbham |
tyaktvA dehaM yaM pravishantyachyutabhaktAstaM saMsAradhvAntavinAshaM harimIDe || 11||
sarvatrAste sarvasharIrI na cha sarvaH sarvaM vettyeveha na yaM vetti hi sarvaH |
sarvatrAntaryAmitayetthaM yamayan yastaM saMsAradhvAntavinAshaM harimIDe || 12||
sarvaM dR^iShTvA svAtmani yuktyA jagadetad dR^iShTvAtmAna chaivamajaM sarvajaneShu |
sarvAtmaiko.asmIti viduryaM janahR^itsthaM taM saMsAradhvAntavinAshaM harimIDe || 13||
sarvatraiva pashyati jighratyatha bhu~Nkte spaShTA shrotA budhyati chetyAhurimaM yam |
sAkShI chAste kartR^iShu pashyanniti chAnye taM saMsAradhvAntavinAshaM harimIDe || 14||
pashyan shR^iNvannatra vijAnan rasayan san jighran bibhraddehamimaM jIvatayettham |
ityAtmAnaM yaM vidurIshaM viShayaj~naM taM saMsAradhvAntavinAshaM harimIDe || 15||
jAgrad dR^iShTvA sthUlapadArthAnatha mAyAM dR^iShTvA svapne.athA.api suShuptau sukhanidrAm |
ityAtmAnaM vIkShya mudAste cha turIye taM saMsAradhvAntavinAshaM harimIDe || 16||
pashya~na shuddho.apyakShara eko guNabhedAn nAnAkArAn sphATikavadbhAti vichitraH |
bhinnashChinnashchAyamajaH karmaphalairyastaM saMsAradhvAntavinAshaM harimIDe || 17||
brahmA viShNU rudrahutAshau ravichandrAvindro vAyurya~na itItthaM parikalpya |
ekaM santaM yaM bahudhAhurmatibhedAt taM saMsAradhvAntavinAshaM harimIDe || 18||
satyaM j~nAnaM shuddhamanantaM vyatiriktaM shAntaM gUDhaM niShkalamAnandamananyam |
ityAhAdau yaM varuNo.asau bhR^igave.ajaM taM saMsAradhvAntavinAshaM harimIDe || 19||
koshAnetAn pa~ncha rasAdInatihAya brahmAsmIti svAtmani nishchitya dR^ishisthaH |
pitrA shiShTo veda bhuguryaM yajurante taM saMsAradhvAntavinAshaM harimIDe || 20||
yenAviShTo yasya cha shaktyA yadadhInaH kShetraj~no.ayaM kArayitA jantuShu kartuH |
kartA bhoktAtmAtra hi yachChaktyadhirUDhastaM saMsAradhvAntavinAshaM harimIDe || 21||
sR^iShTvA sarvaM svAtmatayaivetthamatarkyaM vyApyAthAntaH kR^itsnamidaM sR^iShTamasheSham |
sachcha tyachchAbhUtparamAtmA sa ya ekastaM saMsAradhvAntavinAshaM harimIDe || 22||
vedAntaishchAdhyAtmikashAstraishcha purANaiH shAstraishchAnyaiH sAtvatatantraishcha yamIsham |
dR^iShTvAthAntashchetasi buddhvA vivishuryaM taM saMsAradhvAntavinAshaM harimIDe || 23||
shraddhAbhaktidhyAnashamAdyairyatamAnairj~nAtuM shakyo deva ihaivAshu ya IshaH |
durvij~neyo janmashataishchA.api vinA taistaM saMsAradhvAntavinAshaM harimIDe || 24||
yasyAtarkyaM svAtmavibhUteH paramArthaM sarvaM khalvityatra niruktaM shrutividbhiH |
tajjAditvAdabdhitara~NgAbhamabhinnaM taM saMsAradhvAntavinAshaM harimIDe || 25||
dR^iShTvA gItAsvakSharatattvaM vidhinAjaM bhaktyA gurvyA.a.alabhya hR^idisthaM dR^ishimAtram |
dhyAtvA tasminnasmyahamityatra viduryaM taM saMsAradhvAntavinAshaM harimIDe || 26||
kShetraj~natvaM prApya vibhuH pa~nchamukhairyo bhu~Nkte.ajastraM bhogyapadArthAn prakR^itisthaH |
kShetre kShetre.apsvinduvadeko bahudhAste taM saMsAradhvAntavinAshaM harimIDe || 27||
yuktyAloDya vyAsavachAMsyatra hi labhyaH kShetrakShetraj~nAntaravidbhiH puruShAkhyaH |
yo.ahaM so.asau so.asmyahameveti viduryaM taM saMsAradhvAntavinAshaM harimIDe || 28||
ekIkR^ityAnekasharIrasthamimaM j~naM yaM vij~nAyehaiva sa evAshu bhavanti |
yasmi.NllInA neha punarjanma labhante taM saMsAradhvAntavinAshaM harimIDe || 29||
dvandvaikatvaM yachcha madhubrAhmaNavAkyaiH kR^itvA shakropAsanamAsAdya vibhUtyA |
yo.asau so.ahaM so.asmyahameveti viduryaM taM saMsAradhvAntavinAshaM harimIDe || 30||
yo.ayaM dehe cheShTayitA.antaHkaraNasthaH sUrye chAsau tApayitA so.asmyahameva |
ityAtmaikyopAsanayA yaM vidurIshaM taM saMsAradhvAntavinAshaM harimIDe || 31||
vij~nAnAMsho yasya sataH shaktyadhirUDho buddhirbudhyatyatra bahirbodhyapadArthAn |
naivAntaHsthaM budhyati taM bodhayitAraM taM saMsAradhvAntavinAshaM harimIDe || 32||
ko.ayaM dehe deva itItthaM suvichArya j~nAtA shrotA.a.anandayitA chaiSha hi devaH |
ityAlochya j~nAMsha ihAsmIti viduryaM taM saMsAradhvAntavinAshaM harimIDe || 33||
ko hyevAnyAdAtmani na syAdayameSha hyevAnandaH prANiti chApAniti cheti |
ityastitvaM vaktyupapattyA shrutireShA taM saMsAradhvAntavinAshaM harimIDe || 34||
prANo vA.ahaM vAk.hshravaNAdIni mano vA buddhirvAhaM vyasta utAho.api samastaH |
ityAlochya j~naptirihAsmIti viduryaM taM saMsAradhvAntavinAshaM harimIDe || 35||
nAhaM prANo naiva sharIraM na mano.ahaM nAhaM buddhirnAhamaha~NkAradhiyau cha |
yo.atra j~nAMshaH so.asmyahameveti viduryaM taM saMsAradhvAntavinAshaM harimIDe || 36||
sattAmAtraM kevalavij~nAnamajaM sat sUkShmaM nityaM tattvamasItyAtmasutAya |
sAmnAmante prAha pitA yaM vibhumAdyaM taM saMsAradhvAntavinAshaM harimIDe || 37||
mUrtAmUrte pUrvamapohyAtha samAdhau dR^ishyaM sarvaM neti cha netIti vihAya |
chaitanyAMshe svAtmani santaM cha viduryaM taM saMsAradhvAntavinAshaM harimIDe || 38||
otaM protaM yatra cha sarvaM gaganAntaM yo.asthUlA.anaNvAdiShu siddho.akSharasa~nj~naH |
j~nAtA.ato.anyo netyupalabhyo na cha vedyastaM saMsAradhvAntavinAshaM harimIDe || 39||
tAvatsarvaM satyamivAbhAti yadetad yAvatso.asmItyAtmani yo j~no na hi dR^iShTaH |
dR^iShTe yasminsarvamasatyaM bhavatIdaM taM saMsAradhvAntavinAshaM harimIDe || 40||
rAgAmuktaM lohayutaM hema yathAgnau yogAShTA~Ngerujjvalitaj~nAnamayAgnau |
dagdhvAtmAnaM j~naM parishiShTaM cha viduryaM taM saMsAradhvAntavinAshaM harimIDe || 41||
yaM vij~nAnajyotiShamAdyaM suvibhAntaM hR^idyarkendvagnyokasamIDyaM taDidAbham |
bhaktyA.a.arAdhyehaiva vishantyAtmani santaM taM saMsAradhvAntavinAshaM harimIDe || 42||
pAyAdbhaktaM svAtmani santaM puruShaM yo bhaktyA stautItyA~NgirasaM viShNurimaM mAm |
ityAtmAnaM svAtmani saMhR^itya sadaikastaM saMsAradhvAntavinAshaM harimIDe || 43||
itthaM stotraM bhaktajaneDyaM bhavabhItidhvAntArkAbhaM bhagavatpAdIyamidaM yaH |
viShNorlokaM paThati shR^iNoti vrajati j~no j~nAnaM j~neyaM svAtmani chApnoti manuShyaH || 44||

iti shrImachCha~NkarabhagavataH kR^itaH harimIDestotraM samAptam ||

##

Proofread by Swamini Tattvapriyananda tattvapriya3108 at gmail com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}