% Text title            : Shri Hari Nirajana Strotram
% File name             : harinIrAjanastrotram.itx
% Category              : vishhnu, AratI
% Location              : doc\_vishhnu
% Proofread by          : Manish Gavkar
% Latest update         : September 24, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hari Nirajana Strotram ..}##
\itxtitle{.. shrIharinIrAjanastrotram ..}##\endtitles ##
atha chArArtikaM stotraM vakShye paramashobhanam |
yadgIyate lalitayA vR^indAvanamaheshituH || 1||
jaya nigamAgamagItamahodayashrIvrajarAja hare !
      sachchitsukhaghanasvAtmamahitve ramase prakR^itipare |
nityAkhaNDe sukhAM nijalIlAM karttuM dR^ikprasare !
      yo rAdhasA dvidhAtmani dhatte puMstrIrUpavare || 2||
vAmAMshato.asya vAmaM nityAyUthashataM
      saubhAgyaikaniketaM svAminyA vitatam |
jAtaM tato.anyato.api lIlAnuprakR^itaM (?)
      gogopAlIvipinavihAraM prakaTAnandabhR^itam || 3||
phullendIvarasundararUpaM lAvaNyaikadhanaM
      paramodAracharitraM kalyANaikadhanam |
va~njulamaNima~njiritulasIshobhitayugacharaNaM
      chandrakalAkalitAmbujakalpaM bhajatAM yashsharaNam || 4||
ma~nchakarambhAstambhasuja~Nghe jAnuyughe mukure
      uditAruNavAsati haridashchapratibhorupravare |
kA~nchanakA~nchIvirAjinitambanAbhiviyachChashI re (?)
      trivalisaritsa~NgamakR^itashobhe lokAnandabhare || 5||
mudritasumahendramaNikavATaM hR^itsuShamAgAraM
      ma~njulamaNDanaratnanihArairlakShmyAH suvihAram |
bhogisubhoganibhe bhujayugale bhava rakShAsAraM
      keyUraiH kaTakairmudrAbhirloke.abhisphAram || 6||
sitahIrakachibukaM gurumuktAkR^itanAsAbharaNaM
      shoNasaralavirAjitatilakaM bhava ma~NgalakaraNam |
mArakatojjvalakuNDalayugalaM makarAkR^itiharaNaM
      yasyAnanendumaNDalamamalaM jyotiH smitasharaNam || 7||
ChuritAlakachUDAchUDAmaNibarhApIDavaraM
      ketakadalAvataMsamanushritamallImAlyabharam |
yasyAmbujatulasIgu~njAlIkR^itadAmaprasaraM
      kA~nchanasUtrasugumphavichitraM pItanicholasaram || 8||
mR^igamadaghusR^iNasushobhitalepaM vimalA~njanaM nayane
      tAmbUlAruNo bhAsasi re adhare mandasmitaradane |
dADimakulAnukR^itadantAliH sphurati vadi (?) dayane
      kUjati harermuralikA madhuraM karapallavashayane || 9||
vR^indAvipinarAsavihAre suravaraviTapitale
      chintAmaNichaTite kShurapIThe yuktahR^idabjadale |
shrutimunirUpavrajastrIyUthe viharasi gItakale
      yamunAtIre mandasamIre mukharitabhR^i~Ngabale || 10||
kAmaduhAM nivahe gopAnAmanurUpadharo
      varShasi adharasudhAM nijaveNau pUrNAnandabharaH |
nR^ityasi rAje vrajabAlAbhistAvadrUpakaro
      manmathamanmathanikArApIchyAM mUrtiM vahasi varaH || 11||
bhaja bhaja nandayashodAnandaM bhaja vR^indAvanakelaM
      bhaja vR^iShabhAnusutAkR^itisa~NginityanavInasukhelam |
bhaja govindaM gokulanAthaM bhaja dhR^itapItasuchailaM
      bhaja bhajatAM suratarujitasAraM tyaja chAnyamanuvelam || 12||
jaya ma~Ngalama~Ngala nijarUpaiH nijama~NgaladArai\-
rjaya ma~Ngalama~Ngala nijabhaktaiH suvihAraiH || 13||
ArArtikamidaM stotraM yaH paTheddharisannidhau |
tasyAshraye bhavet kR^iShNa iti shrIlalitoditam || 14||

iti shrIshANDilyasaMhitAyAM pa~nchame bhaktikhaNDe ShoDasho.adhyAye
                         shrIharinIrAjanastotraM sampUrNam |
ArArtikastotram |

##
Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}