% Text title            : haristotram bhaktechChApUrtikaram
% File name             : haristotrambhaktechChApUrtikaram.itx
% Category              : vishhnu, vedAnta-deshika, vishnu
% Location              : doc\_vishhnu
% Author                : vedAntadeshika
% Proofread by          : PSA Easwaran, NA
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : October 2, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bhaktechChApUrtikaraM haristotram or athavA vegAsetustotram..}##
\itxtitle{.. bhaktechChApUrtikaraM haristotram athavA vegAsetustotram ..}##\endtitles ##
yathoktakAristotram

shrIgaNeshAya namaH |
ekaM vegavatImadhye hastishaile cha dR^ishyate |
upAyaphalabhAvena svayaM vyaktaM paraM mahaH || 1||
IShTe gamayituM pArameSha seturabha~NguraH |
yatra sArasvataM sroto vishrAmyati vishR^i~Nkhalam || 2||
jayati jagadekaseturvegavatImadhyalakShito devaH |
prashamayati yaH prajAnAM prathitAnsaMsArajaladhikallolAn || 3||
vibhAtu me chetasi viShNuseturvegApagAvegavighAtahetuH |
ambhojayoneryadupaj~namAsIdabha~NgarakShA hayamedhadIkShA || 4||
chaturAnanasaptatantugoptA saritaM vegavatImasau nirundhan (samaye tatparipanthino nirundhan)
paripuShyati ma~NgalAni puMsAM bhagavAn bhaktimatAM yathoktakArI || 5||
shrImAnpitAmahavadhUparicharyamANaH shete bhuja~Ngashayane sa mahAbhuja~NgaH |
pratyAdishanti bhavasa~ncharaNaM prajAnAM bhaktAnuganturiha yasya gatAgatAni || 6||
prashamitahayamedhavyApadaM padmayoneH
     shritajanaparatantraM sheShabhoge shayAnam |
sharaNamupagatAssmaH shAntanishsheShadoShaM
     shatamakhamaNisetuM shAshvataM vegavatyAH || 7||
sharaNamupagatAnAM so.ayamAdeshakArI
     shamayati paritApaM sa.nmukhaH sarvajantoH |
shataguNapariNAmaH sa.nnidhau yasya nityaM
     varavitaraNabhUmA vAraNArdrIshvarasya || 8||
kA~nchIbhAgyaM kamalanilayAchetaso.abhIShTasiddhiH
     kalyANAnAM nidhiravikalaH ko.api kAruNyarAshiH |
puNyAnAM naH pariNatirasau bhUShayanbhogishayyAM
     vegAseturjayati vipulo vishvarakShaikahetuH || 9||
vegAsetoridaM stotraM ve~NkaTeshena nirmitam |
ye paThanti janAsteShAM yathoktaM kurute hariH || 10||

iti kavitArkikasiMha sarvatantrasvatantra shrIvedAntadeshikakR^itaM
vegAsetustotraM athavA bhaktechChApUrtikaraM haristotraM athavA
yathoktakAristotraM sampUrNam ||

(kA~nchIkShetre vegavatItIre rachitam)
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}