% Text title : Hastigirisha Stava % File name : hastigirIshastavaH.itx % Category : vishhnu % Location : doc\_vishhnu % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Hastigirisha Stava ..}## \itxtitle{.. hastigirIshastavaH ..}##\endtitles ## shrImachChrInidhiyogIndrashrIra~NgeshayatIshvarau | praNamya sAdaraM kurve hastIshastavamadbhutam || 1|| prahlAdajanakoddAmadAnavaibhavashAlinau | karikShmAbhR^idadhIshAnau kalayemahi kAvapi || 2|| kanatparamamAyine karigireradhaH sthAyine charAcharavidhAyine chaturabhIShTasandAyine | namaH paramayogine natajanAvanodyogine nR^ishaMsahatikAyine nR^iharaye jagatkAyine || 3|| shriyA saha vihAriNe shrutishiraHsu sa~nchAriNe prabhUtabhayahAriNe prabaladaityasaMhAriNe | shukAdihitakAriNe shubhaguNairala~NkAriNe natatripuravairiNe nama idaM madharvairiNe || 4|| saTApaTalabhIShaNaM saralakesarodbhUShaNaM samastagadashoShaNaM sarasasAdhusambhAShaNam | vishiShTajanatoShaNaM vidhishivendrasampoShaNaM namAmi bhavapeShaNaM narahari mahIbhUShaNam || 5|| karigiritaTAdhArA dhArAdharaprakaropamA nirupamaguNodArA dArArdhadehamukheDitA | vabhayasamuttArA tArAdhipapratimAnanA niravadhidayAsArA sA rAjate paradevatA || 6|| karigiritaTottaMsaM taM sampravR^iddhabalodayaM nijabalagalatkaMsaM kaM saMvyavantamamuM sadA | munijanakR^itAshaMsaM shaM sandadhAnamahaM bhaje ruchirasamasAdhvaMsaM dhvaMsaM vipadvitateH satAm || 7|| karigiripatiM shrIshaM shrIsha~NkarapramukhArchitaM sakalabhuvanAdhIshaM dhIshaM balarddhivishobhitam | navajaladasa~NkAshaM kAshaMsanIya guNotkaraM jagati daharAkAshaM kA shaMsatIha na devatA || 8|| pratyUShasmayamAnapa~NkajasadR^igdR^igdarshanIyAnanaH pratyAdiShTasurAbhiyAtinR^ipatiproddAmabhUmA~NkuraH | asmAdR^igjana \.\.\.\.ptAvatAraH kShitA\- vasmAn rakShatu hastishailashikharasthemA pumAn kesarI || 9|| hastyadrinAtha varadatvamananyalabhya\- muchchaistarAM prakaTayanniva shR^i~Ngadeshe | tiShThasyaho varadamUrtiriti pratImo no chechCharIrayugalAshrayaNaM kimartham || 10|| pAyAnnaH pAtakebhyaH karishikharipatiH kAlameghAbhirAmaH kanndarpoddAmadarpaprashamananipuNasvIyalAvaNyabhUmA | trayyantashrAntachintAnaghataravibudhavrAtatoShTUyamAnaH shrImAn shreyavidhAtA nijapada nalinadvandvasevAparANAm || 11|| bhUmA bhUmAvumApatyabhinutamahimA sarvakalyANasImA bhUmAbhUmAvahashrIkarigirinilayo yogibhirgeyanAmA | kAmAd vaimAnikAdyairduravagamagatirvairimbhImAtmashaktiH shrImAn puShNAtu dhAmAnyajanadR^igapadaM tigmadhAmatridhAmA || 12|| indrAdyA devavargAH paricharaNaparAH svAdhikAre niyuktA nityairnaimittikairvA shrutishatavihitaiH karmabhiH pUjitAshchet | tR^iptAshchaiva prasannAH karishikharipate tvatprasAdAya bhUyaH kalpAnte hIti gItaM vishadamabhihitaM sUtrabhAShyAdike cha || 13|| AtastAn pUjayAmaH prasadanamiha te prArthayantaH prakAmaM rAj~naH kA~NkShan prasAdaM hyupacharati yathA bhR^ityavargaM tadIyam | svAbhIShTAvedanaM tanmukhata uruguNaM nItivitsArvabhaumA manyante sAmprataM shrIkarishikharipade pUjanaM yuktameShAm || 14|| dhAryatvAchCheShabhAvAnniyamanaviShayatvAd vidheyatvatashcha shrIman hastikShamAbhR^innilaya tava tanurdevatA indramukhyAH | tadyAjI tvatprasAdaM prasabhamabhilaShaMstvattanutvena jAnan kiM nvaikAntyaM na vinded varada kathaya me dAsadAsAnusevI || 15|| yaH prAdhAnyena devaM \.\.\.\. jaDamatirvA~nChitAptyai sa na syA\- dekAntI devarAja tvadupamamiha no va \.\.\.\. | chatvAro vai pumarthAH paramapuruShato nAnyato labdhumarhA ityevaM sa~Ngirante kila phalacharaNe bhAShyakArAdayo.amI || 16|| charmaprAyA hi devA iti kathanamapi prAyashaH prauDhivAdaH svAtantryaM naiva teShAM kvachidapi viShaye pAratantryaM tu kAShThA | ityevaM hastinAtha sphuTayitumapi vA tAdR^ishoktirvibhAvyA no ched devAdhikR^ityAM kathamiha ghaTate devataishvaryavAdaH || 17|| svaprItidvArakaM yat paramapuruShasamprItiniShpAdanaM ta\- d.hdhyaishvaryaM devatAyA iti tadadhikR^itau bhAti saudarshanoktiH | charmaprAyatvavAde kathamiva ghaTate hastishailesha saiShA doShAsheShAbhinandyA tadiha budhajanairdevataishvaryamarthyam || 18|| pArAsharyaH pramANaM paTutaradhiShaNo devataishvaryasiddhau kalpyA pUrvAdipakShaM nirasitumakarod yachChrutatvAchcha sUtram | rakShAyAM sAchcharitryAM shrutishikharagururdarshayitvA pramANaM hyUche hastIsha devAntarayajanamapi brahmamImAMsakAnAm || 19|| sAkShAchchaturmukhamakhe haviranvabhUstvaM shakrAdayaH kila na tatra tadanvabhUvan | hastyadrinAtha varamevamadAH surebhyo no mAnuShebhya iha hetumudArasattvam || 20|| yaddevatA tvamadhunA yadi sambravIShi tadvA kutaH suragaNe bhagavan dayethAH | Aj~naiva heturiha devagaNasya tattve no chodanArha iti chet kimahaM bravImi || 21|| vedAntadeshikavaraiH kvachana prabandhe devA hi ka~nchukasamA iti tAvaduktam | yaShTavyatA prapadanAnvayinApi teShA\- muktA kvachita kathamidaM ghaTate karIsha || 22|| jaiminyanIshvaravachonichayopapatti\- nyAyena deshikavacho.api vibhAvanIyam | sarvaishcha paNDitajanairiti sampratImo hastIshvaraivamupapAdayasi tvameva || 23|| bhAShye hi brahmashabdaH kvachidadhikaraNe bhAti sAmAnyavAchI tasminnevAvabhAti kvachidadhikaraNe.asAvasAdhAraNo.api | atra shrItattvaTIkAprakaTitanayataH ka~nchukaprAyatotte\- rdevAnAM mAnyavaryaM karishikharipate bodhayasya~njasA tvam || 24|| yasmin pakSho.asti bhAShyapramukhabahutaragranthasaMvAdabhUmA tasmiMstAtparyamevAkalayitumuchitaM vedachUDAgurUNAm | shrIshe brahmaNyanIshe tvayi vidhimukhasAdharmyabuddhiM niroddhuM mandAnAM manvahe shrIkarishikharipate ka~nchuka prAyatoktim || 25|| sakR^idyaShTastvaM me kShipasi sahasA sarvaduritA\- nyanantAnyachChedyAnyanupamaguNa shrIkaripate | katha~NkAraM kArAgR^ihanigalayogyA vidhimukhAH surAH shaktAstAdR^igduritalavanirdhUnanavidhau || 26|| sakR^it tvAM pashyantaH samadagajagaNDasthalagala\- nmadasrotaHkrIDadbhramarapaTalIvibhramabhR^itaH | narInR^ityannArIruchirakabarIkAntilaharI\- parItAn gAhante sapadi hi gR^ihAn hastiramaNa || 27|| sakR^it tvAM sampashyan sakR^idavanatAbhIShTavaradaM samastaistrayyantaiH samadhigatapAramyamanagham | shunAsIrastamberamamukhamakhAbhyarthanakalA\- nabhij~naH shrIhastikShitiramaNa dhIrashcha bhavitA || 28|| sakR^it tvAM dR^iShTvA yaH sajalajaladachChAyamamalaM samastairyogIndrairabhinutamiha shrIkaripate | sa mR^ityoH sambhUtAM bhiyamatha vinirdhUya sahasA mahAnandabrahmAnubhavasuparIvAhamayate || 29|| vidhAtAraM kechichCharaNamabhigachChanti nipuNAH sudhAshAnAmIshaM katichana pare tvanyamapi vA | vR^ithAmIShAM yatnaH karigiripate tvadguNakathA\- sudhAsvAdAbhij~nAH kimapi gaNayantyalpashakarAn || 30|| tvadAyattAmIShAM sthitiradhikR^itirvA diviShadAM digIshAnAdInAmiti khalu na jAnanti hi jaDAH | atastAn sevante parimitaphalaprAptichapalAH karIsha tvanmAyAparavashamasheShaM jagadidam || 31|| sR^ijasyAdau vishvaM samavasi tataH saMharasi cha tvameva shrIhastikShitiramaNa nAnyaH prabhavati | tvayA dattAM shaktiM vidhishivashachIshaprabhR^itayo dadhAnA lokAnAmadhikR^itimamI biatitarAm || 32|| na jAne shrIjAne nalinanayane nAgashayane pradhAne devAnAM trijagadavane dattanayane | tvayi shrIhastikShmAramaNa bhagavan bhaktimatulAM vinA mukteranyat kimapi nigamAntairavadhR^itam || 33|| tvameva brahmAdyaM paramapuruSha shrIkaripate tvamevaM trayyantairabhinutapado yogibhirapi | tvameva shrIkAnto nikhilajagadantaryamayitA tvameva tvAmAtaH kila sharaNamantryAjamabhajam || 34|| jagatsR^iShTisthemapralayarachanAkelivivashaM janikleshatrastaprachurajanatAtrANanipuNam | dayAdugdhAmbhodhiM danujamathanaM divyacharitaM karIsha tvAM dR^iShTvA sharaNamiti vAchaM samaphaNam || 35|| puMsUktaM sakalaM karIsha bhavadekAntaM varIvR^ityate sarvAmnAyagaNapradhAnatamatAmasya smaranti sphuTam | gItA tvanmukhanirgatA sumahitAdhItA vimuktyarthibhi\- stvatpAramyaparA virAjatitarAM ko vA samaH kathyatAm || 36|| IshAnashrutivaibhavena girishe netuM na yuktaM hi tat ShaShThyA anvayadusthatAprasajanAt tatpUrvavR^itteH sphuTam | kiM tu tvatparameva sarvavibudhairabhyarthanIyaM balA\- devaM viShNupurANamukhyavachanairhastIsha nirdhAritam || 37|| satyaM j~nAnamanantamAdyamamalaM nityaM svaya~njyotiShaM sarvavyApi susUkShmabhUtamabhayaM tvAmAhurAdyA giraH | tvAmantarviniveshayanti mahatA yatnena yogIshvarAH kiM brUmo mahimAnamadbhutatamaM hastikShamAbhR^itpate || 38|| kiM tvAM jAnanti mUDhAH kaluShitahR^idayA hastishaileshvara tvat\- sAnnidhye.avasthitA apyadhinidhi charatAM kiM nu tajj~nAnamasti | kShudrAn nidrAnusaktAnapi pashusadR^ishAn brahmavinnindanaikA\- nandAn mandAnahantAprathamajanigR^ihAMstvaM kathaM tAn sahethAH || 39|| chAturmAsyaM samagraM vratamiha charitaM tvatkR^ipAvaibhavena shrIman hastIshvarAdyaM vratamanucharitaM nistule ra~NgadhAmni | adhyApya brahmavidyAmanupamaviShaNAnAshritA~nChAtravargAn niHsImAnandamAptaH prachurabahumatistvachcharitreShu varte || 40|| bhUyo bhUyo namAmi tvadanaghacharaNAmbhoruhadvandvameva shrIman hastIsha nistIrya cha bhavasaraNau jA~NghrikatvaM prahR^iShTaH | vAchAM prAchAM pravAchAmapi khalu viShayastvaM kathaM mAdR^ishAnAM praj~nAdaurlabhyabhAjAmahaha kuvachasAM gocharatvaM prayAsi || 41|| shrImA~nChrImachChaThArivratikalitashatastambhavanmaNTapAnte DolADolAyitAtmA maNimayamakuTajyotidR^igbhAsitAshaH | rAjA rAjAdhirAjapramukhadiviShadAM hastishaileshvarAkhyo devo devo mude vo bhavatu mama janAH smeravaktrAravindaH || 42|| muktaishvaryaM jagadvyAparaNavirahitaM sUtritaM sUtrakArai\- stasyetthaM bhAvamAhuH kila gurucharaNA bhAShyakArAdayo.amI | rAj~nAM ChatrAdivat te kariramaNa jagatkAraNatvaM vimukte\- rhetutvaM lakShaNe dve tadubhayavashato lakShyase.anyAdR^ishastvam || 43|| muktaishvaryaM jagadvayAparaNamapi yadi brahmaNo lakShaNaM tat bhajyetAtiprasa~NgAt kathamiva paramaM brahma jij~nAsituM syAt | jij~nAsyatvaM jagatkAraNagatamiti cha spaShTamAmnAyamaulA\- vAto mukteShu hastikShitiramaNa jagadvyApR^itirnochitetim || 44|| yuktaM tanmanmahe shrIkariramaNa vayaM tvatkaTAkShAd vimuktA brahmAnandAnubhUtiprakalanaviShaye sAmyamete vaheyuH | jij~nAsyatvaM mumukShoH kathamiva ghaTatAM tvaM hi jij~nAsanIyaH sarvaistApatrayArtaistvadupajanitadhIshaktimAn no.aparaH syAt || 45|| apAre kUpAre tR^iNamiva taTaM kenachiditaM tvasAre saMsAre sthiratararuchirdustaratare | murAre kaMsAre karigiripate.ahobilamuni\- ShvahaM tatkAruNyAt samagaNiShi dhanyo.ahamadhunA || 46|| asmAn rakShatu hastishailashikharetyevaM turIyaM punaH pAdaM ka~nchana hastirADupadishan svapne.avabodhyaiva mAm | dIkShAM saMshritarakShaNe prakaTayasyuchchaistarAM shrIpate vAtsalyaikavashaMvadastvamabibho nAnAvatArAn kShitau || 47|| vegAtu~Ngatara~Ngasa~NgamadashAvyAloladambhoruha\- chyotatsphItamarandavR^indalaharIpAramparImedure | rodhasyuttarato.avabhAsi bhagavan hastikShamAbhR^itpate tvatsevArasikA bhavanti manujA dhanyAH kShitau santatam || 48|| jantuM kR^itamantuM bhuvi nantuM yatamAnaM rakShasyaripakShachyutidakSha svayamIsha | dhArAdharadorAhavadhIrAnaghamUrte hastIsha suvistIrNaguNAstIha samaH kaH || 49|| hastIsha nistulatarastutiratnajAla\- mastIti matstutiriyaM paramAstikeDya | nopekShituM tvalamaho shukabhAShitAdau santoShamAkalayate hi mahAn nR^isAnj~naH || 50|| itthaM savIraraghurATChrutimauliyogi\- kShmAbhR^it karikShitipateH stavamadbhutArtham | prItyai harervyatanuta praNishamya santaH santoShamatra kalayantu gatAbhyasUyAH || 51|| shrImadvIraraghUdvahashrutishiroyogikShamAbhR^itkR^itaM hastIshastavamAdarAt paThati yaH shuddho vishuddhAshayaH | jihvAyAmiha nAnaTIti satataM vAgdevatA tasya saM\- sidhyanti hyachireNa kiM cha mahitAH sarve pumarthA bhuvi || 52|| iti shrIhastigirIshastavaH samAptaH | stotrasamuchchayaH 2 (80) ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}