% Text title            : Hayanana Vimshatih
% File name             : hayAnanaviMshatiH.itx
% Category              : vishhnu, viMshati
% Location              : doc\_vishhnu
% Transliterated by     : Chandrasekhar Karumuri
% Proofread by          : Chandrasekhar Karumuri
% Latest update         : August 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hayanana Vimshatih ..}##
\itxtitle{.. shrIhayAnanaviMshatiH ..}##\endtitles ##
dhyAnam (stuti prashaMsaH \-
vande.ahaM vAgadhIshAnaM vedAntastutavaibhavam |
vidyAsampatpradaM lakShmIhayagrIvaM dayAnidhim ||
yo brahmANaM vidadhAti pUrvaM yo vai vedAMshcha prahiNoti tasmai |
tagM ha devamAtmabuddhiprakAshaM mumukShurvai sharaNamahaM prapadye ||
atha shrIhayAnanaviMshatiH |
svasti vastu dishatAddhayavaktraM ki~nchidabjasadR^ishAkSha manantam |
yatkaTAkShaparipAtavashena j~nAnavAn bhuvi bhavet khalu jantuH || 1||
rakShohR^itavedatayA sraShTAraM kaluShitAntaraM devaH |
rakShohananena cha yo nigamenAtUtuShat sa pAtvasmAn || 2||
madhukaiTabhahantR^i ramAdharaM vilasadabjasudarshanadoryugam |
ramatAM hR^idaye turagAnanaM kimapi sundaramavyayavastu me || 3||
kAchinmUrtirvAsudevasya shubhrA lakShmIvidyuchChAradAmbhoruhAbhA |
vAgIshAnA vAjivaktrA.atilokA chitte.asmAkaM nR^ityatAdvartamAnA || 4||
sitasphaTikabhAsure sarasije niShaNNaM vibhuM
      karAgradhR^itapustakaM kamalayA samAli~Ngitam |
himAMshusadanaM pratisvanitarodasIheShakaM
      hayAnanamanuttamaM satatamantarIDImahi || 5||
astu me.adya hR^idaye kamalAdhR^it vastu ki~nchidaravindanibhAkSham |
prastutArthadamanuttamamevaM kastu chenmama puro vijayI syAt || 6||
hR^idyA lakShmIrvAjivaktrasya rakShet hR^idyA bhaktirvAjivaktrasya me.astu |
hR^idyA prItirvAjivaktrasya bhUyAt hR^idyAstAM me vAjivaktrassapadmaH || 7||
tura~NgavadanAya te nikhalavAkprapa~ncheshine
      namovachanamahimaprabalavighnanirvApiNe |
tanotu shubhamIyivAMsamatishItanetrAbruho
      bhavA nimamaki~nchanaM dR^iDhataraM nirIkShya svayam || 8||
lakShmInaTyA me hR^idabjAkhyara~Nge vidyAkhyAyA nATikAyAH purastAt |
sarvAla~NkAraishchamatkAritAyAH sUchyAt sthitvA sUtradhAro hayAsyaH || 9||
prakaTitanijaheShArUpabhaktAbhikA~NkShaM
      karadhR^itadarachakraM duShTasaMhAradakSham |
urasi nivasadabjA.ashliShTamambhoruhAkShaM
      bhajata turagavaktraM svAshritArakShadIkSham || 10||
prItiM dadhAtu mayi vAgadhipaH prakAmaM
      padmAsakhaH paramakAruNiko.abjanAbhaH |
vedAkR^itirvimalachandranibho hayAsyaH
      pANDupraphullajalajAsanasaMstha IDyaH || 11||
antardhvAntaM me nAshayedvAjivaktraH
      prodyatkAntyA.asau dIyatAmapyamoghA |
shaktirvighnAnAM dhvaMsinI vAkprapa~nche
      sarvaM bhUyAttatpremaliptAkShipAtAt || 12||
sharadabhrasamAna sharIraruchiH shitimeghasamAnashirojatatiH |
chapalAsadR^ishendirayA sahito ramatAM hR^idaye mama vAjishirAH || 13||
ya udgItharUpassitAbhrAbhavarShmA
      ya o~NkArarUpo ramAsa~NgatA~NkaH |
sa me j~nAnarUpaM tamaH prochChinattu
      sa me sarva sampadvivR^iddhiM tanotu || 14||
prabhuhayAnanamIDimahe sadA vibhurasau mama bodhayatAdgiram |
na bhuvimAdR^iganAthajanAvanAt svabhuva AtmasamAditaradbhavet || 15||
trayyAtmakaM praNavarUpamudArabhAvaM
      udgItha vedatatimUla vigIyamAnam |
vishvottarAkR^iti hayAnanamindirAbhR^it
      shubhraM kimapyatijagat paradhAma naumi || 16||
hayAsya mIDImahi dhAma hR^idyaM Aj~nAna tAmisra sahasrarashmi |
krIDA vibhaktIkR^ita kaiTabhAsu lakShmIdharaM shAshvatamadya ki~nchit || 17||
dalannalinapeshalaM sanalinAkShamAlaM karaM
      dadhachChatamakhAribhedana jayashriyaM dakShiNam |
bhajajjagadapAranirbhayada mIDyasavyAkhyakaM
      bhajanti munayassadA ya mitarAnapekShaM stumaH || 18||
savyaM karaM dakShiNa mAshritAnAM sapustakaM vArdhisutAvalambi |
j~nAnapradaM ramyamibhendratuNDadyutiM bhajAmo.ashvamukhasya nityam || 19||
mathitaditijasainyaM pA~nchajanyaM dadhAnaM
      pavanasakhashikhAbhR^ichchakramatyugravakram |
bhujayugamavatAnna ssavyasavyetarAkhyaM
      bhajati yadamarANAM bR^indamashvAnanasya || 20||
evaM hayAnanastotraM bhaktA kR^itvA.arpaya dvibhoH |
pAdayostatsatAM prItyai bhavedetatpade ratAH || 21||
shrImate hayavaktrAya shritarakShaNadIkShiNe |
shriyA.a.ali~NgitapArshvAya ma~NgalaM nityama~NgaLam || 22||

iti shrIhayAnanaviMshatissampUrNA |
##
Proofread by Chandrasekhar Karumuri

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}