% Text title            : Hayagriva Dhyanaprakaranam
% File name             : hayagrIvadhyAnaprakaraNam.itx
% Category              : vishhnu, vAdirAja, vishnu, dhyAnam
% Location              : doc\_vishhnu
% Author                : vAdirAjayati
% Proofread by          : Lata Murali, Revathy R.
% Latest update         : May 24, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hayagriva Dhyana Prakaranam ..}##
\itxtitle{.. hayagrIvadhyAnaprakaraNam ..}##\endtitles ##
sadA tava dhyeyatayA hR^idabje sthitamachyutam |
chidrUpabhadrAvayavaM chitrabhUShaNabhUShitam || 1||
sashrIkaM saparIvAraM sarvaj~naM sarvasAkShiNam |
AvAhya pratimAmadhye dhyAyasva nR^itura~Ngamam || 2||
karasthamudrAsha~NkhAkShapustakaM ramyahastakam |
chandrAbhaM chandrabimbasthaM chandanokShitavakShasam || 3||
chAruprasannavadanaM chalatkuntalasantatim |
sukarNagaNDabhrUyugmaM sunAsoShThaM shuchismitam || 4||
sudhArasArdrasarvA~NgaM shokamochanalochanam |
shrIvatsakaustubhadharaM shritabhaktadhurandharam || 5||
vanamAlAvaijayantIkandharaM lokasundaram |
kR^ishamadhyaM vishAloraHsthalaM pInachaturbhujam || 6||
duShTAniShTadashiShTeShTapuShTabAhuchatuShTayam |
vR^ittadIrghachaturhastaiH shrutyarthachaturarthadam || 7||
karAkhyAmbhojasambhUtadalopamashubhA~Ngulam |
ashvagrIvaM dR^iShyapArshvaM lakShyakakShyastanadvayam || 8||
manoj~napR^iShThaprabhayA tR^iNIkR^itashashidyutim |
tanUdaraM nimnanAbhiM manoharavalitrayam || 9||
lasadromalatAbhAsA vashIkR^itaramAdR^isham |
bR^ihatkaTitaTadvandvamapratidvandvamavyayam || 10||
vartuloruM vR^ittajAnuja~NghA~NgulinakhAvalim |
atiraktA~Nghriyugalatanukomalapallavam || 11||
dhvajavajrapatAkAbjA~NkusharekhAbhira~njitam |
raktAsyAbjaM raktapadmasamashrImatpadadvayam || 12||
chaturhastAruNatalaM chaturvedapravartakam |
chatUrUpashriyA juShTaM chaturvarNAshramapriyam || 13||
chaturmUrtidharaM chitraM chaturyuganiyAmakam |
chaturvidhAnAM muktAnAM chaturvidhasukhapradam || 14||
chaturAsyaguruM dhIraM chaturaM shrIhayAnanam |
karuNArdrakaTAkShAbhyAM kalikalmaShakhaNDanam || 15||
khalaughadaNDanaM shAntaM kamanIyatamaM smara |
chitraratnochchamakuTaM ratnagraiveyara~njitam || 16||
ratnodyattilakaM ratnakuNDaladvayamaNDitam |
sadratnabhujakIrtibhyAM hR^idyAMsadvayamadvayam || 17||
ratnahArasarairyuktaM ratnayaj~nopavItinam |
ratnojjvalottarIyaM cha ratnamadhyavibhUShitam || 18||
ramaNIyaM ratnakA~nchayA ratnaki~NkiNirAjitam |
ratnodyatkaTisUtreNa baddhavidyutprabhAmbaram || 19||
ratnA~NgulIyakaM ratnaka~NkaNA~NgadabhAsvaram |
vichitraratnollasitavIratochitabhUShaNam || 20||
navaratnamayottu~NgaraNatkanakanUpuram |
sphuradratnachayodbhAsikvaNatpauruTaki~NkiNim || 21||
ratnamudrA~NgulIyaishcha dIptapAdadvayA~Ngulim |
tulasIkundamandArakusumaishcha sadA.architam || 22||
ratnamaNTapamadhyasthaM ratnapadmopari sthitam |
ratnollasatphaNashreNyA ChatrAyitaphaNIshvaram || 23||
chitraratnamayachChatrachAmarAdyaishcha satkR^itam |
saptAvaraNadevaishcha sahitaM te hitaM smara || 24||
chaturdikShu chaturdvAragataishchaNDajayAdibhiH |
dvAHsthaishchakragadAhastairjuShTamiShTakaraM smara || 25||
madhvahR^itpadmamadhyasthaM hR^idyadaM buddhishuddhidam |
sadyo vijayadaM siddhasAdhyArAdhyapadaM smara || 26||
tattvAnAM mAtR^ikANAM cha varNAnAM chaiva devatAH |
shAstroktavartmanA viShNora~NgeShvarpaya sAdaram || 27||
pa~nchA~NgaM vA ShaDa~NgaM vA nyAsaM kR^itvA punarhareH |
saMsmR^itya charaNau mantrA~nchapa praNavapUrvakAn || 28||
pa~nchAmR^itaiH shuddhajalaiH kalashasthodakairapi |
mantrapUtaiH snApayitvA sapIThAvaraNAmbaram || 29||
arghyAdyairupachAraishcha toShayitvA janArdanam |
tulasIma~njarIbhishcha puShpaishcha vividhairapi || 30||
ArAdhya dhUpadIpau cha datvA stutvA punarharim |
sarasaiH phalapakvaishcha bhakShyabhojyarasAyanaiH || 31||
sasitairghR^itasiktaishcha pAyasairvividhairapi |
dadhyodanena chitrAnnaistarpayA.avaraNAnvitam || 32||
dayArdrahR^idayaM bhaktavatsalaM puruShottamam |
punargaNDUShAchamanamukhavastrAdikaM disha || 33||
karpUrakhaNDasahitaM tAmbUlaM cha nivedaya |
punardhUpena dIpena chitrairArArtikairapi || 34||
mantrapuShpaiH stavairgItairnR^ityavAditrapUrvakaiH |
archayitvA namaskR^itya kuru chAnte pradakShiNam || 35||
shriyA cha dharayA chaiva svarUpAvaraNairapi |
anantabrahmavAyvIshavIshaiH shakrAdikaiH suraiH || 36||
kR^itA~njalipuTairnityaM parivAratayA sthitaiH |
pIThadevaishcha sahitamevaM kAlatraye.archaya || 37||
bhaktiyuktisphUrtishaktikIrtyanArtidhR^itismR^itIH |
viraktibhaktimuktIshcha sukhavyaktIshcha yAchaya || 38||
kartAraM chaiva dhartAraM pravaktAraM hayAnanam |
dhyAtuM gAtuM shramaM jetuM vAdirAjo.akR^ita stavam || 39||

iti shrImadvAdirAjapUjyacharaNavirachitaM
hayagrIvadhyAnaprakaraNaM samAptam |

bhAratIramaNamukhyaprANAntargata shrIkR^iShNArpaNamastu |

##
Proofread by Lata Murali

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}