% Text title            : Hayagriva Puja and Stotram
% File name             : hayagrIvapUjAstotram.itx
% Category              : vishhnu, stotra, pUjA
% Location              : doc\_vishhnu
% Proofread by          : PSA Easwaran psaeaswaran at gmail.com
% Description/comments  : Garudapurana, karmakANDAkhyaH pUrvakhaNDaH 1, adhyAya 33
% Latest update         : July 27, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hayagriva Pujavidhi and Stotram ..}##
\itxtitle{.. shrIhayagrIvapUjAvidhi stotram cha ..}##\endtitles ##
rudra uvAcha |
punardevArchanaM brUhi hR^iShIkesha gadAdhara |
shR^iNvato nAsti tR^iptirme gadatastava pUjanam || 1||
hariruvAcha |
hayagrIvasya devasya pUjanaM kathayAmi te |
tachChR^iNuShva jagannAtho yena viShNuH pratuShyati || 2||
mUlamantraM mahAdeva hayagrIvasya vAchakam |
pravakShyAmi paraM puNyaM tadAdau shR^iNu sha~Nkara || 3||
OM hauM kShrauM shirase namaH iti praNavasaMyutaH |
ayaM navAkSharomantraH sarvavidyApradAyakaH || 4||
asyA~NgAni mahAdeva tA~nChR^iNuShva vR^iShadhvaja |
OM kShrAM hR^idayAya namaH |
OM kShrIM shirase svAhAyuktaM shiraH proktaM kShrUM vaShaT tathA || 5||
O~NkArayuktA devasya shikhA j~neyA vR^iShadhvaja |
OM kShraiM kavachAya huM vai kavachaM parikIrtitam || 6||
OM kShauM netratrayAya vauShaT netraM devasya kIrtitam |
OM haH astrAya phaT astraM devasya kIrtitam || 7||
pUjAvidhiM pravakShyAmi tanme nigadataH shR^iNu |
Adau snAtvA tathA.a.achamya tato yAgagR^ihaM vrajet || 8||
tataH pravishya vidhivatkuryAdvai shoShaNAdikam |
yaM kShauM ramiti bIjaishcha kaThinIkR^itya lamiti || 9||
aNDamutpAdya cha tataH OM kAreNaiva bhedayet |
aNDamadhye hayagrIvamAtmAnaM parichintayet || 10||
sha~NkhakundendudhavalaM mR^iNAlarajataprabham |
gokShIrasadR^ishaM tadvatsUryakoTisamaprabham |
sha~NkhaM chakraM gadAM padmaM dhArayantaM chaturbhujam || 11||
kirITinaM kuNDalinaM vanamAlAsamanvitam |
suraktaM sukapolaM cha ShItAmbaradharaM vibhum || 12||
bhAvayitvA mahAtmAnaM sarvadevaiH samanvitam |
a~Ngamantraistato nyAsaM mUlamantreNa vai tathA || 13||
tatashcha darshayenmudrAM sha~NkhapadmAdikAM shubhAm |
dhyAyed.h{}dhyAtvArchayedviShNuM mUlamantreNa sha~Nkara || 14||
tatashchAvAhayedrudra devatA Asanasya yAH |
OM hayagrIvAsanasya AgachChata cha devatAH || 15||
AvAhya maNDale tAstu pUjayetsvastikAdike |
dvAre dhAturvidhAtushcha pUjA kAryA vR^iShadhvaja || 16||
samastaparivArAya achyutAya nama iti |
asya madhye.archanaM kAryaM dvAre ga~NgA~ncha pUjayet || 17||
yamunAM cha mahAdevIM sha~NkhapadmanidhI tathA |
garuDaM pUjayedagre madhye shakti~ncha pUjayet || 18||
AdhArAkhyAM mahAdeva tataH kUrmaM samarchayet |
anantaM pR^ithivIM pashchAddharmaj~nAnau tato.achayet |
vairAgyamatha chaishvaryamAgneyAdiShu pUjayet || 19||
adharmAj~nAnAvairAgyAnaishvaryAdIMstu pUrvataH |
sattvaM rajastamashchaiva madhyadeshe.atha pUjayet || 20||
kandaM nAlaM cha padmaM cha madhye chaiva prapUjayet |
arkasomAgnisa.nj~nAnAM maNDalAnAM hi pUjanam |
madhyadeshe prakartavyamiti rudra prakIrtitam || 21||
vimalotkarShiNI j~nAnA kriyAyoge vR^iShadhvaja |
prahvI satyA tatheshAnAnugrahAH shaktayo hyamUH || 22||
pUrvAdiShu cha patreShu pUjyAshcha vimalAdayaH |
anugrahA karNikAyAM pUjyA shreyo.arthibhirnaraiH || 23||
praNavAdyairnamo.antaishcha chaturthyantaishcha nAmabhiH |
mantrairebhirmahAdeva AsanaM paripUjayet || 24||
snAnagandhapradAnena puShpadhUpapradAnataH |
dIpanaivedyadAnena AsanasyArchanaM shubham || 25||
kartavyaM vidhinAnena iti te hara kIrtitam |
tatashchAvAhayeddevaM hayagrIvaM sureshvaram || 26||
vAmanAsApuTenaiva AgachChantaM vichintayet |
AgachChataH prayogeNa mUlamantreNa sha~Nkara || 27||
AvAhanaM prakartavyaM devadevasya sha~NkhinaH |
AvAhya maNDale tasya nyAsaM kuryAdatandritaH || 28||
nyAsaM kR^itvA cha tatrasthaM chintayetparameshvaram |
hayagrIvaM mahAdevaM surAsuranamaskR^itam || 29||
indrAdilokapAlaishcha saMyutaM viShNumavyayam |
dhyAtvA pradarshayenmudrAH sha~NkhachakrAdikAH shubhAH || 30||
pAdyArghyAchamanIyAni tato dadyAchcha viShNave |
snApayechcha tato devaM padmanAbhamanAmayam || 31||
devaM saMsthApya vidhivadvastraM dadyAdvR^iShadhvaja |
tato hyAchamanaM dadyAdupavItaM tataH shubham || 32||
tatashcha maNDale rudraM dhyAyeddevaM pareshvaram |
dhyAtvA pAdyAdikaM bhUyo dadyAddevAya sha~Nkara || 33||
dadyAdbhairavadevAya mUlamantreNa sha~Nkara |
OM kShAM hR^idayAya namaH anena hR^idayaM yajet || 34||
OM kShIM shirase namashcha shirasaH pUjanaM bhavet |
OM kShUM shikhAyai namashcha shikhAmetena pUjayet || 35||
OM kShaiM kavachAya namaH kavachaM paripUjayet |
OM kShauM netrAya namashcha netraM chAnena pUjayet || 36||
OM kShaH astrAya nama ityastraM chAnena pUjayet |
hR^idayaM cha shirashchaiva shikhAM cha kavachaM tathA || 37||
pUrvAdiShu pradesheShu hyetAstu paripUjayet |
koNeShvastraM yajedrudra netraM madhye prapUjayet || 38||
pUjayetparamAM devIM lakShmIM lakShmIpradAM shubhAm |
sha~NkhaM padmaM tathA chakraM gadAM pUrvAdito.archayet || 39||
khaDgaM cha musalaM pAshama~NkushaM sasharaM dhanuH |
pUjayetpUrvato rudra ebhirmantraiH svanAmakaiH || 40||
shrIvatsaM kaustubhaM mAlAM tathA pItAmbaraM shubham |
pUjayetpUrvato rudra sha~NkhachakragadAdharam || 41||
brahmANaM nAradaM siddhaM guruM paraguruM tathA |
guroshcha pAduke tadvatparamasya gurostathA || 42||
indraM savAhanaM chAtha parivArayutaM tathA |
agniM yamaM nirR^itiM cha varuNaM vAyumeva cha || 43||
somamIshAnanAgAMshcha brahmANaM paripUjayet |
pUrvAdi chordhvaparyantaM pUjayedvR^iShabhadhvaja || 44||
vajraM shaktiM tathA daNDaM khaDgaM pAshaM dhvajaM gadAm |
trishUlaM chakrapadme cha AyudhAnyatha pUjayet || 45||
viShvaksenaM tato devamaishAnyAM dishi pUjayet |
ebhirmantrairnamo.antaishcha praNavAdyairvR^iShadhvaja || 46||
pUjA kAryA mahAdeva hyanantasya vR^iShadhvaja |
devasya mUlamantreNa pUjA kAryA vR^iShadhvaja ||
gandhaM puShpaM tathA dhUpaM dIpaM naivedyameva cha || 47||
pradakShiNaM namaskAraM japyaM tasmai samarpayet |
stuvIta chAnayA stutyA praNavAdyairvR^iShadhvaja || 48||

atha stotraM
OM namo hayashirase vidyAdhyakShAya vai namaH |
namo vidyAsvarUpAya vidyAdAtre namonamaH || 49||
namaH shAntAya devAya triguNAyAtmane namaH |
surAsuranihantre cha sarvaduShTavinAshine || 50||
sarvalokAdhipataye brahmarUpAya vai namaH |
namashcheshvaravandyAya sha~NkhachakradhAraya cha || 51||
nama AdyAya dAntAya sarvasattvahitAya cha |
triguNAyAguNAyaiva brahmaviShNusvarUpiNe ||
kartre hartre sureshAya sarvagAya namonamaH || 52||
ityevaM saMstavaM kR^itvA devadevaM vichintayet |
hR^itpadme vimale rudra sha~NkhachakragadAdharam || 53||
sUryakoTipratIkAshaM sarvAvayavasundaram |
hayagrIvaM mahesheshaM paramAtmAnamavyayam || 54||
iti te kathitA pUjA hayagrIvasya sha~Nkara |
yaH paThetparayA bhaktyA sa gachChetparamaM padam || 55||

iti shrIgAruDe mahApurANe pUrvakhaNDe prathamAMshAkhye AchArakANDe
hayagrIvapUjAvidhirnAma chatustriMsho.adhyAyaH ||
##
Garudapurana, karmakANDAkhyaH pUrvakhaNDaH 1, adhyAya 34
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}