% Text title            : hayagrIvapanjaram 1
% File name             : hayagrIvapanjaram1.itx
% Category              : vishhnu, panjara, vishnu
% Location              : doc\_vishhnu
% Proofread by          : PSA Easwaran psawaswaran
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hayagriva Panjaram 1 ..}##
\itxtitle{.. shrIhayagrIvapa~njaram 1 ..}##\endtitles ##
(shrIhayagrIva mUlamaMtrastutiH)
asya kalpaM pravakShyAmi hayagrIvasya pa~njaram |
yasya vij~nAnamAtreNa vANI ga~Ngeva niHsaret || 1||
shuddhasphaTikasa~NkAshaM tuShArAchalasannibham |
shvetaparvatasa~NkAshachandramaNDalamadhyagam || 2||
chaturbhujamudArA~NgaM puNDarIkAyatekShaNam |
sha~NkhachakradharaM devaM kirITamakuTojjvalam || 3||
kaustubhodbhAsitoraskaM vanamAlAvirAjitam |
pItAmbaradharaM devaM shrIvatsA~NkitavakShasam || 4||
mukhyahastadvayenaiva j~nAnamudrAkShapustakam |
dhArayantaM hayagrIvaM dhyAyediShTArthasiddhaye || 5||
(namastubhyaM jagannAtha! lakShmIkAnta! parAtpara!|
namovAchaM purashchakre vidyArAjAya viShNave||)
o~NkArAdgItharUpAya R^igyajussAmamUrtaye |
namo.astu devadevAya vA~nChitArthapradAyine || 6||
aj~nAnatimiraM Chindhi j~nAnaM chAshu prayachCha me |
dehi me devadevesha hayashIrSha namo.astu te || 7||
bhUtapretapishAchAdIn Chindhi deva janArdana |
jvarAdInnikhilAn rogAn nAshayA.a.ashu ramApate || 8||
dAridryaM sakalaM Chindhi kuru saubhAgyabhAjanam |
shatrUnnAshaya me deva hayashIrSha namo.astu te || 9||
medhAM praj~nAM balaM vidyAM sampadaM putrapautrakam |
dehi me devadevesha hayashIrSha namo.astu te || 10||
kArkoTakamukhAnsarpAn viShAdInvilayaM naya |
amR^itaM kuru me deva hayashIrSha namo.astute || 11||
strIvashyaM janavashyaM cha rAjavashyaM parAtparam |
kuru devA~NganAvR^indasevyamAnapadAmbuja || 12
haMsAyaparameshAyachandramaNDalavAsine |
namo hayottamA~NgAya vA~nChitArthapradAyine || 13||
R^igyajussAmarUpAya R^itAya mahate namaH |
R^ikSheshabindumadhyastharAjIvAsanabhAjine || 14||
vedavedAntavedyAya vedAharaNakarmaNe |
sattvAsattvamahAmohabhedine brahmaNe namaH || 15||
praj~nAnadAyine nityaM bhajatAM bhAvitAtmanAm |
praNavodgIthavapuShe praNatiM pratipAdaye || 16||
mandArakundasphaTikamahanIyoruvarchase |
manIShApradadevAya mahAshvashirase namaH || 17||
itidvAdashamantreNa namaskuryAjjanArdanam |
prAtaHprasannavadanaM pUrvAchAryAbhivanditam || 18||
(prAchI sandhyA kAchidantarnishAyAH
praj~nAdR^iShTe ra~njanashrIrapUrvA |
vaktrI vedAnbhAtu me vAjivaktrA
vAgIshAkhyA vAsudevasya mUrtiH ||
nirmalaj~nAnasandohaM dhvAntadhvaMsanakarmaTham |
namAmi turagagrIvaM hariM sArasvatapradam ||)

iti haygrIvapa~njaram 1 sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}