% Text title : hayagrIvapanjaram 2 % File name : hayagrIvapanjaram2.itx % Category : vishhnu, panjara, vishnu % Location : doc\_vishhnu % Proofread by : PSA Easwaran psawaswaran % Description/comments : Edited by S. V. Radhakrishna Shastriji, Naradapurana. % Acknowledge-Permission: Mahaperiaval Trust % Latest update : February 2, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Hayagriva Panjaram 2 ..}## \itxtitle{.. shrIhayagrIvapa~njaram 2 ..}##\endtitles ## dugdhAbdhInduharAdrikundavapuShaM raktAmbujAkShaM hariM rAkApUrNashashA~NkabimbavilasachChubhrAbjapIThasthitam | heShAvedaghanadhvanaddhvaniravaM bAlArkaraktAmbaraM mudrApustakasha~NkhachakravilasadbAhuM bhaje.ashvAnanam || 1|| praNamya shirasA devaM nArAyaNamasheShagam | ramAvakShojakastUrIpa~NkamudritavakShasam || 2|| sarvashAstrArthatattvaj~naH pArAsharyastapodhanaH | hitAya sarvajagatAM nAradaM munimabravIt || 3|| nAdavidyAvisheShaj~naM karpUradhavalAkR^itim | mahatInAdasantuShTamAnasaM mahitaM param || 4|| hiraNyagarbhasambhUtaM hiraNyAkShArisevinam | puNyarAshiM purANaj~naM pAvanIkR^itadiktaTam || 5|| vyAsa uvAcha\- devarShe nArada shrIman sAkShAdbrahmA~Ngasambhava | bhavAnasheShavij~nAnapAragastapasAM nidhiH || 6|| vedAntapAragassarvashAsrArthapratibhojjvalaH | parabrahmaNi niShNAtassachchidAnandavigrahaH || 7|| jagaddhitAya janitassAkShAdiva chaturmukhaH | hanyante bhavatA daityAH daityAribhujavikramaiH || 8|| lokAnugrahakartA tvaM trailokyaM tadvadAnagha | manuShyA R^iShayo devAH tvayyeva parisattama || 9|| kartA tvaM lokakAryANAM paratra pariniShThitaH | pR^ichChAmi tvAmasheShaj~na nidAnaM sarvasampadAm || 10|| sarvasaMsAranirmuktaM ApadghnaM shAntamAnasam | yatsarvalokahitakR^it yatprashaMsanti yoginaH || 11|| yatashcharAcharaM vishvaM dhR^itaM yena mahAmune | spR^ihayantyunnataprAptiM yasminbrahmAdidevatAH || 12|| nirmANAvanasaMhArA yato vishvasya sattama | yasya prabhAvAdbrahmAdyAH labhante vA~nChitaM phalam || 13|| dAridryanAsho jAyeta yasminshrutipathaM gate | vivakShitArthanirvAho muravAnnissarate cha gIH || 14|| nR^ipANAM rAjyahInAnAM yena rAjyaM bhaviShyati | aputraH putravAn yena vandhyA putravatI bhavet || 15|| shatrUNAmachirAnnAsho j~nAnaM j~nAnepsunAmapi | chaturvargaphalaM yasya japAdbhavati suvrata || 16|| bhUtapretapishAchAdyAH yakSharAkShasapannagAH | jvarAdivAtarogAshcha yasya smaraNamAtrataH || 17|| muchyante.arivalashArdUla yadvAkhilajagaddhitam | tadetaditi nishchitya brUhi me sakalaM guro || 18|| ityuktastena muninA vyAsenAmitatejasA | baddhA~njalipuTo bhUtvA sAdaraM vaiNiko muniH || 19|| namaskR^itya jaganmUlaM lakShmIkAntaM parAtparam | namovAkyaiH purashchakre mantreNAnena viShNave || 20 o~NkArodgItharUpAya R^igyajussAmamUrtaye | namo hayottamA~NgAya vA~nChitArthaM prayachCha me || 21|| aj~nAnatimiraM Chindhi j~nAnamAshu prayachCha me | dehi me sampadaM deva hayashIrSha namo.astu te || 22|| bhUtapretapishAchAdIn Chindhi deva janArdana | jvarAdInsakalAn rogAn nAshayAshu ramApate || 23|| dAridryaM sakalaM Chindhi kuru saubhAgyabhAjanam | shatrUnnAshaya devesha hayashIrSha namo.astu te || 24|| medhAM vidyAM balaM praj~nAM sampadaM putrapautrakAn | dehi me sakalaM deva hayashIrSha namo.astu te || 25|| karkoTakamukhAn sarpAn saviShAnvilayaM naya | amR^itaM kuru mAM deva hayashIrSha namo.astu te || 26|| strIvashyaM janavashyaM cha rAjavashyaM parAtparam | kuru devA~NganAvR^indasevyamAnapadAmbuja || 27|| haMsAya parameshAya chandramaNDalavAsine | namo hayottamA~NgAya vA~nChitArthaM prayachCha me || 28|| R^iyajussAmarUpAya R^itAya mahase namaH | R^ikShesha bimbamadhyastharAjIvAsanabhAjine || 29|| vedavedAntavedyAya vedAharaNakarmaNe | vAdAhava mahAbAho bhraMshine brahmaNe namaH || 30|| praj~nApradAyine nityaM bhajatAM bhAvitAtmanAm | praNavodgIthavapuShe praNatiM pratipAdaye || 31|| mandArakundasphaTikamahanIyoruvakShase | manIShApradadevAya mahAshvashirase namaH || 32|| iti dvAdashamantreNa namaskR^itya janArdanam | prAha prasannavadanaH pArAsharyamaninditam || 33|| nArada uvAcha | sAdhu sAdhu tvayA pR^iShTaH mune satyavatIsuta | kR^itsnAdhvarAtsamuddhatya vilokya nikhilAgamAn || 34|| saMshodhya sarvashAstrANi samAlokyetihAsakAn | purANamantrashAstrANi mathitvA darshanAnyapi || 35|| sarvatassAramuddhR^itya tava vakShye yathArthataH | avadhAne manaH kR^itvA shR^iNu satyavatIsuta || 36|| asheShalokahitakR^idaj~nAnatimirApaham | aNimAdiguNopetaM hayagrIvasya pa~njaram || 37|| archyaM brahmAdibhirdevairanantAdvaitakAraNam | upAsyamAnaM satataM umAjAnimukhaissuraiH || 38|| brahmahatyAdipApaghnamapUrvaphaladAyakam | sArasvatAdisaMsR^iShTakAraNaM kavitAvaham || 39|| sa~NgItavidyAnilayaM shrutidaM putradAyakam | kimuchyate mahAbhAga prabhAvastasya shAshvataH || 40|| yasya prabhAvAdbrahmApi brahmatvamagamatpurA | shambhushshambhutvamApannaH shakrashshakratvamAgataH || 41|| japtvA yakSheshatAM prAptaH kuberaH pa~njarottamam | japtvA bR^ihaspatissamyagdhayagrIvasya pa~njaram || 42|| hayagrIvaprasAdena vAchaspatyamavAptavAn | prAchIdikpAlatAM yAtaH shrutvedaM pa~njaraM purA || 43|| asmAdanye.a pi dikpAlA tattatsthAnaM gatA dhruvam | labdhvopadeshaM girirATį³sainApatyaM gato guhaH || 44|| sarvakShatravadhaM chakre rAmashchAsya japAnmune | rAjA babhUva sarveShAM shashA~Nko.asya prabhAvataH || 45|| sUryastejasvitAM prApto labdhvedaM brahmaNo.antikAt | shukrasya kavitAsiddhiM prAyachChachchandrasheravaraH || 46|| prahlAdo.asya japAdeva tIrtvA bAdhAmahAmbudhim | bhaktyA paramayA yuktaH kaivalyaM paramaM yayau || 47|| dharmarAja iti khyAtiM yamo.api gatavAn dhruvam | rAmo dadAti sarvebhyo japAtsakalasampadaH || 48|| etatpa~njaramAhAtmyaM anubhUyorvashI chiram | khyAtiM jagAma vedeShu budhaputraH purUravAH || 49|| labdhvedaM pa~njaraprAptiM muktiM sammAnato japAt | dharmArthakAmamokShANAmidameva parAyaNam || 50|| purA sarvAsu vidyAsu naShTAsu pralaye mune | nArAyaNo jagatkartA ramAshritabhujAntaraH || 51|| niHsvAdhyAyavaShaTkAraM svadhAsvAhAvivarjitam | vilokya bhuvanaM kR^itsnaM kimiti vyAkulo.abhavat || 52|| anvIkShya vedashAstrANi nApashyatkimapi prabhuH | hayagrIvatanuM prApya sachchitsukhamayIM tataH || 53|| niShkala~NkashashichChAyAM nirnidrakamalekShaNAm | nityAmachintyavibhavAM nIrAjitapadAM suraiH || 54|| chandramapaDalamadhyasthapuNDarIkaniSheduShIm | sha~NkhachakrAkShavalayapustakojjvalabAhukAm || 55|| pUrayitrIM jagatkR^itsnaM prabhayA dehajAtayA | R^iShibhiH prAktanairdhyeyAM j~nAnavij~nAnapUritAm || 56|| manovAgviShayAtItAmAgamAntanivAsinIm | shokAttIrtvA guNonmuktAmavasthAtrayavarjitAm || 57|| samyagvIrAsanAsInassAkShAchchinmAtravigrahaH | adhyAsItpa~njaraM svIyaM vedasAramachintayan || 58|| aShTavAramidaM brahmannaShTAviMshatisa~NkhyayA | Avartayan dadarshAgre praNavaM pa~njarodbhavam || 59|| gAyatrI praNavAjjaj~ne tatassA~NgAdayo mukhAH | smR^itayashcha purANAni setihAsAni sattama || 60|| tasmAdasheShavidyAnAM nidAnamidamiShyate | upAdishadgirIshAya hayagrIvasya pa~njaram || 61|| asmAdavAptavAnetadbrahmA lokapitAmahaH | brahmA munInAM sarveShAM guhyaM chopAdishatsvayam || 62|| ahamindrAdidevAnAM tattatsthAnaprasiddhaye | upadeshaM tavApyadya dAsyAmi niyatavrata || 63|| tvayA sarveShu lokeShu khyAtimetadgamiShyati | shaThAyAgurubhaktAya chalAyAnAtmavedine || 64|| kR^itaghnAyAbhishaptAya kulaghnAyAkR^itAtmane katha~nchidapi no dadyAddhayagrIvasya pa~njaram || 65|| asya smaraNamAtreNa sarvaM siddhyati bhUtale | shrIvAkkAmI visheSheNa dhArayetpa~njarottamam || 66|| ekaikamantraM pratyekaM paThyaM mantro.api iShyate | tasmAtsarvaprayatnena dhAryametachChubhepsubhiH || 67|| R^iShirasya hayagrIvo devatA tu sa eva hi | proktamAnuShTubhaM ChandaM sarvadevairniyujyate || 68|| kShIrAmbhonidhisa~NkAshaM kamalAyatalochanam | kalAnidhikR^itAvAsaM karNikApIThavAsinam || 69|| j~nAnamudrAkShavalayasha~Nkhachakralasatkaram | bhUShAkiraNasadohanIrAjitadigantaram || 70|| vaktrAbjanirgatoddAmavANIsantAnashobhitam | devatAsArvabhaumaM taM dhyAyediShTArthasiddhaye || 71|| hayagrIvaH shiraH pAtu lalATaM chandramadhyagaH | shAstradR^iShTirdR^ishau pAtu mukhaM brahmAtmakaH shrutIH || 72|| ghrANaM gandhAtmakaH pAtu vadanaM yaj~nasambhavaH | jihvAM vAgIshvaraH pAtu mukundo dantasaMhatim || 73|| oShThaM brahmAtmakaH pAtu pAtu nArAyaNo.adharam | shivAtmA chibukaM pAtu kapolau kamalAprabhuH || 74|| bimbAtmA piTharaM pAtu karNau nAdAtmako mama | bhujau chaturbhujaH pAtu karau daityendramardanaH || 75|| j~nAnAtmA hR^idayaM pAtu vishvAtmA kuchayugmakam | madhyamaM pAtu sarvAtmA pAtu pItAmbaraH kaTim || 76|| kukShiM rakShatu vishvAtmA balibha~Ngo valitrayam | nAbhiM me padmanAbho.avyAdguhyaM guhyArthabodhakaH || 77|| UrU dAmodaraH pAtu jAnunI madhusUdanaH | pAdau trivikramaH pAtu pAtu pAdA~NgulIrhariH || 78|| sarvA~NgaM sarvagaH pAtu pAtu romANi keshavaH | dhAtUnAdihitaH pAtu bhAryAM lakShmIpatirmama || 79|| putrAn vishvakuTumbI me pAtu bandhUn sureshvaraH | vittamindrAtmakaH pAtu vahnyAtmA shatrusaMhateH || 80|| prANAn vAyvAtmakaH pAtu kShetraM vishvambharAtmakaH | varuNAtmA rasAn pAtu vyomAtmA hR^idguhAntaram || 81|| divArAtrau hR^iShIkeshaH pAtu sarvaM jagadguruH | viShame sa~NkaTe chaiva pAtu kShema~Nkaro mama || 82|| sachchidAnandarUpo me j~nAnaM rakShatu sarvadA | prAchyAM rakShatu vishvAtmA AgneyyAM j~nAnadIpakaH || 83|| yAmyAM bodhapradaH pAtu nairR^ityAM chidghanaprabhuH | vidyeshaH pAtu vAruNyAM vAyavyAM chinmayo mama || 84|| kauberyAM vittadaH pAtu pAttvaishAnyAM jagadguruH | UrdhvaM pAtu jagatsvAmI pAtvadhastAt parAtparaH || 85|| rakShAhInaM tu me sthAnaM rakShatvakhilanAyakaH | itIdaM kIrtayedyastu kavachaM devapUjitam || 86|| bhaved.hvAdashamantreNa purashcharyA munIshvara | lakShasa~NkhyA bhavetso.api AdyantaM pa~njaraM nyaset || 87|| kiM vA dvAdashamantreNa sarvasya janayiShyati | UrUdaghnajale sthitvA hayagrIvasya pa~njaram || 88|| japed.hvAdashamantreNa maNDalAntaM dR^iDhavrataH | sahasraM vA tadardhaM vA trishataM vA shataM tathA || 89|| sarvaj~natvaM labhetsadyaH hayagrIva ivAparaH | satyaM satyamahaM vakShye nAsAdhyaM tasya vidyate || 90|| AnandasAndramAkhilAtmakamadvitIyaM vidyAnidhiM vividhashobhanahetubhUm | ArAdhayeddhR^idayapa~NkajamadhyasaMsthaM ashvottamA~NgamakhilairabhivandyamAnam || 91|| heShA yasya trayIghoSho mandurA chandramaNDalam | ghAso mahAsuraprANAH hayarANAmupAsmahe || 92|| (shrInAradapurANe) iti hayagrIvapa~njaraM 2 sampUrNam | ## Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}