% Text title            : Hayashira Upakhyanam
% File name             : hayashiropAkhyAnam.itx
% Category              : vishhnu
% Location              : doc\_vishhnu
% Transliterated by     : Chandrasekhar Karumuri
% Proofread by          : Chandrasekhar Karumuri
% Description/comments  : mahAbhArataM\-shAntiparvaM\-mokShadharmaM\-nArAyaNIyaM 357 adhyAyaM
% Latest update         : September 29, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hayashira Upakhyanam ..}##
\itxtitle{.. hayashiropAkhyAnam ..}##\endtitles ##
(mahAbhArataM\-shAntiparvaM\-mokShadharmaM\-nArAyaNIyaM 357 adhyAyaM)
shAsana uvAcha |
shrutaM bhagavatastasya mAhAtmyaM paramAtmavaH |
janma dharmagR^ihe chaiva naranArAyaNAtmakam || 1||
mahAvarAhasR^iShTA cha piNDotpattissanAtanI |
pravR^ittA cha nivR^ittA cha yo yathA parikalpitaH || 2||
tathA sa na shshruto brahman! vadhyamAnastvayA.anagha |
havyakavyabhujo viShNurudak pUrve mahodadhau || 3||
yachcha tatkathitaM pUrvaM tvayA hayashiro mahat |
tachcha dR^iShTaM bhagavatA brahmaNA parameShThinA || 4||
kiM tadutpAditaM pUrvaM hariNA lokadhAriNA |
rUpaM prabhAvaM mahatAmapUrvaM dhImataM vara || 5||
dR^iShTvA hi vibudhashreShThamapUrvamamitaujasam |
tadashvashirasaM puNyaM brahma kimakaronmune! || 6||
etannaH saMshayaM brahman! purANaM brahmasambhavam |
kathayasvottamamate! mahApuruShasaMshritam || 7||
pAvitAH sma tvayA brahman! puNyAH kathayataH kathAH |
sautiruvAcha |
kathayiShyAmi te sarvaM purANaM vedasammitam || 8||
utpannasaMshayo rAjA evametadachodayat |
janamejaya uvAcha |
yattaddarshitavAn brahmA devaM hayashirodharam || 9||
##(here 10 ShlokaH is not available. may be not there)##
kimarthaM tatsamabhavadvapurdevopakalpitam |
vaishampAyana uvAcha |
yatki~nchidiha loke vai dehabaddhaM vishampate! || 11||
sarvaM pa~nchabhirAviShTaM bhUtairIshvarabuddhijaiH |
Ishvaro hi jagatsraShTA prabhurnArAyaNo virAT || 12||
bhUtAntarAtmA varadaH suguNo nirguNo.api cha |
bhUtapralayamatyantaM (vyaktaM) shruNuShva nR^ipasattama || 13||
dharaNyA matha lInAyAmapsu chaikArNave dharA |
jyotirbhUte jale chApi lIne jyotiShi chAnile || 14||
vAyau chAkAshasaMlIne AkAshe cha mano.anuge |
vyakte manasi saMlIne vyakte chAvyaktatAM gate || 15||
avyakte puruShe yAte puMsi sarvagate.api cha |
tama evAbhavatsarvaM na prAj~nAyata ki~nchana || 16||
tamaso brahmasambhUtaM tamomUlAmR^itAtmakam |
tadvishvabhAvasa~njAtaM paurIShaM tanumAshritam || 17||
so.aniruddha iti proktaH tatpradhAnaM prachakShate |
tadavyaktamiti j~neyaM triguNaM nR^ipasattama! || 18||
vidyAsahAyavAn devaH viShvakseno hariH prabhuH |
AdikartA sa devAnAmaprameyo janArdanaH || 19||
apsveva shayanaM chakre nidrAyogamupAgataH |
jagatashchintayan sR^iShTiM chitrAM bahuguNodbhavAm || 20||
tasya chintayataH sR^iShTiM mahAnAtmaguNaM smR^itaH |
aha~NkArastato jAto brahmA shubhachaturmukhaH || 21||
hiraNyagarbho bhagavAn sarvalokapitAmahaH |
padme.aniruddhAtsambhUtaH tadA padmanibhekShaNaH || 22||
sahasrapatre dyutimAnupaniShTassanAtanaH |
dadR^ishe.adbhutasa~NkAsho lokAnApomayAn prabhuH || 23||
sattvasthaM parameShThI sa tato bhUtagaNAn sR^ijan |
pUrvameva cha padmasya padme sUryAMshu(gni) saprabhe || 24||
nArAyaNa(NA) kR^itau bindU apAmAsAM guNottarau |
tAvapashyatsa bhagavAnanAdinidhano.achyutaH || 25||
ekastatrA bhavadbindurmadhvAbho ruchi(dhi)raprabhaH |
sa tAmaso (mAmato) madhurjAtastadA nArAyaNAj~nayA || 26||
kaThinastvaparo binduH kaiTabho rAjasastu saH |
tAvabhyadhAvatAM sheShThau tamorajaguNAnvitau || 27||
balavantau gadAhastau padmanAlAnusAriNau |
dadR^ishAte.aravindasthaM brahmaNamamitaprabhavam || 28||
sR^ijantaM prathamaM vedAMshchaturashchAruvigrahAn |
tato vigrahavantastAn vedAn dR^iShTvA.asurottamau || 29||
sahasA jagR^ihaturvedAn brahmaNaH pashyatta stadA |
athAtau dAnavashreShThau vedAn gR^ihya sanAtanAn || 30||
rasAM vivishatu stUrNamudak pUrve mahAdadhau |
tato hR^iteShu vedeShu brahmA kashmalamAvishat || 31||
tato vachanamIshAnaM prAha vedairvinAkR^itaH |
vedA me paramaM chakShuH vedA me paramaM dhanam || 32||
vedA me paramaM dhAma vedA me brahmachottara(ma)m |
mama vedA hR^itAssarve dAnavAbhyAM balAditaH || 33||
andhakArA hi me lokA jAtA vedairvinAkR^itaH |
vedAnR^ite kiM kuryAM lokAnAM(vai) sR^iShTi(suShThu) muttamAm(mudyataH)|| 34||
aho! bata! mahadduHkhaM vedanAshanajaM mama |
prAptaM dunoti hR^idayaM tIvrashokaparAyaNam || 35||
ko hi shokArNavemagnaM mAmito.adya samuddharet |
vedAM stAMshchAnayennaShTAn kasya chAhaM priyo bhave || 36||
ityevaM bhAShamANasya brahmaNo nR^ipasattama |
hareH stotrArthamudbhUtA buddhirbhuddhimatAM vara || 37||
tato jagau paraM japyaM sA~njalipragrahaH prabhuH |
brahmovAcha |
namaste brahmahR^idaya! namaste mama pUrvaja! || 38||
lokAdya bhuvanashreShTha! sA~Nkhyayoganidhe! prabho! |
vyaktAvyaktakarAchintya kShemaM panthAnamAsthita! ||
vishvabhuk sarvabhUtAnAmantarAtmannayonija || 39||
ahaM prasAdajastubhyaM lokadhAma svayambhuvaH |
tvatto me mAnasaM janma prathamaM dvijapUjitam || 40||
chAkShuShaM vai dvitIyaM me janma chAsIt purAtanam |
tvatprasAdAttu me janma tR^itIyaM vAchikaM mahat || 41||
tvattaH shravaNaM chApi chaturthaM janma me vibho |
nAsikyaM chApi me janma tvattaH pa~nchamamuchyate || 42||
tvattaH shravaNajaM chApi chaturthaM janma me vibho |
nAsikyaM chApi me janma tvattaH pa~nchamamuchyate || 42||
aNDajaM chApi me janma tvattaH ShaShThaM vinirmitam |
idaM cha saptamaM janma padmajanmeti vai prabho || 43||
sarge sarge.apyahaM putrastava triguNavarjita |
prathamaH puNDarIkAkSha! pradhAnaguNakalpitaH || 44||
tvamIshvarasvabhAvashcha bhUtAnAM tvaM prabhAvanA |
tvayA vinirmito.ahaM vai vedachakShurvayo.atiga || 45||
te me vedA hR^itAshchakShurandho jAto.asmi jAgR^ihi |
dadasva chakShUMShi mama priyo.ahaM te priyo.asi me || 46||
evaM stutassa bhagavAn puruShassarvatomukhaH |
jahau nidrAmatha tadA vedakAryArthamudyataH ||
aishvarye(re)Na pra(su)yogena dvitIyaM tanumAsthitaH || 47||
sunAsikena (samAnakena) kAyena bhUtvA chandraprabhastadA |
kR^itvA hayashirashshrubhraM vedAnAmAlayaM prabhuH || 48||
tasya mUrdhA samabhavat dyaussanakShatratArakA |
keshAshchAsyAbhan dIrghAraveraMshu samaprabhAH || 49||
karNA vAkAshapAtale lalATaM bhUtadhAriNau |
ga~NgAsarasvatI puNye bhruvA vAstAM mahAdyutI || 50||
chakShuShI chandrasUryau te(tu) nAsA sandhyA punaH smR^itA |
o~NkArastvatha saMskAro vidyujjihvA cha nirmitA || 51||
dantAshcha pitaro rAjan! somapA iti vishrutAH |
goloko brahmalokashcha oShThA vAstAM mahAtmanaH || 52||
grIvA chAsyA bhavadrAjan kAlarAtrirguNottarA |
etaddhayashiraH kR^itvA nAnAmUrtibhirAvR^itam || 53||
antardhadhau sa vishvesho vivesha cha rasAM prabhuH |
rasAM punaH praviShTashcha yogaM paramamAsthitaH || 54||
shaikShaM(kShyaM) svaraM samAsthAya udgIthaM prAsR^ijat svaram |
sasvarassvAnunAdI cha sarvashaH snigdha eva cha || 55||
babhUvAntarjalagataH sarvabhUtagaNoditaH |
tatastA vasurau kR^itvA vedAn samayabandhanAn || 56||
rasAtale vinikShipya yatashshabdastato drutau |
etasminnantare rAjan! devo hayashirodharaH || 57||
jagrAha vedAnakhilAn rasAtalagatAn hariH |
prAdAchcha brahmaNo bhUyaH tataH svA prakR^itiM gataH || 58||
sthApayitvA hayashira(rA) udak pUrve mahodadhau |
vedAnA mAlayashchApi babhUvAshvashirAstataH || 59||
atha ki~nchidapashyantA dAnavau madhukaiTabhau |
punarAjagmatustatra vegitau pashyatAM tu tau || 60||
yatra vedA vinikShiptAstat sthAnaM shUnyameva cha |
tatra uttamamAsthAya vegaM balavatAM varau || 61||
punaruttasthatushshIghraM rasAnA mAlayAttadA ||
dadR^ishAte cha puruShaM tamevAdikaraM prabhum || 62||
shvetaM chandraviddhAbhamaniruddhatanau sthitam |
bhUyo.apyamitavikrAntaM nidrayogamupAgatam || 63||
##(64 Shloka not there in the list may be typographical error)##
AtmapramANarachite apAmupari kalpite |
shayane nAgabhogADhye jvAlAmAlAsamAvR^ite || 65||
niShkalmaSheNa sattvena sampannaM ruchiraprabham |
taM dR^iShTvA dAnavendrau tau mahAhAsamamu~nchatAm || 66||
Uchatushcha samAviShTau rajasA tamasA cha tau |
ayaM sa puruShaH shvetaH shete nidrAmupAgataH || 67||
ane na nUnaM vedAnAM kR^itamAharaNaM rasAt |
kasyaiSha! ko nu khalveSha! ki~nchasvapiti bhogavAn || 68||
ityuchchAritavAkyau tu bodhayAmAsaturharim |
yuddhArthinau tu vij~nAya vibuddhaH puruShottamaH || 69||
nirIkShya chAsurendrau tau tato yuddhe mano dadhe |
atha yuddhaM samabhavattayornArAyaNasya vai || 70||
rajastamoviShTatanU tAvubhau madhukaiTabhau |
brahmaNo.apachitiM kurvan jaghAna madhusUdanaH || 71||
tatastayorvadhenAshu vedApaharaNena cha |
shokApanayanaM chakre brahmaNaH puruShottamaH || 72||
tataH parivR^ito brahmA hariNA vedasatkR^itaH |
nirmame sa tadA lokAn kR^itsnAn sthAvaraja~NgamAn || 73||
dattvA pitAmahAyAgryAM matiM lokavisargikIm |
tatraivAntardadhe devo yata evAgato hariH || 74||
tau dAnavau harirhatvA kR^itvA hayashirastanum |
punaH pravR^ittidharmArthaM tAmeva vidadhe tanum || 75||
eva meSha mahAbhAgo babhUvAshvashirA hariH |
paurANametat prakhyAtaM rUpaM varadamaishvaram || 76||
yo hyetadbra(dbrA)hmaNo nityaM shruNuyAddhArayIta vA |
na tasyAdhyayanaM nAshamapagachChet kadAchana || 77||
ArAdhya tapasogreNa devaM hayashirodharam |
pA~nchAlena kramaH prApto rAmeNa pathi deshite || 78||
etaddhayashiro rAjan! AkhyAnaM tava kIrtitam |
purANaM vedasahitaM yanmAtvaM paripR^ichChasi || 79||
yAyAmichChettanuM devaH kartuM kAryavidhau kvachit |
tAM tAM kuryAdvikurvANaH svayamAtmAnamAtmanA || 80||
eSha vedanidhiH shrImAn eSha vaita pasAnnidhiH |
eSha yogashcha sA~NkhyaM cha brahma chAgyraM hari (havi) rvibhuH || 81||
nArAyaNaparA vedA yaj~nA nArAyaNAtmakAH |
tapo nArAyaNaparaM nArAyaNaparA gatiH || 82||
nArAyaNaparo dharmaH punarAvR^itti durlabhaH |
pravR^itti lakShaNashchaiva dharmo nArAyaNAtmakaH || 83||
narAyaNAtmako gandhaH bhUmeshcheShTakamaH smR^itaH |
apAM chApi guNA rAjan! rasA nArAyaNAtmakAH || 84||
jyotiShAM cha paraM rUpaM smR^itaM nArAyaNAtmakam |
nArAyaNAtmakashchApi sparsho vAyuguNaH smR^itaH || 85||
nArAyaNAtmakashchaiva shabda AkAsha sambhavaH |
manashchApi tato bhUtamavyakta guNalakShaNam || 86||
nArAyaNaparaH kAlo jyotiShAmayanaM cha yat |
nArAyaNaparA kIrtiH shrIshcha lakShmIshcha devatAH || 87||
nArAyaNaparaM sA~NkhyaM yogo nArAyaNAtmakaH |
kAraNaM puruSho hyeShAM pradhAnaM chApi kAraNam || 88||
svabhAvashchaiva karmANi daivaM yeShAM cha kAraNam |
adhiShThAnaM tathA kartA karaNaM cha pR^ithagvidham || 89||
vividhA cha tathA cheShTA daivaM chaivAtra pa~nchamam |
pa~nchakAraNasa~NkhyAto (tA) niShThA sarvatra vai hariH(re)|| 90||
tattvaM jij~nAsamAnAnAM hetubhissarvatomukhaiH |
tattvameko mahAyogI hariH nArAyaNaH prabhuH || 91||
brahmAdInAM salokAnAM R^iShINAM cha mahAtmanAm |
sA~NkhyAnAM yoginAM chApi yatInAM chAtmavedinAm || 92||
manIShitaM vi(tAni) jAnAti keshavo na tu tasya vai |
ye kechit sarvalokeShu daivaM pityraM cha kurvate || 93||
dAnAni cha prayachChanti tapyante cha tapo mahat |
sarveShAmAshrayo viShNuraishvaraM vidhi(sarga) mAsthitaH ||
sarvabhUtakR^itAvAso vAsudeveti chochyate || 94||
ayaM hi (eSho hi) nityaH paramo maharShiH mahAvibhUtirguNavAn guNAkhyaH (nirguNAkhyaH)|
guNaishcha saMyogamupaiti shIghraM kAlo yathArtAvR^itusamprayuktaH || 95|| (yathArthaM vratasamprayukte)

naivAsya vindanti(bud.hdhyanti) gataM mahAtmano na chA (naivA) gataM kashchidihAnupashyati
j~nAnAtmikAssaMyamino maharShayaH pashyanti nityaM puruShaM guNAdhikam || 96||

iti hayashiropAkhyAnaM sampUrNam |
##
Proofread by Chandrasekhar Karumuri

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}