% Text title            : Shri Hayavadana Stotram 
% File name             : hayavadanastotram.itx
% Category              : vishhnu, stotra
% Location              : doc\_vishhnu
% Author                : jaggu vakuLabhUShaNakavi
% Transliterated by     : Chandrasekhar Karumuri
% Proofread by          : Chandrasekhar Karumuri
% Latest update         : September 19, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hayavadana Stotram  ..}##
\itxtitle{.. shrIhayavadanastotram ..}##\endtitles ##
j~nAnAnandamayaM devaM nirmalasphaTikAkR^itim |
AdhAraM sarvavidyAnAM hayagrIvamupAsmahe || 1||
hayAnanamupAsmahe sphaTikanirmalA~NgaM sphuTe
sitAmburuhaviShTare samupaviShTamabjAlayam |
prasannakamalAlayAkalitama~njulA~NkaM trayI\-
shirashchikurabhUShaNaM kR^itanatAghasaMshoShaNam || 2||
tavAkShiyugaLaM sphuratpR^ithulatArakaM sAdaraM
nipAtaya kR^ipAmbudhe! mayi cha pApakUpasthite |
yaduddharati bAlishaM navamivAcharan mAnavaM
bR^ihaspatisamaM jagat prathitakIrtimIDyaM prabho!|| 3||
hayAsya! tava chandrikAdhavaLakAyakAntichChaTA
madIyahR^idayAvR^itaprasR^itatAmasaM sAmpratam |
sudUramupasArya tadvimalabodhapIyUShato
nivArayatu me chirAdupanatAM bhavAbdhiphlutim || 4||
kadApi hayakandhara! tvadamalA~Nghripa~Nkeruha\-
dvayasmaraNamapyaho! na kR^itavAn vimUDhAtmakaH |
tvada~NkatalasaMsthitAM kuvalanIlalolekShaNAM
vilokya kamalAM tathA.apyahamihAsmi nissAdhvasaH || 5||
vidhUsrashuchikesara prakaTaphAlapuNDraM karaiH
chaturbhirapi pustakaM dhavaLasha~Nkhachakre tathA |
dadhAnamupadeshadaprayatamudrikAM vAkpatiM
smarAmi hayakandharaM kamalayAsamaM bhAsuram || 6||
kirITamaNimAlikAruchiratR^ikeyUraka\-
kvaNat kanakaka~NkaNa pramukhabhUShaNAla~NkR^itaH |
sudhAMshuruchirAmbaraH shritajanArtihartA prabhuH
mamApi duridaM drutaM haratu vAjiramyAsanaH || 7||
hayAnana! bhavatpadadvayapayojapIyUShajaM
samuddhara vidhAya mAM yadiha te shubhaMyUn guNAn |
chaturmukhashatakratu pramukhadevabR^indastutAn
bhaveyamahamAdarA dviditumeSha shaktaH prabho!|| 8||
kaTAkShalavapAtratAM tava gatAshcha ye chetanAH
chaturmukhasatIbR^ihaspatigaNAdhipAste.abhavan |
samastajanatAkShitau sakalabhavyavidyAptaye
samarchati kR^itA~njaliH nutishatena tAn vAkphate!|| 9||
payonidhisutAsmaranmukhanishApateH kaumudI
vivardhitavaLakShatAruchiradivyadeho hare!|
madIyamapi mAnasaM duritatAmasaiH vyApR^itaM
hayAnana! dayAmbudhe! dhavaLayAshu kAruNyataH || 10||
tatastava padAmbujadvayamapi pramodAt sthiraM
nidhAtumapi me kShamaM hR^idayapuNDarIkaM bhavet |
ahaM cha hayakandhara! tvadatimArdavA~NghridvayaM
nitAntadR^iDhamAnasaH pramudito bhaveyaM smaran || 11||
shrutirhi tava sadguNAn gaditumutsukA sAdaraM
syavartata guNodadhe ranavasAdya pAraM chirAt |
yathochitamatirbata ! prathitavaibhavaM nirbhayo
bhavantamiha nistrapaH kramadhutaH stuvan saMshraye || 12||
ahaM tvamamatAmatiH chiratarAnuvR^ittA mama
shrutismR^itipurANavAchChravaNato.api no nissaret |
atashcha bhavasAgare patitavAnahaM duHkhitaH
vinAshaya hayAnana! pratibhaTAM tu tAM vIkShaNAt || 13||
shrutIritapathe katha~nchidapi gachChato me bhavet
pramAdavashataH kvachit skhalinamAtmapAtapradam |
kathaM duritAkaraH prakR^itipAshabaddhAtmakaH
satAM gatimavApnuyAM bhavadanugrahaM taM vinA || 14||
hayAnana! tavAnaghA shrutimayI tu heShAjuShA
masheShamaghasa~NghamapyapanudatyanarghA kalAH |
uda~nchayati kIrtimapyakhilalokamAnyatvama\-
pyataH shrutipathemamApyaTatu sA pramodAvahA || 15||
karadvayasamuddhR^ita prathitasha~Nkhachakro bhavAn
vishAlavishadasphuTasphaTikakAntirhare!|
vibhAti sharadambudo dalitatUla shubhradyutiH
nijA~nchalasamudgatadyutimadindubhAsvAniva || 16||
mama hR^idi satataM hayAnana! tvaM nivasa yathA hR^idayaM shuchitvamIyAt |
akaluShamatidAyinaM bhavantaM hR^idi kalayeyamahaM yathA cha bhaktyA || 17||
dehi me nAtha vAkChuddhiM rasavadvAgvijR^imbhaNam |
AyurArogyamaishvaryaM namaste hayakandhara!|| 18||
j~nAnAbhivR^iddhisamprAptyai hayAnananutisrajam |
vyadhAttasya padadvandve jaggU vakuLabhUShaNaH || 19||

iti shrI jaggu vakuLabhUShaNakavikR^itaM shrIhayavadanastotrM sampUrNam |
##
Proofread by Chandrasekhar Kurumuri

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}