% Text title            : Indaradyumnena Kritam Jagannatha Stotram
% File name             : indaradyumnenakRRitaMjagannAthastotram.itx
% Category              : vishhnu, vishnu, skandapurANa, stotra
% Location              : doc\_vishhnu
% Proofread by          : PSA Easwaran
% Description/comments  : skandapurANa | vaiShNavakhaNDa | puruShottamakhaNDa | adhyAya 24/2-26||
% Latest update         : May 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Indaradyumnena Kritam Jagannatha Stotram ..}##
\itxtitle{.. indaradyumnena kR^itaM jagannAthastotram ..}##\endtitles ##
indradyumna uvAcha |
namo brahmaNyadevAya gobrAhmaNahitAya cha |
praNatArtivinAshAya chaturvargaikahetave || 2||
hiraNyagarbhapuruShapradhAnavyaktarUpiNe |
OM namo vAsudevAya shuddhaj~nAnasvarUpiNe || 3||
ityuchcharanstutiM bhUpaH sAnandAshruvilochanaH |
pradakShiNaM punaH kurvannanAma cha punaH punaH || 4||
tato.anyA devatA yA vai tatrAgachChanmudAnvitAH |
tuShTuvuH praNatA devaM kR^itA~njalipuTA mudA || 5||
devA UchuH |
sahasrashIrShA puruShaH sahasrAkShaH sahasrapAt |
sa bhUmiM sarvato vyApya atyatiShThaddashA~Ngulam || 6||
yaH pumAnparamaM brahma paramAtmeti gIyate |
bhUtaM bhavyaM bhaviShyaM cha sarvaM puruSha eva tat || 7||
etAvAnasya mahimA jyAyAneSha pumAnprabhuH |
pAdo.asya vishvA bhUtAni tripAdasyAmR^itaM divi || 8||
ChandAMsi jaj~nire tvattastvatto yaj~napumAnapi |
tvatto.ashvAshcha vyajAyanta gAvo meShAdayastathA || 9||
brAhmaNA mukhato jAtA bAhujAH kShatriyAstava |
vishastavorujA padbhyAM tathA shUdrAH samAgatAH || 2\.24\.10||
manasashchandramA jAtashchakShuShaste divAkaraH |
karNAbhyAM shvasanaH prANairjihvAyA havyavADapi || 11||
nAbhito gaganaM dyaushcha mUrdhnaste samavarttata |
pAdAbhyAM te dharA jAtA dishashchAShTau shrutergatAH || 12||
saptAsanparidhayastvatta ekaviMshatsamichcha vai |
charAcharAH sarvabhAvAstvatta eva hi jaj~nire || 13||
tvameva jagatAM nAthastvameva paripAlakaH |
ugrarUpashcha saMhartA tvameva parameshvara || 14||
tvameva yaj~no yaj~nAMshastvaM yaj~neshaH parAtparaH |
shabdabrahmaparaM tvaM hi shabdabrahmAsi vishvarAT || 15||
svarAT saMrADjagannAtha virADasi jagatpate |
adhashchordhvaM cha tiryaktvaM tvayA vyAptaM jaganmaya || 16||
prApnuvanti paraM sthAnaM tvAM yajantashcha yAj~nikAH |
bhojyaM bhoktA havirhotA havanaM tvaM phalapradaH || 17||
samastakarmabhoktA tvaM sarvakarmAtmakaH prabho |
sarvakarmopakaraNaM sarvakarmaphalapradaH || 18||
karmaprerayitA tvaM hi dharmakAmArthasiddhidaH |
tvAmR^ite muktidaH ko.anyo hR^iShIkesha namo.astu te || 19||
namo.astvanantAya sahasramUrttaye sahasrapAdAkShishirorubAhave |
sahasranAmne puruShAya shAshvate sahasrakoTIyugadhAriNe namaH || 2\.24\.20||
vayaM chyutAdhikArAstvAM prapannAH sharaNaM prabho |
trAhi naH puNDarIkAkSha agatInAM gatirbhava || 21||
saMsArapatitasyaiko jantostvaM sharaNaM prabho |
tvatsR^iShTau tvAdR^isho nAsti yo dInaparipAlakaH || 22||
dInAnAthaikasharaNaM pitA tvaM jagataH prabho |
pAtA poShTA tvamevesha sarvApadvinivArakaH || 23||
trAhi viShNo jagannAtha trAhi naH parameshvara |
tvAmR^ite kamalAkAnta kaH shaktaH parirakShaNe || 24||
antaryAminnamaste.astu sarvatejonidhe namaH || 25||
iti stuvantaste devAH praNipatya punaHpunaH |
indradyumnena sahitA bahirbhUya dvijottamAH || 26||

iti shrIskandapurANe vaiShNavakhaNDe puruShottamajagannAthamAhAtmye
chaturviMshAdhyAyAntargataM indradyumAnAdikR^itaM jagannAthastotraM
samAptam |
(devaiH kR^itaM jagannAthastotram)

skandapurANa | vaiShNavakhaNDa | puruShottamakhaNDa | adhyAya 24/2\-26||
##
skandapurANa . vaiShNavakhaNDa . puruShottamakhaNDa . adhyAya 24/2-26..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}