% Text title : Indradyumnakritam 2 Vishnu Stotram % File name : indradyumnakRRitaM2viShNustotram.itx % Category : vishhnu, vishnu, bRRihannAradIyapurANa, stotra % Location : doc\_vishhnu % Proofread by : PSA Easwaran % Description/comments : bRRihannAradIyapurANa | uttarabhAga | adhyAya 53/10-68|| % Latest update : October 26, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Indradyumnakritam 2 Vishnu Stotram ..}## \itxtitle{.. indradyumnakR^itaM 2 viShNustotram ..}##\endtitles ## indradyumna uvAcha | vAsudeva namaste.astu namaste mokShakAraNa | trAhi mAM sarvalokesha janmasaMsArasAgarAt || 53\-10|| nirmalAMshukasa~NkAsha namaste puruShottama | sa~NkarShaNa namaste.astu trAhi mAM dharaNIdhara || 53\-11|| namaste hemagarbhAya namaste makaradhvaja | ratikAnta namastubhyaM trAhi mAM shambarAntaka || 53\-12|| namaste meghasa~NkAsha namaste bhaktavatsala | aniruddha namaste.astu trAhi mAM varado bhava || 53\-13|| namaste vibudhAvAsa namaste vibudhapriya | nArAyaNa namaste.astu trAhi mAM sharaNAgatam || 53\-14|| namaste balinAM shreShTha namaste lA~NgalAyudha | namaste vibudhashraShTha namaste kamalodbhava || 53\-15|| chaturmukha jagaddhAtastrAhi mAM prapitAmaha | namaste nIlameghAbha namaste tridashArchita || 53\-16|| trAhi viShNo jagannAtha magnaM mAM bhavasAgare | pralayAnalasa~NkAsha namaste ditijAntaka || 53\-17|| narasiMha mahAvIrya trAhi mAM dIptalochana | yathA rasAtalAchchorvI jale magnoddhR^itA purA || 53\-18|| tathA mahAvarAha tvaM trAhi mAM duHkhasAgarAt | tavA~NgamUrtayaH kR^iShNa varadAH saMstutA mayA || 53\-19|| tvaM cheme baladevAdyAH pR^ithagrUpeNa saMsthitAH | a~NgAni tava devesha garuDAdyAstathA prabho || 53\-20|| dikpAlAH sAyudhAshchaiva vAsavAdyAstathAchyuta | ye chAnye tava devesha bhedAH proktA manIShibhiH || 53\-21|| te.api sarve jagannAtha prasannAyatalochana | ye vArchitAH stutAH sarve tathA yUyaM namaskR^itAH || 53\-22|| prayachChata varaM mahyaM dharmakAmArthamokShadam | bhedAste kIrtitA ye tu hare sa~NkarShaNAdayaH || 53\-23|| tava pUjArthasambaddhAstatastvayi samAshritAH | na bhedastava devesha vidyate paramArthataH || 53\-24|| vividhaM tava yadrUpaM yuktaM tadupachArataH | advaitaM tvAM kathaM dvaitaM vaktuM shaknoti mAnavaH || 53\-25|| ekastvaM hi hare vyApI chitsvabhAvo nira~njanaH | paramaM tava yadrUpaM bhAvAbhAvavivarjitam || 53\-26|| nirlepaM nirmalaM sUkShmaM kUTasthamachalaM dhruvam | sarvopAdhivinirmuktaM sattAmAtraM vyavasthitam || 53\-27|| taddevo.api na jAnAti kathaM jAnAmyahaM prabho | aparaM tava yadrUpaM pItavastraM chaturbhujam || 53\-28|| sha~NkhachakragadApANiM mukuTA~NgadadhAriNam | shrIvatsavakShasA yuktaM vanamAlAvibhUShitam || 53\-29|| tadarchayanti vibudhA ye chAnye tvatsamAshrayAH | deva sarvasurashreShTha bhaktAnAmabhayaprada || 53\-30|| trAhi mAM chArupadmAkSha magnaM viShayasAgare | nAnyaM pashyAmi lokesha yasyAhaM sharaNaM vraje || 53\-31|| tvAmR^ite kamalAkAnta prasIda madhusUdana | jarAvyAdhishatairyukto nAnAduHkhairnipIDitaH || 53\-32|| harShashokAnvito mR^iDhaH karmapAshaiH suyantritaH | patito.ahaM mahAraudre ghore saMsArasAgare || 53\-33|| viShayodakaduShpAre rAgadveShasamAkule | indriyAvartagambhIre tR^iShNAshokormisa~Nkule || 53\-34|| nirAshraye nirAlambe niHsAre.atyantacha~nchale | mAyayA mohitastatra bhramAmi suchiraM prabho || 53\-35|| nAnAjAtisahasreShu jAyamAnaH punaH punaH | mayA janmAnyanekAni sahasrANyayutAni cha || 53\-36|| vividhAnyanubhUtAni saMsAre.asmi~njanArdana | vedAH sA~NgA mayAdhItAH shAstrANi vivadhAni cha || 53\-37|| itihAsapurANAni tathA shilpAnyanekashaH | asantoShAshcha santoShAH sa~nchayA bahavo vyayAH || 53\-38|| mayA prAptA jagannAtha kShayavR^id.hdhyudayetarAH | bhAryAmitrasvabandhUnAM viyogAH sa~NgamAstathA || 53\-39|| pitaro vividhA dR^iShTA mAtarashcha tathA mayA | duHkhAni chAnubhUtAni mayA saukhyAnyanekashaH || 53\-40|| prAptAshcha bAndhavA svasR^ibhrAtaro j~nAtayastathA | mayoShitaM tathA strINAM koShThe viNmUtrapichChile || 53\-41|| garbhavAse mahAduHkhamanubhUtaM tathA prabho | duHkhAni yAnyanekAni bAlye yauvanagarvite || 53\-42|| vArddhakye cha hR^iShIkesha tAni prAptAni vai mayA | maraNe yAni duHkhAni guptamArge yamAlaye || 53\-43|| mayA tAnyanubhUtAni narake yAtanAkule | krimikITadrumANAM cha hastyashvamR^igapakShiNAm || 53\-44|| mahiShANAM gavAM chaiva tathAnyeShAM vanaukasAm | dvijAtInAM cha sarveShAM shUdrANAM chaiva yoniShu || 53\-45|| dhaninAM kShatriyANAM cha daridrANAM tapasvinAm | nR^ipANAM nR^ipabhR^ityAnAM tathAnyeShAM cha dehinAm || 53\-46|| gR^ihe teShAM samutpanno deva chAhaM punaH punaH | gato.asmi dAsatAM nAtha bhR^ityAnAM bahusho nR^iNAm || 53\-47|| daridratvaM cheshvaratvaM svAmitvaM cha tathA gataH | hatA mayA hatashchAnyairhataM me ghAtitA mayA || 53\-48|| dattaM me.anyairathAnyebhyo mayA dattamanekashaH | pitR^imAtR^isuhR^idvargakalatrANAM kR^itena cha || 53\-49|| ahaM hR^iShTo.asakR^iddainyaishchAshrudhautAnano gataH | devatirya~NmanuShyeShu chareShu sthAvareShu cha || 53\-50|| na vidyate cha tatsthAnaM yatrAhaM na gataH prabho | kadA me narake vAsaH kadA svarge jagatpate || 53\-51|| kadA manuShyalokeShu kadA tiryaggateShu cha | jalayantre tathA chakre kadA.avaTanibandhane || 53\-52|| pAtito.adhastathorddhvaM cha kadA madhye sthitastvaham | tathA chAhaM surashreShTha karmavallIM samAshritaH || 53\-53|| evaM saMsArachakre.asminbhairave lomaharShaNe | bhramAmi suchiraM kAlaM nAntaM pashyAmi karhichit || 53\-54|| na jAne kiM karomyeSha hare vyAkulitendriyaH | shokatR^iShNAbhibhUtashcha kAndishIko vichetanaH || 53\-55|| idAnIM tvAmahaM deva vikalaH sharaNaM gataH | trAhi mAM duHkhitaM kR^iShNa magnaM saMsArasAgare || 53\-56|| kR^ipAM kuru jagannAtha bhakto.ahaM yadi manyase | tvAmR^ite nAsti me bandhuryo.asau chintAM kariShyati || 53\-57|| deva tvAM nAthamAsAdya na bhayaM me.asti kutrachit | jIvite maraNe chaiva yogakSheme tathA prabho || 53\-58|| ye tu tvAM vidhivaddeva nArchayanti narAdhamAH | sugatistu kathaM teShAM bhavetsaMsArabandhanAt || 53\-59|| kiM teShAM kulashIlena vidyayA jIvitena cha | yeShAM na jAyate bhaktirjagaddhAtari keshave || 53\-60|| prakR^itiM tvAsurIM prApya ye tvAM nindanti mohitAH | patanti narake ghore jAyamAnAH punaHpunaH || 53\-61|| na teShAM niShkR^itistasmAdvidyate narakArNavAt | ye dUShayanti durvR^ittAste deva puruShAdhamAH || 53\-62|| yatra yatra bhavejjanma mama karmanibandhanAt | tatra tatra hare bhaktistvayi stAdakShatA sadA || 53\-63|| ArAdhya tvAM paraM daityA narAshchAnye.api sa~NgatAH | avApuH paramAM siddhiM kastvAM deva na pUjayet || 53\-64|| na shaknuvanti brahmAdyAH stotuM tvAM prakR^iteH param | yathA chAj~nAnabhAvena saMstuto.asi mayA prabho || 53\-65|| tatkShamasvAparAdhAnme yadi te.asti dayA mayi | kR^itAparAdhe.api hare kShamAM kurvanti sAdhavaH || 53\-66|| tasmAtprasIda devesha bhaktyA snehaM samAshritaH | stuto.asi yanmayA deva bhaktibhAvena chetasA || 53\-67|| sA~NgaM bhavatu tatsarvaM vAsudeva namo.astu te || 53\-68|| iti shrIbR^ihannAradIyapurANottarabhAge vasumohinIsaMvAde puruShottamamAhAtmye indradyumnakR^itaM viShNustotraM)tripa~nchAshattamo.adhyAyaH || 53|| bRRihannAradIyapurANa | uttarabhAga | adhyAya 53/10\-68|| ## bRihannAradIyapurANa . uttarabhAga . adhyAya 53/10-68.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}