% Text title : Shri Jagadisha Shatakam 05 18 % File name : jagadIshashatakam.itx % Category : vishhnu, krishna, shataka % Location : doc\_vishhnu % Author : raghurAjasiMhajAdeva % Proofread by : Rajesh Thyagarajan % Description/comments : From stotrArNavaH 05-18 % Latest update : October 9, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Jagadisha Shatakam ..}## \itxtitle{.. shrIjagadIshashatakam ..}##\endtitles ## yadbhAsAnuvibhAti vishvamakhilaM sArkendutArAgaNaM yatki~nchidbhrukuTIkaTAkShakalayA nAshodbhavau pAlanam | yatpAdAmbujadhUlidhAraNavashAtkurvantya yatnaM surA\- staM nIlAchalavAsinaM yadupatiM vande jagadvanditam || 1|| yaM siddhA munayaH surAsuragaNA gandharvayakShoragAH seshAnAH sachaturmukhAH pratidinaM dhyAyanti shamprAptaye | vij~nAnena virAgayogatapasA jAnanti ki~nchitpadaM taM nIlAchalavAsinaM yadupatiM vande jagadvanditam || 2|| yaH pUrvaM jagatAmanAdiramalo.anantaH paro madhyagaH sraShTA gopayitA kaTAkShakalayA hantA niyantA vibhuH | yo dhAtA dhruvadharmadhArakanR^iNAM shashvadvihartA svadR^ik taM nIlAchalavAsinaM yadupatiM vande jagadvanditam || 3|| yaH svAmI bhuvanasya gaM munigaNA dhyAyanti yenAvitA yasmai devagaNA haranti subaliM yasmAjjagajjAyate | yasyAbhAparipUritaM jagadidaM yasmiMshcha tallIyate taM nIlAchalavAsinaM yadupatiM vande jagadvanditam || 4|| yanmAyAparimohitAH suragaNA gandharvavidyAdharA yogIshA R^iShayo.asurAshcha puruShA ye sthAvarA ja~NgamAH | jAyante parito bhramanti jagati dvandve mriyante sadA taM nIlAchalavAsinaM yadupatiM vande jagadvanditam || 5|| sAkShI sarvagataH prabhuH prakR^itayaH sarveshvareshaH sudhIH divyairma~NgalamUrtimadguNagaNaiH saMsevito.ajastu yaH | vedaishchopaniShadbhirIritayashAH sa~nchiddhanAnandaka\- staM nIlAchalavAsinaM yadupatiM vande jagadvanditam || 6|| yaH pAtAlapado mahI kaTitaTaH svarlokashIrSho.astu yaH mArtANDekShaNadikshrutishrutimukho gIrvANavAhA~NkadhIH | mAyAkrIDanako jagadvapurajo hInohyadivyairguNai staM nIlAchalavAsinaM yadupati vande jagadvanditam || 7|| yachChaktyA harate haro vidhirapi sraShTA cha shAstA yamo vahnirdAhayate shashI sukhayate vAyuH pravAtya~njasA | ##missing line in the manuscript ## taM nIlAchalavAsinaM yadupatiM vande jagadvanditam || 8|| yatpAdapa~NkajaparAgavimishratoyaM brahmANDamaNDalamakhaNDalamAviri~ncham | stambAntamAshu hi punAti na bhedabhAvaM vande prabhuM patitapAvananAmadheyam || 9|| yatpAdapa~NkajajalaM chaturAnano.asau shuddhe kamaNDalumukhe sutarAM dadhAra | adyApi mUrdhani shivo vahatIShTarUpaM vande prabhuM patitapAvananAmadheyam || 10|| yatpAdatIrthamamalaM paramAdareNa saptarShayaH pratidinaM shirasA vahanti | vij~nAnanirgatamalAH supavitratAyai\- va nde prabhuM patitapAvananAmadheyam || 11|| sannAmakIrtananirantaralabdhibhAtrAt gAtrAddrutaM kaluShiNAM sakalAnyaghAni | dandahyamAnatanubhiH parinissaranti vande prabhuM patitapAvananAmadheyan || 12|| yannAma ma~Ngalamama~Ngalabha~NgakAra\- muchchAraNena khalu pAtakinAM mukhaishcha | sadyaH punAti shabarAnyavanAnadharmAn vande prabhuM patitapAvananAmadheyam || 13|| yasyaikavAramamalaM smaraNaM hi puMsAM sadyaH kShiNoti sakalaM duritaM cha duHkham | yaH svaM karoti nayati praNataM svadhAma vande prabhuM patitapAvananAmadheyam || 14|| yajjanmakoTisukR^itena yadA kadApi tirya~NnR^idevagaNa santatibhUti bhAjaH | tvatpAdasevanamabhUt sa pumAn vimukto vande prabhuM patitapAvananAmadheyam || 15|| yadvarShamAsadinayAmamuhUrtamAtre yaiH kaiH prayatnavidhibhistava pUjanaM syAt | sarvaM babhUva sukR^itaM puruShasya tasya vande prabhuM patitapAvananAmadheyam || 16|| dhanyaH pumAn dharaNidharmadharo dhruvo.asau tvAM sharmadaM namati yaH shirasaikadApi | pAraM prayAti duravApajagannadIshAt vande prabhuM patitapAvananAmadheyam || 17|| sA~Nketyahelanavimanyugate cha hAsye duHkhAdyanantasamaye patito.api yastvam | dAsastaveti vadate tvabhayaM dadAsi vade prabhuM patitapAvananAmadheyam || 18|| brahmendrashambhusanakAdisurarShayo yaM na prApnuvanti tapasA niyamAdiyogaiH | sakhyaM vidhAya puruSho ramate hi tena vande prabhuM patitapAvananAmadheyam || 19|| AtmArpaNAM hi kurute puruShastu yaste svAtmArpaNaM tvamapi dena karoShi tasmai | shreShThaM tu taM tvamanugachChasi sarvadaiva vande prabhuM patitapAvananAmadheyam || 20|| straiNo dhanAndhamadirAvashasampramattaH pApI tvajAmilashaThaH kathanAttu yasya | nAmno jagAma padavIM munibhirdurApAM vande prabhuM patitapAvananAmadheyam || 21|| viprAmiShaM tvayi samarpitavAn pareNa premNA pishAchakulajaH shrutibaddhaghaNTaH | Ali~Ngya taM nijajanaM kR^itavAn sudorbhyAm | vande prabhuM patitapAvananAmadheyam || 22|| dIno.atijIrNavasanaH kShudhayA kR^isho.api sandattataNDula udAramatiH sudAmA | utpApavismR^itaramaH pariShasvaje yo vande prabhuM patitapAvananAmadheyam || 23|| bhojendudAsyaniratA malinAtinIchA kubjA tu yA madhupure pathi tAM vilokya | gatvA gR^ihaM kamalayA sadR^ishIM vyadhAdyaH vande prabhuM patitapAvananAmadheyam || 24|| jAtyA tu vAyakavaraM hatadharmaleshaM gatvA tadIyabhavane kR^itavAn sakampaH | vastrANi tadvirachitAni dadhAra dehe vande prabhuM patitatapAvananAmadheyam || 25|| nIcho niShAdakulajo jalajIvabhoktA jagrAha tatkarasamarpitakandamUlam | kR^itvA sakhAyamatulaM pariShasvaje yo vande prabhuM patitapAvananAmadheyam || 26|| mAMsAdakaM vanacharaM duritaughayuktaM gR^idhraM jaTAyuShamalaM parirabhya dorbhyAm | tasmai dadau paragatiM patidurlabhAM yo vande prabhuM patitapAvananAmadheyam || 27|| vij~nAnabhaktiviratIShTasudharmahInA nIchA mahAvanacharI shabarI hi tasyai | bhuktvA tadarpitaphalaM pradadau gatiM yo vande prabhuM patitapAvananAmadheyam || 28|| svapne.api darshanamama~NgaladaM vadanti yeShAM budhAH smaraNato hyashubhAni loke | tairvAnaraiH saha chakAra sumitratAyai vande prabhuM patitapAvananAmadheyam || 29|| duShTAnujaM rajanikAcharavaMshajAtaM pAdAntike nipatitaM bharatena tulyam | utthApya taM svabhujataH pariShasvaje yo vande prabhuM patitapAvananAmadheyam || 30|| jAtyA tu gopakulajAH paradharmahInA gopAshcha gopavanitAstulasIvane taiH | chikrIDa rAsaparimaNDalamaNDito yo | vande prabhuM patitapAvananAmadheyam || 31|| vApI mahAviShadharaH kila kAliyena samplutya bhAskarasutAhradanIramadhye | saMskR^itya tatphaNagaNeShvabhayaM dadau yo vande prabhuM patitapAvananAmadheyam || 32|| kiM kiM bravImi patitoddharaNaM hi loke yadyattvayA kR^itamanantachaturmukheShu | tasmAt tvadIyacharaNaM sharaNaM gato.ahaM mAmuddharasva kR^ipayA jagadIshakR^itya || 33|| na tvatsamaH patitapAvanakAryakArI nAsmAdR^isho jagati sampatito.avanIshaH | diShTyA kR^itaM vishadamityanavekShya yogaM mAmuddhararava kR^ipayA jagadIshakR^itya || 34|| anveShitaM bhuvanametadatIva bud.hdhyA svoddhArakAraNakR^ite bhavato vinA me | dR^iShTo na kopi patitoddharaNe samartho mAmuddharasva kR^ipayA jagadIshakR^itya || 35|| kAmasya pAshavalitaM chapalaM mano me sa~NghAvatIShTaviShayeShu vadAmi satyam | prApsyAmi kena vidhinA gatimuttamAM te mAmuddharasva kR^ipayA jagadIshakR^itya || 36|| tvaM sarvadivyaguNavR^indasamanvito.asi taiH sarvagarhitaguNairvalitastathAham | lajjAvanaM tava kare mama sarvathAsti mAmuddharasva kR^ipayA jagadIshakR^itya || 37|| sUryo yathA svakiraNaiH spR^ishatIShTaneShTam | saMshoShayanna hi karoti kadApi bhedam | vismR^itya tadvadaguNaM mama naijarItyA mAmuddharasva kR^ipayA jagadIshakR^itya || 38|| shochAmi tannijaguNAnavalokya duShThAn pApaM karomi khalu yadvashago.ahamadya | hR^iShyAmi te guNagaNAnavalokya bhavyAn mAmuddharasva kR^ipayA jagadIshakR^itya || 39|| j~nAnI na yoganirato na hi bhaktiniShTho vairAgyaleshasahito na cha dharmadhArI | prApsyAmyahaM kathamaho tava pAdapadmaM mAmuddharasva kR^ipayA jagadIshakR^itya || 40|| svAbhAvikI bhavati dAhanashaktiragre\- shchandrasya shaityamanishaM vahanaM cha vAyoH | tadvattavApi patitoddharaNaM hi nityaM mAmuddharasva kR^ipayA jagadIshakR^itya || 41|| vede purANakathane shrutavAnahaM yat nityaM taveDya patitoddharaNaM hi loke | ichChAmyahaM tadavalokitumAtmashud.hdhyai mAmuddharasva kR^ipayA jagadIshakR^itya || 42|| samyagbabhUva yadahaM patitAnagaNya\- stvaM sarvadoddharasi tAn patitAgragaNyAn | saMskR^itya rItimamalAM vijachittajAtAM mAmuddharasva kR^ipayA jagadIshakR^itya || 43|| tava dayA na hi chedavanItale mama samAn jagatItalapAmarAn | atipunIta dayAvashago hi kaH patitapAvana mAdhava pAhi mAm || 44|| sakalakAraNakAraNakAraNAH patitatAraNatAraNatAraNAH | nikhilabhAvanabhAvanabhAvanAH patitapAvana mAdhava pAhi mAm || 45|| vipulajIvanajIvanajIvano janavilopanalopanalopanaH | vishadakAmadakAmadakAmadaH patitapAvana mAdhava pAhi mAm || 46|| hR^idayaharShaNaharShaNaharShaNo manujakarShaNakarShaNakarShaNaH | avanipoShaNapoShaNapoShaNaH patitapAvana mAdhava pAhi mAm || 47|| duritavartanavartanavartanaH shrutipravartanakartanakartanaH | jagati nartananartananartanaH patitapAvana mAdhava pAhi mAm || 48|| sakalagokulagokulagokulaH sakalagokulagokulagokulaH | sakalagokulagokulagokulaH patitapAvana mAdhava pAhi mAm || 49|| nibiDanIradasannibhamadbhutaM vipulachAruchaturbhujashobhitam | janadayAparipUrNasharIrakaM tamavalokitumutsahate manaH || 50|| jvalitaratnavibhAsitabhAsitaM makuTamaNDitamastakamiShTadam | subhagakuNDalamaNDalagaNDakaM tamavalokitumutsahate manaH || 51|| smitamukhaM sarasoruhalochanaM ruchiranAsikayA parirAjitam | ativishAlasuphAlavishobhitaM tamavalokitumutsahate manaH || 52|| urasi hAravihAramanoharaM tulasikAvanamAlikayAnvitam | kalitakaustubhakaNThadaropamaM tamavalokitumutsahate manaH || 53|| kanakasUtranibaddhakaTisthalaM vimalapItapaTena virAjitam | vilasitaM bhujabaddhashubhA~NgadaM tamavalokitumutsahate manaH || 54|| kaTakashobhitapANitaTaM shubhaM daragadAsisuchakrasharAsanaiH | ativirAjitamUrtimanuttamaM tamavalokitumutsahate manaH || 55|| kuTilakuntalamaNDalama~njulaM bhrukuTibhAvitakarNamahAshayam | hR^idi supANDaralakShaNalakShitaM tamavalokitumutsahate manaH || 56|| bhavavilAsanirAsavidhAyakaM munigaNAmalamAnasamAnasam | lasitanU purayugmapadAmbujaM tamavalokitumutsahate manaH || 57|| chandrAMshugaureNa sunIlavAsasA madAvighUrNAruNadivyachakShuShA | rAmeNa yuktaM kR^itadAsamuktaM shrImajjagannAthamahaM namAmi || 58|| jagajjananyA karuNAgragaNyayA subhadrayA shobhitadakShabhAgam | prapannapAlaM patitArtihAriNaM shrImajjagannAthamahaM namAmi || 51|| dayAvidhAnena sudAsakAmadaM mahAprasAdena bhavApahAriNam | vimuktidaM nIlagirau nivAsinaM shrImajjagannAthamahaM namAmi || 60|| pApapraNAshAya jagajjanAnAM saMrAjate yo.andhitaTe dayAluH | tamuddharantaM patitAnaghaughAt shrImajjagannAthamahaM namAmi || 61|| ratnAsanasthaM praNavasvarUpaM satAM gataM dInadayAnidhAnam | pradarshayan svasya vapurjanebhyaH shrImajjagannAthamahaM namAmi || 62|| yA j~nAnayogena virAgabhaktyA gatirbhavatyabdashatairmunInAm | mahAprasAdena tu tadgatipradam | shrImajjagannAthamahaM namAmi || 63|| ye pApinaratyaktasamastasatkriyA lokevyavAye viShayairviliptAH | mahAprasAdena punAti tAn yaH shrImajjagannAthamahaM namAmiH || 64|| asmAdR^ishAM pApaviniShThitAnAM nAnyo.astyupAyastaraNe bhavAbdheH | mahAprasAdaM dadataM tadarthaM shrImajagannAthamahaM namAmi || 65|| yathAmbaraM vai gatirasti pakShiNAM yathA pashUnAM pR^ithivI gatishcha | asmAdR^ishAM pApaniviShTachetasAM gatistvamevAsi tathA na chAnyaH || 66|| anyaH samartho bhuvi ko.api nArita ya uddharenmAM kR^ipayAtipApadmam | AdhArabhUtaM tava pAdapA tasmAjjagatpAvana rakSha lajjAm || 67|| yo mAM tavAsmIti janaH prayAchate tasmai dadAmItyabhayaM vrataM se | AdhAra eSho.adya mamAdinAtha vrataM svakIyaM na vihAtumarhasi || 68|| tyaktvA sudharmAnakhilAn jano yadA\- hyananyadharmA sharaNaM samIhate | ahaM tadAghAni vimochayAmi vrataM tvadIyaM sharaNaM mamedam || 69|| shrutvA purANAni vidhAya dharmAn karomi ki~nchinna hi tadvidhAnam | lajjAvihIne.api puraH sthite mayi pra sIda nIlAchalanAtha dIne || 70|| prArabdhadoShAdyadabhUdabhUtta\- chChochAmi ki~nchinna hi tasya duHkham | shochAmi yatvachCharaNAgataM mAM pravAdhate pApaparAbhavo.alam || 71|| na chittavR^ittisthiratA prayAti na pApakarmasvapi me.asti toShaH | kena prayatnena gatiM cha lapsye lajjA tvidAnI tava pANipadme || 72|| shAstreShu vedeShu purANakalpe shruto mayA tvaM patitoddharaH sadA | ato.atipApe patitapradhAne dayAvidhAne tvamasi kShamo.adya || 73|| gR^idhre guhe vai nR^igabhUmideve gaje pishAche.api kR^itA dayA yA | kArAgR^ihe rAjasu mAgadhasya kuruShva dIne mayi tAM dayAM prabho || 74|| yadyapyahaM pApasamUhakArI sthAtuM hi nArho.asmi purastathApi | tvaM nAma saMsmR^itya nijaM jagatpate mAmuddhara preShThamaki~nchanAnAm || 75|| kva yAmyahaM ke nitarAM smarAsi nAnyo.asti loke prabhudInanAthaH | R^ite bhavantaM jagadekanAtha\- mupAyahInaH sharaNAgato.aham || 76|| pA~nchAlarAjasya kumArikAyA lajjA tvadIyasmaraNena rakShitA | tathaiva nIlAdripate.anukampayA lajjAM madIyAmava vAsudeva || 77|| tvatpreritau matpitarau prachakratu\- rmannAma yadbhAgavataprasAdam | svasampradAye kR^itavAn yatastvaM sat shrIjagannAtha bhavatkarAmbuje || 78|| hAsyaM na loke mama ki~nchidasti hAsyAspadaM yatsvayameva jAtaH | kintu tvadagre sharaNAgatAnAM hAsyaM cha lokeShu mahAnanarthaH || 79|| shochAmi nAhaM narakaprapAtaM shochAmi nAhaM patito.abhavaM yat | shochAmyahaM tvachCharaNAgatasya neyaM dashA nAtha tavAnurUpA || 80|| ya Adyo.anto.anAdiH sakalaguNavR^indaikasadanaM svashaktyedaM vishvaM sR^ijati sutarAM pAti harate | jagatkrIDAkArI nijajanadayAdAnanirato jagannAthasvAmI nayanapathagAmI bhavatu me || 81|| kadambachChAyAyAM dhR^itavipinapuShpAbharaNaka\- stribha~NgAkAro yaH kR^itamadhuravaMshIkalaravaH | kaTAkShAkShepeNa brajapuravadhUnAM hi sukhado jagannAthasvAmI nayanapathagAmI bhavatu me || 82|| sadA vR^indAraNye varamadhuravaMshIdhvanirato niku~nje bhR^i~NgADhye bahusurabhisa~nchAraNaparaH | suhR^idbhirgopAlaissukhitavadanairyo.atishushubhe jagannAthasvAmI nayanapathagAmI bhavatu me || 83|| manohArI hArI vrajavanavihArI yadupati\- dviShaddArI tArI hR^idi shivavichArI sumanasAm | sadA sa~nchArI yo dinapatikumArIkalataTe jagannAthasvAmI nayanapathagAmI bhavatu me || 8 4|| bhavAntaryAmI yo varavihagagAmI svasuShadaH satAmAtmArAmI kaTikanakadAmI vibhuvapuH | sudhAmA shandhAmA janasugatikAmI karuNayA jaga nnAthasvAmI nayanapathagAmI bhavatu me || 85|| pravIrai rAjantyAM madanabalashaineyasubhagaiH sudharmAyAM siMhAsanavaragato yo.atishushubhe | chaturbAhuH shyAmo dhanurasigadAdyAyudhadharo jagannAthasvAmI nayanapathagAmI bhavatu me || 86|| nihantA kaMsaM cha pravalamurabhaumAdinikarA\- nniyantA vishvasya prachuratarayAsa pAShaNDadalanaH | suyantA sa~NgoptAmarapatisutasyAtmavibhavai\- jagannAthaH svAmI nayanapathagAmI bhavatu me || 87|| sarasyayvAstIre yo varabharatashatrughnasahita\- ssumitrAputreNa pravilasati lIlAtilalitaH | suhadbhisaMyukto dhR^itasasharakodaNDasubhujo jagannAthaH svAmI nayanapathagAmI bhavatu me || 88|| kadAchidratnADhye himagirisushR^i~Nge yamagR^ihe sakhIbhiH saMyukto janakatanayAbhrAjitabhujaH | supuShpAla~NkArairatilasitasarvA~Ngasubhago jagannAthaH svAmI nayanapathagAmI bhavatu me || 89|| vijetA shatrUNAM nishicharakR^ilodbhUtajanuShA\- mR^iShINAM sa~Ngoptodadhivipulaseto rachayitA | pradAtA gR^idhrasyAdbhutagatimaguryAM na munayo jagannAthaH svAmI nayanapathagAmI bhavatu me || 90|| dayApArAvAro varaguNagaNasyaikanilayo yasho bhAsaM shuddhiM yadashuchijano.api pralabhate | marAlo yatpAdaH shivamanasi sanmAnasavare jagannAthaH svAmI nayanapathagAmI bhavatu me || 91|| sR^ijAshaktyA sR^iShTiM punarapi cha hartryaiva haraNaM supAlinyA pAlaM svasharaNasharaNyaH prakurute | ya IdR^iggaurIshaH prabhurapi cha tasyApi sukhado jagannAthaH svAmI nayanapathagAmI bhavatu me || 92|| satAM dharmAchAryo munijanasuvij~nAnadaparo mahAn yogAchAryaH prakR^itipatiratyadbhutakalaH | mahAdevastasyAmalamanasi yachchArucharaNo jagannAthaH svAmI nayanapathagAmI bhavatu me || 13|| harernAtho hArI hariyatipatiH saMharimukho ptirdIptirdIptirharivahasushiShyachChalakaraH | harermitraM chitraM harikaTiranAdirharigati\- rjagannAthaH svAmI nayanapathagamI bhavatu me || 94|| sharanmeghAkAro halamusalasandhAraNaparo dharAdhAroddhAro janakalivikArApaharaNaH | ya IdR^ikChrIrAmaH shubhagatikarastena sahito jagannAthaH svAmI nayanapathagAmI bhavatu me || 95|| ahaM pApAsaktaH prabhurapi mahApApadahano\- .astyahaM hInAchAraH prabhurapi samuddhAraNakaraH | vichintyemaM yogaM nijacharaNagAlpasya kR^ipayA jagannAthaH svAmI nayanapathagAmI bhavatu me || 96|| asau yaH ke sadA shete kesheshaH sha~NkaraH satAm | nAdivedArNanAmA mAM kumesho vishvago.avatu || 97|| tava charaNasarojaM siddhadevendravandyaM nikhilapatitatAraM j~nAnavij~nAnakAram | nijajanaparipAlaM kalmaShANAM hi kAlaM munimanasi marAlaM vishvapAlaM namAmi || 98|| jayatu jaladhivAsI nIlashailendrabhAsI nijajanaripunAshI satyavishvaprakAshI | vrajavipinavilAsI sarvadA mandahAsI naranarakanirAsI divyasaundaryarAshiH || 99|| mayi virativilIne sarva duHkhaikatAne khalasamalakulIne sarvadA pApapIne | madamadanavilIne tvaM dayAM saMvidhatsva nijapadajalanIne pAmare.asminnavIne || 100|| nIlAchalanivAsAya divyeshvaryavibhAsine | balabhadrasubhadrAbhyA jagannAthAya te namaH || 101|| he nAtha he ramAnAtha praNatArtivinAshana | jagannAtha dayAsindho raghurAje dayAM kuru || 102|| nArAyaNa surashreShTha dInoddhAraparAyaNa | jagannAtha dayAsindho raghurAje dayAM kuru || 103|| jagaddhAtarjagattrAtarjaganmAtarjagatpitaH | jagadIsha dayAsindho raghurAje dayAM kuru || 104|| jagadAdhAra dhIrendra dhArAdharmadhurandhara | jagannAtha dayAsindho raghurAje dayAM kuru || 105|| janArdana jagadvAsa jagadvandha jagaddhara | jagannAtha dayAsindho raghurAje dayAM kuru || 106|| tvadanyo na gatirme.adya tvAmahaM sharaNaM gataH | jagannAtha dayAsindho raghurAje dayAM kuru || 107|| tvadAdhArastvadbalo.ahaM tvameva sharaNaM mama | jagannAtha dayAsindho raghurAje dayAM kuru || 108|| jagadIshasya shatakaM raghurAjakR^itaM shubham | paThatAM shR^iNvatAM shashvajjagadIshaH prasIdatu || 109|| rAmendukhaNDavidhubhirmite.abde tairyaShya uttame | shanAvamAyAM shatakaM jagadIshasya nirmitam || 110|| iti shrIsiddhi shrIbAndhaveshamahArAjAdhirAjashrImahArAjashrIrAjAvahAduda shrIkR^iShNachandrakR^ipApAtrAdhikArIM shrIraghurAjasiMhajAdevavirachitaM shrIjagadIshashatakaM sampUrNam | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}