% Text title            : Shri Krishnanusmritih 05 07
% File name             : kRRiShNAnusmRRitiH.itx
% Category              : vishhnu, krishna, vishnu
% Location              : doc\_vishhnu
% Proofread by          : Rajesh Thyagarajan
% Description/comments  : From stotrArNavaH 05-07
% Latest update         : October 9, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishnanusmritih ..}##
\itxtitle{.. shrIkR^iShNAnusmR^itiH ..}##\endtitles ##
(anusmR^itistotram)
yudhiShThiraH\-\-
pitAmaha mahAprAj~na sarvashAstravishArada |
prayANakAle kiM japyaM mokShibhistattvachintakaiH || 1||
kiM nu smaran kurushreShTha maraNe paryupasthite |
prApnuyAt paramAM siddhiM shrotumichChAmi tattvataH || 2||
bhIShmaH
sAktisahitaH sUkShma uktaH prashnastvayAnagha |
shR^iNu chAvahito rAjan nAradena purA shrutam || 3||
purA nArAyaNaM devaM nAradaH paripR^iShTavAn |
tvamakSharaM paraM brahma nirguNaM tamasaH param || 4||
AhurvedyaM paraM dhAma brahmAdikamalodbhavam |
bhagavan bhUtabhavyesha shraddadhAnairjitendriyaiH || 5||
kathaM bhaktairvichintyo.asi yogibhirdehamokShibhiH |
kiM jalpyaM kiM japannityaM kAlyamutthAya mAnavaH || 6||
      kathaM yu~njan sadA dhyAyedbhahi tattvaM sanAtanam |
shrutvA tasya tu devarShervAkyaM vAchaspatiH svayam |
      provAcha bhagavAn viShNurnAradaM varadaH prabhuH || 7||
shrIbhagavAnuvAcha |
hanta te kathayiShyAmi hImAM divyAmanusmR^itim |
yAmadhItya prayANe tu madAvAyopapadyate || 8||
o~NkAramagrataH kR^itvA mAM namaskR^itya nAradaH |
ekAgraH prayato bhUtvA chema mantramudIrayet || 9||
      OM namo bhagavate vAsudevAya |
ityukto nAradaH prAha prA~njaliH prayataH sthitaH |
      sarvadeveshvaraM viShNuM sarvAtmAnaM hariM prabhum || 10||
nAradaH\-\-
avyaktaM shAshvataM devaM prabhavaM puruShottamam |
prapadye prA~njalirviShNumakSharaM paramaM padam || 11||
purANaM prabhavaM nityamakShayaM lokasAkShiNam |
prapadye puNDarIkAkShamIshaM bhaktAnukampinam || 12||
lokanAthaM sahasrAkShamadbhutaM paramaM padam |
bhagavantaM prapanno.asmi bhUtabhavyabhavatprabhum || 13||
sraShTAraM sarvalokAnAmanantaM vishvatomukham |
padmanAbhaM hR^iShIkeshaM prapadye satyamachyutam || 14||
hiraNyagarbhamamR^itaM bhUgarbhaM parataH param |
prabhoH prabhumanAdyantaM prapadye taM raviprabham || 15||
sahasrashIrShaM puruShaM mahAntaM tattvabhAvanam |
prapadye sUkShmamachalaM vareNyamabhayapradam || 16||
nArAyaNaM cha prANarShiM yogAtmAnaM sanAtanam |
saMsthAnaM sarvatattvAnAM prapadye dhruvamIshvaram || 17||
yaH prabhuH sarvabhUtAnAM yena sarvamidaM tatam |
charAcharagururviShNuH sa me devaH prasIdatu || 18||
yasmAdutpadyate brahmA padmayoniH pitAmahaH |
brahmayonirhi vishvAtmA sa me viShNuH prasIdatu || 19||
yaH purA pralaye prApte naShTe sthAvaraja~Ngame |
brahmAdiShu pralIneShu naShTe loke parAvare || 20||
AbhUtasamplave chaiva pralIne prakR^itau mahAn |
ekastiShThati vishvAtmA sa me viShNuH prasIdatu || 21||
chaturbhishcha chaturmishcha dvAbhyAM pa~nchabhireva cha |
hUyate cha punardvAbhyAM sa no viShNuH prasIdatuH || 22||
parjanyaH pR^ithivI sasyaM kAlo dharmaH kriyAkriye |
guNAkAraH sa me viShNurvAsudevaH prasIdatu || 23||
agrIShomArkatArANAM brahmarudrendrayoginAm |
yastejayati tejAMsi sa me viShNuH prasIdatu || 24||
yogAvAsa namaste.astu sarvAvAsa varaprada |
yaj~nagarbha hiraNyA~Nga pa~nchayaj~na namo.astu te || 25||
chaturmUrte paraM dhAma lakShmyAvAsa varArchita |
sarvAvAsa nasaste.astu vAsudevaH pradhAnakR^it || 26||
ajastvamagamaH panthA hyamUrtirvishvamUrtidhR^it | (ajastvamagamaH nAmayaH)
trigataH pa~nchakAlaj~no namaste j~nAnasAgara || 27||
avyaktAdvyaktamutpannaM vyaktAdyaratvaparo.akSharaH |
yasmAt parataraM nAsti tamasmi sharaNaM gataH || 28||
na pradhAno na cha mahAn puruShashchetano yajaH |
anayoryaH paratarastamasmi sharaNaM gataH || 29||
chintayanto hi yannityaM brahmeshAnAdayaH prabhum |
nishchayaM nAdhigachChanti tamasmi sharaNaM gataH || 30||
jitendriyA mahAtmAno j~nAnadhyAnaparAyaNAH |
yaM prApya na nivartante tamasmi sharaNaM gataH || 31||
ekAMshena jagatsarvamavaShTabhya vibhuH sthitaH |
AgrAhyo nirguNo nityastamasmi sharaNaM gAtaH || 32||
somArkAgnimayaM tejo yA cha tArAmayIdyutiH |
divi sa~njAyate yo.ayaM sa mahAtmA prasIdatu || 33||
guNAdinirguNashchAdyo lakShmIvAMshchetano hyajaH |
sUkShmaH sarvagato yogI sa mahAtmA prasIdatu || 34||
avyaktaM samadhiShThAtA hyachintyaH sadasatparaH |
asthitiH prakR^itiH shreShThaH sa mahAtmA prasIdatu || 35||
kShetraj~naH pa~nchadhA bhu~Nkte prakR^itiM pa~nchabhirmukhaiH |
mahAn guNAMshcha yo bhu~Nkte sa mahAtmA prasIdatu || 36||
sUryamadhye sthitaH somastasya madhye cha yA sthitA |
bhUtabAhyA cha yA dIptiH sa me viShNuH prasIdatu || 37||
namaste sarvataH sarva sarvato.akShishiromukha |
nirvikAra namaste.astu sAkShI kShetrI dhruvasthitiH || 38||
atIndriya namastubhyaM li~Ngairvyaktairna mIyase |
ye cha tvAM nAbhijAnanti saMsAre saMsaranti te || 39||
rAgadveShavinirmuktAH kAmakrodhavivarjitAH |
AnyabhaktA vijAnanti kiM punarmArakA dvijAH (?) || 40||
ekAntino hi nirdvandvA nirAshIH karmakAriNaH |
j~nAnAgnidagdhakarmANastvAM vishanti vichintakAH || 41||
asharIraM sharIrasthaM samaM sarveShu dehiShu |
puNyapApavinirmuktA bhaktAstvAM pravishantyuta || 42||
avyaktaM bud.hdhyaha~NkAramanobhUtendriyANi cha |
tvayi tAni cha teShu tvaM na teShu tvaM na te tvayi || 43||
ekatvAnyatvanAnAtvaM ye viduryAnti te param |
samo.asi sarvabhUteShu na te dveShyo.arita na priyaH || 44||
samatvamabhikA~NkShe.ahaM bhaktyA vai nAnyachetasA |
charAcharamidaM sarvaM bhUtagrAmaM chaturvidham || 45||
tvayA tvayyeva tatprotaM sUtre maNigaNA iva |
sraShTA bhoktAsi kUTastho hyatattvaM tattvasa.nj~nitaH || 46||
akarmaheturachalaH pR^ithagAtmA vyavasthitaH |
na te bhUteShu saMyogo bhUtatattvaguNAtigaH || 47||
aha~NkAreNa bud.hdhyA vA na me yogastribhirguNaiH |
na me dharmo.astyadharmo vA nArambho janma vA punaH || 48||
jarAmaraNamokShArthaM tvAM prapanno.asmi sarvaga |
viShayairindriyairvApi na me bhUyaH samAgamaH || 49||
pR^ithivIM yAtu me ghrANaM yA tu me rasanA jalam |
rUpaM hutAshanaM yAtu sparsho yAtu cha mArutam || 50||
shrotramAkAshamapyetu mano vaikArikaM punaH |
indriyANyapi saMyAntu svAM svAM yoniM yathAyatham || 51||
pR^ithivI yAtu salilamApo.agnimanalo.anilam |
vAyurAkAshamapyetu manashchAkAsha eva cha || 52||
aha~NkAraM mano yAtu mohanaM sarvadehinAm |
aha~Nkorastato buddhiM buddhiravyakta meva cha || 53||
pradhAne prakR^itiM yAte guNasAmye vyavasthite |
viyogaH sarvakaraNairguNabhUtaistu me bhavet || 54||
niShkevalaM padaM deva kA~NkShe.ahaM paramaM tava |
ekIbhAvastvayA me.astu na me janma bhavet punaH || 55||
tvadbuddhistvadgataprANastvadbhAvastvatparAyaNaH |
tyAmevAhaM smariShyAmi maraNe paryupasthite || 56||
pUrvadehakR^itA ye tu vyAdhayaH pravishantu mAm |
ardayantu cha duHkhAni R^iNaM me pravimu~nchatu || 57||
anudhyAto.asi devesha na me janma bhavet punaH |
tasmAdbravImi karmANi R^iNaM me na bhavediti || 58||
nopatiShTantu mAM sarve vyAdhayaH pUrvasa~nchitAH |
anR^iNo gantumichChAmi tadviShNoH paramaM padam || 59||
shrIbhagavAnuvAcha\-
ahaM bhagavatastasya mama chAsau sanAtanaH |
tasyAhaM na praNashyAmi sa cha me na praNashyati || 60||
karmendriyANi saMyasya pa~nchabuddhIndriyANi cha |
dashendriyANi manasi hyaha~NkAre tathA manaH || 61||
aha~NkAraM tato buddhau buddhimAtmani yojayet |
yatabuddhIndriyaH pashyedbud.hdhyA bodhet parAt param || 62||
mamAyamiti yasyAhaM yena sarvamidaM tatam |
AtmanAtmani saMyojya paramAtmanyanusmaret || 63||
tato buddheH paraM buddhvA labhate na punarbhavam |
maraNe samanuprApte yashchaivaM mAmanusmaret || 64||
api pApasamAchAraH sa yAti paramAM gatim |
OM namo bhagavate tasmai dehinAM paramAtmane || 65||
nArAyaNAya bhaktAnAmekaniShTAya shAshvate |
imAmanusmR^itiM divyAM vaiShNavIM susamAhitaH || 66||
svapan vibudhyaMshcha paThedyatra tatra samAhitaH |
paurNamAsyAmamAvAsyAM cha dvAdashyAM cha visheShataH || 67||
shrAvayechChraddhdhAnAnAM madbhaktAnAM visheShataH |
yadyaha~NkAramAshritya yaj~nadAnatAHkriyAH || 68||
kurvaMstatphalamApnoti punarAvartanaM hi tat |
abhyarchayan pitR^Ina devAna paThan juhvat baliM dadat || 69||
jvalannagniM smaredyo mAM sa yAti paramAM gatim |
yaj~no dAna tapashchaiva pAvanAni manIShiNAm || 70||
yaj~naM dAnaM tapastasmAt kuryAdAshIrvivarjitaH |
nama ityeva yo brUyAnmadbhaktaH shraddhayAnvitaH || 71||
tasmAkShayo bhavellokaH shvapAkasyApi nArada | (tasyAkShayo)
kiM punarye yajante mAM sAdhakA vidhipUrvakam || 72||
shraddhAvanto.anasUyantaste mAM yAnti madAshritAH |
karmANyAdyantavantIha madbhakto nAntamashnute || 73||
mAmeva tasmAdevarShe dhyAhi nityamatandritaH |
avApsyasi tataH siddhiM drakShyase cha padaM mama || 74||
aj~nAnine cha yo j~nAnaM dadyAddharmopadeshanam |
kR^itsnAM vA pR^ithivIM dadyAttena tulyaM na tatphalam || 75||
tasmAt pradeyaM sAdhubhyo janmabandhabhayApaham |
evaM dattvA narashreShThaH shreyo vIryaM cha vindati || 76||
ashvamedhasahasrANAM sahasraM yaH samAcharet |
nAsau padamavApnoti madbhaktairyadavApyate || 77||
      bhIShmaH uvAcha |
evaM pR^iShTaH purA tena nAradena surarShiNA |
      yaduvAcha purA shambhustaduktaM tava suvrata || 78||
tvamapyekamanA bhUtvA dhyAhi dhyeyaM guNAtigam |
bhajasva sarvabhAvena paramAtmAnamavyayam || 79||
shrutdedaM nArado vAkyaM divyaM nArAyaNeritam |
atyantabhaktimAn devamekAntitvamupeyivAn || 80||
nArAyaNamR^iShiM devaM dashavarShANyananyabhAk |
idaM japan vai prApnoti tadviShNoH paramaM padam || 81||
kiM tasya bahubhirmantrairyasya bhaktirjanArdane |
namo nArAyaNAyeti mantraH sarvArthasAdhakaH || 82||
imAM rahasyAM paramAmanusmR^itI\-
madhItya buddhiM labhate cha naiShThikIM
vihAya duHkhAn pravimuchya sa~NkaTAt
sa vItarAgo vicharenmahImimAm || 83||

iti shrIkR^iShNAnusmR^itiH sampUrNA |
(anusmR^itistotram)
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}