% Text title            : Krishna Charitra Manjari
% File name             : kRRiShNachAritramanjarI.itx
% Category              : vishhnu, krishna, rAghavendra
% Location              : doc\_vishhnu
% Proofread by          : NA
% Latest update         : May 22, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishnacharitra Manjari ..}##
\itxtitle{.. shrIkR^iShNachAritrama~njarI ..}##\endtitles ##
viShNurbrahmAdidevaiH kShitibharaharaNe prArthitaH prAdurAsId
     devakyAM nandanandI shishuvadhavihitAM pUtanAM yo jaghAna |
utthAnautsukyakAle rathacharaNagataM chAsuraM pAdaghAtai\-
     shchakrAvartaM cha mAtrA gururiti nihito bhUtale so.avatAnmAm || 1||
yo mAturjR^imbhamANo jagadidamakhilaM darshayanna~NkarUDho
     gargeNAchIrNanAmA kR^itaruchiramahAbAlalIlo vayasyaiH |
gopIgeheShu bhANDasthitamurudayayA kShIradadhyAdi muShNan
     mR^innA bhakShIti mAtuH svavadanagajagadbhAsayan bhAsatAM me || 2||
dadhnomatrasya bha~NgAdupagamitaruShA nandapatnyA.atha baddhaH
     kR^ichChreNolUkhale yo dhanapatitanayau mochayAmAsa shApAt |
nandAdyaiH prApya vR^indAvanamiha ramayan veNunAdAdibhiryo
     vatsAnpAnvatsarUpaM kratubhugarimatho pothayanso.avatAnmAm || 3||
rakShan vatsAnvayasyairbakamabhinadatho tigmatuNDe gR^ihItvA
     prItiM kartuM sakhInAM kharamapi balato ghAtayan kAliyAhim |
unmathyodvAsya kR^iShNAmativimalajalAM yo vyadhAddAvavahniM
     suptAnAvR^itya goShThe sthitamapibadasau duShTavR^ikShachchidavyAt || 4||
durgAraNyapraveshAchchyutanijasaraNIn gogaNAnAhvayadyo
     dAvAgniM tatra pItvA samapuShadanugAn gopakAnAviShiNNAn |
gobhirgopaiH paritaH saridudakataTasthopale bhojyamannaM
     bhuktvA veNorninAdAdvrajagatavanitAchittahArI sa mA.avyAt || 5||
kR^iShNo.asmAkaM patiH syAditi kR^itatapasAM majjane gopikAnAM
     nagnAnAM vastradAtA dvijavaravanitAnItamannaM samashnan |
shrAntairgopaiH samaM yo balamathanabalAvAhR^ite.asmin savR^iShTau
     proddhrutyAhAryavaryaM nijajanamakhilaM pAlayan pAtvasau mAm || 6||
govindAkhyo.atha tAtaM jalapatihR^itamAnIya lokaM svakIyaM
     yaH kAlindyA nishAyAmaramayadamalajyotsnayA dIpitAyAm |
nandAdInAM pradarshya vrajagatavanitAgAnakR^iShTArtachittAH
     chArva~NgIrnarmavAkyaiH stanabharanamitAH prINayan prIyatAM naH || 7||
antardhatte sma tAsAM madaharaNakR^ite tvekayA krIDamAnaH
     svaskandhArohaNAdyaiH punarapi vihito garvashAntyai mR^igAkShyAH |
khinnAnAM gopikAnAM bahuvidhanutibhiryo vahan prItimAviH\-
     prApto rAsotsavena nyaramayadabalAH prIyatAM me hariH saH || 8||
hatvA yaH sha~NkhachUDaM maNimatha samadAdagrajAyArtagopI\-
     gItAnekasvalIlo hatavR^iShabhamahApUrvadevo.amareDyaH |
keshiprANApahArI suramunivadanaprArthitAsheShakR^ityo
     hatvA putraM mayasya svajanamapihitaM mochayan mokShadaH syAt || 9||
akrUrAkArito yAn vrajayuvatijanAnsAntvayitvA.abhitaptAn
     svaM rUpaM majjate.asmai vilasitamahigaM darshayaMstena vandyaH |
yo gatvA kaMsadhAnIM hR^itarajakashirAshchAruveShaH sudAmnaH
     prItiM kurvaMstrivakrAM vyatanuta ruchirAM pauramahyo.avatAtsaH || 10||
shArvaM bha~NktvA dhanuryo balamapi dhanuSho rakShakaM ku~njaraM taM
     mallAMshchANUrapUrvAnapi sahasahajo mardayanstu~Ngama~nchAt |
bhojeshaM pAtayitvA vyasumakR^ita nijAn nandayan prApya gargAt
     dvaijaM saMskAramApto gurumatha viditAsheShavidyo.avatAnnaH || 11||
datvA putraM pravaktre pratigatamadhuraH sAntvayannuddhavAsyA\-
     dgoShTasthAn nandapUrvAnaramayadabalAM prItikR^idyaH shubhasya |
akrUrasyAtha tena pratividitapR^ithAputrakR^ityo jarAyAH
     sUnuM nirbhinnasenaM vyatanuta bahusho vidrutaM naH sa pAyAt || 12||
puryA nirgatya rAmAdatha sahamusalI prApya kR^iShNo.abhyanuj~nAM
     gomantaM chApi mauliM khagapativihitAM vAsudevaM sR^igAlam |
hatvA shatruM cha puryAmadhijaladhi purIM nirmitAM bandhuvargAn
     nitye yaH so.avatAnnaH pramathitayavano mauchukundAkShivahneH || 13||
rAj~nA saMstUyamAno hatayavanabalo bhItavanmAgadheshA\-
     dgomantaM prApya bhUyo jitamagadhapatirjAtashAntAgnishailaH |
Agatya dvArakAM yo hR^idikasutagirA j~nAtakaunteyakR^ityaH
     pashyatsvAdAya bhaiShmIM nR^iShu yudhi jitAvAnbhUbhR^itaH prIyatAM naH || 14||
vairUpyaM rukmiNo yo.akR^ita maNisahitaM jAmbavaddehajAtAM
     satyAM tenaiva yuktAmapi parijagR^ihe hastinaM kulyahetoH |
yAto vyasyAtra satyAshuchamatha samagAddvArakAM satyayeto
     draShTuM pArthAnsakR^iShNAndrupadapuramagAdviddhalakShyAnsa pAyAt || 15||
kR^iShNaH prApyAtha satrAjidahitavadhakR^idyaH shvaphalkasya sUnau
     ratnaM sandarshya rAmaM vyadhita gatarUShaM draShTukAmaH pratasthe |
indraprasthasthasthapArthAnatha sahavijayo yAmunaM tIramAyan
     kAlindIM tatra labdhvA yamasutapurakR^it pAtu mAM dvArakAsthaH || 16||
yo jahne mitravindAmatha dR^iDhavR^iShabhAn sapta badhvA.api nIlAM
     bhadrAM madreshaputrImapi parijagR^ihe shakra vij~nApitArthaH |
tArkShyarUDhaH sabhAryo himagirishikhare bhaumadurgaM sametya
     ChitvA durgANi kR^intvA muragalamariNA devateDyaH sa mA.avyAt || 17||
triMshatpa~nchAvadhIdyaH sachivavarasutAn bhUmijenAtighoraM
     yuddhaM kR^itvA gajAdyairarihR^itashirasaM taM vyadhAdbhUstuto.atha |
kR^itvA rAjye.asya sUnuM varayuvatijanAn bhUrishashchAruveShAn
     prApayya dvArakAM so.akR^ita mudamaditeH kuNDalAbhyAmavenmAm || 18||
indrArAdhyo.amarendrapriyatamamagamAhR^itya devAn vijitya
     prApyAtha dvArakAM yaH sutamatiruchiraM rukmiNIshaH prapede |
bhrAtR^ivyaM pauNDrakAkhyaM purarudhamatanot kR^ittashIrShaM tadIyA\-
     patyotpannAM cha kR^ityAM rathacharaNaruchA kAlayan kAmadhuk syAt || 19||
kR^iShNaH sUryoparAge nijayuvatigaNairbhArgavaM kShetramApta\-
     statrAyAtAn svabandhUn munigaNamapi santoShya yaj~naM svapitrA |
yo.anuShThApyApya naijaM puramatha vaditA.anekatattvAni pitre
     mAtuH putrAn pradarshyAkR^ita hitamahitaM me.apanudyAt sa IshaH || 20||
rukmiNyA narmavAkyairaramata bahubhiH strIjanairyo.atha putrA\-
     nekaikasyAM prapede dasha dasha ruchirAn pautrakAnapyanekAn |
pautrasyodvAhakAle bhR^ishakupitabalAdrukmiNaM ghAtayitvA
     nandan yoShidgaNena pratigR^ihamabalAprItikArI gatirme || 21||
nAnAratnapradIptAsamavibhavayutadvyaShTasAhasrakAntA\-
     geheShvashnan shayAnaH kva cha japamagR^iyAdIni kurvan kvachichcha |
dIvyannakShairbruvANaH pravachanamaparairmantrayannevamAdi\-
     vyAparAnnAdarasya pratisadamaho darshayan naH sa pAyAt || 22||
prAtardhyAyan prasannaH kR^itanijavihitaH satsabhAM prApya kR^iShNo
     dUtaM rAj~nAM pratoShyAmaramunividitAsheShakR^ityaH prayAsIt |
shakraprasthaM chamUbhirbahuvibhavayutaM bandhubhirmAnito.ayaM
     bhImenApAtya bArhadrathamatha nR^ipatIn mochayanme prasIdet || 23||
putraM rAjye.asya kR^itvA hR^itashirasamatho chedirAjaM vidhAya
     prodyantaM rAjasUyaM yamasutavihitaM saMsthitaM yo vidhAya |
shakraprasthAt prayAto nijanagaramasau sAlvabhagnaM samIkShya
     kruddho ghannabdhigaM taM shivavarabalinaM yAn puraM pAtu nityam || 24||
viprAdAkarNya dharmaM vanagatamanujaiH sAntvayitvaitya sarvA\-
     nabhyetya dvArakAM yo nR^igamatha kujaniM divyarUpaM chakAra |
gatvA vaidehagehaM katipayadivasAMstatra nItvA.atibhaktau
     santoShya dvArakAM yAn bahubalasamato.ayannupaplAvyamavyAt || 25||
dautyaM kurvannanantA nijaruchiratanUrdarshayan divyadR^iShTe\-
     rgItAtattvopadeshAdraNamukhavijayasyAcharan sArathitvam |
nItvA kailAsamenaM pashupatimukhato dApayitvA.astramasmai
     bhImenApAtya duShTaM kShitipatimakaroddharmarAjaM tamIDe || 26||
prAptaH sthAnaM yadUnAM priyasakhamakR^itAvAptakAmaM kuchelaM
     kurvan karmAshvamedhaM nijabhavanamatho darshayitvA.arjunAya |
putrAn viprAya datvA sahasahajamasau dantavakraM nipAtya
     prApyAtha dvArakAM svAM samavatu viharannuddhavAyoktatattvaH || 27||
rakShan lokAn samastAn nijajananayanAndakArI nirastA\-
     vadyaH saukhyaikamUrtiH suratarukusumaiH kIryamANo.amarendraiH |
siddhairgandharvapUrvairjayajayavachanaiH stUyamAno.atra kR^iShNaH
     strIbhiH putraishcha pautraiH sa jayati bhagavAn sarvasampatsamR^iddhaH || 28||
iti shrIkR^iShNachAritrama~njarI leshataH kR^itA |
rAghavendreNa yatinA bhUyAt kR^iShNaprasAdadA || 29||

shrIrAghavendratIrthashrIcharaNavirachitA shrIkR^iShNachAritrama~njarI
bhAratIramaNamukhyaprANAntargata shrIkR^iShNArpaNamastu |

##

NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}