% Text title            : Krihna Kathamrita Mangala ShlokAH
% File name             : kRRiShNakathAmRRitamangalashlokAH.itx
% Category              : vishhnu, varadAnanda, krishna
% Location              : doc\_vishhnu
% Author                : Swami Varadananda Bharati (Pracharya A. D. AThavale)
% Transliterated by     : Arun Parlikar
% Proofread by          : Arun Parlikar
% Description/comments  : First verse of each of 18 sargas of Marathi Krihna Kathamrita
% Acknowledge-Permission: Shri Dasganu Maharaj Pratishthan, Gorte https://www.santkavidasganu.org 
% Latest update         : June 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishna Kathamrita Mangala Shlokah ..}##
\itxtitle{.. shrIkR^iShNakathAmR^itama~NgalashlokAH ..}##\endtitles ##
OM shrI
|| shrIsha~Nkara |

sargasthityantakartArau bhaktigamyAvagocharau
       umAmaheshvarau vande satkR^ipAsaridarNavau || 1||
sR^iShTvA.akhilaM vishvamidaM vichitram
       sthUla~ncha sUkShma~ncha charAchara~ncha |
tathApi nityaM nirupAdhiko yaH
       tasmai maheshAya namo.astu shashvat || 2||
maulo yo bibhR^ite shubhAM suradhunIM bhAle kalAmaindavIm
       netre manmathadAhakAnalashikhAM kaNThe viShaM bhIShaNam |
vAmA~Nke girijAM vapuShyupachitaM bhasma smashAnodbhavam
       taM vande shirasA bhuja~NgarashanaM sarvairaliptaM shivam || 3||
satyaM nashvaramastu vA jagadidaM jIvaH shivo vetaraH
       shUnyaM vA paramANurastu jagato hetuH pradhAnaM cha vA |
yogo j~nAnamathAstu karma nitarAM niHshreyase sAdhanam
       jAnImo girishaitadeva bhagavan tvaM naH sharaNyaH prabhuH || 4||
ratnaughe sati ma~NgalAya jagato hAlAhalaM bhIShaNam
       svargAdInyatisundarANi bhuvanAnyujjhitya chityAsthalam |
paulastye cha nidhAya yena vibhavaM bhikShATanaM svIkR^itam
       taM vande vigataspR^ihaM shivakaraM mR^ityu~njayaM sAdaram || 5||
vedaishcha sarvaiH smR^itibhiH purANaiH
       shAstraishcha taistairmunibhiH praNItaiH |
j~nAtaM na samyak khalu yasya rUpam
       bhaktapriyaM taM girishaM namAmi || 6||
yadvidyate kShititale.astu shubhAshubhaM tat
       vidyutkaNena ghaTitaM tviti dR^ishyate.ante |
evaM varAvaramatAni lasantu kAmam
       dhyeyaM tvameva shashishekhara mAnavAnAm || 7||
he pArvatIsha karuNAghana shUlapANe
       dveShyaH priyo na tava ko.api samAnabuddheH |
a~NgIkaroShi bhagavan garalendusarpAn
       kiM niShThurosi vada kevalamasmadarthe || 8||
sakalasuravariShThaM saMstutaM vedasa~NghaiH
       acharacharapadArthe vyomavad vyAptadeham |
vinatajanadayAluM bhaktakalpadrumaM tam
       charaNanihitabhAlaM chandramauliM namAmi || 9||
yasmAddhi shAstrasaridudgama AbabhUva
       yat svAshrayaM tanubhR^itAM bhaya\-vihvalAnAm |
tApApanodanipuNaM paramavyayaM tat
       divyaM maheshvarapadAbjamahaM namAmi || 10||
gale luThati pannagaH shirasi rAjate chandramA
       tapastapati saMyamI girijayA samaM divyati |
smaraM dahati mohinImapicha yAchate yo ratim
       vichitracharitaM bhaje gatabhidaM prabhuM taM shivam || 11||
vyomAnilAnalajalA vanisomasUrya
       hotrIbhiraShTa\-tanubhirjagadekanAthaH |
yastiShThatIha janama~NgaladhAraNAya
       tasmainamostu nirapekShahR^ide shivAya || 12||
taddUre.asti tadantike.astyapicha tad bAhye tathA.abhyantare
       tannaijatyatha chaijatIti nigamo jAnAtyajAnan param |
devetthaM vachanaM visa~NgatamidaM boddhuM na shaktA vayam
       jAne.ahaM tvidameva me hitakaraM mAtApitA naH shivaH || 13||
kailAse.atimanohare nijapadanyAsairmahIM pAvayan
       nR^ityotkShepavikIrNapi~NgalakachaiH saMveShTayannambaram |
uchchaistAlamR^ida~NgavAdanarataiH saMstUyamAnaH suraiH
       kurvan tANDavamIshvaro vijayatAM naH shreyase preyase || 14||
bhIShA.asmAt pavate marut tapati vai sUryaH prasiddhA shrutiH
       tiShThan sarvahR^idi tvameva puruShavyApAramAtreshvaraH |
evaM sadbhirathAnumoditamapi shrI j~nAnadevAdibhiH
       no jAne girijApate tadapi kiM kAmaM mano dhAvati || 15||
karmAkarmavivekamUDhamanasAM buddhiM vidhAya sthirAm
       mohadhvAntamapAkaroti nitarAM yasyaprabhA chinmayI |
yasmin brahmaNi rAjate jagadidaM sindhau taraDgopamam
       taM vishveshamahaM namAmi satataM ga~NgAdharaM shrIgurum || 16||
mahAbhIShaNaM tANDavaM saMvidhitsum
       jvalallochanaM karkashaM garjayantam |
mahIM shIrNashailAM bhR^ishaM kampayantam
       prabhuM bhImarUpaM haraM taM namAmi || 17||
he ga~NgAdhara devadeva charaNau vande tvadIyau shubhau
       dInaM mAmurarIkaroShi bhagavan, prAyo.api hInaM guNaiH |
santuShTosmi tathAdhunA.akhilaguro shambho prasAdAt tava
       sarve santu nirAmayAH kShititale bhadrANi pashyantu cha || 18||

       || namaH pArvatI pate hara hara mahAdeva |

iti svAmI varadAnandabhAratIvirachitAH shrIkR^iShNakathAmR^itama~NgalashlokAH sampUrNAH |

bhAvArchanA (prAchArya a\. dA\. AThavale)
##
These verses are first one from each chapter of
shrIkRiShNakathAmRita Marathi text
composed by Swami Varadananda Bharati.

https://www.santkavidasganu.org, https://www.youtube.com/@varad-vani1496

Encoded and proofread by Arun Parlikar


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}