% Text title            : Krishnalalanakhyavratanirupanam
% File name             : kRRiShNalAlanAkhyavratanirUpaNam.itx
% Category              : vishhnu, vishnu, krishna, lakShmInArAyaNIyasaMhitA
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 139/39-60||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Krishnalalanakhyavratanirupanam ..}##
\itxtitle{.. kR^iShNalAlanAkhyavratanirUpaNam ..}##\endtitles ##
atha kR^iShNalAlanAkhyaM vrataM vachmi cha te rame |
vibhUtayo bhavantyeva kR^iShNalAlanasadvratAt || 39||
kArtike chaitrake vaishAkhake mArge cha phAlgune |
AShADhe shuklake dinatrayAtmakaM vrataM tvidam || 40||
sulaghubhugdashamyAM tu rAtrau shIlavratI bhavet |
kR^itvA sAyantanIM pUjAM gR^ihNIyAnniyamaM vratI || 41||
ekAdashyAM nirAhAraM kariShye.ahaM vrataM tviti |
namo nArAyaNAyeti prAtarutthAya chintayet || 42||
snAtvaikAdashikAprAtarmaNDape pUjayet prabhum |
anAdishrIkR^iShNanArAyaNaM mAM puruShottamam || 43||
shuklapuShpAkShatavAriku~NkumachandanAdibhiH |
namo vibhUtaye pAdau namo.ashokAya jAnunI || 44||
namaH kR^iShNAyetyUrU cha vishvamUrte namaH kaTim |
kandarpAya namo meDhraM phalaM nArAyaNAya cha || 45||
dAmodarAyetyudaraM vAsudevAya cha stanau |
mAdhavAyetyuro viShNoH kaNThamutkaNThine namaH || 46||
shrIdharAya mukhaM keshAn keshavAyeti mastakam |
pR^iShThaM shAr~NgadharAyeti shravaNau shrutivedine || 47||
haraye sha~NkhachakrAsigadAjalajapANaye |
shiraH sarvAtmane tasmai nama ityabhipUjanam || 48||
matsyamutpalasaMyuktaM haimaM kR^itvA tu shaktitaH |
udakumbhe nyasettachcha dAne prapUjya vai dishet || 49||
guDapAtraM tilairyuktaM sitavastrAbhiveShTitam |
phalAni vividhAnyeva dAne prapUjya chArpayet || 50||
ArArtrikaM prakuryAchcha vibhUtishrIshrIkR^iShNayoH |
naivedyAni vichitrANi prAtarmadhye nishAmukhe || 51||
datvA prasvApayechchApi gItavAditrakotsavaiH |
jAgaraNaM vratI kuryAt prAtaH snAtvA prapUjyet || 52||
dvAdashyAM prArthayechchApi padmaM dadyAddvijAya tu |
udakumbhaM saratnaM cha gAM dadyAdgurave tathA || 53||
yathA na muchyase kR^iShNa sadA sarvavibhUtibhiH |
tathA mAmuddharAsheShaduHkhasaMsArasAgarAt || 54||
shayyAM dadyAddhanaM dadyAdgrAmaM kShetraM gR^ihAdikam |
guruM sampUjya vidhivadbhUShAvastrANi chArpayet || 55||
adhanaH pUjayetpuShpairbhojanAnnaM dishedvratI |
anena vidhinA yastu kR^iShNalAlanasadvratam || 56||
vibhUtisampradaM kuryAttasyarddhayaH pade pade |
pApAni tasya nashyanti pitR^INAM tArayechChatam || 57||
janmanAM shatasAhasraM na shokaphalabhAgbhavet |
na tu vyAdhirbhavettasya na dAridryaM na bandhanam || 58||
yAvadyugasahasrANAM shatamaShTottaraM bhavet |
tAvatsvarge vasechchApi bhUpatiH saH punarbhavet || 59||
vrataM kR^itvA harerdhAma prayAtyeva na saMshayaH |
sarvAn kAmAnashnute cha kR^iShNena hariNA saha || 60||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
139\-adhyAyAntargataM kR^iShNalAlanAkhyavratanirUpaNaM sampUrNam |

lakShmInArAyaNIyasaMhitA | khaNDa 3| adhyAya 139/39\-60||
##
lakShmInArAyaNIyasaMhitA . khaNDa 3. adhyAya 139/39-60..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}