% Text title : Shri Krishnamuktakam % File name : kRRiShNamuktakam.itx % Category : vishhnu, krishna % Location : doc\_vishhnu % Proofread by : Mohan Chettoor % Description/comments : From Stotras Samahara Part 2 (ed. K.Raghavan Pillai) % Latest update : September 4, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Krishnamuktakam ..}## \itxtitle{.. shrIkR^iShNamuktakam ..}##\endtitles ## udetu hR^idayAkAshe mama herambabhAskaraH | utsAhakamalollAsaM kurvan vighnahimaM nudan || abhyarthitaH kamalajena bhuvo.apanetuM bhAraM babhUva vasudevasuto.adbhutA~NgaH | tAtena yo vrajamanIyata kaMsabhItyA kR^iShNo.avatAt sa bhagavAn hR^idayasthito naH || 1|| nandena nandanadhiyA kila rakShyamANo yaH pUtanAmanayadantikamantakasya | vAtyAsuraM cha shakaTaM tu padA bibheda kR^iShNo.avatAt sa bhagavAn hR^idayasthito naH || 2|| mAtre pradarshya bhuvanaM vivR^ite nijAsye gargeNa nAmani kR^ite saha pUrvajena | jahne manAMsi charitaitrervrajavAsinAM yaH kR^iShNoDavatAt sa bhagavAn hR^idayasthito naH || 3|| dushcheShTitena bata saMyamito jananyA pAshairulUkhala upAsakalokanighnaH | bha~NktvArjunau dhanadajAvavati sma yo vai kR^iShNo.avatAt sa bhagavAn hR^idayasthito naH || 4|| govardhanaM girivaraM samupetya vatsAn sa~nchArayan sahabalastadupatyakAsu | yo vatsadAnavamahan bakadAnavaM cha kR^iShNo.avatAt sa bhagavAn hR^idayasthito naH || 5|| gopAbhikAnajagarodarasampraviShTAn dR^iShTvA svayaM prasabhametya gaLe pravR^iddhaH | prANairviyojya ditijaM svajanAnapAd yaH kR^iShNo.avatAt sa bhagavAn hR^idayasthito naH || 6|| brahmANamAshu paridarshitayogamAyo yo.amUmuhat kR^itavayasyakavatsasa~NghaH | prItashcha yaH sapadi saMstuvate cha tasmai kR^iShNo.avatAt sa bhagavAn hR^idayasthito naH || 7|| paugaNDakaM vaya upetya manoj~naveSho vR^indAvane tu pashupaiH saha chArayan gAH | yo.ahan balena saha dhenukadaityamugraM kR^iShNo.avatAt sa bhagavAn hR^idayasthito naH || 8|| krIDan vane sahR^idayaiH saha gopaveShaM jyeShThena yaH sapadi dhAtitavAn pralambam | mu~njATavImupagato.agnibhayAdapAt vAn | kR^iShNoDavatAt sa bhagavAn hR^idayasthito naH || 9|| yaH kAliyasya garuDasya kalindajAyAH kAluShyamekapada eva padA jahAra | vahniM samantata upAgatamApibad yaH kR^iShNo.avatAt sa bhagavAn hR^idayasthito naH || 10|| yo yaj~navighnakupitendraniyuktamedhai\- rutsR^iShTavAriparipIDitamAtmanAtham | gogopavR^indamavituM dhR^itavAn mahIghraM kR^iShNo.avatAt sa bhagavAn hR^idayasthito naH || 11|| indreNa yo gatamadena kR^itAbhiSheko govinda ityabhihitastridashaissametaiH | nandaM jaleshapuranItamupAnayad yaH kR^iShNo.avatAt sa bhagavAn hR^idayasthito naH || 12|| yaH pR^iShTanandavachasA gatamartyabuddhIn svasmin yathArthamavagantumudUDhavA~nChAn | AtmasvarUpamavabodhayati sma gopAn kR^iShNo.avatAt sa bhagavAn hR^idayasthito naH || 13|| vR^indAvane charati chandrakarAbhimR^iShTe veNusvanashravaNamohitavallavIbhiH | rAsotsavaM vyatanutAkhilamohanaM yaH kR^iShNo.avatAt sa bhagavAn hR^idayasthito naH || 14|| yaH sha~NkhachUDamavadhIdabalA harantaM vyomaM cha gopagaNamadriguhAM nayantam | nandaM vyamochayadahermunishApato.amuM kR^iShNoDavatAt sa bhagavAn hR^idayasthito naH || 15|| yo.ahannariShTamasuraM vR^iShabhAkR^itiM svAn santrAsayantamapi keshinamashvarUpam | shrInAradoditasamastamahApadAnaH kR^iShNo.avatAt sa bhagavAn hR^idayasthito naH || 16|| akrUramAgatamakR^itrimabhaktibhAjaM yo mAnayan sahabalo madhurAM prayAtaH | mArge pradarshya paramaM mahimAnamasmai kR^iShNo.avatAt sa bhagavAn hR^idayasthito naH || 17|| durvAdinaM rajakamAshu nipAtya kubjA \- mR^ijvIM vidhAya cha sudAmakavAyakAbhyAm | dattvA varaM sapadi yaH prababha~nja chApaM kR^iShNo.avatAt sa bhagavAn hR^idayasthito naH || 18|| hatvA gajaM jhaTiti ra~NgagataH sarAma\- shchANUramuShTikamukhAn vinihatya mallAn | kaMsaM gurudruhamahan saha sodarairyaH kR^iShNo.avatAt sa bhagavAn hR^idayasthito naH || 19|| kR^itvA cha bandhanagatau pitarau vimuktau nandaM visR^ijya saha bandhujanaivrajAya | mAtAmahaM yadukulasya patiM vyadhAd yaH kR^iShNoDavatAt sa bhagavAn hR^idayasthito naH || 20|| gargAt kR^itopanayano vratamAsthito yaH sAndIpaniM gurumupetya gR^ihItavidyaH | tasmai mR^itArbhakamadAdghR^itapA~nchajanyaH kR^iShNo.avatAt sa bhagavAn hR^idayasthito naH || 21|| AshvAsya gopavanitAjanamuddhavena gatvA gR^ihaM ramayati sma vitIrNagandhAm | shvAvalkinA hR^itapR^ithAtmajasa~NkaTo yaH kR^iShNo.avatAt sa bhagavAn hR^idayasthito naH || 22|| yo mAgadhena samupAhR^itabhUmibhAraM prAptAhavopakaraNo bata chitrayuddham | kR^itvAgrajena rahito bahusho jahAra (sahito) kR^iShNo.avatAt sa bhagavAn hR^idayasthito naH || 23|| ruddhe pure yavanakena purIM vidhAya yo dvArakAM svajanamatra niveshya hR^iShTaH | mlechChaM chakAra muchukundahagagnidagdhaM kR^iShNo.avatAt sa bhagavAn hR^idayasthito naH || 24|| mAndhAtR^isUnumanugR^ihya jarAsutAya dattvA jayaM shrutavidarbhasutAbhilAShaH | tAM rAkShasena vidhinodavahachChriyaM yaH kR^iShNo.avatAt sa bhagavAn hR^idayasthito naH || 25|| labdhvA tu shambarahR^itaM tanayaM smaraM yaH kR^itvA prayatnamayashaHparimArjanAya | sAtrAjitImapi cha jAmbavatImavApa kR^iShNo.avatAt sa bhagavAn hR^idayasthito naH || 26|| hatvA syamantakakR^ite dayitApitR^ighna\- makrUrasIrihR^idikAtmajasatyabhAmAH | kShubdhAH prasannamanasashcha kR^itA hi yena kR^iShNo.avatAt sa bhagavAn hR^idayasthito naH || 27|| kALindyavindata patiM mihirAtmajA yaM vindAnuvindasahajApi cha mitravindA | baddharShabhaM sapadi nAgnajitI cha satyA kR^iShNo.avatAt sa bhagavAn hR^idayasthito naH || 28|| bhadrAM cha kekayapatestanayAmuvAha bhittvA cha lakShamaparairnara pairabhedyam | madrAdhipasya tanayAmapi lakShaNAM yaH kR^iShNo.avatAt sa bhagavAn hR^idayasthito naH || 29|| bhaumaM nihatya samuraM tadupAhR^itAnAM strINAM tu ShoDashasahasramudAvahad yaH | tAbhiH pR^ithagUgR^ihagatAbhiraraMsta vai yaH kR^iShNo.avatAt sa bhagavAn hR^idayasthito naH || 30|| dAtuM tu bhaumahR^itakuNDalamindramAtre svargaM gataH khagavareNa sasatyabhAmaH | yaH svastaruM saha madena jahAra shachyAH kR^iShNo.avatAt sa bhagavAn hR^idayasthito naH || 31|| AnartanAthatanayApatinAgrajena yo dvArakAmadhivasan nijavallabhAsu | ekaikasho dasha dashAjanayat tanUjAn kR^iShNo.avatAt sa bhagavAn hR^idayasthito naH || 32|| yastvarjunena yativeShanigUhitena duryodhanapriyakR^itaM halinaM pratArya | bhadrAM svasAramapahAritavAn subhadrAM kR^iShNo.avatAt sa bhagavAn hR^idayasthito naH || 33|| indrAtmajena saha khANDavamagnidagdhaM kR^itvA mayaM cha parirakShya sabhAmanena | yo.akArayat priyakR^ite khalu dharmasUnoH kR^iShNo.avatAt sa bhagavAn hR^idayasthito naH || 34|| bhImena mAgadhanR^ipaM yudhi ghAtayitvA tadbaddhabhUpatigaNAMshcha visR^ijya bhaktAn | yo.ayAjayat R^ituvareNa hi dharmasUnuM kR^iShNo.avatAt sa bhagavAn hR^idayasthito naH || 35|| hatvA tu chaidyapR^ithivIpatidantavakrA\- vAjanmanaH prabhR^iti sambhR^itamatsarau yaH | tuShTo babhUva kR^itakR^ityatayAtimAtraM kR^iShNo.avatAt sa bhagavAn hR^idayasthito naH || 36|| sAlvaM sasaubhamakhilAnapi mohayantaM hatvA sasainyamapi pauNDrakakAshipau yaH | chakre cha kAshinagarIM nijachakradagdhAM kR^iShNoDavatAt sa bhagavAn hR^idayasthito naH || 37|| AkR^iShTanIlasaritA vividAntakartrA sAmbApakAraviShamIkR^itahastinena ! | yastvagrajena saha ra~njitavAMstrilokIM kR^iShNoDavatAt sa bhagavAn hR^idayasthito naH || 38|| aj~nAtabhUmisuradhenvapahAradoShAt samprAptakUpavasatiM kR^ikalAsarUpam | uddhR^itya yo gamitavAn nR^ipatiM nR^igaM svaH kR^iShNo.avatAt sa bhagavAn hR^idayasthito naH || 39|| mAyAvalokanakutUhalato.abhiyAtaM dharmaM gR^ihasthavihitaM bahudhA pradarshya | chakre prasannamanasaM khalu nAradaM yaH kR^iShNo.avatAt sa bhagavAn hR^idayasthito naH || 40|| shrutvA niruddhamaniruddhamupetya bANaM jitvA vR^iShadhvajagirA tamathAnugR^ihya | pratyAnayat sapadi pautramuShAnvitaM yaH kR^iShNo.avatAt sa bhagavAn hR^idayasthito naH || 41|| dAridryataptadayitAvachasA sametaM svasmai pradattapR^ithukaprasR^itiM kuchelam | bhUtyA jitAmarapatiM kR^itavAn kShaNAd yaH kR^iShNo.avatAt sa bhagavAn hR^idayasthito naH || 42|| sUryoparAgasamaye bhR^iguvaryatIrtha\- snAnArthamAgatanR^iparShisuhR^itsamAje | yaj~notsavaM samatanodR^iShibhiH pituryaH kR^iShNo.avatAt sa bhagavAn hR^idayasthito naH || 43|| mAtre tu kaMsanIhatAMstanayAn pradarshya vaidehabhUpativR^iShashrutadevaviprau | anvagrahId yugapadetya gR^ihaM tayoryaH kR^iShNo.avatAt sa bhagavAn hR^idayasthito naH || 44|| utpAdya ghorasamaraM kurupANDavAnAM bhAraM bhuvo bata jahAra nirAyudho yaH | dharmAtmajaM cha jayinaM kR^itavAn sadharmaM kR^iShNo.avatAt sa bhagavAn hR^idayasthito naH || 45|| tIrthAplute munijanojjhitasUtahatyaM sviShTakratuM nihatavalkalamaprajaM yaH | Anandayachchiraviyuktamupetya hR^iShTaH kR^iShNo.avatAt sa bhagavAn hR^idayasthito naH || 46|| jyeShThena rukamiNi hate.atibale.akShagoShThayAM kAli~NgabhUpadashanAMshcha nipAtya seShAt | sa~nchapriyA~ncha samara~njayamAtmanA yaH (ta~nchapriyAM cha samara~njayadAtmanA yaH) kR^iShNo.avatAt sa bhagavAn hR^idayasthito naH || 47|| pArthena yaH saha padaM paramaM svametya svIkR^itya naShTatanayAn dvijapu~NgavAya | dattvA vayasyamakarot saphalapratij~naM kR^iShNo.avatAt sa bhagavAn hR^idayasthito naH || 48|| mUrtyA girA madhurayA smitavIkShaNAdyai\- rAkR^iShTasarvakaraNAH sakalAshcha devyaH | AnandavAridhigatA na viduryato.anyat kR^iShNo.avatAt sa bhagavAn hR^idayasthito naH || 49|| yo viprashApahatamAtmakulaM nishamya vairAgyayuktamanasau pitarau mumukShU | shrInAradena kR^itavAn viditAtmatattvau kR^iShNo.avatAt sa bhagavAn hR^idayasthito naH || 50|| provAcha yaH svamatamuttamamuddhavAya yaM sUrayo jagati bhAgavataM vadanti | pItAsavaM cha kR^itavAn kulamAtmasheShaM kR^iShNo.avatAt sa bhagavAn hR^idayasthito naH || 51|| kIrti vitatya bhuvane sakalAghahantrIM yo daivatairanumato bhavapadmajAdyaiH | vyAdhena viddhacharaNo gatavAn svakAShThAM kR^iShNo.avatAt ma bhagavAn hR^idayasthito naH || 52|| shrIkR^iShNamuktakamidaM paThatAM janAnAM yaH pAtakAni sakalAni vidhUya sadyaH | bhaktiM sthirAM svaviShayAM vidadhAti tuShTaH kR^iShNo.avatAt sa bhagavAn hR^idayasthito naH || 53|| gopAtmajA vratakR^ishAH parihAsapUrvaM yo.anvagrahIt tadabhilAShasamarthanena | chakre cha yo dvijasatIH saphalAtmabhaktIH kR^iShNo.avatAt sa bhagavAn hR^idayasthito naH || 54|| kR^iShNaH kR^iShNaH kR^iShNa ityantakAle jalpan janturjIvita yo jahAti | AdyaH shabdaH kalpate tasya muktyai vrILAnamrau tiShThato.anyAvR^iNArthau || 55|| iti shrIkR^iShNamuktakaM sampUrNam | ## Proofread by Mohan Chettoor \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}