% Text title            : Shri Krishnanamakaranapra Stava
% File name             : kRRiShNanAmakaraNaprastavaH.itx
% Category              : vishhnu, vishnu, krishna, brahmavaivartapurANa, stava
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 13/48-80||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishnanamakaranapra Stava ..}##
\itxtitle{.. shrIkR^iShNanAmakaraNaprastavaH ..}##\endtitles ##
golokanAtho bhagavA~nChrIkR^iShNo rAdhikApatiH || 48||
nArAyaNo yo vaikuNThe kamalAkAnta eva cha |
shvetadvIpanivAsI yaH pitA viShNushcha so.apyajaH || 49||
kapilo.anye tadaMshAshcha naranArAyaNAvR^iShI |
sarveShAM tejasAM rAshirmUrtimAnAgataH kimu || 50||
taM vasuM darshayitvA cha shishurUpo babhUva ha |
sAmprataM sUtikAgArAdAjagAma tavAlayam || 51||
ayonisambhavashchAyamAvirbhUto mahItale |
vAyupUrNaM mAtR^igarbhe kR^itvA cha mAyayA hariH || 52||
AvirbhUya vasuM mUrtiM darshayitvA jagAma ha |
yuge yuge varNabhedo nAmabhedo.asya ballava || 93||
shuklaH pItastathA rakta idAnIM kR^iShNatAM gataH |
shuklavarNaH satyayuge sutIvratejasA vR^itaH || 54||
tretAyAM raktavarNo.ayaM pIto.ayaM dvApare vibhuH |
kR^iShNavarNaH kalau shrImAMstejasAM rAshireva cha || 55||
paripUrNatamaM brahma tena kR^iShNa iti smR^itaH |
brahmaNo vAchakaH ko.ayamR^ikAro.anantavAchakaH || 56||
shivasya vAchakaH Shashcha nakAro dharmavAchakaH |
akAro viShNuvachanaH shvetadvIpanivAsinaH || 57||
naranArAyaNArthasya visargo vAchakaH smR^itaH |
sarveShAM tejasAM rAshiH sarvamUrtisvarUpakaH || 58||
sarvAdhAraH sarvabIjastena kR^iShNa iti smR^itaH |
karmanirmUlavachanaH kR^iShirno dAsyavAchakaH || 59||
akAro dAtR^ivachanastena kR^iShNa iti smR^itaH |
kR^iShirnishcheShTavachano nakAro bhaktivAchakaH || 60||
akAraH prAptivachanastena kR^iShNa iti smR^itaH |
kR^iShirnirvANavachano nakAro mokShavAchakaH || 61||
akAro dAtR^ivachanastena kR^iShNa iti smR^itaH |
nAmnAM bhagavato nanda koTInAM smaraNena yat || 62||
tatphalaM labhate nUnaM kR^iShNeti smaraNe naraH |
yadvidhaM smaraNAtpuNyaM vachanAchChravaNAttathA || 63||
koTijanmAMhaso nAsho bhavedyatsmaraNAdikAt |
viShNornAmnAM cha sarveShAM sArAtsAraM parAtparam || 64||
kR^iShNeti sundaraM nAma ma~NgalaM bhaktidAyakam |
kakArochchAraNAdbhaktaH kaivalyaM mR^ityujanmaham || 69||
R^ikArAddAsyamatulaM ShakArAdbhaktimIpsitAm |
nakArAtsahavAsaM cha tatsamaM kAlameva cha || 66||
tatsArUpyaM visargAchcha labhate nAtra saMshayaH |
kakArochchAraNAdeva vepante yamaki~NkarAH || 67||
R^ikArokterna tiShThanti ShakArAtpAtakAni cha |
nakArochchAraNAdrogA akArAnmR^ityureva cha || 68||
dhruvaM sarve palAyante nAmochchAraNabhIravaH |
smR^ityuktishravaNodyogAtkR^iShNanAmno vrajeshvara || 69||
rathaM gR^ihItvA dhAvanti golokAtkR^iShNaki~NkarAH |
pR^ithivyA rajasaH sa~NkhyAM kartuM shaktA vipashchitaH || 70||
nAmnaH prabhAvasa~NkhyAnaM santo vaktuM na cha kShamAH |
purA sha~NkaravaktreNa nAmno.asya mahimA shrutaH || 71||
guNAnnAmaprabhAvaM cha ki~nchijjAnAti madguruH |
brahmA.anantashcha dharmashcha surarShimanumAnavAH || 72||
vedAH santo na jAnanti mahimnaH ShoDashIM kalAm |
ityevaM kathito nanda mahimA cha sutasya cha || 73||
yathAmati yathAj~nAnaM guruvaktrAdyathA shrutam |
kR^iShNaH pItAmbaraH kaMsadhvaMsI cha viShTarashravAH || 74||
devakInandanaH shrIsho yashodAnandano hariH |
sanAtano.achyuto.anantaH sarveshaH sarvarUpadhR^ik || 75||
sarvAdhAraH sarvagatiH sarvakAraNakAraNam |
rAdhAbandhU rAdhikAtmA rAdhikAjIvanaM svayam || 76||
rAdhAprANo rAdhikesho rAdhikAramaNaH svayam |
rAdhikAsahachArI cha rAdhAmAnasapUraNaH || 77||
rAdhAdhano rAdhikA~Ngo rAdhikAsaktamAnasaH |
rAdhikAchittachorashcha rAdhAprANAdhikaH prabhuH || 78||
paripUrNatamaM brahma govindo garuDadhvajaH |
nAmAnyetAni kR^iShNasya shrutAni manmukhAddhR^idi || 79||
janmamR^ityuharANyeva rakSha nanda shubhekShaNa |
kR^itaM nirUpaNaM nAmnAM kaniShThasya yathA shrutam || 80||

iti shrIbrahmavaivartapurANe shrIkR^iShNajanmakhaNDe pUrve
          dvAdashAdhyAyAntargataH nAmakaraNaprastAvaH samAptaH |

brahmavaivartapurANa | shrIkR^iShNajanma, pUrvabhAga | adhyAya 13/48\-80||
##
brahmavaivartapurANa . shrIkRRiShNajanma, pUrvabhAga . adhyAya 13/48-80..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}