% Text title : Shri Krishnaprokta Krishnanarayana Stuti % File name : kRRiShNaproktAkRRiShNanArAyaNastutiH.itx % Category : vishhnu, vishnu, krishna, lakShmInArAyaNIyasaMhitA, stuti % Location : doc\_vishhnu % Proofread by : PSA Easwaran % Description/comments : lakShmInArAyaNIyasaMhitA | khaNDa 2 | adhyAya 40/38-112|| % Latest update : February 5, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Krishnaprokta Krishnanarayana Stuti ..}## \itxtitle{.. shrIkR^iShNaproktA kR^iShNanArAyaNastutiH ..}##\endtitles ## bhajadhvaM bhAvato bhaktyA shAshvatAlayado yataH | prapadye parameshAnaM taM hyajaM vaiShNavapriyam || 53|| parabrahma mahAtmAnaM vishvasya jagataH patim | namastasmai devadaityeshvaramuktAdisevine || 54|| sarvAkShAya sarvavyAptAtmane.antaryAmiNe namaH | gAyanti yaM gAyatriNo.archayantyenaM samarpitAH || 55|| yatra sarvaM kAraNaM cha kAryaM kriyA cha sAdhanam | daivataM sadasashchApi namastasmai vilAsine || 56|| namaH shAntAya variNe sha~NkhachakradhvajAbjine | shUline shAr~NgiNe chApi vajriNe shariNe namaH || 57|| svastimate mInavate namaste prabhaviShNave | namo.astvapratirUpAya svarUpadhvajadhAriNe || 58|| namo nAnAbhirAmAya namaH paTutarAya cha | namaH sA~Nkhyapravaktre te yogavaktre cha te namaH || 59|| namaH shrutipravaktre te nyAyavaktre namo namaH | namo muktipravaktre te namaH shikShApradAya cha || 60|| namo mImAMsanavaktre namo.amR^itapradAya cha | namo hiraNyavapuShe namashchampakavarchase || 61|| namaH stutyAya mantrAya sarvabhUtasharIriNe | namo hotre namaH shIlavratasthAyA.atirUpiNe || 62|| namo dIrghAkShiNe tubhyaM sarvakAmapradAyine | nabhashchAntaranetrAya sarvanetrAya te namaH || 63|| bhedA.abhedaprabhinnAya namaste vyatirekiNe | ChAyAtapanarUpAya shAntasattvAya te namaH || 64|| yaj~nabhAgapriyAyaikamUrtaye brahmaNe namaH | pa~nchAlaputrIrakShAya bhaguputrIpravAhine || 65|| anaraNyasuteshAya namo nArAyaNIshine | annadAyA.annapataye koshAtmakAya te namaH || 66|| bAlAnurUpagotre cha bAlalIlAvilAsine | namo bAlAya vR^iddhAya ma~njukeshAya te namaH || 67|| namaH ShaTkarmatuShTAya sahasrAbharaNAya cha | dharmArthakAmamokShANAmAshrayAya cha te namaH || 68|| namo.anantaguNaishvaryavibhUtyAshrayiNe namaH | meghashobhAya chandrArkatArAprabhAya te namaH || 69|| tvamannamannabhoktA cha pakvabhuk pAvano.analaH | vAri tvaM tvaM tathAtR^iptiH sukhamAnanda te namaH || 70|| jarAyujA.aNDajAshchApi svedodbhijjAstvayA kR^itAH | tvameva chAvatAresha bhUtagrAmashchaturvidhaH || 71|| sraShTA charAcharasyA.asya pAtA hantA tvameva ha | tvAmAhurbrahma vidvAMsaH paraM brahmavidAM gatiH || 72|| manasaH paramaM jyotirjyAtistvaM jyotiShAmapi | haMso vR^ikSho madhukaraH prAhustvAM brahmavAdinaH || 73|| yaj~neShTakR^it phalanaratvaM tvAmAhurmunayastathA | paThyase stutibhirnityaM vedopaniShadAM gaNaiH || 74|| narA nAryaH sthAvarA ja~NgamAstirya~ncha ityapi | tvameva vidyase kR^iShNanArAyaNa jagatprabho || 75|| tvameva meghasa~NghAshcha vidyuto.ashanigarjitam | saMvatsarastvamR^itavo mAso mAsArdhameva cha || 76|| yugAnimeShAH kAShThAshcha nakShatrANi grahAstathA | tvaM sharI tvaM gadI chakrI khaDgI vajrI sharAsanI || 77|| ChettA bhettA prahartA.asi mantA netA sanAtanaH | samudrAH saritaH shailA vR^ikShAH sarAMsi bhUstarAH || 78|| latAtR^iNauShadhivallIpashavo mR^igapakShiNaH | pR^ithukarmaguNArambhaH kAlaH puShpaphalodayaH || 79|| madhyaM bIjaM chAM.akuraM cha patraM kANDaM cha granthikA | nAlaM puShpaM phalaM chApi raso gandhastvameva cha || 80|| piShTaM miShTaM sadeShTaM cha tvameva parameshvara | pavitraM cha pavitrANAM ma~NgalAnAM cha ma~Ngalam || 81|| udayAnAmudayAgryaM tvameva paramA gatiH | prANA nimeShA jR^imbhashcha kShutaM chA.abhyAhatistathA || 82|| brahmakAlayamAgnInAM shAstA bodhayitA bhavAn | chanuryugashchaturvedashchAturhotrapravartakaH || 83|| chAturAshramyanetA cha chAturvarNyakarastathA | prashilpI gaNako mAtA sarvashilpapravartakaH || 84|| svAhA svadhA vaShaTkAro namaskAraH stutistathA | prArthanA prArthanIyaM cha tvameva te namo namaH || 85|| gUDhavrato guhyatapAstArako bhUmisandharaH | dhAtA vidhAtA sandhAtA tvameva te namo namaH || 86|| brahmA shambhustathA viShNurvirADbhUmA tvameva cha | tapaH satyaM brahmacharyamArjavaM tvaM pratoShaNam || 87|| bhUrbhuvaH svaM jIvasR^iShTirIshasR^iShTistvameva cha | brahmasR^iShTiH R^itaM dIkShA damanaM tvaM janArdanaH || 88|| kAntaH priyaH patiH svAmI nArAyaNastvameva cha | bindurnAdo dhvanirbrahma vimarshaH sphoTa ityapi || 89|| pashyantI cha parA madhyA vishiShTA vAk tvameva cha | gaurbhUmirbrAhmabhaktashcha sAdhuH satI cha ki~NkarI || 90|| vashyaH sarvaM tvamevA.a.asse tvAM vinA nAsti nAstyapi | shashA~NkAnalashItoShNakShuttR^iShAshcha jarAmayAH || 91|| Adhayo vyAdhayaH shAntirbheShajaM tvaM janArdana | somapAstvaM cha mAdhuryaM marutpatirjagatpatiH || 92|| amR^itAshI jagannAthAH ku~Nkumeshastvameva cha | akShatesho gaNeshashcha mukteshastvaM pareshvaraH || 93|| viShAgnipAH somapAshcha kShIrapA navanItapAH | AjyapA madhupAH sarvabhoktA tvaM cha pitAmahaH || 94|| hiraNyaretAH puruShashreShThastvameva chaikalaH | tvaM strIpumAn tvaM tR^itIyo bhAvadvayavivarjitaH || 95|| bhAvatrayAtigashchApi bhAvatraye pravartase | bAlo yuvA sthavirashcha jIrNadaMShTro.asi vishvakR^it || 96|| chandrAdityau chakShuShI te jihvA te cha sarasvatI | ahorAtre nimiShobhe AtmAnaste gR^ihAlayAH || 97|| na brahmA na shivo viShNuH paurANA R^iShayo na te | mAhAtmyaM vedituM shaktA yAthAtathyena bAlaka || 98|| puMsAmIsheshvarANAM muktAnAM koTyarbudAni cha | tiShThase tvaM samAvR^itya chAntarbahistvameva saH || 99|| mahatastamasaH pAre.akSharasyA.api pare sadA | pare dhAmni pareshastvaM rAjase so.atra mUrtimAn || 100|| yaM vinidrA jitaprANAH sattvasthA brahmavartinaH | paraM pashyanti yu~njAnAstasmai yogAtmane namaH || 101|| yA yA mUrtayaH sUkShmAste shakyA darshayituM na tAH | tAbhyaH sarvAbhya evA.atra tvadrUpAbhyo namo namaH || 102|| bhaktAnukampI bhagavAn bhakteShu vartase sadA | keshA meghA yasya nADyo nadyaH kukShau mahAbdhayaH || 103|| shayAnAya jale haime tapasyate cha te namaH | ye.a~NguShThamAtrAH puruShAshchidaH sthAvaraja~NgamAH || 104|| ye nadIShu samudreShu parvateShu guhAsu cha | vR^ikShamUleShu goShTheShu kAntAragahaneShu cha || 105|| chatuShpatheShu rathyAsu chatvareShu sabhAsu cha | hastyashvarathashAlAsu jIrNodyAnAlayeShu cha || 106|| ye.api pa~nchasu bhUteShu dishAsu vidishAsu cha | chandre sUrye satyaloke vaikuNThAkhyachatuShTaye || 107|| rasAtalagatA ye cha ye cha tasmAt para~NgatAH | tava bhaktAstava dAsAH ki~NkarAstava keshava || 108|| dAsyaH satyastava bhaktAH ki~Nkaryastava mAdhava | namastebhyo namastAbhya ubhAbhyAM cha namo.achyuta || 109|| yeShAM na vidyate sa~NkhyAH pramANaM rUpameva cha | asa~NkhyAste muktagaNA namastebhyo.astu nityashaH || 110|| prasIda bAlarUpa tvaM svakaM bhAvaM pradarshaya | tvayi no hR^idayAnyatra bhavantu satkathAphalam || 111|| ityevaM rAdhike! tena stutaH kR^iShNanarAyaNaH | kathArambhe prasannaH sannAtmano darshanaM dadau || 112|| iti shrIlakShmInArAyaNIyasaMhitA | khaNDa 2| adhyAya 40\-adhyAyAntargataM shrIkR^iShNaproktA kR^iShNanArAyaNastutiH samAptA | lakShmInArAyaNIyasaMhitA | khaNDa 2| adhyAya 40/38\-112|| ## lakShmInArAyaNIyasaMhitA . khaNDa 2. adhyAya 40/38-112.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}