% Text title            : Shri Krishnaproktam Purushottamakathavarnanam
% File name             : kRRiShNaproktaMpuruShottamakathAvarNanam.itx
% Category              : vishhnu, vishnu, lakShmInArAyaNIyasaMhitA
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 2 | adhyAya 1/29-40||
% Latest update         : February 5, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishnaproktam Purushottamakathavarnanam ..}##
\itxtitle{.. shrIkR^iShNaproktaM puruShottamakathAvarNanam ..}##\endtitles ##
shrIkR^iShNa uvAcha |
yashchA.asti divye.akSharadhAmni divyo hyanantamuktA.abhisusevyamAnaH |
pare.akSharAddhAmni virAjamAnaH so.ayaM pR^ithivyAM samavAtatAra || 29||
shrIkR^iShNanArAyaNanAmadheyo hyanAdikR^iShNaH parameshvarashcha |
golokavaikuNThanivAsibhishcha prage.archane vai hR^idi chintyamAnaH || 1\.30||
so.ayaM kR^ipAbhiH pR^ithivItale ku~NkumAkhyavApyAM hi surAShTradeshe |
shrIkambharAlakShmisatIgR^ihe.atra gopAlakR^iShNAtmajatAmavApa || 31||
yasmAdahaM pUrNatamo.api kR^iShNo rAdhApatishchApyabhavaM purANaH |
lakShmIpatishchApyabhavadyato vai vaikuNThadhAmAdhipatirmahAtmA || 32||
kailAsavAso.api yato.abhavachchAmR^itAdhivAso.api yato.abhavachcha |
avyAkR^itesho.api yato.abhavachcha hiraNyagarbho.api yato.abhavachcha || 33||
shrIbadrikesho.api yato.abhijAtaH kShIrodavAsI cha yato.asti jAtaH |
shvetAkhyadhAmesha narAyaNo.api yato.asti jAtaH kamalApatirvai || 34||
asa~NkhyadhAmAdhipareshvarAshcha yato bhavantyeva harestu rAdhe |
tasyAtmadevasya guNAnukIrtiM vadAmi rAdhe parameshvarasya || 36||
tvayA stutaH shrIpuruShottamo yaH parAtparaH kAraNakAraNaM cha |
sarvAvatArAdhipatiH purANaH smarAmi taM shrIpuruShottamesham || 36||
dviShaTkayuktaM kathitaM cha yat shataM tvayA pareshasya tu mukhyayoShitAm |
divyA~NganAnAM charaNAnyahaM sadA namAmi tAsAM pataye namo namaH || 37||
ahaM purodbhAvya vilokitastvayA sAkaM pareshena nivAsanAya vai |
golokasa.nj~naM mama dhAma chArpitaM rAdhe vihArArthamanena te namaH || 38||
tataH paraM yena narAyaNaH kR^ito lakShmyA suyuktashcha vilokitashcha saH |
vaikuNThasa.nj~naM pradadau cha dhAma yattasmai pradAtre paramAtmane namaH || 39||
athApi rUpaM cha vidhAya shAmbhavaM satyA samaM yatpravilokitaM punaH |
kailAsasa.nj~naM pradadau cha dhAma yat nivAsadAtre guNadhAriNe namaH || 1\.40||

iti shrIlakShmInArAyaNIyasaMhitA | khaNDa 2| adhyAya prathamAdhyAyAntargataM
shrIkR^iShNaproktaM puruShottamakathAvarNanam |

lakShmInArAyaNIyasaMhitA | khaNDa 2| adhyAya 1/29\-40||
##
lakShmInArAyaNIyasaMhitA . khaNDa 2. adhyAya 1/29-40..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}