श्रीकृष्णशरणाष्टकम्

श्रीकृष्णशरणाष्टकम्

सर्वसाधनहीनस्य पराधीनस्य सर्वतः । पापपीनस्य दीनस्य श्रीकृष्णः शरणं मम ॥ १॥ संसारसुखसम्प्राप्तिसन्मुखस्य विशेषतः । वहिर्मुखस्य सततं श्रीकृष्णः शरणं मम ॥ २॥ सदा विषयकामस्य देहारामस्य सर्वथा । दुष्टस्वभाववामस्य श्रीकृष्णः शरणं मम ॥ ३॥ संसारसर्वदुष्टस्य धर्मभ्रष्टस्य दुर्मतेः । लौकिकप्राप्तिकामस्य श्रीकृष्णः शरणं मम ॥ ४॥ विस्मृतस्वीयधर्मस्य कर्ममोहितचेतसः । स्वरूपज्ञानशून्यस्य श्रीकृष्णः शरणं मम ॥ ५॥ संसारसिन्धुमग्नस्य भग्नभावस्य दुष्कृतेः । दुर्भावलग्नमनसः श्रीकृष्णः शरणं मम ॥ ६॥ विवेकधैर्यभक्त्यादिरहितस्य निरन्तरम् । विरुद्धकरणासक्तेः श्रीकृष्णः शरणं मम ॥ ७॥ विषयाक्रान्तदेहस्य वैमुख्यहृतसन्मतेः । इन्द्रियाश्वगृहितस्य श्रीकृष्णः शरणं मम ॥ ८॥ एतदष्टकपाठेन ह्येतदुक्तार्थभावनात् । निजाचार्यपदाम्भोजसेवको दैन्यमाप्नुयात् ॥ ९॥ ॥ इति हरिदासवर्यविरचितं श्रीकृष्णशरणाष्टकं सम्पूर्णम् ॥ Proofread by PSA Easwaran
% Text title            : kRRiShNasharaNAShTakam 1
% File name             : kRRiShNasharaNAShTakam.itx
% itxtitle              : kRiShNasharaNAShTakam 1 (haridAsavaryavirachitam sarvasAdhanahInasya parAdhInasya sarvataH)
% engtitle              : kRRiShNasharaNAShTakam 1
% Category              : aShTaka, vishhnu, krishna, vishnu, haridAsa, puShTimArgIya
% Location              : doc_vishhnu
% Sublocation           : vishhnu
% SubDeity              : krishna
% Author                : haridAsa
% Language              : Sanskrit
% Subject               : philosophy/hinduism/religion
% Proofread by          : PSA Easwaran
% Description/comments  : puShTimArgIya stotraratnAkara
% Indexextra            : (pushti margiya stotraratnAkara)
% Latest update         : May 17, 2017
% Send corrections to   : (sanskrit at cheerful dot c om)
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org