% Text title : Shrikrishna Stavana Kavacham % File name : kRRiShNastavanakavacham.itx % Category : vishhnu, kavacha, krishna % Location : doc\_vishhnu % Transliterated by : staff of Muktabodha.org Mark S.G. Dyczkowski % Proofread by : Aruna Narayanan narayanan.aruna at gmail.com % Description/comments : rudrayAmale uttaratantre 1 bhairava bhairavI sa.nvAde % Source : Rudrayamalam part 1 edited by Ram Prasad Tripathi and Sudhakar Malaviya % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : February 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Krishnastavana Kavacham ..}## \itxtitle{.. shrIkR^iShNastavanakavacham ..}##\endtitles ## athaikonachattvAriMshaH paTalaH AnandabhairavI uvAcha atha nAtha pravakShye.ahaM saMsArasAdhanottamam | yena sAdhanamAtreNa yogI bhavati tatkShaNAt || 39\-1|| anAyAsena siddhiH syAd yadyanmanasi vartate | trailokyaM mohayetkShipraM trailokyaM vashamAnayet || 39\-2|| rAmeNa sahitaM nityaM jagatAM sAkShiNaM varam | jAmadagnyakarAmbhojasevitaM sarvasevitam || 39\-3|| anantasattvanilayaM vAsukI sa~NgamAkulam | aShTahastAgrasushrIdaM nAnAla~NkArashobhitam || 39\-4|| svAdhiShThAnagataM dhyAtvA shItalo jAyate vashI | tatstotraM shR^iNu me nAtha yatpAThAt siddhimApnuyAt || 39\-5|| shrIkR^iShNastotraM brahmAdayaH surAdhIshA munayaH kraturakShakAH | etat stotraM purA kR^itvA jIvanmukto mahItale || 39\-6|| ataH shrIkAlikAnAtha stotraM shR^iNu mahatphalam || 39\-7|| shrIviShNoradbhutakarmaNo brahmarShistriShTupChandaH shrIviShNuH shrIkR^iShNaH shrInArAyaNo devatA sarvastotrasArakavachamantrasid.hdhyarthe viniyogaH || shrI kR^iShNaM jagatAmadhIshamanaghaM dhyAnAtsiddhipradaM govindaM bhavasindhupArakaraNaM santAraNaM kAraNam | shrI viShNuM vanamAlinaM narahariM nArAyaNaM gokulaM yogendraM naranAthamAdipuruShaM vR^indAvane bhAvayet || 39\-8|| mokShashrIsahitaM kR^itAntavikR^itaM dharmArNavaM sundaraM shrIrAmaM balarAmabhAvavimalaM nityAkulaM satkulam | shrIshyAmaM kanakAdihAravilasatlambodaraM shrIdharaM taM vande harimIshvaraM guNavatImAyAshrayaM svAshrayam || 39\-9|| vaikuNTheshamasheShadoSharahitaM sAyujyamokShAtmakaM nAnAratnavinirmitA mama pUjA rAjendrachUDAmaNim | shobhAmaNDalamaNDitaM surataruchChAyAkaraM yoginaM vidyAgopasutAvR^itaM guNamayaM vAksiddhaye bhAvayet || 39\-10|| svAdhiShThAnaniketanaM parajanaM vidyAdhanaM mAyinaM shrInAthaM kulayoginaM tribhuvanollAsaikabIjaM prabhum | saMsArotsavabhAvalAbhanirataM sarvAdideshaM sukhaM vande.ahaM varasarpashatrusaphale pR^iShThe sthirAnandadam || 39\-11|| bhAvAShTaM bhavabhAvayogajaDitaM jADyApahaM bhAsvaraM nityaM shuddhaguNaM gabhIradhiShaNAmodaikahetuM patim | kIrtikShemakaraM mahAbhayaharaM kAmAdhidaivaM shivaM tattatShaDdalamadhyageharuchirAnandaikadeshAspadam || 39\-12|| vande shrIpatimachyutaM narahariM daityArishikShyAkulaM gandharvaprabhR^iteH sugAyanarataM vaMshIdharaM bhAvadam | ratnAnAmadhipaM gatisthamachalaM govardhanAdhAraNaM vishvAmitratapodhanAdi munibhiH saMsevitaM taijasam || 39\-13|| vande govindapAdAmbujamajamajitaM rAjitaM bhaktimArge sattvotpannaM prabhutvaM paragaNanamitaM chAruma~njIrahAram | haMsAkAraM dhavalagaruDAnandapR^iShThe nimagnaM bandhUkAraktasArAnvitacharaNatalaM sarvadAshAntarAlam || 39\-14|| rAkiNyAH premasiddhaM navavayasigataM gItavAdyAdirAgaM rAgotpannaM suphalaguNadaM gokulAnandachandram | vANI\-lakShmI\-priyaM taM tribhuvanasujanAhlAdakartAramAdyaM vande siddhAntasAraM gatinatirahitaM sArasa~NketitAptam || 39\-15|| kAmaM kAmAtmakaM taM vidhugatashirasaM kR^iShNasambodhanAntaM bIjaM kAmaM punastat puruShasurataruM bhAvayitvA bhaje.aham | shrIkR^iShNaM kR^iShNakR^iShNaM niravadhisukhadaM suprakAshaM prasannaM svAdhiShThAnAkhyapadme manasi gato bhave siddhisthalastham || 39\-16|| AkAshe chArupadme rasabhayavalagaM raktavarNaM prakANDaM AtmArAmaM narendraM sakalaratikaraM kaMsahantAramAdim | AdyantasthAnahInaM vidhiharagamanaM sendranIlAmalAbhaM bhAvotsAhaM trisargasthitiparamamaraM bhAvaye bhAvasid.hdhyai || 39\-17|| sarveShAM j~nAnadAnaM rasadalakamale sarvadA tvaM karoShi AtmAnandaM sudhAdipriyadhanaguNinAmekayogapradhAnam | mAyApUrNaH prachayanavarasaH prItideshaH prabhekaH shrIrAjAkhyaH prapUrNaH mayi dhanarahite dR^iShTipAtaM bhavAdau || 39\-18|| kAlI shrIkuNDalinyAH paragR^ihanirataM bhAvakabrahmarUpam | muktichChatraM pureshaM nijadhanasukhaM bhAryayA krIDayantam | sabhAkShetraM netraM nayamAnamayamatpurasaMsthAbhiShekam || 39\-19|| dhyAtvA.ahaM praNamAmi sUkShmakamale lokAdhipaM vyAdhipaM vaikuNThaM kR^iShNamIDe kurubhavavibhavakShemahantAramantam | shAntAnAM j~nAnagamyaM svanayanakamale pAlayantaM trimArgaM vajrAriM pUtanAriM dvayavakanarakadhvAntasaMhArasUram || 39\-20|| mAnyaM lokeShu sarveShvatishayamanasaM kevalaM nirmala~ncha o~NkAraM kAraNAkhyaM sugatimatimatAM mAtR^ikAmantrasiddham | siddhAnAmAdisiddhaM suraripushamanaM kAlarUpaM ripUNAM ## var ## suraripumamalaM mUlordhve ShaDdalAnte manasi suvimale pUrayitvA mukundam || 39\-21|| nityaM sambhAvaye.ahaM nijatanusamatA siddhaye pUjayAmi | tvaM sAkShAdakhileshvaraH priyakaraH shrIlokahastArchitaH | kShoNIshaH pralayAtmakaH pratiguNI j~nAnI tvameko mahAn || 39\-22|| yadyevaM mama pAmarasya kaluShaM shrIdharmahInAnditaM kR^itvA pAdatale yadIha niyataM vyArakSha rakShAtmagam | rAdhAkR^iShNapadAmalAmbujatalaM chaitanyamuktyAkulaM sarvatrAdigamAgamaM trigamanaM nirvANamokShAshrayam || 39\-23|| bAlaM vairivinAshanaM sukhamayaM kaivalyamokShAspadaM daivaM devagaNArchitaM rasadale chAropayAmi prabho | nirddiShTaM bhuvanAshrayaM yatipatiM nirvANamokShasthitaM nirvANAdikamodane prachapalaM shrIcha~nchalAsa~Nkulam || 39\-24|| vande.ahaM parameshvaraM sakaladaityAnAM balaprANaham | haMsArUDhanirakShaNaM kShaNagataM vANIpatiM bhUpatim | vA~nChAkalpalatApatiM kulapatiM vidyApatiM gopatim || 39\-25|| shrIvidyApatimAdidevapuruShaM vishveshvarapremagam | shrIkumbhodbhavakAlasattvanikaraM tvAM bhAskaraM bhAvaye | siddhAnAmabhichihnayoganirataM rakSha tvamAdau hi mAm || 39\-26|| prabho niHsa~NketaM guNamaNimataM shreyasi matam | matAmantaH susthaM vigalitamahApremasurasam | mudA vande kR^iShNaM harakaratalAmbhojayajitam || 39\-27|| prabhApu~njaM rAmAshrayapadamadaM kAmakushalaM mahAmantrachChAyAM rajanimilitaM dhvAntajaDitam | trikoNasthaM kusthaM kugatisugatiM kAraNagatiM pralInaM saMsthAnaM jagati jagatAM dharmamudayam || 39\-28|| rameshaM vANIshaM vidhigatapadaM shambhunigataM trikAlaM yogAnAM nayanakamalaM shabdaniratam | kulAnandaM gopIjanahR^idayagaM gopiyajitaM vidhAnaM tvAmindraM gurutaramupendraM hariripum || 39\-29|| mudA tvAM vande.ahaM chapalaM tAM me navahave | kulAlApashraddhAmayamakhilasiddhipradamanam | malAtItaM nItaM suranarasatAM shAstrabhavanam || 39\-30|| vinodaM nArINAM hR^idayarasikaM shokarahitam | virAjaM yaj~nAnAM hitamatiguNaM yAmi sharaNam || 39\-31|| etatsambandhamAtrI mama kulashirasi sthAyinaM pAtu nityaM gopInAM prANanAthaH pratidinamanishaM bhAladeshaM prapAyAt | bhAlAdhodeshasaMsthaM samavatu sahasA rAjarAjeshvareshaH gopAnvanvo sureshaH sthityantashAstranetraM sukhamakhilabhavaH kaNThachChatrAbhisaMstham || 39\-32|| (sukhamakhilamayaH) pR^iShThasthaM pAtu shauriH pratidinamamaro li~NgabAhyaM kaTisthaM shambhupremAbhilAShI mama tu kulapadaM guhyadeshaM prapAyAt | AnandodrekakArI sakalatanugataM pAtu nityaM murAriH daityArishchorumUlaM nR^ihariravatu me ja~NghayA pAdapadmam || 39\-33|| (naraharivatAja~NghyA) etatstotraM paThedvidvAn niyato bhaktimAn shuchiH | sthiro bhavati mAsena ShaDdale sarvasiddhibhAk || 39\-34|| iti shrIrudrayAmale uttaratantre mahAtantroddIpane siddhamantraprakaraNe ShaTchakraprakAshe bhairavabhairavIsaMvAde shrIkR^iShNastavanakavachaM nAmaikonachatvAriMshattamaH paTalaH || 39|| ## The numbers correspond to paTala and verse numbers from Rudrayamala uttaratantra. Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}