% Text title            : Shri Krishna Stavanam
% File name             : kRRiShNastavanam.itx
% Category              : vishhnu, vishnu, moropanta, stava, krishna, shataka
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishna Stavanam ..}##
\itxtitle{.. shrIkR^iShNastavanam ..}##\endtitles ##
(gItivR^ittam)
keshava! ke shavatulyA na svayi vimukhAH svalA malAkArAH ?
bhaktAstava saktAH stavanatipUjAsu prabho! na ke dhanyAH? || 1||
mAdhava! sAdhava eva tvayashasi ratA na durjanA malinAH |
(1)haMsA iva no dR^iShTA mauktikakavalAratA bakAH kAkAH || 2||
yatyAdR^ikatha! bhagavannatyAdaratastvamupagatACharaNam(2) |
natyA sakR^idapi kR^itayA satyAnandaprado bhavasi sadyaH || 3||
yassAdhugItayA tvaM kIrtyA nijayApi deva! | mudameShi |
tattAM taba priyArthaM gAtumahaM premataH pravR^itto.asmi || 4||
datvA viShamaparimitaM labdhaM tvatto.amR^itaM nu pUtanayA |
(3)pUtanayA.adha vR^itastvaM kIrtyA tata eva nityanUtanayA || 5||
(4)yaH sati sAdhuH sa tathA na yathA.asati sAdhurIDya eSha satAm |
sadasi kathayanti kavayaH pApoddhR^itimeva vismaranti na tAm || 6||
ayi ! ke tvayi keshava! na hi vinatA (5)vinatAtanUjavAha! janAH |
kaMsAre! kaM sAre pIte te yashasi na cha (6)pumarthamitAH || 7||
ajagaramaja(7) garanidhimarimatyugraM prastasAramashishuvarasam |
akaroramR^itanidhiM kiM na karo dAtA janAyate suhR^ide || 8||
amunA yamunAmiva me matimapadoShAM padA(8) kadA kartA |
vada bho madabhogimathana ! pR^ichChAmi yatastvamAdR^ito yashasi || 9||
kuru kuruvara(9) iva patite mayi sharatalpa iva deva! | saMsAre |
karuNAM karuNAvaruNAlaya ! varadaguro! mukunda ! kaMsAre! || 10||
jAnannapyahamahitaiH prasabhaM viShayairjanaiH sa (10)dharma iva |
krIDitumalaM pravR^ittastvaM dInAnAM sa eva bandhurasi || 11||
kAmAdibhirahitairme matirugraiH kauravairiva prasabhaM |
dharmasya vadhUriva hA.anyAyAdvivashIkR^itA tvayA rakShyA || 12||
kaMsArAte! kIrtiH kaM sArA te janaM na pAtumalam |
(11) vasudhAdhArAdya vibho! na (12)sudhAdhArA kShamAvituM rugNam || 13||
ya upAyanaM pradAtuM (13)pR^ithukaprasUti ta upagato, bhavatA |
avatA sa dInabandho.akAri sudAmA padaM mudAmAshu || 14||
kavinA na vinA vrajati khyAtiM, bahvapi yashaH prabhorjAtu |
muditamataH kuru mAM kavimavigItakathA yathAsukhaM gAtum || 15||
pItAMshuka ! gItA shukakavinA vAlmIkineva rAmasya |
rasikAH piyanti bhavataH kIrtiM devAH sudhAmivAjasram || 16||
sAdhu shukeneva punargItAni yashAMsi te mayUreNa |
khyAtiM prayAntu loke bhoH ! ke baddhAdarA na (14)navyarase ? || 17||
stotumanasamakaroH kila galle spR^iShTvA dhruvaM dhruvaM darataH(15)
tadvanmAmAdarataH kuru purukaruNArya nijanutau nipuNam || 18||
nutikR^itikR^itAdarastvaM sadasi satAM shrutamiti shrutij~nAnAM |
tvAM tena te namajanamandAraM prArthaye namanna~Nghrim || 19||
nanu te na nuteradhikaM matamanyadyadi tadiShTameva tava |
vitara varaM mayyAshritahita ravara~njitajagatsvavaMshena(16) || 20||
stutvAstu tvAmayamiha saMsAre bhoH prabho! | jano dhanyaH |
yAche yatastvamichChAM pUrayasi sukhaM vadAnyamUrdhanyaH || 21||
yenArthikAmapUrtiH kriyate valu jhaTiti pArijAtana |
sa mayA kathaM nu ramayA pUjitamapahAya te padaM sevyaH? || 22||
bhavadAshritaiH sa (17) labhyastvaM tu na jAtvapi tadAshritairbhagavan! |
bhAmAdvAri sa satataM na bhavAn sthita indramadirAntarapi || 23||
taM jaDamavivekinamagamasvAdhInaM(18) samAshrayiShyati kaH |
tvAM prabhumapAsya sarvagamAdikaviM karuNamakhilakAmakaram || 24||
antarbahirapi kaThinashchitAmaNirupaka eva khalveShaH |
kAmadhugapi pashurashubhaM bhavato.anyannAtha sarvamasmAkam || 25||
brahmAdayo.api devAH kR^ichChre(19) tvAM devadevamupayAnti |
sagadA(20) jagadAdhAra! (21)prAjyAmR^itapANimiva guruM bhiShamAm || 26||
yaH puradAhaM chakre shakreNa prArthitaH prabhuH(22) sapadi |
so.api vR^ikavyasanAskila vilayaM gata eva rakShito bhavatA || 27||
bhItAMstrAtuM dAtuM varamabhilaShitaM samastamarthibhyaH |
analasamanalasamaM (23) khalashalabhalaye tvAM vadanti satkavayaH || 28||
gajamambujantushakrAnnakAchchakrAyudhAvatA(24) bhavatA |
dattamanuktvApyabhayaM saMsAragrAhapIritebhyo(325) naH || 29||
nArAyaNetyajAmila AkrushyApatyamatyapatyamatiH |
tvAM prApa pApanilayaH kila yaH (26)shatakalpanirayavAsArhaH || 30||
tvAmahamanishaM (27)kalaye kalaye yahattasAdhvaso.asi tvaM |
(28)praNateryatnA avamA ava mAmityAnataM dayAlumaNe! || 31||
ekastvameva shAshvata Asse sukhamabjanAbha! | yadanalpe |
kalpe.akhilalokAnAM bho bhagavan ! bhogibhogamayatalpe || 32||
nAtha katha~NkAraM te mahimAnamagAdhamimamaho! | brUmaH |
yatvattatvavichAre.achAdyAste prabhuracha~nchala bhrUmaH || 33||
gopyA ko.apyAptaste pAMsulayApi prasAda IshvarataH |
satyApyatyAdR^itayA (29) na mayA na mayAda(30) uchyate.apyakhilaiH || 34||
baddho.asyulUkhale tvaM gopyA hanta! | vraje sa dAmnA yaM |
j~nAtuM kavayo na vayogatamapi pashyanti khalu sadA.a.annAyam || 35||
(31)avatArAtibhyo jagadavatArA deva! | ye gR^ihItAste |
mAdhurataH sAdhurataH ko.api nateShviha tu sUddhR^itA bahavaH || 36||
iha gokulaM vrataM te shishavo.apyasavaH kumArikAH shrutayaH |
gopA guravaH parameshvara kiM bahunArayaH priyAtithayaH || 37||
(32)mAthuramavatArAmimaM manye.akhilakAmakarupatarumeva |
vastu sakalamekarasIkartuM drutamasti jagati na rumeva || 38||
bhuktaM saha pashupashishubhiruktaM kR^itameva gopavAmadR^ishAM |
muktaM chAshru viyoge yuktaM bhagavatyadaH kimAtmarate ? || 39||
bhaktAnAM puratasvAM narsayatItthaM svabhaktavatsalatA |
na vyApUto bhavAniva ko.api kuTumbI kvachit kuTumbe sve || 40||
pArthasahAyasya na te kA vA rItiH kuTumbirItiriva?
dUtatvaM sUtatvaM bhajato vrajato.anR^itena chApi pathA || 41||
saktaM sapatnamathanaM bhaktaM bhajatA kirITinaM pArthaM |
vyaktaM nijamAhitatvaM tyaktaM svIkR^itya sAdhu sArathyam || 42||
soDhvApyAyAsamaraM samaraM gatvA.asusaMshayaM prApya |
lubdheneva svArthaH pArthaH parirakShitastvayA vyasane || 43||
bha~Nge shrIkAnta ! nave shAntanave(33) prakupite pratij~nAyAH |
prAptastathA na kampaM tvaM pa~Nkajanetra ! hR^idi yathA sakhyuH || 44||
upaniShadAM sarvasvaM mUrtaM shreyaH shriyaH satAM satvaM |
(34)vapurApageyasamare.anAdR^itamiShuvikShataM na te mitram || 45||
shritamavatastava bhIShmAdrathachakrabhR^itaH kShatapratij~nabhya |
adyApi satyasandhairapyuchchairgIyate yashaH sadasi || 46||
(35)bhagavannUnaM nUnaM shritasamavanato.anyadakhilamapi karma |
paripAlayanyadekalamarjunamasi sarvathA satAmIDyaH || 47||
bhaktaM naktandivamapi (36)kapiketuM netumIpsitAM padavIM |
kiM kiM na rakShatA kR^itamupta kiM kiM kAritaM na vAnyaiste || 48||
dharmoM yadavadadanR^itaM yadakANDe.adarshanaM jagAma raviH |
yadabhajadiShutalpaM kurugururanyadyachcha tattavaiva matam || 49||
dharmadviSho.anusaraNe na raNe.api dhanubhR^itAM gurorvijayaH |
dharmasya tu dhruvaM so.ashastrasyApIti ta upadiShTamiha || 50||
yadyatkR^itaM tvayeshchara jIvAnAmAshu tatsamuddhR^itaye |
shrutavechChayA nR^imUrtyA shrIsakhyA shR^iNvataH satAM dhR^itaye(37) || 51||
badgopyA rAdhikayArAdhi (38)kayAdhUsutena chApyantaH |
hR^itabhavagadaM padaM te dhyAyanti vimuktipadamapi na santaH || 52||
rAdhAmAdhAyorasi bAdhA mAdhAmni kAmajA hR^itvA |
suptaM guptaM satamaHpu~nje ku~nje smaranti yatayastvAm || 53||
gopIrbhuktvApi viTaiH kR^itvApi na dasyubhiH (39)sama steyaM |
hR^itvApi dhAtukaistvaM jagati guNaste.adbhutaH samaste.ayam || 54||
yAsAM svayA susa~nchitamapahR^itamekAntato.api navanItaM |
tAbhirabalAbhirapi vada manasi hR^ite deva! kiM na tava nItam || 55||
rAdhAstananihitadR^ishaM galadamalastanyabinduvadanenduM |
tvAM dhyAyatyantaHshrIH sAdhusabhA sAshru (40)sAtmakussamapi || 56||
tvAmadhikadambamabalApaTupaTapATashcharaM(41) vilikhya yathA |
satyaH pratyahamAtmavatasaMsid.hdhyai bhajati patimasyaH || 57||
dIpamiva tvAM snehAdudbhAsitarUpasampadaM gopyaH |
abhajanpata~NgikA iva maraNabhayamapAsya ruchiraruchiruchayaH || 58||
(42) mR^itsnAshanAgasi vibho! | bhItAyA vishvadarshanAnmAtuH |
svasmindurlabhaputrasnehApAyAtvameva bahubhItaH || 59||
hA! | bata! hanta! pibantaM tvAmamR^itanidhiM drutaM nirasya bhuvi |
yAtA mAtA bahumatadugdhA, mugdhAH khalu miyo jAtyA || 60||
dugdhe mugdhe kimadhikamamba! | tvaM bata! suva~nchitAsIti |
j~nApayitumevameva tvaM gorasabhAjane.akaroH kopam || 61||
gurubhirapi guruvareNa cha bhavatA ye bodhitAH kratau guravaH |
hata kathaM te.apyandhA bandhAvahameva yairvR^itaM karma || 62||
dhanyA manyAmaha iha tA rAmAH(43) saskR^ito.asi mAmistvaM |
aj~napatInAM naukAH satyaH satyaH stutirna mAhimAsAm || 63||
shrIkaradhR^ito jaDo.api prApa yasho jagati (44)parvataH sa (45) tataM |
(46)taddurdinamapyabhavatsAdhumataM puNyaparvataH satatam || 64||
karuNAmR^itadhana ! karuNAmR^itavR^iShTyA te jitaiva sA vR^iShTiH |
(47)jaDajApyadhaH patantI hetuH pa~Nkasya yA cha kampasya || 65||
govardhanadhara! tava (48)bhujavIkShAkShaNavismR^itAtmanA strINAM |
api (49) kharashabdA abdAH shampAH kampAya nAbhavanmanasaH || 66||
trAsena sahoskhAtaH suhR^idAM samamuddhR^ito gavAM puchChaiH |
avatAritaH punargiririndramadabhareNa sAkamIshvara ! te || 67||
(50)bhUgolabhR^idbhujagamanamanukurvan(51) lIlayA dhR^itAhAryaH |
uchchairbabhau bhujaste Chatrasya mahendranIladaNDa iva || 68||
vapuShaH kAntyA meghAstava karakArAshayaH(52) smitaprabhayA |
tarito.api vAsasA khalu pItA (53) bhItA bhujAd dhruvaM vAtAH || 69||
parvatadhareNa bhavatA vanadharo lIlayAdribhidvijitaH |
AstAM girirapi harirapi jetumalaM tvaM tR^iNena kAlamapi || 70||
(54)gotrArervajrabhR^itaH kruddhAdgirirekalo.apyapakSho.api(55)
prApto jayaM na bha~NgaM satpuruShabhujAshrito na ko vijayI? || 71||
amitAparAdhashamanaM namanaM tava pAdayoH sakR^idvihitaM |
vyatireko.arthAntaranyAsashcha |
kiM drAgindrAhUrIkartumaghamato.anyadadbhutaM tIrtham || 72||
AgaskR^itsu namatsu drAkkuruShe tvaM kShamAM bhR^ishaM karuNaH |
aparAdhinA na chetkiM kavachaM tava chaNDakAlabhItijuShAm || 73||
trAto na kastR^iNAdirjIvaste svapadareNunA darataH |
kashcha charaH saMsArAnmashakAdirmadhuraveNunAdarataH || 74||
yashchuMvitastvayAnishamIshvara! | paramAdR^itena vaMshastaM(56)
manye ramAdharAddharamiha mAdhuryaM sadA navaM shastam || 75||
jagatA samamanubhUtaM mAdhurya chumbatA tvayA yasya |
sa varaM shriyo.adharAditi vadatA kavinA shriyaH kimaparAddhaM ? || 76||
kAstAH striyo na nItA vaMshena (57)sthANubhAvamamunA yAH |
anyAsAM kaiva kathA? sukavishuka (58)stambhamAha yamunAyAH || 77||
eNo(59) na kevalaM tava veNo ravamohito bhuja~Ngo.api |
hiMsro.api deva! bahunA kiM (60)srotashchArijantunikaro.api || 78||
(61) dyusadAM sumohitA ravamadhu pAyayatA cha veNunA satyaH |
pidadhe shrutI shayAbhyAM yAsAM mukhamIkShya ma~NkShu nAmatyaH || 79||
vaMsho rAkAjAneraMshorapi(62) tApanAshako madhuraH |
ko.apyogha (63) eSha vahatA gopyo dUraM hR^itA rasairyena || 80||
bhagadaM jagadantarvahirastu sammuttava(64) yasho.amR^itaM pItvA |
 iti bhagavatyaparAddhaM vidhinA khalu vatsavatsapAnharatA || 81||
tadanubhavAktorbrUmo vayamadbhutameva hanta mohastaM |
ninye vashamAkR^iShya dyumaNimiva nijaM gR^ihaM tamohastam || 82||
pitrA gavAM rasAste tava putreNa tu sapAlakA vatsAH |
tachcharitena tu sakalA gopA gopyo vayaM surAshcha hR^itAH || 83||
sa kathaM nidyaH kavibhiH saMsthApayituM pade prashaste naH |
(65)yo.amR^itasAgaraphenastenamiha tatAna te yashastenaH || 84||
(66)kR^ichChAdyadadityAtaM durlabhamatulaistapovrataishchIrNaiH |
prAptA gopyo gAvastachChrabhUtvaM bhiyo jaganmAtuH || 85||
yadogopyo gAvastvAmApurapasyamIshvaraM jagataH |
na gataH kimihotkarShaM vidhyaparAdho.api(67) nAkinAM nagataH || 86||
a~NgIkR^itA yadA te gogopInAM jagadguro! | sutatA |
mUrtirna kevalaM tava jAtA satkIrtirapi jagatsu tatA || 87||
vidhipashupashupasamadR^ishA (68) gopakarAyattabandhamokShaNa |
vasAyitena bhagavan ! dAmnyarpitakandhareNa tR^iNamashitam || 88||
teShAM yatsvatanubhuvA(69) dhanamapahR^itamIsha! | satyapatinApi |
teShAM tadanUnAdhikamAtmadhanaM te.arpitaM sadIDyena || 89||
(70)savasaMskR^itahaviSho.api prApitamuchchaiH padaM tvayA yavasaM |
bhavasantaraNechChurahaM hanta tR^iNeShvapi tadA nateshvavasam || 90||
hA hanta ! | taM tamantarbhAvayato.anugrahaM baje bhavataH |
mama tadapAtrasya manaH kiM tAM chintA bravImi yAM yAtam || 91||
vatsIbhUtaM brahma brahmapramukhairmahAtmabhivishchintyaM |
tvAM gogopIgopAH pupuShuH premNAntanau cha romA~ncham || 92||
svargAdguru sasyapadaM satyapadAdgurutaraM cha vaikuNThaM |
vaikuNThAdapi gurutamamavanau vR^indAvanaM vanaM manye || 93||
yAH pUrvaM na kvachidapi kasmaichidapi pradarshitAH prabhuNA |
atraiva pItapaTa! tA aTatA naTatA tvayA kalAH sakalAH || 94||
yau kamalAvakShasyapi vakShojasparshabhUriraktata lau |
tau tava vR^indAvanabhuvi cha~NkramaNaM chakratushchiraM charaNau || 95||
vR^indAvane.anubhUtaM gopairgopIbhirapi cha yadgobhiH |
tannandane.api na surairnAnandavane.api paNDitaiH sharma || 96||
charaNasarojarajobhirdevasariskatipayaiH purA prAptaiH |
mahimAnamiyantamitA vR^indAvanabhUH kima~NkitA padakaiH || 97||
tR^iNagulmavratatidrumadR^iShado vR^indAvane.atra dhUlirapi |
sarvaM tIrthashatAdhikamIshvara! (71)tIrthAghriMNA kR^itaM bhavatA || 98||
bhoH ! katamo lokatamo bAhyaM hartuM kShamo.anya AdityAt |
tejasvipUjyapAdAt Antaramapi lokabandhutastvattaH || 99||
kumbha(72)bhuvAmbhodhiriva svena nirupamena tejasA yashasA |
shauribhuvA bhavatA drAgapyayamapyayamalaM bhavo nItaH || 100||
gopo.api paNDitAnAM sarveShAM sammataH sadA nandaH |
yattairalabdhagandhassvamapi tada~NkaM gataH sadAnandaH || 101||
jagati yashodAnandau dhanyau shishunA tvayA jagadguruNA |
(73)uktAvAshlipya gale yau shatakR^itvastvayAmba! tAteti || 102||
vR^iddhairalamanyairno maitrI bhavataiva gopashishunA.astAM |
vR^iddhasakhA yAmAptAstvatto mudamAshvapIha pishunAstAm || 103||
(74)yamabhR^itamucho varaM nijakisalayato.amaMsta devaviTapI taM |
taM ghoShayopidadharaM viTena bhavatA pItaM dhanyaM |
kiM ghoShayopidadharaM dhanyaM brUmo na deva viTapItam || 104||
drAradravati dhIH shrute te yashasi yathA nastathA na vedAnte |
labdharatiH svapiti bhuvi na palya~Nke.apItarA(75) na vedAnte || 105||
tvAM saguNaM brahma vayaM nirguNamapi nAtha saMshritAH kavayaH |
ruchivaichitryAdeke.ala~NkR^itimiva hema kevalamivAnye || 106||
kaivalyaM padamAptA ye bhaktA ye cha vidviShastava te |
tena shritA vayaM tvAM brUmo bhagavan! prabho! namo bhavate || 107||
sakalaM(76) svavayaH kavayastava yatra vayasyamamR^itakaramahasaH |
suyashaH kAle deshe vyavahAre tanayanti tatraiva || 108||
sarasi sarojamiva tvayi hR^idayamidaM naH sujIvane vasatu |
tatra(77) shrIriva bhaktishchAtrApi parantu mAtra seva chalA || 109||
gItyA mR^iga iva kushalaiH kAmI prabhuriva surUpayArpitayA |
bhaktyA bhAgavataistvaM bhagavan ! bahubhirvashIkR^ito.asyAshu || 110||
hR^ishrastaM(78) kasya kaveH kAlAchChrutaratnasAnukampasya |
tava saMshrayegra pAdau shritachintAratnasAnukampasya || 111||

iti shrIrAmanandanamayUravirachitaM shrIkR^iShNastavanaM sampUrNam |

TippaNi
1| yathA haMsA mauktikAnAM kavalechchAdR^itA dR^iShTAstathA durjanA iva bakAH malinA iva kAkAshcha no dR^iShTA na dR^iShTAH ityanvayaH |
2| upagatAn sharaNamiti padachChedaH |
3| pUtanayA pavitrayA | pavitrArthe pUtanashabdo na kutrApi dR^iShTacharaH |
4| yathA asati durjane sAdhuH satAmIDyo bhavati na tathA sati satpuruShe sAdhurityanvayaH |
5| vinatAtanUjo vainateyo vAhaH vAhanaM yasya tatsammuddhau |
6| pumarthaM puruShArthaM dharmArthakAmamokShAkhyam |
7| aja he kR^iShNa | garasya viShasya nidhim |
8| tvapadasa~ncharaNena yamunAmiva tvadvasatyA me matimapadoShAM vigatadoShAM kadA
kartA kariShyasIti yojanA |
9| sharatalpe patite kuruvare bhIShme |
10| dhamoM yudhiShThiraH | ahitairjanaiH kauravaiH |
11| vasudhAdhAra Adya iti sambuddhisthaM padadvayam |
12| sudhAdhArA rugNamavituM rakShituM kShamA na kimiti prashnaH | kShamaivetyarthaH |
13| pR^ithukAnAM prasatim | te upagatastvAmupagata ityarthaH |
14| navye rase sarve.api baddhAdarA ityarthaH |
15| sha~Nkhena gale spR^iShTvA tvaM dhruvAkhyaM vAlaM dhruvaM nishchitaM stotumanasamakaroriti yojanA |
16| svavaMshena svaveNunirgatena raveNa rAjitaM jagadyena tatsambuddhau | sApekShatve.api gamakatvAtsamAsaH |
17| sa pArijAtaH |
18| agaM vR^ikShaM pArijAtamiti yAvat | vyatirekeNa pArijAtAdbhagavAneva shreShTha iti sUchyate |
19| kR^ichChre sa~NkaTe |
20| sagadAH sAta~NkA bhItA ityarthaH |
21| amR^itahastaM dhanvantarimityarthaH |
22| prabhuH shivaH | vR^iko bhasmAsuraH |
23| khalA eva shalabhAsteShAM laye vinAshe.analasamamagnisadR^isham |
24| ambu\-jantuShu jalajantuSha shakrAt shreShThAt |
25| \ldq{}Sha.DargagrAhapIDitebhyaH\rdq{} iti pAThAntaraM. Sha.DargaH kAmAdInAM samUhaH |
26| shataM kalpAn nirayavAsaM narakavAsamarhatIti tAdR^ishaH |
27| kalaye manasi karomi chintayAmItyarthaH |
28| praNateryatnAH avamAH aparityAjyAH | sadA mayA praNatiH kAryaivetyarthaH |
29| \ldq{}atyAnatayA\rdq{} iti pAThAntaram |
30| mayA adaH iti padachChedaH |
31| arAtibhyo ripubhyaH |
32| mathurAyAM bhavam |
33| bhIShme |
34| Apageyo bhIShmastena saha samare |
35| bhagavan UnaM iti padachChedaH |
36| arjunam |
37| pramodAya |
38| kayAdhUsutaH prahlAdaH |
39| samaH steyamiti padachChedaH | viTairna dasyubhiH samaH tvaM steyaM kR^itvApIti yojanA |
40| sAtmakutsamAtmano nindayA sahitaM yathA syAttathA |
41| stenam |
42| mR^itsnAyA mR^ittikAyAH ashanena bhakShaNena yadAgaH yo.aparAdhastasmin |
43| R^iShipatnyaH |
44| govardhanagiriH |
45| vyAptam |
46| meghachChannamahaH |
47| ulayorabhedAjjalajA | pa~Nkasya kampasya cha heturityanvayaH |
48| bhujavIkShAyAM kShaNaM vismR^itaH AtmA yAbhistAsAm |
49| garjantaH |
50| sheShaM ityanena nakArasyAnunAsiko lakAraH kavinA na prayuktaH |
51| atra \ldq{}toliM\rdq{}. ityanena nakArasyAnunAsikA lakAraH kavinA na prayuktaH |
52| karakA varShopalAstAsA rAshayaH |
53| pItAH pItavarNAstaDitaH |
54| gotrANAM parvatAnAmarerindrAt |
55| purA parvatAnAM pakShA AsaMste cha mahendreNa chChinnA iti kathAtra lakShyate |
56| veNuH |
57| sthANoH stambhasya bhAvaM dharma stabdhatAmini yAvat |
58| yamunAyA jalamapi nishchalamAsIdityAhetyarthaH |
59| hariNaH |
60| jalacharasamUhaH |
61| yAsAM mukhaM vIkShya purA nAsatyo.ashvinIkumAraH pANibhyAM ma~NkShu sapadi shrutI shrotre pidadhe pihitavAstA ghusadAM devAnAM satyo.api striyo.api ravamadhu pAyayatA veNunA sumohitA nitarAM mohitA ityarthaH |
62| aMshoH kiraNAt | jyotsnAyA ityarthaH |
63| eSha veNuravasya ko.apyapUrva eva oghaH pravAhaH | yena vahatA rasaiH shR^i~NgArAdibhirjalaishcha gopyo dUraM hR^itAH \ldq{}dUraM gopyo vahatA rasairhR^itA yena\rdq{} iti pAThAntaram |
64| mudA sahitaM yathA tathA |
65| amR^itasAgarasya dugdhasAgarasya yaH phenastasya stenaM chauryakaram | tato.apyadhikaM dhavalamityarthaH |
66| yat adityA Aptamiti padachChadaH. devajananyA yat kR^ichChrAdAptamityanvayaH |
67| vidherbrahmaNaH aparAdhastvAM gopInAM putraM vidadhato vidheraparAdha eva | sa tu tAsAM nAkinAM nagataH kalpavR^ikShAdapyadhikaM phalamadAdityaparAdhasyotkarShaH |
68| \ldq{}samakaruNa\rdq{} iti pAThAntaram |
69| svaputreNa brahmaNA |
70| save yo saMskR^itAda haviSho.api | yavasaM tR^iNam |
71| tIrtha kShetraM aghrI yasya tena |
72| kumbhabhuvA agastyena |
73| yau yashodAnandau tvayA amba ! tAta !  iti shatakR^itvo gale samAshliShyoktau ityanvayaH |
74| yaM devaviTapI kalpavR^ikSho.amR^itaM mu~njatA nijapallavAdvaramaMsta na brUmaH kimiti prashnaH |
75| \ldq{}pyanyathA\rdq{} iti sAdhuH pAThaH. (mayUrakaviH)
76| kavayo yatrAmR^itakaramahaso vayasyaM tava suyasho yatra kAle deshe
vyavahAre cha vartate tatraiva tatsakalaM svavayo nayantItyanvayaH |
77| tvayi shrIriva no bhaktirvasatu | sA bhaktistu sA shrIrivAtra tvayi chalA mAstu iti yojanA |
78| he shritAnAM chintAratna chintAmaNe ! shruto ratnasAnormeroH kampo yena tAdR^ishasya kasya kaveH paNDitasya kAlAnmR^ityostrastaM bhItaM hR^inmanaH sAnukampasya karuNAvatastava pAdau na saMshrayet | sarvasyApi manaste pAdau saMshrayedevetyarthaH |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}