% Text title            : Arjunakritam Shri Krishna Stotram
% File name             : kRRiShNastotraMarjunakRRitam.itx
% Category              : vishhnu, stotra, krishna
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 35
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Arjunakritam Shri Krishna Stotram ..}##
\itxtitle{.. arjunakR^itam shrIkR^iShNastotram ..}##\endtitles ##

pulastya uvAcha \-
evamukto.arjunaH samyak praNipatya janArdanam |
tuShTAva vAgbhiriShTAbhirudbhUtapulakastataH || 19||
arjuna uvAcha \-
namo.astu te chakradharograrUpa namo.astu te shAr~NgadharAruNAkSha |
namo.astu te.abhyudyatakhaDga raudra namo.astu vibhrAntagadAntakArin || 20||
bhayena sanno.asmi savepathena nA~NgAni me deva vashaM prayAnti |
vAchaH samuchchArayataH skhalanti keshA hR^iShIkesha samuchChvasanti || 21||
kAlo bhavAnkAlakarAlakarmA yenaitadevaM kShayamakShayAtman |
kShatraM samudbhUtaruShA samastaM nItaM bhuvo bhAravirechanAya || 22||
prasIda kartarjaya lokanAtha prasIda sarvasya cha pAlanAya |
sthitau samastasya cha kAlarUpa kR^itodyameshAna jayAvyayAtman || 23||
na me dR^igeShA tava rUpametaddraShTuM samarthA kShubhito.asmi chAntaH |
pUrvasvabhAvasthitavigraho.api saMlakShyase.atyantamasaumyarUpa || 24||
smarAmi rUpaM tava vishvarUpaM yaddarshitaM pUrvamabhUnmamaiva |
yasminmayA vishvamasheShamAsIddR^iShTaM sayakShoragadevadaityam || 25||
sA me smR^itirdarshanabhAShaNAdi prakurvato nAtha gatA praNAsham |
kAlo.ahamasmItyudite tvayA tu samAgateyaM punarapyananta || 26||
kartA bhavAnkAraNamapyasheShaM kAryaM cha niShkAraNa kartR^irUpa |
Adau sthitau saMharaNe cha deva vishvasya vishvaM svayameva cha tvam || 27||
brahmA bhavAnvishvasR^igAdikAle vishvasya rUpo.asi tathA visR^iShTau |
viShNuH sthitau pAlanabaddhakakSho rudro  bhavAnsaMharaNe prajAnAm || 28||
ebhistribhirnAtha vibhUtibhedairyashchintyate kAraNamAtmano.api |
vedAntavedoditamasti viShNoH padaM dhruvaM tatparamaM tvameva || 29||
yannirguNaM sarvavikalpahInamanantamasthUlamarUpagandham |
paraM padaM vedavido vadanti tvameva tachChabdarasAdihInam || 30||
yathA hi mUle viTapI mahAdrumaH pratiShTitaskandhavarograshAkhaH |
tathA samastAmaramartyatiryagvyomAdishabdAdimayaM tvayIdam || 31||
mu~nchAmi yAvatparamAyudhAni vairiShvanantAhavadurmadeShu |
dR^iShTvA hi tAvatsahasA patanto nUnaM tavaivAchyuta sa prabhAvaH || 32||
hatA hatAste bhavato dR^ishaiva mayA punaH keshava shastrapUgaiH |
kAH karNabhIShmapramukhAnvijetuM yuShmatprasAdena vinA samarthaH || 33||
trishUlapANirmama yaH purastAnniShUdayanvairibalaM jagAma |
j~nAtaM mayA sAmpratametadIsha tava prasAdasya hi sA vibhUtiH || 34||
yamendravitteshajaleshavahnisUryAtmako yashcha mamAstrapUgaH |
nAshAya nAbhUtpatito.api kAye tvatsannidhAnasya hi so.anubhAvaH || 35||
bAlye bhavAnyAni chakAra deva karmANyasahyAni surAsurANAm |
taireva jAnIma na yatparaM tvAM doShaH sa nirdoShamanuShyatAyAH || 36||
tAlochChritAgraM gurubhArasAramAyAmavistAravadadya jAtaH |
pAdAgravikShepavibhinnabhANDaM chikShepa ko.anyaH shakaTaM yathA tvam || 37||
anyena kenAchyuta pUtanAyAH prANaiH samaM pItamasR^igvimishram |
tvayA yathA stanyamatIva bAlye goShThe cha bhagnau yamalArjunau tau || 38||
viShAnaloShNAmbunipAtabhImamAsphoTya ko vA bhuvi mAnuSho.anyaH |
nanarta pAdAbjanipIDitasya phaNaM samAruhya cha kAliyasya || 39||
sureshasandeshavirodhavatsu varShatsu megheShu gavAnnimittam |
dinAni saptAsti cha kasya shaktirgovardhanaM dhArayituM kareNa || 40||
pralambachANUramukhAnnihatya kaMsAsuraM yasya bibheti shakraH |
tamaShTavarSho nijaghAna ko.anyo nirAyodho nAtha manuShyajanmA || 41||
bANArthamabhyudyatamugrashUlaM nirjitya sa~Nkhye tripurArimekaH |
sakArttikeyajvaramastrabAhuM karoti ko bANamanachyuto.anyaH || 42||
kaH pArijAtaM surasundarINAM sadopabhogyaM vijitendrasainyaH |
svargAnmahImuchChritavIryadhairyaH samAnayAmAsa yathA prabho tvam || 43||
hatvA hayagrIvamudAravIryaM nishumbhashumbhau narakaM cha ko.anyaH |
jagrAha kanyApuramAtmano.arthaM prAgjyotiShAkhye nagare mahAtman || 44||
sthitau sthitastvaM paripAsi vishvaM taistairupAyairavinItabhItaiH |
maitrI na yeShAM vinayAya tAMstAnsarvAnbhavAnsaMharate.avyayAtman || 45||
hitAya teShAM kapilAdirUpiNA tvayAnushastA bahavo.anujIvAH |
yeShAM na maitrI hR^idi te na neyA vishvopakArI vadha eva teShAm || 46||
 itthaM bhavAnduShTavadhena nUnaM vishvopakArAya vibho pravR^ittaH |
sthitau sthitaM pAlanameva viShNuH karoti hantyantagato.antarudraH || 47||
etAni chAnyAni cha duShkarANi dR^iShTAni karmANi tathApi satyam |
manyAmahe tvAM jagataH prasUtiM kiM kurma mAyA tava mohanIyam || 48||
tvaM sarvametattvayi sarvametattvattastathaitattava chaitadIsha |
etatsvarUpaM tava sarvabhUtaM vibhUtibhedairbahubhiH sthitasya || 49||
prasIda kR^iShNAchyuta vAsudeva janArdanAnanta nR^isiMha viShNo |
manuShyasAmAnyadhiyA yadIsha dR^iShTo mayA tatkShamasvAdideva || 50||
na vedmi sadbhAvamahaM tavAdya sadbhAvabhUtasya charAcharasya |
yo vai bhavAnko.api nato.asmi tasmai manuShyarUpAya chaturbhujAya || 51||
devadeva jagannAtha sarvapApaharo bhava |
hetumAtrastvahaM tatra tvayaitadupasaMhR^itam || 52||
prasIdesha hR^iShIkesha akShauhiNyA dashAShTa cha |
tvayA grastA bhuvo bhUtyai hetubhUtA hi madvidhAH || 53||
vayamanye cha govinda narAH krIDanakAstava |
madvidhaiH karaNairdeva karoShi sthitipAlanam || 54||
yadatra sadasadvApi ki~nchiduchchAritaM mayA |
bhaktimAniti tatsarvaM kShantavyaM mama keshava || 55||

iti viShNudharmeShu pa~nchatriMsho.adhyAyAntargataM arjunaproktaM
                           shrIkR^iShNastotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}