% Text title            : Shri Krishna Stuti 05 14
% File name             : kRRiShNastutiH.itx
% Category              : vishhnu, krishna, stuti
% Location              : doc\_vishhnu
% Proofread by          : Rajesh Thyagarajan
% Description/comments  : From stotrArNavaH 05-14
% Latest update         : October 9, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Krishna Stuti ..}##
\itxtitle{.. shrIkR^iShNastutiH ..}##\endtitles ##
sR^ijadrakShatsaMharadyadvishvamAtmani mAyayA |
tadbrahma dadyAdbrahmAsmItyanubhUtimayIM dhiyam || 1||
shrImatyAM dvArvatyAmAsInaM kalpapAdapAdhastAt |
maNimaNDapAntarabje vidyAshrayamAshraye paraM dhAma || 2||
hImatyA ratimatyA rukmiNyA satyabhAmayA chApi |
UrusthitayopAse shliShTamavidyAshrayamahaM dhAma || 3||
klI~NkArAtmakamUrtiH sphUrtiH sattA cha sakalasya |
mAyimaho.a~njananIlaM sachchitsukharUpamanishamAshAse || 4||
kR^itasaktibhaktimati prasR^imaramadane cha gopayuvatijane |
maNimakuTA~NgadakaTakaprabhR^itibhiriddho harirmude naH stAt || 5||
ShNAdhAtuvAchyaniratairjapadbhiranishaM smaradbhishcha |
munibhirUpAsitamIDe gopAlaM nAradapramukhaiH || 6||
yamavaruNasomashakraprabhR^itibhiramarairupAsyamAnAya |
kR^iShNAyAstu namaH satsukhamayaparamArtharUpAya || 7||
gopavadhUnAM nikaraiH priyamukhapadmotkalochanabhramaraiH |
vishlathanIvIkabaraiH parivR^itamIDe paraM mahastadaham || 8||
vinyasya veNumadhare nAdabrahmAmR^itodadhau bhuvanam |
magnaM kurvANA meM nirvANAyAstu bhAvanA kAchit || 9||
dAnavarakShoyakShapretoragasiddhakinnarapramukhaiH |
parivR^itamastu paraM tadvastu vibhUtyai yadoH phulAbharaNam || 10||
yaminAmantaH svAntaM baddhasthitaye namo.astu chidvapuShe |
govindAyAsusamAkaTAkShavIkShAdviruktanIlimne || 11||
goghaTayA parivIte gopAlairapi cha dhAmni nirvikR^itau |
viharatu mAnasamanishaM yantari kuntIsutasya mama || 12||
pItAmbarojjvalashrIshrIvatsodbhAsitoraskA |
kaustubhakR^itamaNibhUShA rakShatu mAM bhAgyaparigatirmahatAm || 13||
jalajAriyogamudrAveNugadAbhAsurAShTabhujam |
praNatiparaduritanikarapramathanakR^itadIkShamachyutaM naumi || 14||
narasuravArakatanubhR^iddhR^idayaguhAgUDhanijamahimA |
vanamAlayA nivItaH paramAtmA sphuratu mama hR^idaye || 15||
vallavasucharitamavyAt savyAgrAshliShTajAnudakShapadam |
krAmadanAratavigaladratnaghaTanyastapAdukamasmAn || 16||
lakShmIvakShojamiladghusR^iNAruNavarNavakShasaM vande |
a~NkasthitadayitAbhyAmabhiShiktaM ratnadhArayA shaurim || 17||
bhAsurabhUsuranikarairvichIyamAno.achyutastrayIshirasi |
mama surataruma~njaryA dishatu mudaM maNibhirabhiShiktaH || 18||
yashcha prakutestasyAH kAryANAM prerako.ahirAjena |
siktAya namo ratnairgopIjanavallabhAyAsmai || 19||
svAshrayametadvishvaM svamapi cha vishvAshrayaM vidurhi budhAH |
yannamanAt sakalairapyabhiShikto maNibhiravatu mAM sa hariH || 20||
hAraM yaddhAma budhAH svAtmani pashyanti so.ahamiti |
tadatiprasannavadanaM svAhAjAnirmamAstvavidyAyAH || 21||
mantrAkSharArabdhamukhArNapadyAM\-
      tad.hdhyAnavAchyaprakaToktihR^idyAm |
mantrArNamAlAM dadhato.anavadyAM
      yato labheran paramAtmavidyAm || 22||
vrajaramaNIramaNIyakaTAkSha\-
      bhramaraghaTArabhaTIparishobhi |
kapaTashishorashivapratighAtaM
      mukhanavatAmarasaM mama kuryAt || 23||

iti shrI kR^iShNastutiH samAptA |
##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}