% Text title            : Krishnastutih 2
% File name             : kRRiShNastutiH2vAdirAja.itx
% Category              : vishhnu, vAdirAja, vishnu, stuti, krishna
% Location              : doc\_vishhnu
% Author                : vAdirAjayati
% Proofread by          : Jayalakshmi Jayaraman, Revathy R.
% Latest update         : May 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Krishnastutih ..}##
\itxtitle{.. kR^iShNastutiH ..}##\endtitles ##
hitaM na jAnAmyahitaM na jAne nAkartumIsho nacha kartumIshaH |
yathA naTAnnATakadAruyantraM tathA hareH preraNayaiva varte || 1||
yadabhUttaddhareryachcha nAbhUttachcha hareH parAt |
jIvo viShTigR^ihIto.asmAtkiM bhavetkiM cha no bhavet || 2||
karmaNo yadi tatkarma svAniShTaM kurute kutaH |
anAdyaniShTakarmANi karotyanyavasho dhruvam || 3||
nityo jIvo.asvatantrashchedanityaM karma janmani |
sthitau laye parApekShamanyAdhInaM kathaM na tat || 4||
yata ityekavachanAdeko dAdhAra chetyalam |
spaShTashruterna karmANi karmadvArA na chetanAH || 5||
anantAH sarvajagatAM kartAro lAghavAdapi |
loke.adR^iShTadvArakartR^imAtrAtkvApi kriyAjaneH || 6||
kR^itipUrvakakartaiva kartA.anyastUpachArataH |
anyathA kanyakAyAH syAdbhartA.api pitR^ivatpitA || 7||
ato nAmukhyakartraiva mahAkAryamidaM bhavet |
kiM strIpuMsorvinA.api syAtputraH putreShTimAtrataH || 8||
na chedupAdAnamapi tadvatsyAdaupachArikam |
dR^iShTAnusAratastachchetkartA.api syAttathaiva hi || 9||
adR^iShTamapi bIjAdyaM kalpyaM phalabalAdyathA |
tathA.adR^iShTo.api kartA.asya kalpyaH ko.apyurushaktimAn || 10||
na cha kAlAdikaM tasya prerakaM jaDavastunaH |
svataH pravR^ityayogena preryatvAtkartR^ito.anyataH || 11||
nApi tatprerako brahmA nesho nendro.apare kutaH |
a~Nghrayarchanena tattIrthajuShTyA taddattabhUtvataH || 12||
ki~ncha sR^ijyaM vashe sraShTurhAryaM harturvashe param |
pAturvashe sthitaM sarvamato viShNorvashe.akhilam || 13||
na pitA.adhipatirnR^InA.Na na hartA yAmako.api vA | ??
kintu rakShaka evAto viShNureva jagatpatiH || 14||
dashadikpatibhAvena devA brahmeshapUrvakAH |
khaNDAdhipatayo viShNustadabhAvAjjagatpatiH || 15||
asya devasyeti vede yathA viShNorvashe haraH |
spaShTaM shrutastathA vede na kvApIshavashe hariH || 16||
shrauto labdhapadaH somo nesho vedavidAM mate |
vishvAdhikatvagIH sAvakAshendrAdishrutAviva || 17||
so.arodIditi vede hi rodanAdrudratoditA |
na te mahitvamiti tu viShNorasamatoditA || 18||
yA hyuchCheShaNabhAgo vai rudra ityAha vedavAk |
juShethAM yaj~namityAdyA sA viShNuM vaktyatassa rAT || 19||
pralaye vaTapatre.apsu shete nArAyaNaH kila |
tadA kvAnye surAstasmAtsarvesho viShNureva hi || 20||
ki~ncha gItopanishadi sarvaM dvipuruShAkhyayA |
sa~NgR^ihItaM haristvekaH puruShottama IritaH || 21||
rAmaH prabhUrAmabhR^ityA devAH sarve.api vAnarAH |
kR^iShNaH prabhuH kR^iShNabhR^ityA devA dharmAtmajAdayaH || 22||
arhattamo hyagrapUjAmarhatyanyo na saMsadi |
yatheveha tathA.amutra tadviShNurakhilaprabhuH || 23||
tasmAtsarveshvaro viShNuH sarvaM sarvatra sarvadA |
pravartayati sarvatra sarvashaktiH sanAtanaH || 24||
yadbhUtaM bhUtametasmAdbhavachcha bhavati prabhoH |
bhAvyaM bhaviShyatIhyasya kR^ipayA nAnyataH kvachit || 25||
ataH sarveShTalAbhAya sarvAniShTanivR^ittaye |
tamarchyamarchaya stutyaM stuhi namyaM namAchyutam || 26||
vAdirAjayatiproktamevaM kR^iShNastavaM navam |
paThan sarveShTamApnoti sarvAniShTanivR^ittimAn || 27||

iti shrImadvAdirAjapUjyacharaNavirachitA shrIkR^iShNastutiH sampUrNA |

bhAratIramaNamukhyaprANAntargata shrIkR^iShNArpaNamastu |

##
Proofread by Jayalakshmi Jayaraman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}