% Text title            : Brahma's Hymn to Krishna 2
% File name             : kRRiShNastutiHbrahma2.itx
% Category              : vishhnu, krishna
% Location              : doc\_vishhnu
% Transliterated by     : DKM Kartha
% Proofread by          : PSA Easwaran
% Description/comments  : padmapurANam/khaNDaH 6 (uttarakhaNDaH)/adhyAyaH 245/shlokAH 107-122
% Latest update         : March 15, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. rahma’s Hymn to Krishna ..}##
\itxtitle{.. brahmaNA kR^itA shrIkR^iShNastutiH ..}##\endtitles ##
kR^itA~njalipuTo bhUtvA pariNIya praNamya cha |
bhayAduvAcha govindaM brahmA tribhuvaneshvaraH || 107||
brahmovAcha \-
namo namaste sarvAtmaMstatvaj~nAnasvarUpiNe |
nityAnandasvarUpAya priyatAtmanmahAtmane || 108||
aNurbR^ihatsthUlatararUpaH sarvagato.avyayaH |
anAdimadhyAntarUpa svarUpAtmannamo.astu te || 109||
nityaj~nAnabalaishvaryavIryatejomayasya cha |
mahAshakte namastubhyaM pUrNaShADguNyamUrtaye || 110||
tvaM vedapuruSho brahmanmahApuruSha eva cha |
sharIrapuruShatvasya ChandaHpuruSha eva cha || 111||
chatvAraH puruShAstvaM cha purANaH puruShottama |
vibhUtayastava brahmanpR^ithivyagnyanilAdayaH || 112||
tava vAchA samudbhUtau kShmA vahnI jagadIshvara |
antarikShaM cha vAyushcha sR^iShTau prANena te vibho || 113||
chakShuShA tava saMsR^iShTau dyaushchAdityastathAvyaya |
dishashcha chandramAH sR^iShTAH shrotreNa tava chAnagha || 114||
apAM srAvashcha varuNo manasA te maheshvara |
ukte mahati mImAMse yattadbrahmaprakAshate || 115||
tathaiva chAdhvareShvetadetadeva mahAvrate |
Chandoge ye nabhasyetaddivye tadvAyureva tat || 116||
AkAsha etadevedamoShadhIShvevameva cha |
nakShatreShu cha sarveShu graheShvetaddivAkare || 117||
evambhUteShvevameva brahmetyAchakShate shrutiH |
tadeva paramaM brahma praj~nAtaM parito.amR^itam || 118||
hiraNmayo.avyayo yaj~naH shuchiH shuchiShadityapi |
vaidikAnyabhidheyAni tathaitAnyasya na kvachit || 119||
chakShurmayaM shrotramayaM Chandomayamanomayam |
vA~NmayaM paramAtmAnaM pareshaM shaMsati shrutiH || 120||
iti sarvopaniShadAmarthastvaM kamalekShaNa |
stotuM na shakto.ayaM tvAM tu sarvavedAntapAragam || 121||
mahAparAdhametatte vatsApaharaNaM mayA |
kR^itaM tatkShamyatAM nAtha sharaNAgatavatsala || 122||

iti brahmaNA kR^itA shrIkR^iShNastutiH samAptA ||
(padmapurANam/khaNDaH 6 (uttarakhaNDaH)/adhyAyaH 245/shlokAH 107\-122)

##
Encoded by DKM Kartha
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}