% Text title : kRRiShNastutiH sankIrNa % File name : kRRiShNastutiHsankIrNa.itx % Category : vishhnu, krishna % Location : doc\_vishhnu % Proofread by : PSA Easwaran psawaswaran at gmail.com % Description/comments : Edited by S. V. Radhakrishna Shastriji % Acknowledge-Permission: Mahaperiaval Trust % Latest update : May 13, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Krishnastutihsankirna ..}## \itxtitle{.. shrIkR^iShNastutiH sa~NkIrNA ..}##\endtitles ## (sa~NkIrNashlokAH) indIvaradalashyAmamindarAnandakandalam | vandArujanamandAraM vande.ahaM yadunandanam || 1|| devaH pAyAdapAyAnnaH smarendIvaralochanaH | saMsAradhvAntavidhvaMsahaMsakaMsaniShUdanaH || 2|| pAntu vo jaladashyAmAH shAr~NgijyAghAtakarkashAH | trailokyamaNDapastambhAshchatvAro haribAhavaH || 3|| darpaNArpitamAlokya mAyAstrIrUpamAtmanaH | AtmanyevAnurakto vaH shivaM dishatu keshavaH || 4|| hR^idayaM kaustubhodbhAsi hareH puShNAtu vaH shriyam | rAdhApravesharodhAya dattamudramiva shriyA || 5|| dehi matkandukaM rAdhe paridhAnanigUhitam | iti visraMsayannIvIM tasyAH kR^iShNo mude.astu naH || 6|| chaNDachANUradordaNDamaNDalIkhaNDamaNDitam | avyAdvo bAlaveShasya viShNorgopatanorvapuH || 7|| mImAMsArNavasomaM lasadarkaM tarkapadmasya | vedAntavipinasiMhaM vande govindasAbhidhaM brahma || 8|| avalokitamanumoditamAli~Ngitama~NganAbhiranurAgaiH | adhivR^indAvanaku~njaM marakatapu~njaM namasyAmaH || 9|| makarIvirachanabha~NgyA rAdhAkuchakalashapIDanavyasanI | R^ijumapi rekhAM lumpanballavaveSho harirjayati || 10|| kaThinataradAmaveShTanalekhAsandehadAyino yasya | rAjanti valivibha~NgAH sa pAtu dAmodaro bhavataH || 11|| khinno.asi mu~ncha shailaM bibhR^imo vayamiti vadatsu shithilabhujaH | bharabhugnavinatabAhuShu gopeShu hasanharirjayati || 12|| nItaM navanavanItaM kiyaditi pR^iShTo yashodayA kR^iShNaH | iyaditi gurujanasaMsadi karadhR^itarAdhApayodharaH pAtu || 13|| rAdhAmadhusUdanayoranudinamupachIyamAnasya | praNayataroriva kusumaM mitho.avalokasmitaM pAyAt || 14|| shrutimapare smR^itimapare bhAratamapare bhajantu bhavabhItAH | ahamiha nandaM vande yasyAlinde paraM brahma || 15|| taptaM kairna tapobhiH phalitaM tadgopabAlAnAm | lochanayugale yAsAma~njanamAsInnira~njanaM brahma || 16|| madamayamadamayaduragaM yamunAmavatIrya vIryashAlI yaH | mama ratimamaratiraskR^itishamanaparaH sa kriyAtkR^iShNaH || 17|| stanandhayantaM jananI mukhAbjaM vilokya mandasmitamujjvalA~Ngam | spR^ishantamanyaM stanama~NgulIbhirvande yashodA~NkagataM mukundam || 18|| bhujaprabhAdaNDa ivordhvagAmI sa pAtu vaH kaMsaripoH kR^ipANaH | yaH pA~nchajanyapratibimbabha~NgyA dhArAmbhasaH phenamiva vyanakti || 19|| vihAya pIyUSharasaM munIshvarA mamA~NghrirAjIvarasaM pibanti kim | iti svapAdAmbujapAnakautukI sa gopabAlaH shriyamAtanotu vaH || 20|| vilikhya satyAkuchakumbhasImni patrAvalinyAsamiSheNa rAdhAm | lIlAravindena tayA saroShaM pAyAdviTaH ko.apyabhihanyamAnaH || 21|| sa pAtu vo yasya hatAvasheShAstattulyavarNA~njanara~njiteShu | lAvaNyayukteShvapi vitrasanti daityAH svakAntAnayanotpaleShu || 22|| ku~nchitAdharapuTena pUrayanvaMshikAM prachalada~NgulikramaH | mohayannikhilavAmalochanAH pAtu ko.api navanIradachChaviH || 23|| atasIkusumopameyakAntaryamunAtIrakadambamadhyavartI | navagopavadhUvinodashAlI vanamAlI vitanotu ma~NgalaM vaH || 24|| gAyantInAM gopasImantinInAM sphItAkA~NkShAmakShirolambamAlAm | nishchA~nchalyAmAtmavaktrAravinde kurvannavyAddevakInandano vaH || 25|| pu~njIbhUtaM prema gopA~NganAnAM mUrtIbhUtaM bhAgadheyaM yadUnAm | ekIbhUtaM guptavittaM shrutInAM shyAmIbhUtaM brahma me sannidhattAm || 26|| AnandamAdadhatamAyatalochanAnAM AnIlamAvalitakandharamAttavaMsham | ApAdamAmukuTamAkalitAmR^itaughaM AkAramAkalayatAmamumAntaraM naH || 27|| tvAM pAtu nIlanalinIdaladAmakAnteH kR^iShNasya pANisarasIruhakoshabandhaH | rAdhAkapolamakarIlikhaneShu yo.ayaM karNAvataMsakamalaM vipulIchakAra || 28|| utphullamAnasarasIruhachArumadhya\- niryanmadhuvratabharadyutihAriNIbhiH | rAdhAvilochanakaTAkShaparamparAbhiH dR^iShTo haristava sukhAni tanotu kAmam || 29|| govardhanoddharaNahR^iShTasamastagopa\- nAnAstutishravaNalajjitamAnasasya | smR^itvA varAhavapurindukalAprakAsha\- daMShTroddhR^itakShiti hareravatu smitaM vaH || 30|| abhinavanavanItaprItamAtAmravetraM vikachanalinalakShmIspardhi sAnandavaktram | hR^idayabhavanamadhye yogibhirdhyAnagamyaM navagaganatamAlashyAmalaM ka~nchidIDe || 31|| abhinavanavanItasnigdhamApItadugdhaM dadhikaNaparidigdhaM mugdhama~NgaM murAreH | dishatu bhuvanakR^ichChrachCheditApichChaguchCha\- chChavi navashikhipichChAlA~nChitaM vA~nChitaM vaH || 32|| kanakakalashasvachChe rAdhApayodharamaNDale navajaladharashyAmAmAtmadyutiM pratibimbitAm | asitasichayaprAntabhrAntyA muhurmuhurutkShipan jayati janitavrIDAhAsapriyAhasito hariH || 33|| lalitagamanA nAryo rAjanmanojanitAntabhAH suratisadR^ishastAH sanmukhyo bhavAnapi tadbruve | vanabhuvamito gehAdeko na gachChatu mAM vine\- tyasakR^iduditaH putraH pitrA jayatyanagho hariH || 34|| devaH pAyAtpayasi vimale yAmune majjatInAM yAchantInAmanunayapadairva~nchitAnyaMshukAni | lajjAlolairalasavalitairunmiShatpa~nchabANaiH gopastrINAM nayanakusumaira~nchitaH keshavo naH || 35|| vR^indAraNye tapanatanayAtIravAnIraku~nje gu~njanma~njubhramarapaTalIkAkalIkelibhAji | AbhIrANAM madhuramuralInAdasammohitAnAM madhye krIDannavatu niyataM nandagopAlabAlaH || 36|| shirashChAyAM kR^iShNaH kShaNamakR^ita rAdhAcharaNayoH bhujAvallichChAyAmiyamapi tadIyapratikR^itau | iti krIDAkope nibhR^itamubhayorapyanunaya\- prasAdau jIyAstAmapi gurusamakShaM sthitavatoH || 37|| avemavyApArAkalanamaturI sparshamachirA\- ?? danunmIlattantu prakaraghaTanAyAsamasakR^it | viShIdatpA~nchAlI vipadapanayaikapraNayinaH paTAnAM nirmANaM patagaghatiketoravatu vaH || 38|| ?? kapole patrAlIM pulakini vidhAtuM vyavasitaH svayaM shrIrAdhAyAH karakalitavartirmadhuripuH | abhUdvaktrendau yannihitanayanaH kampitabhujaH tadetatsAmarthyaM tadabhinavarUpasya jayati || 39|| saMsaktAniva pAtumaupaniShadavyAhAramAdhvIrasA\- nunmArShTuM vrajasundarIkuchataTIpATIrareNUniva | unmIlanmuraLIninAdabahulAmodopasIdadgavI jihvAlIDhamalIkavallavashishoH pAdAmbujaM pAtu vaH || 40|| kR^iShNo gorasachauryamamba kurute kiM kR^iShNa mAtaH surA\- pAnaM na prakaromi rAma kimidaM nAhaM parastrIrataH | kiM govinda vadatyasau haladharo mithyeti tAM vyAharan gopIgopakadambakaM vihasayanmugdho mukundo.avatu || 41|| mAtastarNakarakShaNAya yamunAkachChaM na gachChAmyahaM kasmAdvatsa pinaShTi pIvarakuchadvandvena gopIjanaH | bhrUsa.nj~nAvinivArito.api bahusho jalpanyashodAgrato gopIpANisarojamudritamukho gopIpatiH pAtu vaH || 42|| kAsi tvaM vada chauryakAriNi kutaH kastvaM puro yAmikaH kiM brUShe muShitau suvarNakalashau bhUpasya kena tvayA | kutra staH prakaTau tavA~nchalataTe kutreti tatpashyatAM ityukte dhR^itavallavIkuchayugastvAM pAtu pItAmbaraH || 43|| kR^iShNa tvaM paTha kiM paThAmi nanu re shAstraM kimu j~nAyate tattvaM kasya vibhoH sa kastribhuvanAdhIshashcha tenApi kim | j~nAnaM bhaktiratho viraktiranayA kiM muktirevAstu te dadhyAdIni bhajAmi mAturuditaM vAkyaM hareH pAtu vaH || 44|| kR^iShNa tvaM navayauvano.asi chapalAH prAyeNa gopA~NganAH kaMso bhUpatirabjanAlamR^idulagrIvA vayaM goduhaH | tadyAche.a~njalinA bhavantamadhunA vR^indAvanaM madvinA mA yAsIriti nandagopavachasA namro hariHpAtu vaH || 45|| kastvaM kR^iShNamavehi mAM kimiha te manmandarAsha~NkayA yuktaM tannavanItabhAjanapuTe nyastaH kimarthaM karaH | kartuM tatra pipIlikApanayanaM suptAH kimudbodhitA bAlA vatsagatiM vivektumiti sa~njalpanhariH pAtu vaH || 46|| svAmI mugdhataro vanaM ghanamidaM bAlA.ahamekAkinI kShoNImAvR^iNute tamAlamalinachChAyA tamaHsaMhatiH | tanme sundara kR^iShNa mu~ncha sahasA vartmeti gopyA giraH shrutvA tAM parirabhya manmathakalAsakto hariH pAtu vaH || 47|| mAtaH kiM yadunAtha dehi chaShakaM kiM tena pAtuM payaH tannAstyadya kadAsti tannishi nishA kA vAndhakArodaye | AmIlyAkShiyugaM nishApyupagatA dehIti mAtuH punaH vakShojAmbarakarShaNodyatakaraH kR^iShNaH sa puShNAtu naH || 48|| ardhonmIlitalochanasya pibataH paryAptamekaM stanaM sadyaHprasnutadugdhadigdhamaparaM hastena sammArjataH | mAtrA chA~NgulilAlitasya chibuke smerAyamANe mukhe viShNoH kShIrakaNAmbudhAmadhavalA dantadyutiH pAtu vaH || 49|| gachChAmyachyuta darshanena bhavataH kiM tR^iptirutpadyate kiM tvevaM vijanasthayorhatajanaH sambhAvayatyanyathA | ityAmantraNabha~NgisUchitavR^ithAprasthAnakhedAlasAM AshliShyanpulakA~NkurA~nchitavapurgopIM hariH pAtu vaH || 50|| rAmo nAma babhUva huM tadabalA sIteti huM tau pituH vAchA pa~nchavaTIvane nivasatastAmAharadrAvaNaH | kR^iShNeneti purAtanIM nijakathAmAkarNya mAtreritAM saumitre kva dhanurdhanurdhanuriti proktA giraH pAntu vaH || 51|| ko.ayaM dvAri hariH prayAhyupavanaM shAkhAmR^igasyAtra kiM kR^iShNo.ahaM dayite bibhemi sutarAM kR^iShNAdahaM vAnarAt | rAdhe.ahaM madhusUdano vrajalatAM tAmeva puShpAnvitAM itthaM nirvachanIkR^ito dayitayA hrINo hariH pAtu vaH || 52|| pIThe pIThaniShaNNabAlakagale tiShThansagopAlako yantrAntaHsthitadugdhabhANDamavabhidyAchChAdya ghaNTAravam | vaktropAntakR^itA~njaliH kR^itashiraHkampaM pibanyaH payaH pAyAdAgatagopikAnayanayorgaNDUShaphUtkArakR^it || 53|| padme tvannayane smarAmi satataM bhAvo bhavatkuntale nIle muhyati kiM karomi mahitaiH krIto.asmi te vibhramaiH | ityutsvapnavacho nishamya saruShA nirbhartsito rAdhayA kR^iShNastatparameva tadvyapadishankrIDAviTaH pAtu vaH || 54|| dR^iShTyA keshava goparAgahR^itayA ki~nchinna dR^iShTaM mayA tenAtra skhalitAsmi nAtha patitAM kiM nAma nAlambase | ekastvaM viShameShu khinnamanasAM sarvAbalAnAM gatiH gopyaivaM gaditaH saleshamavatAdgoShThe harirvashchiram || 55|| keyaM bhAgyavatI tavorasi maNI brUShe.agravarNaM vinA kR^itvAsyAH prathamaM vinA kva sahajo varNo maNestAdR^ishaH | strIrUpaM kathamasya li~NganiyamAtpR^ichChAmi vadhvAkR^itiM mugdhe tvatpratibimbamityapalapan rAdhAM hariH pAtu vaH || 56|| yAM dR^iShTvA yamunApipAsuranishaM vyUho gavAM gAhate vidyuttvAniti nIlakaNThanivaho yAM draShTumutkaNThate | uttaMsAya tamAlapallavamiti chChindanti yAM gopikAH kAntaM kAliyashAsanasya vapuShaH sA pAvanI pAtu vaH || 57|| shrImadgopavadhUsvaya~NgrahapariShva~NgeShu tu~Ngastana\- vyAmardAdgalite.api chandanarajasya~Nge vahansaurabham | kashchijjAgarajAtarAganayanadvandvaH prabhAte shriyaM bibhratkAmapi veNunAdarasiko jArAgraNIH pAtu vaH || 58|| kaNThAli~Nganama~NgalaM ghanakuchAbhogopabhogotsavaM shroNIsa~NgamasaubhagaM cha satataM matpreyasInAM puraH | prAptaM ko.ayamitIrShyayeva yamunAkUle balAdyaH svayaM gopInAmaharaddukUlanichayaM kR^iShNaH sa puShNAtu naH || 59|| kR^iShNenAmba gatena rantumasakR^inmR^idbhakShitA svechChayA satyaM kR^iShNa ka evamAha musalI mithyAmba pashyAnanam | vyAdehIti vikAsite cha vadane dR^iShTvA samastaM jagat mAtA yasya jagAma vismayapadaM pAyAtsa vaH shrIpatiH || 60|| amba shrAmyasi tiShTha gorasamahaM mathnAmi manthAnakaM prAlambya sthitamIshvaraM sarabhasaM dInAnano vAsukiH | sAsUyaM kamalAlayA suragaNaH sAnandamudyadbhayaM rAhuH praikShata yaM sa vo.astu shivado gopAlabAlo hariH || 61|| kAlindyAH pulineShu kelikupitAmutsR^ijya rAse rasaM gachChantImanugachChato.ashrukaluShAM kaMsadviSho rAdhikAm | tatpAdapratimAniveshitapadasyodbhUtaromodgateH akShuNNo.anunayaH prasannadayitAdR^iShTasya puShNAtu vaH || 62|| kaMsaM dhvaMsayate muraM tirayate haMsaM tathA hiMsate bANaM kShINayate bakaM laghayate pauNDraM tathA lumpate | bhaumaM kShAmayate balAdbalabhido darpaM parAkurvate kliShTaM shiShTagaNaM praNamramavate kR^iShNAya tubhyaM namaH || 63|| rAsollAsabhareNa vibhramabhR^itAmAbhIravAmabhruvAM abhyarNe parirabhya nirbharamuraH premAndhayA rAdhayA | sAdhu tvadvadanaM sudhAmayamiti vyAhR^itya gItastuti\- rvyAjAdudbhaTachumbitaH smitamanohArI hariH pAtu vaH || 64|| sAkUtasmitamAkulAkulagaladdhammillamullAsita\- bhrUvallIkamalIkadarshitabhujAmUlArdhadR^iShTastanam | gopInAM nibhR^itaM nirIkShya lalitaM kA~nchichchiraM chintayan antarmugdhamanoharo haratu vaH kleshaM navaH keshavaH || 65|| tiryakkaNThavilolamaulitaralottaMsasya vaMshochcharad\- gItasthAnakR^itAvadhAnalalanAlakShairna saMlakShitAH | sammugdhaM madhusUdanasya madhure rAdhAmukhendau mR^idu\- spandaM pallavitAshchiraM dadatu vaH kShemaM kaTAkShormayaH || 66|| vR^iShTivyAkulagokulAvanarasAduddhR^itya govardhanaM bibhradballavavallabhAbhiradhikAnandAchchiraM chumbataH | kandarpeNa tadarpitAdharataTIsindUramudrA~Nkito bAhurgopatanostanotu bhavatAM shreyAMsi kaMsadviShaH || 67|| rAdhAmugdhamukhAravindamadhupastrailokyamaulisthalI\- nepathyochitanIlaratnamavanIbhArAvatArakShamaH | svachChandavrajasundarIjanamanastoShapradoShashchiraM kaMsadhvaMsanadhUmaketuravatu tvAM devakInandanaH || 68|| kiM vibhrAmyasi kR^iShNabhogibhavane bhANDIrabhUmIruhi bhrAtaryAsi na dR^iShTigocharamitaH sAnandanandAspadam | rAdhAyA vachanaM tadadhvagamukhAnnandAntike gopato govindasya jayanti sAyamatithiprAshastyagarbhA giraH || 69|| sAndrAnandapurandarAdidiviShadvR^indairamandAdarAt AnamrairmukuTendranIlamaNibhiH sandarshitendIvaram | svachChandaM makarandasundaragalanmandAkinImeduraM shrIgovindapadAravindamashubhaskandAya vandAmahe || 70|| prAtarnIlanicholamachyutamuraHsaMvItapItAMshukaM rAdhAyAshchakitaM vilokya hasati svairaM sakhImaNDale | vrIDAcha~nchalama~nchalaM nayanayorAdhAya rAdhAnane svAdusmeramukho.ayamastu jagadAnandAya nandAtmajaH || 71|| prItiM vastanutAM hariH kuvalayApIDena sArdhaM raNe rAdhApInapayodharasmaraNakR^itkumbhena sambhedavAn | patre bibhyati mIlati kShaNamapi kShipraM tadAlokanAd\- vyAmohena jitaM jitaM jitamabhUdvyAlolakolAhalaH || 72|| tvAmaprApya mayi svayaMvaraparAM kShIrodatIrodare sha~Nke sundari kAlakUTamapibanmUDho mR^iDAnIpatiH | itthaM pUrvakathAbhiranyamanaso vikShipya vAso.a~nchalaM rAdhAyAH stanakorako parilasannetro hariH pAtu vaH || 73|| vAmAMsasthalachumbikuNDalaruchA jAtottarIyachChaviM vaMshIgItibhavastribha~NgavapuShaM bhrUlAsyalIlAparam | ki~nchitsrastashikhaNDashekharamatisnigdhAlinIlAlakaM rAdhAdipramadAshatAvR^itamahaM vande kishorAkR^itim || 74|| antarmohanamaulighUrNanavalanmandAravisraMsanaH stabdhAkarShaNadR^iShTiharShaNamahAmantraH kura~NgIdR^ishAm | dR^ipyaddAnavadUyamAnadiviShaddurvAraduHkhApadAM bhraMshaH kaMsariporvyapohayatu vo.ashreyAMsi vaMshIravaH || 75|| maulau kekishikhaNDanI madhurimAdhArAdhare vaMshinI pInAMse vanamAlinI hR^idi lasatkAruNyakallolinI | shroNyAM pItadukUlinI charaNayorvyatyastavinyAsinI lIlA kAchana mohanI vijayate vR^indAvanAvAsinI || 76|| mAlAbarhamanoj~nakuntalabharAM vanyaprasUnokShitAM shaileyAgurusaktachitratilakAM shashvanmanohAriNIm | lIlAveNuravAmR^itaikarasikAM lAvaNyalakShmImayIM bAlAM bAlatamAlanIlavapuShaM vande parAM devatAm || 77|| aMsAlambitavAmakuNDaladharaM mandonnatabhrUtalaM ki~nchitku~nchitakomalAdharapuTaM sAchiprasArIkShaNam | AlolA~NgulipallavairmuralikAmApUrayantaM mudA mUle kalpatarostribha~NgalalitaM dhyAye jaganmohanam || 75|| kastUrItilakaM lalATaphalake vakShaHsthale kaustubhaM nAsAgre navamauktikaM karatale veNuM kare ka~NkaNam | sarvA~Nge harichandanaM suvimalaM kaNThe cha muktAvalIM bibhratstrIpariveShTito vijayate gopAlachUDAmaNiH || 76|| kAlindIpulinodareShu musalI yAvadgataH krIDituM tAvatkarburikApayaH piba hare vardhiShyate te shikhA | itthaM bAlatayA pratAraNaparAH shrutvA yashodAgiraH pAyAdvaH svashikhAM spR^ishanpramuditaH kShIre.ardhapIte hariH || 77|| Anandena yashodayA samadanaM gopA~NganAbhishchiraM sAsha~NkaM balavidviShA sakusumaM siddhaiH pR^ithivyAkulam | serShyaM gopakumArakaiH sakaruNaM pauraiH suraiH sasmataM yo dR^iShTaH sa punAtu vo madhuripuH protkShiptagovardhanaH || 78|| rAdhAmohanamandiraM jigamiShoshchandrAvalImandirAt rAdhe kShemamiti priyasya vachanaM shrutvA.a.aha chandrAvalI | kShemaM kaMsa tataH priyaH pramuditaH kaMsaH kva dR^iShTastvayA rAdhA kveti tayoH prasannamanasorhAsodgamaH pAtu vaH || 79|| dR^iShTaH kvApi sa keshavo vrajavadhUmAdAya kA~nchidgataH sarvA eva hi va~nchitAH khalu vayaM so.anveShaNIyo yadi | dve dve gachChata ityudIrya sahasA rAdhAM gR^ihItvA kare gopIveShadharo niku~njabhavanaM prApto hariH pAtu vaH || 80|| kiM yuktaM bata mAmananyamanasaM vakShaHsthalasthAyinIM bhaktAmapyavadhUya kartumadhunA kAntAsahasraM tava | ityuktvA phaNabhR^itphaNAmaNigatAM svAmeva matvA tanuM nidrAchChedakaraM hareravatu vo lakShmyA vilakShasmitam || 81|| svapnAsAditadarshanAmanunayanprANeshvarImAdarAt aMse.asminpatitairapA~Ngavalitairyadbodhito.apyashrubhiH | pratyAyyastvamato mayA nanu hare ko.ayaM kramavyatyayaH pAtu tvAM vrajayoShitetyabhihitaM lajjAkaraM shAr~NgiNaH || 82|| asminku~nje vinApi prachalati pavanAdvartate ko.api nUnaM pashyAmaH kiM na gatvetyanusarati gaNe bhItabhIte.arbhakANAm | tasmin rAdhAsakho vaH sukhayatu vilasallIlayA kaiTabhAriH vyAtanvAno mR^igAriprabalaghuraghurArAvaraudrAnninAdAn || 83|| a~NgulyA kaH kapATaM praharati kuTile mAdhavaH kiM vasanto no chakrI kiM kulAlo nahi dharaNidharaH kiM dvijihvaH phaNIndraH | nAhaM ghorAhimardI kimuta khagapatirno hariH kiM kapIndra ityevaM satyabhAmAprativachanajitaH pAtu vashchakrapANiH || 84|| vR^indAraNye charantI vibhurapi satatambhUrbhuvaHsvaH sR^ijantI nandodbhUtA.apyanAdiH shishurapi nigamairlakShitA vIkShitApi | vidyullekhAvanaddhonnamadamalamahAmbhodasachChAyakAyA mAyA pAyAdapAyAdaviditamahimA kApi paitAmbarI vaH || 85|| nAmodastAkhilAmodamaniyamayujAM yaH prakAmodavAha shyAmo darpADhyadhAmodayamilitayashodhArayA modate yaH | vAmodanyAsadAmodarataraladR^ishAM dattakAmodayo yaH sAmodaH shrIlalAmo dalayatu duritaM so.atra dAmodaro vaH || 86|| mallaiH shailendrakalpaH shishurakhilajanaiH puShpachApo.a~NganAbhiH gopaistu prAkR^itAtmA divi kulishabhR^itA vishvakAyo.aprameyaH | kruddhaH kaMsena kAlo bhayachakitadR^ishA yogibhirdhyeyamUrtiH dR^iShTo ra~NgAvatAre hariramarajanAnandakR^itpAtu yuShmAn || 87|| jayashrIvinyastairmahita iva mandArakusumaiH svayaM sindUreNa dviparaNamudA mudrita iva | bhujApIDakrIDAhatakuvalayApIDakariNaH prakIrNAsR^igbindurjayati bhujadaNDo murajitaH || 88|| suparNaH svarNAdrau rachitamaNishR^i~Nge jaladhijA\- mukhAmbhoje bhR^i~Ngo nigamavilasatpa~njarashukaH | trilokIkastUritilakakamanIyo vrajavadhU\- vihArI shrIkR^iShNo dishatu bhavatAM sharma satatam || 89|| kva yAsi khalu chaurike pramuShitaM sphuTaM dR^ishyate dvitIyamiha mAmakaM vahasi kandukaM ka~nchuke | tyajeti navagopikAkuchayugaM pramathnanbalAt lasatpulakapa~njaro jayati gokule keshavaH || 90|| meghairmeduramambaraM vanabhuvaH shyAmAstamAladrumaiH naktaM bhIrurayaM tvameva tadimaM rAdhe gR^ihaM prApaya | itthaM nandanideshatashchalitayoH pratyadhvaku~njadrumaM rAdhAmAdhavayorjayanti yamunAkUle rahaHkelayaH || 91|| kaunteyasya sahAyatAM karuNayA gatvA vinItAtmano yenolla~NghitasatpathaH kurupatishchakre kR^itAntAtithiH | trailokyasthitisUtradhAratilako devaH sadA sampade sAdhUnAmasurAdhinAthamathanaH stAddevakInandanaH || 92|| AtAmre nayane sphurankuchabharaH shvAso na vishrAmyasi svedAmbhaHkaNadanturaM tava mukhaM hetastu no lakShyate | dhikko veda manaH striyA iti girA ruShTAM priyAM bhIShayan tasyAstatkShaNakAtarekShaNaparispR^iShTo hariH pAtu vaH || 93|| iti shrIkR^iShNastutiH samAptA | ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}