% Text title            : rAgagaNAnAM shrIkRiShNachandrastavam from Gargasamhita
% File name             : kRiShNachandrastavarAgagaNAnAMgargasamhitA.itx
% Category              : vishhnu, krishna, stotra, vishnu
% Location              : doc\_vishhnu
% Transliterated by     : Vishwas Bhide vrbhide at rediffmail.com
% Proofread by          : Vishwas Bhide, PSA Easwaran
% Description-comments  : gargasamhitA
% Acknowledge-Permission: Vishwas Bhide http://satsangdhara.net/
% Latest update         : February 3, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. rAgagaNAnAM shrIkRiShNachandrastavam ..}##
\itxtitle{.. rAgagaNAnAM shrIkR^iShNachandrastavam ..}##\endtitles ##

shrInArada uvAcha \-
bhairavAdyA rAgagaNAH puraH prAptA hareH prabhoH |
rUpAnurUpAvayavAM tanuM dR^iShTvAtiharShitAH || 1||
yatra yatra cha teShAM vai dR^iShTiH prAptA harestanau |
tatra sthitA cha nirgantuM lAvaNyAnna shashAka ha || 2||
aho shrIkR^iShNachandrasya rUpamatyadbhutaM hareH |
dR^iShTvopavarNanaM tasya chakruste.api pR^ithak pR^ithak || 3||
bhairava uvAcha \-
bhaja harijAnudvayamiti lakShmIH |
bhajati sadA~Nke kamalakarAbhyAm || 4||
meghamallAra uvAcha \-
UrU viShNo rambhAkhaNDau hemastambhau dhyAye vandyau |
ojaH pUrNau shobhAyuktau vastrApItau kR^iShNasyobhau || 5||
dIpaka uvAcha \-
sakalasukhakaraM kanakaruchidharam |
prathitaharipadaM bhajata kaTitale || 6||
mAlakosha uvAcha \-
kaTI keshavAdyA harerasti tatra nR^iNAM netrayordR^iShTimAnaM haranti |
paraM kampitA mandagachChatsamIraiH sunamreNa sA sarvachetoharettham || 7||
shrIrAga uvAcha \-
nAbheH saraH puShkarakuNDavachcha tallasattrivallyUrmimanoharaM padam |
romAvaliprojjhitakAmakAnanaM bhajAmi nityaM hR^idi rAdhikApateH || 8||
hiNDola uvAcha \-
akSharapa~NktiH kinnvalipa~NktiH pippalapatre mohanamAlA |
kiM kamale yachChyAmalarekhA kiM hyudare romAvalirekhA || 9||
bhairavarAgiNya UchuH
pItapaTaM yatkR^iShNaharerindradhanurvaddIptiyutam |
kA~nchanashilpaishchAruruchi tadbhaja nR^INAM duHkhaharam || 10||
bhairavaputrA UchuH
chatuHsamudrA iva vishvapUrakA AnandadA eva chatuShpadArthavat |
te bAhavo lokavitAnadaNDavajjayanti bhUdhAraNadiggajA iva || 11||
meghamallArarAgiNya UchuH
aruNabimbaphaladyutimaNDitaM bhaja hareradharaM madhuraM manaH |
navajapAdalamallasuvigrahaM sakalavallabhabhUmipateH prabhoH || 12||
meghamallAraputrA UchuH
karpUraketakasumauktikahIrakANAM
     shrIkhaNDachandrachapalAmR^itamallikAnam |
teShAM rucheshcha paribhAvamakAri pUrvaM
     yA dantapa~NktiramalA smaratAM parasya || 13||
dIpakarAgiNya UchuH
nayanayugalajAtaM pAtu no.aharnishaM te
     madanasharaparokShaM sarvalAvaNyadIkSham |
parihR^itasuravR^ikShaM koTisho lakShalakShaM
     nijajanakR^itarakShaM dAnadakShaM kaTAkSham || 14||
dIpakaputrA UchuH
kiM vA kuli~NgayugalaM navapadmamadhye
     duHkhakShAyAya vasatAM nishitAsiyugmam |
jaitraM dhanurjayati kiM makaradhvajasya
     bhrUmaNDalaM kimatha chandramukhe parasya || 15||
mAlakosharAgiNya UchuH
parinR^ityati indumaNDale phaNipatnyAviva lolakuNDale |
kamale makarandanirbhare bhramarAlIva sugaNDamaNDale || 16||
mAlakoshaputrA UchuH
ravireva khamaNDale kimu yadubhartustvathavA ghane taDit |
adhitiShThati gaNDamaNDalaM dyutikhaNDaM kaladhautakuNDalam || 17||
shrIrAgiNya UchuH
kali~NgayoH kha~njanayoH kilArAdApatyatAM yuddhamabhUdalInAm |
teShAM gataH kIra uShaHpraphulle chakAsti padme.aruNabimbalipsuH || 18||
shrIrAgaputrA UchuH
parikarIkR^itapItapaTaM hariM shikhikirITanatIkR^itakandharam |
laguDaveNukaraM chalakuNDalaM paTutaraM nataveShadharaM bhaje || 19||
hiNDolarAgiNya UchuH
atasIkusumopameyakAntiryamunAkUlakadambamadhyavartI |
navagopavadhUvihArashAlI vanamAlI vitanotu ma~NgalAni || 20||
hiNDolaputrA UchuH \-
hare matsamaH pAtakI nAsti bhUmau tathA tvatsamo nAsti pApApahArI |
iti tvAM cha matvA jagannAthadevaM yathechChA bhavette tathA mAM kuru tvam || 21||
shrInArada uvAcha \-
iti rAgakR^itaM dhyAnaM yaH shR^iNoti paThetsadA |
tannetragocharo yAti bhagavAn bhaktavatsalaH || 22||

iti gargasaMhitAyAM vishvajitkhaNDe pa~nchachatvAriMshadadhyAyAntargataM
rAgagaNAnAM stavam |

##
Garga Samhita, Vishwajitkhanda, Adhaya 45
Encoded by Vishwas Bhide vrbhide at rediffmail.com http://satsangdhara.net/
Proofread by PSA Easwaran


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}