॥ श्रीकृष्णस्तुतिः ॥

देवा ऊचुः - कृष्णाय पूर्णपुरुषाय परात्पराय यज्ञेश्वराय परकारणकारणाय । राधावराय परिपूर्णतमाय साक्षाद्गोलोकधामधिषणाय नमः परस्मै ॥ १॥ योगेश्वराः किल वदन्ति महः परं त्वां तत्रैव सात्वतमनाः कृतविग्रहं च । अस्माभिरद्य विदितं यददोऽद्वयं ते तस्मै नमोऽस्तु महसां पतये परस्मै ॥ २॥ व्यङ्ग्येन वा न न हि लक्षणया कदापि स्फोटेन यच्च कवयो न विशन्ति मुख्याः । निर्देश्यभावरहितः प्रकृतेः परं च त्वां ब्रह्म निर्गुणमलं शरणं व्रजामः ॥ ३॥ त्वां ब्रह्म केचिदवयन्ति परे च कालं केचित्प्रशान्तमपरे भुवि कर्मरूपम् । पूर्वे च योगमपरे किल कर्तृभाव- मन्योक्तिभिर्न विदितं शरणं गताः स्मः ॥ ४॥ श्रेयस्करीं भगवतस्तवपादसेवां हित्वाथ तीर्थयजनादि तपश्चरन्ति । ज्ञानेन ये च विदिता बहुविघ्नसङ्घैः सन्ताडिता किमु भवन्ति न ते कृतार्थाः ॥ ५॥ विज्ञाप्यमद्य किमु देव अशेषसाक्षी यः सर्वभूतहृदयेषु विराजमानः । देवैर्नमद्भिरमलाशयमुक्तदेहै- स्तस्मै नमो भगवते पुरुषोत्तमाय ॥ ६॥ यो राधिकाहृदयसुन्दरचन्द्रहारः श्रीगोपिकानयनजीवनमूलहारः । गोलोकधामधिषणध्वज आदिदेवः स त्वं विपत्सु विबुधान् परिपाहि पाहि ॥ ७॥ वृन्दावनेश गिरिराजपते व्रजेश गोपालवेषकृत नित्यविहारलील । राधापते श्रुतिधराधिपते धरां त्वं गोवर्द्धनोद्धरण उद्धर धर्मधाराम् ॥ ८॥ इति गर्गसंहितायां गोलोकख्ण्डे तृतीयाध्यायान्तर्गता गोलोके देवानां श्रीकृष्णस्तुतिः समाप्ता । Garga Samhita, Golokakhanda, Adhaya 3 verses 15-22 Encoded by Vishwas Bhide vrbhide at rediffmail.com http://satsangdhara.net/ Proofread by PSA Easwaran psaeaswaran at gmail.com
% Text title            : shrIkRiShNastutiH from Gargasamhita
% File name             : kRiShNastutiHgargasamhitA.itx
% itxtitle              : shrIkRiShNastutiH (gargasaMhitAntargatam)
% engtitle              : shrIkRiShNastutiH from Gargasamhita
% Category              : vishhnu, krishna, stotra
% Location              : doc_vishhnu
% Sublocation           : vishhnu
% SubDeity              : krishna
% Texttype              : stotra
% Language              : Sanskrit
% Subject               : philosophy/hinduism/religion
% Transliterated by     : Vishwas Bhide vrbhide at rediffmail.com
% Proofread by          : Vishwas Bhide, PSA Easwaran psaeaswaran at gmail.com
% Description-comments  : gargasamhitA
% Indexextra            : (satsangdhArA)
% Acknowledge-Permission: Vishwas Bhide http://satsangdhara.net/
% Latest update         : February 3, 2016
% Send corrections to   : sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP