% Text title            : Kashyapaditikritam Vishnu Stotram
% File name             : kashyapAditikRRitaMviShNustotram.itx
% Category              : vishhnu, vishnu, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 144/64-88||
% Latest update         : December 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashyapaditikritam Vishnu Stotram ..}##
\itxtitle{.. kashyapAditikR^itaM viShNustotram ..}##\endtitles ##
kashyapo.api sutaM tvindraM bhraShTarAjyaM vilokya cha |
AdityA saha saurAShTre tapastepe payovR^itam || 64||
archayAmAsa deveshaM padmanAbhaM janArdanam |
sharIre tu tayostatra pipIlikAbhirAvR^ite || 65||
tejo mahattayorvyAptaM saurAShTre paritastadA |
lokAstu vismitAstena tau stuvanti punaH punaH || 66||
harirvarShasahasrAnte prasannastapasA tayoH |
tatraivAvirabhUttasya devyA saha sanAtanaH || 67||
taM dR^iShTvA puNDarIkAkShaM sha~NkhachakragadAdharam |
indIvaradalashyAmaM sarvAbharaNashobhitam || 68||
kirITahArakeyUrakuNDalashR^i~NkhalAnvitam |
pItAmbaraM shrIvatsA~NkakaustubhahAravakShasam || 69||
lakShmIyuktaM garuDasthaM prasannaM jagadIshvaram |
harShanirbharahR^idayastuShTAva kashyapo harim || 70||
namo namaste lakShmIsha sarvesha bhuvaneshvara |
svAshritAnAM sukhadAtre bhaktakAryakR^ite namaH || 71||
AdimadhyAntarahitanityarUpAya te namaH |
namaH sarvatrANakR^ite vedavedA~NgachakShuShe || 72||
sUkShmAya sthUlarUpAya nArAyaNAya te namaH |
kalyANaguNapUrNAya parAtmane cha te namaH || 73||
namaste yogigamyAya bhaktechChApUrakAya te |
nityamuktaikabhogAya paradhAmeshvarAya cha || 74||
chaturAtmannamastubhyaM vyUhAtmane cha te namaH |
pa~nchapa~nchasvarUpAya pa~nchasaMskAriNe namaH || 75||
nArAyaNAya kR^iShNAya vAsudevAya te namaH |
shAr~NgiNe vishvarUpAya dhAtre trAtre cha te namaH || 769||
viShNave jiShNave tubhyaM shuddhasattvAya te namaH |
balerbalaM mahajjAtaM tanniShUdaya mAdhava || 77||
devAstadA sukhinaH syuriti chAbhyarthanA.asti me |
yadyapi balirAjo.asau bhakto.asti suramelanaH || 78||
kintu surAtikramaNaM mAstu daityasya mAdhava |
tasmAttrilokagaM rAjyaM tvindrasyaiva sadA.astu vai || 79||
balestvAsurarAjyaM cha pAtAlAdau yathAstu cha |
tathA.astyabhyarthanIyaM me yathechChasi tathA kuru || 80||
uktvA tu kashyapastatra virarAma hareH puraH |
aditiH prAha deveshaM natvA stutvA jagatprabhum || 81||
he nAtha yadi devAnAM shAstR^itvaM chAsure bhavet |
tadA.asmatputrabAhulye nAsti ki~nchitprayojanam || 82||
yadi shR^igAlAH kAkAshcha syurdevasya vibhUtayaH |
kiM siMhena cha haMsena tadA vai mahimA tava || 83||
yadi daityAH sArvabhaumA bhrAtaraste cha ki~NkarAH |
alaM tarhi jIvitena tvadityA ramayA shriyA || 84||
yadi bhavAnmahaishvaryo daityo.api tAdR^isho bhavet |
alaM bhagavatA tarhi daityo vai mAdhavo bhavet || 85||
tasmAtpAtrAdhikAreNa deyA smR^iddhirhi nA.anyathA |
yadi lauhaM gale nyastaM shobhate rUpabhAsuram || 86||
kR^itaM tarhi suvarNena vyarthasR^iShTaM hi hATakam |
yadi daityo bhavedindro vyarthA hyapsarasastathA || 87||
rAjamAtaro rAkShasyashchedindrANyA hyalaM tadA |
kimbahUktena me nAtha vyavasthAM kuru keshava || 88||

iti shrIlakShmInArAyaNIyasaMhitAyAM prathame kR^itayugasantAne 144\-adhyAyAntargataM
kashyapa\-aditikR^itaM viShNustotraM sampUrNam |

lakShmInArAyaNIyasaMhitA | khaNDa 1| adhyAya 144/64\-88||
##
lakShmInArAyaNIyasaMhitA . khaNDa 1. adhyAya 144/64-88..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}