% Text title : Shri Kaviraja Stuti 05 10 % File name : kavirAjastutiH.itx % Category : vishhnu, krishna, stuti % Location : doc\_vishhnu % Proofread by : Rajesh Thyagarajan % Description/comments : From stotrArNavaH 05-10 % Latest update : October 9, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kaviraja Stuti ..}## \itxtitle{.. shrIkavirAjastutiH ..}##\endtitles ## vilochanakadambakaM yadupalabhya lubhya tkimA\- lileha na hi kiM papau na hi mamajja kiMvA na hi | paraM tu kimivAbhavannavatamAlalakShmItira\- rikrayAnigamasAmpradAyikamupAsmahe tanmahaH || 1|| abAlakajavAdharaH salilavAhavAhadyutiH navAbjavanavAdidR^igbR^ihadavAryabAhudvayaH | sa vA~NmanasabAhyaddakpramadavAravArAM nidhiH bhavAllavaNavAridheH savidhavAsavAnuddharet || 2|| yadIyasuShamAvalokanamudaH sharatkaumudI\- kadambaparishIlanapramadadhATikAcheTikA | tadambudakadambaDambaraviDambiki~nchichChara\- tsarojaduraha~NkR^iteranavakAshanetraM bhaje || 3|| sitAbhrachayapa~NkilA vidhushilAmbuvApIvidhu\- prabhAmayasarojinI yadi sR^ijet prasUnaM navam | tadIyamupamA yadIyanayanasya naH spardhinI\- mamandamudamambudhestaTakuTIcharaM takriyAt || 4|| kutUhalamayI harinmahamayaM nabhomedinI pramodalaharImayI jagati yatra kutra kvachit | matiH paramaraMsta yadvadanabimbasa~nchumbinI tadastu vaTabhUruhastaTachariShNu dhAma shriyai || 5|| kimadbhutatateH kimullasanasampadaH kiM maho\- tsavasya kutukasya kiM kimu jagattrayIvismR^iteH | babhUva hR^idayaM yadAnanavihAri jAne na tat punAtu lavaNAmbudhe savidhachumbi ki~nchinmahaH || 6|| adhInamiti yatkR^ipAnimukhamityasheShopamA sasa~Ngrahamiti dyutiH praNayapUrNamityutsavaH | ajasramanushIlayatyadhikalubdhamityakShita\- dvaTAva niruhastaTIghaTitadhAma dhAmAshraye || 7|| yadIyarajasAM gaNaH kabalitoDuvAsAM gaNaH patatyamitatArakapriyakarachChaTAkArakaH | sudhAM kirati yatkalAkarapulAkarAshirdR^isho\- stamambudhitaTIcharaM kamapi kAntisAraM bhaje || 8|| sudhAMshumayamAmmusumAMsalamR^ijaM sudhArAsudhA\- vidhautamatinirmalaprabalakaumudIprotthitam | parasparavigharShaNairdahitashArmaNasrotasaM bhuvi kvachana pu~njitaM madhurimANamantarbhaje || 9|| pratikShaNaratikShaNapradamurAripAdadvayI\- vihArasukhasa~nchitadraDhimanIlashailadrave | apAkR^itabalastrapAbharajayAya mAdR^i~Nmano\- dravaM virachayanmadaM madhurimA sa ko.api kriyAt || 10|| vadAnyayashaso jagadvijayagarvagambhIrimA tulAkaNakala~NkitAnavasaraH kShamAsampadaH | mahormibharitAdbhutastabakitA kR^ipAchAturI turIyapuruShArthadaM jayati marma sharma shriyAm || 11|| dR^ishoramR^itavApikAmadhurimaikadhArAdhare ghanapramadakandalo vapuShi pAnabAhudvaye | bhavAmayapayonidhestaraNaseturavyAhataM padaM manasi kAchanAcharatu sA chitashchAturI || 12|| madaMhasi madaM hasatpalamanUnanAnainasAM prachaNDimapichaNDile maruti hiNDamAne muhaH | chalatpatitapAvanAdhipapatAtikAstambhakR^i\- tkimAtatabhujadvayaH sa mayi nirdayaH kiM bhavet || 13|| pare tapati vikramAhvayanidAghachaNDAtapa\- vyathAdalanakelikautukakadasvavAnambudaH | kriyAjjaladhikUlabhR^inmuditabhAvyalakShmIvadhU\- prasAdhanavidhau harinmaNijadarpaNastarpaNam || 14|| sakhe kimupalabhya kAM nanu dashAM bhaje vedmi no parasparamiti bruvadvachanasatyatAsiddhaye | nimajjya sukhanIradhau na hi bahiryayau dR^i~Nmamano\- dvayaM yadavalokane tavalokavA~nChAstu naH || 15|| duruddharamahAdhamAdhipatimAdR^ishoddhAraNA\- tibhAragirivighnavanmadhurimAbdhijIchiplavaH | jagannayanabhAgyavaibhavamahauShadhIvAdhava\- dvayAdravamayodayaH sphuratu ko.api manmAnase || 16|| mahotsavakarambitAmitaragandhashUnyApara\- pramodamayasR^iShTimullasitalobhakoshaM dR^ishoH | akaNTakaviluNThanApaNamanashvarashreyasAM muhurmuhurahaM mahoghanamahojjvalaM kAmaye || 17|| kala~NkakapaTasphuTodararajachChaTApa~NkilaM yandAnanasudhAmbhasaH kaluShahR^itpaTImaNDalam | dhinoti vasudhAM sudhAmayamayUkhamAlI muhuH mama pramadadohanaH sa bhavatAjjaganmohanaH || 18|| yadAnanasudhAkaradyutisudhAdhipAnechChayoH muhurvivR^itasarvatomukhamatitvaraM dhAvatoH | anAvilamaNImayAbharaNamantarAyastviShA bhavannayanayormamAbhayanayodayaM sa~NkriyAt || 19|| sapatnaviraho mahollasitamAdhurIsampadAM sahAsananavotsavo nikhilamohalakShmItateH | parapramadakandalIvaladamandalIlAbharaH sa rakShatu purassaraH sarasijasrajashchakShuShA || 20|| parAjitavarAkaraktakanavauShThalekhAkaraH shriyA vimalanAkarakShaNashilAvilAsAkaraH | mukhena hariNA karambitasudhAMshunindAkaraH sa me.astvaghanirAkaraH khalu gR^ihItapadmAkaraH || 21|| kR^ipAlukulamaulinA sapadi yena sampattathA vanIyakamanIyatApadatanUruchintApadam | shitikShitimahendra he sharaNa shUnyatAshAlinAM gaNe suratarUpamochitamahe bhavaM dhyAyatAm || 22|| shriyaM cha suhR^ide dadadvitarasanmatiM bhUpajA\- ~NgaNe suratarUpamochitamahe bhavaM dhyAyatAm | jabAdharadarasmitaM mukharuchA mahendraprabhA\- karambitatamAlasArasadR^igantaraM gAhatAm || 23|| dishaM virachayanmaho vipulabAhupuShpAvalI karambitatamAlasArasadR^igantaraM gAhatAm | are hR^idaya yaH sudhArasanidhAnaveNudhvani vanejanayanAshayAtanutanutarAdhikAra~Ngadam || 24|| tamIkShaNanaTaM sakR^ittaTavatIshatIrasthalI vanejanayanAshayAtanutarAdhikAra~Ngadam | prapannaparipAlane patitapAvane pATavI pavitrapadapa~NkaruTapatanapUtapAShANakam || 25|| payarasuparipanthipIDitapadaH sa pAtA prabhuH priyaM pratanapUruShaH paramapuNyadaH pUrayet | mahendramaNima~njutAM malinayan mahomaNDalaiH manoharamahAmahAmadhuramarmaNAM mardanaH | mahIdhramayamandiro manujamattatAma~njarI madhurmathanakR^inmathormasR^iNayenmadIyAM matim || 26|| uda~nchitasamuchchakorakaruchiprasUnasmitaM\- sphurattaralatAtikheladalakAntabhAlAsyabhR^it | svarUpamiha te na kaH prakaTavAsavelAvane jajalpa kushalAnyanalpaya mukunda kalpadruma || 27|| sudhArasamayodayaM muhuruda~nchayan yaH svarU\- palakShaNaruchichChaTApaTimapUritAshAtaTaH | dhanA~njanaruchiM dadhAti bahudhA navairAshrito mahobhiranishaM dishet kushalamambujAkSho.ambudaH || 28|| ara~NkudharadhAmavannarajanImahollAsabhR^i\- tkalApachayapUrNavigrahamahaH shriyA bhAsvaram | nakairavagatAM mudaM dishati yannadInodaye parA~NmukhamahaM bhaje.adbhutasudhAnidhiM dhAma tat || 29|| anukShaNarasArdratAM sR^ijati yo yadIyaM vala\- dvinodakamalaM vapuH kalayato.api yasyodayaH | na chandrakiraNochchatAmapi cha tADitAlokasa\- ntaniryamanumoditA smara tamadbhutAmbhodharam || 30|| tulAnavasarojabAnavamaro javAmauShThadR^i\- gghanA~njanakalApaga~njanakalApagarhachChaviH | bhujAyugamahokachAyugasahoruchAturyabhA\- gbhujanmadavalambatAM madabalaM dR^iDhArterharet || 31|| bhaviShyadaruNAnujadhvajaviyogachintAshucho vibhinnashitashailabhR^idgalitaraktadhAropamam | shivaM dishatu nIlabhUdharavilagnasopAnabhU\- patadbahalatUlatundilavishAlashoNAMshukam || 32|| hR^idAmitaravR^ittibhiH saha vidhUtamUrtikShaNaM samaM kamalakorakAkR^itikarairudastaM tataH | skhalattadanupIThataH saha sahasranetrodakaiH kriyAt kimapi manmahaH shriyamanArataM tanmahaH || 33|| nadeshaninadAdhipallavitalokakolAhalA sphuTArtivinivedanAshravaNasAvadhAnaH kimu | salIlasavanasthalIgamanakautukopakrame tirovalitakandharo dharadhurandharo.astu shriyai || 34|| jagadviharaNochitasvatanusa~NgahAsA~Ngato\- tara~Ngaruchira~Ngasasa~NgrahavidhitsayA kiM dhutaH | gamotsavasamutsuko dyatumahaM ha sAraMhasA balAnyadhavalAvanIdharavanIvasanto vibhuH || 35|| pramodajaladhau nimajjati mano jalArdrA dR^ishaH kadambakusumashriyaM harati varShma baddho.a~njaliH | pradhAvati jayadhvanirnipatitaM shirobhUShaNe sa ko.api samayaH kriyAditi charitrachitraH shriyam || 36|| purA parichitetarapraNayachAturIM kasyachi\- nmatiM navakumudvatImabhilaShantamAli~Ngitum | vahantamavarohaNaM kimu kalAkaraM taM bhaje shitikShitidharaH skhaladvipulagaNDashailopamam || 37|| shanairatusarattarapramadavAripUrekShaNa\- pramuktajanatekShagaprakarasAnurodhaH kimu | svakIyacharaNadvayIviharamANabhaktAshaya\- vyathAlavavisha~NkitaH kimu mR^idu brajan pAtu saH || 38|| anAthajanatArpitaM bharaNabhAramAvirbhava\- tkR^ipAdaramupAdet kimu vilAsayAtrAlasam | daroditashironatiH kvachana chAru gArutmata\- prabhAladhinakAru tadbhavatu dAru kAruNyabhAk || 35|| vipannajanatAvanaprachuradhAvanatrAsataH sadAratikarakShaNavyatikaraspR^ihollAsataH | vilambamavalambya chumbati nitAntadhIrAgati\- ryadIyapadasArasaM samadasArasa~NgaM haret || 40|| vidhUtimabhito dadhadbahuvidhAM muhurmAdR^ishA\- manuddharaNadurdamAdbahaladuryashaHkardamAt | samuddhR^itividhAnakR^inmuraharasya lokottaro jayatyatitarAM harerapi hareH prayANotsavaH || 41|| muhuH parijanotkarairdhR^itaguNaiH kR^itAkarShaNo naraprakaravIkShitaH sakaratArakolAhalaH | gR^ihItatanuruttarairalasayAnashIlo.avatu brajeshapuranAgarIvasanataskaro duShkR^itAt || 42|| sukhAmbudhigabhIratAvakalanAdivordhvasphura | dbhujAdhivinivedanApravaNalokasantAnakam | mR^ida~Ngaravara~Ngatu~Ngimatara~NgighaNTAravaM bhaje pashupadAradR^ikpatanapAtrayAtrotsavam || 43|| mahItalamaho jagadvijayavAdiniHsANaja\- praNAdabharanirbharabhramadhurINasannAhinam | bhaje chalaparetarATpatitarAjyadhairyAchala\- skhalatpR^ithushilAravapratimama~NghrighoSha hareH || 44|| svataH prasaraNotsukAmaruNachelabhAmelanA\- dashR^i~NkhalitakhelitAM navasudhAMshudhAronmadAm | vidhUnanapamparodayavidhUtasAmyAsanAM bhajAmi vadanadyutiM madanamohanasya prabhoH || 45|| karoddharaNavA~nChayA karivarasya gADhatvachA\- vagADhasarasImilanmalinakaNTakaiH pIDanam | natonnatanijA~Ngaja~Ngamatayeva saMsUchaya\- nyupAdhivigalatkR^ipAnadanR^ipAlapAdo.avatAt || 46|| kanatkisalayAvalIsulalitaprabhArAmava\- nnavAruNaruchAruNekShaNavipattriyAmAntavat | mahendramaNimAnasampadaNimAnamAnartaya\- jjayatyatilasajjavAvijayasanjavAso mahaH || 47|| vapurlavaNimormiShu pratiphalannijAsyaprabhA\- valokanabalotthitA mama vimohitA nohitA | bhavediha mahAdhamoddharaNapAtrayAtrodaye murAririti chintayan kimu samAvR^itA~Ngo.avatAt || 48|| aye haripadadvaye hR^idayakheladelAtigaM tadIyayugapadgatau bata kuto vimarshastavaH | yatastadapadoShamAnasapadaM vadanti tvayA vimR^ishyamidameva yadbhavati vibhramashrIrgatiH || 49|| mukundamukhavApikAjagadapUrvalakShmIsamu\- dnamAgrasarabudbudapratimamindubinduvrajam | praphullataramullasadbhuvanamohavallInava\- prasUnavalayabhramaM prabalayantamantarbhaje || 50|| durAparamaNIyamAramaNavaktrakAntichChaTA\- valokanavalobhataH kimu shirastaTordhvaM gatA | madIyanayanAyanIbhavatu kApi yAtrotsavo\- tsukasya parameshitushcharamachumbinI paTTikA || 51|| janArdanadR^ishorbhR^ishollasitapuNDarIkotkarA\- dhirAjyagarimopari sphuritachAmaroDDAmarAm | bhaje phaNiphaTAchChaTAnaTalalATasImni bhruvoH sa mAM vilasitAmanAvilasitAbhrarekhAdvayIm || 52|| harergamananisvanaiH shamanayAtanAniHsara\- nmurAripurasammukhaprabalapApinAM vighnadau | vighAtavinivAraNaM nigadituM kimu dvAHsthitau vihAyasi vihAradR^ik kvachana chakrabhR^it pAtu naH || 53|| nR^ilokaviShadollasatsukR^itajAlabaddhaM bahi\- rgataM shrutishiro.ambudheH kimapi ratnamabhraprabham | mahIpaTataTasthalIlalitalochanAla~NkriyA priyANi cha phalaM kriyAdvasanadAmanaddho hariH || 54|| lalATataTabhUnadapaTukR^iragTakanakadala\- nnavInashataparvikAstabakamindubindutvivAm | tara~NganikaraM gatAvadhimadhishrayadvismR^itaM prayAtu vadanaM na kampavadanantashobhAmbudhaH || 55|| gamakramakutUhalI kva cha dadhadmamI vibhramI samuddhaTitabha~NgimandirakapATavarapATavam | guNAlayamR^iNAlinIkusumakAntikIrti shriyA\- manadhyayanalochanaH kaluShamochanaM naH kriyAt || 56|| nakhadyutivilAsavaibhavalavArthikoTikShayAM karaprakaramAdhurIpadanipAtadainyagrahAt | dhruvaM mradimashAlisundaragatirgatirmAdR^ishAM dR^ishA vishadapuShkara dyutitiraskriyAduShkaraH || 57|| agAdhanijamAdhurIdhR^itanima~njanAyAH shruteH vikarShaNavashAdivottaralamaulibhirmAnavaiH | gR^ihItamarijaitrayAtrikamivAkhilAshAcharaM bhaje murajayi kShaNe murajaghaNTikAnisvanam || 58|| nimeShakaNikAvipadyuvatidarshanaM duShkriyA\- dviShanvividhavibhramo nR^ipachamurjugapsAspadama | yadanyadakhilaM tadapyapathameva yasmin dR^isho\- rmukundavadanaspR^ishoH sa samayostu naH shreyase || 59|| vilokitamitastato virachayagnivAnveShaya\- nnanAkalitamAdR^ishaH kimu natAnano lajjayA | madIyapatitAvalInR^ipatitAsahasrAsahA sahasradaladA ? sarShadavilochanaH sambhavet || 60|| muhurmathitalochanochchayaviShAdachakraM chara\- ttamAlatarumastakotthitasitAbjamatyadbhutam | chaladdalitakajjaladyutimurArimaulau mila\- ttviShA dhavaladIdhiteH prabalamAtapatraM bhaje || 61|| chalannR^iharibhUtivaibhavavanIsamudbhedava\- nmahAdbhutamahIrahabR^ihatpalAshopamam | smarAmi diyadunmukhaM kimapi maNDalAkArabhR^i\- tpaTena ghaTanAddhanAghanaghaTAnibhenodbhaTam || 62|| paretapR^itanApatiH patitamaNDale chaNDatA\- makhaNDabahudaNDadAM prakaTarAna yadAkarNanam | gateShu patiteShu pUjanajanamratAsambhramaM trapAbahalamAvahat sa hR^idi gAhatAM kAhalaH || 63|| dhanAMshumaghanAshinAkR^itighanAghanADambaraM vilokya vihitapraDInagatayo.agatInAM gateH | dR^igambujavihAralobhata ivApatantaH sthita\- chChadAshchaladuparyadho jayati chAmarANAM kulam || 64|| prahArashakalIbhavannamuchivairikairoTabhU\- juTanmaNigaNochchalattarajhaNakriyAmAMsalaH | palAyanaparAyaNavyasanavArahAhAravA\- navApya kalitonnatirjayati ko.api vetradhvaniH || 65|| jagattritayabhAnakR^idyadukulapradIpaprabhA\- prabhAsanasamudbhavasmayarasAdivodgrIvatAm | gataiH kila shikhAshatairghanatamAstamAghasmarAH smarAmi dharaNIpateH saraNidIpikA dIpikAH || 66|| rasAsthitivashAkR^ipAnidhikR^ipAkaTAkShAspadaM tato vidhibalAvarajamaulisImAM gataH | anAptajalajAkShavIkShaNalavastadAkA~NkShayA vinamravadanoghaTastruTitajIvanaH pAtu naH || 6|| sharadvimalakaumudImayamahImahAhlAdabhU\- dharopari parisphuTAmR^itajharIva lIlAvahA | sudhAdharaNirohaNatrijagatImanomohano\- ttamA~NgatalanirgalatsalilanirjharI pAtu naH || 68|| svajAtakusumastrajAmasamabhAvalAvaNyakR^i\- nmurArimukhahakpadAmbujasamuchchalashrIlavaH | avAptumiva mAdhavAnanavilochanA~Nghridvaya\- kramabhramaNavibhramapriyamadabhramambhaH kriyAt || 69|| mukhendumatha lochanaM svasutavairibhAvAnnijA dhipAbharaNalohitopalakulashriyo luNTanAt | svashaityavijayAdradachChadahR^idoshcha sImetyaja\- dbhajadbhuvanapAvanaM charaNamambu viShNorjayet || 70|| vahantamalamambudaM svavahanAdhikasnigdhatAM papau dalitakAliyo lalitakAlimADanbaraiH | ruShetvapanayatpayojanayanasya nailyaM muhuH payo janayatu priyANyanayatuShTibhAjo mama || 71|| nipIya vadanAmbujodaramarandavR^indaM hareH padAbjamadhulAlasAgatamilindamAlA kimu | vidhautamukhavarNakaiH shitipuShAM payovinuShAM tataH sapadi pAtu kAchana kR^ipAlutaH pAtukA || 72|| jagattritayachittamohanamanupadeshAya kiM kapolatalachumbinaH kati cha kechana shrIpateH | vilochanapidhAyakAH kimatiluNThanAya shriyAM dishantu madanAmayaM vadanavAripUrA hareH || 73|| kachiddrutagatishriyo hR^idayachauryabhItA iva ka cha sthiratarA jagannayanaruddhamArgA iva | dishantu mama santataM skhalanashobhitAmbhodhijA\- dhivAsyasharadindavaH kushalamambhasAM bindavaH || 74|| lasadvasanadAmasannahanayantraNAnargala\- skhalatkamalalochanAnanasudhAMshupIyUShavat | milanmalayasambhavadravakadambavalguchChavi chChinattu duritAmayaM kimapi vAridhArAmayam || 75|| vilochanaviluNThitAmR^itamukhAlayodghATanA\- taTadvayanaTadvisha~NkaTakavATayugmopamam | bhajAmyabhiShavotsavottaratara~NgikelIkara\- kriyasya kamalAkaragrahakarasya karNadvayIm || 76|| dhanaH kvagatamAtmano madamadabhramAhUtavAn paretasadR^ishi dyutau pratikaroti pAthoraham | rasAtalagataM vidhurmadhurimANamAkR^iShTavAn yada~NganayanAnanAvaraNataH svapan pAtu saH || 77|| akhaNDasukhasampadAnayanayoH shitikShamAdhara\- sthalIsuShamayA nishAratigurorviShAdashriyA | samaM samadamutthitaH prabhurabhUtapUrvaM kriyAt kR^ipAvipulasampuTapratimadR^iShTiriShTaM mama || 78|| plavapravararAmaNIyaka ivAbhilubdhotthitaM sudhAmayamarIchimaNDalapichaNDamadhyAt kimu | ghanapramadamarmataH kimu samuddhR^itaM sharma tat karotu karuNAnidherabhinavAkShiyugmaM gama || 79|| anAdR^itajagasthiternijarathaikavAsodvala\- tkaleshcha ruchisantateH svarathasanniveshAvanIm | vimR^ishya vibhajaddhR^ivaM rathataTabhramIvibhrami kriyAnmuhuradabhramiShTachayamabhramitraM mahaH || 80|| manovachanayogichintanaparichyutashrIdharA\- dhirohaNamahotsavonnatanimittatAM darshayan | tulAmuchi ruchichChaTApaTimavikriyAtpAtaka\- vyathAhararathA~NgabhR^inmama manorathAnashlathAn || 81|| ratho muraharatviShA vikasatA vilAsena sA salochanachayena sapramadasambhavenAmbhasA | tadapyamitavIchibhirgahanatAM jagAhe yataH sa tarpayatu darpahR^it kalimalasya ko.api kShaNaH || 82|| svakIyasuranimnagAprabhR^itilIrtharAjInR^ipA\- bhiShekamukuTaM shirasyasitashailachUDAmaNim | adho.apyamaradhoraNImukuTadhATikAmAvaha\- drathopari parisphuTaM kimapi pIThamantardadhe || 83|| hareryadabhavattviShAM bhuvi tadeva tAdR^ik puna\- rvadennanu vadenna tadyadabhavadrathArohaNe | vilochanachayotkathopari vibhAvayattachcha kiM shubhAni yadidaMvidhaM tadanishaM vidhattAM mahaH || 74|| kimadravamayI sudhA na dhavalAkR^itishchandrikA na bindupatanAnvitA pramadavR^iShTiratyunnatA | shatA~NgamadhirohataH sphuratu kApi kelImana\- staTe taTaviTapyadhaH sphuTakR^iTI naTasya prabhoH || 85|| vikIrNa iva kutrachit kachana durmadormikramaH kva cha stabakabandhuraH kvachana pUradhaureyakaH | kva cha prabalavR^iShTimAn muharudeti yAtrotsavaH sa chakradharachakricha~NkramaNakelikAlo.avatAt || 86|| sthirashravaNadiggajavrajakapoladAnApagA\- vagAhagatasambhramabhramaravA~nChitashreyasam | bhuja~NgajagadambarAvaraNadurdamADambarAM bhajAmi harichakracha~NkramaNaghu~NkriyAghoShaNAm || 87|| kimu svabhayaviddravadduritavargamArgaM dada\- dvalena dalayan malaM nalinajANDabhANDodaram | samuddhataghanAghanadhvaniniyuddhabaddhAdara\- strivikramarathAravaH shravaNasImni vishrAmyatu || 88|| adR^idyadudadhestaTInikaTajanmajanmAvalI\- shiraHsujanajanmanA padamadAyi dR^ikpATavam | punaryadabhavana tadvachasi yatsamArambhaNe sa chakrigamanakramaH kamalachakShuSho rakShatAt || 89|| jahAti jananomanonayanara~NkaratnaM shishuM shishurna jananIstane.arpayati chittavR^ittiM manAk | priyasvajativallabho ## missing in the manuscript ## priyAM rathe chalati yatra naH sR^ijatu rakShaNaM sa kShaNaH || 10|| pramodajaladhau nimajjati manojalArdrA dashaH kadambakusumashriyaM harati varShabaddho.a~njaliH | pradhAvati jayadhvanirnipatitaM shiro bhUtale sa ko.api samayaH kriyAdaticharitrachitraH shriyam || 91|| vinirmitabahUtsavaiH paramasampadaiH syUtava\- dvibhUShitavadadbhutaiH samupaliptavat kautukaiH | kariShyati kadA dR^ishoramR^itasechanaM mechakA\- chalAdharakalAnidheratha vihArakAlo mama || 92|| akhaNDamahimA bhuvo bharatakhaNDasImAsmayaH payaHpatitaTIbhuvaH sukR^itinaH sapatnodayaH | punarjanajanurjuShAM kimapi vaibhavaM chakShuShAM hareH sphuratu mAnase mama sa ko.api yAtrotsavaH || 93|| ahisthalatalAdbihirna hi mahIjanaidhikkriyA jayadhvanibharasphuTadgaganameva yasyAyashaH | manaH sadanamastu no nadanarendravelAvanI\- vanIbhavanavAsinaH sarabhasakShaNaH sakShaNaH || 94|| kulodbhavakalAvatIjanaparibhramaH satkriyA\- kathArathamahashlathA yadi cha sA pashuvyApR^itiH | chirAturajarAvatAmapi hi mandatAdUShaNaM yataH sa tanutAM shubhaM vanajanetrayAtrotsavaH || 95|| vipanmukhasamudrayaddhvajamapAtayat pAtakaM savegamudasArayat parikaraM gadAnAM gaNaH | rahasyudadhivanmuhuH kamapi mantramantarvyathA jano.ayamanuyAtumichChati hareH sa pAyAnmahaH || 96|| samaM nijagR^ihA~NgaNadrumaphalena niHshreyasaM viri~nchipadavIkaTIkanakavadbiDaujaHpadam | mukhodaracharatsudhAkabalavanmahApApinAM yayAjani bhayAni sA haratu kApi yAtrA hareH || 97|| rathasthitamukundasundaramukhendusandarshana\- pravAhavirahAdiva svaravakairavArtasvanA | luThatyapi cha tiShThati kva cha shuchAtimohena yA na yAtu mama sA vilochanapathAdrathA~NgAvalI || 98|| nitAntapatitA iti prathamataH prabhUtaprathA rathA~NgipadabhAvataH sugatayo bhavAmo vayam | iti pratijanaM ghanastanitakaitavena bruva\- dbhaje madhumatho rathochchalitachakrachakraM hR^idi || 99|| mukundapadachumbanAnnigamashUlimaulIndirA\- kuchArkatanayAtaTImunimanassahAdhyAsini | anekasukR^itashriyA nayanayorvihArakriyA bhaviShyati kadA rathe mama pR^ithAbhuvaH sArathe || 100|| sukhairnanu tanUtatermanujanussamUhairdishAM murArimukhamAdhurIjharabharaishcha yasmin dR^ishAm | bhidAnakimaho maho.avatu vilAsahAsaprabhA pravAlamaNidolikAnibharadachChadasya prabhoH || 101|| patiH patitasauhR^ido mayi pitApi tAdR^ik sutaH sutaptahR^idayodayodgamahimA hi mAtA na me | manaH shvashurayorayomayatile balaM me balaM bhavanniti kadAgadI taditanAtanaH pAtu naH || 102|| chamUkariNi mandatA kvachana rAgabha~NgodgatAH sugItiShu nabhaH patatkusumakeShvanutkaNThatA | shatA~NgacharaNeShvadhogatiriyaMvidhA yatra ta\- dbhinattu bhavapIDanaM madhumatho rathakrIDanam || 103|| rathapravaramedinIdharatalAvanIsambhava\- nnavInavanalekhikAvalikalipragalbhaprabhAH | janAstanujitA~njanAH kalitarajjavo yatra taM shatA~NgasamatAM gateH smaratu chittamatyutsukam || 104|| anargalabalena yanmadhurimA chaturdiktaTIH prapUrayitumutsuko jharachatuShTayaM puShTayan | taTiddyutidiDambakR^idvasanapaTTikAkaitavA\- hR^idAtu mudamindirAhR^idayanandanasyandanaH || 105|| idaMvidhavilAsinItyahR^idayatvamatyunnataM nitAntamahatIti chedvahati ramyatAM grAmyatAm | shiraHshikharala~NghinItyanubhavAnulApaH kathaM rathaM shritavato gatipramadasantatirvarNyate || 106|| manAMsi suShamAsamAdhavarathottamastAmatho janastamapi taM punaH pramadasindhuvIchIrayaH | chakarSha nitarAmato jayati yatprakarShAdayaH sa naH sR^ijatu gutsavatkushalamutsavaH shrIhareH || 107|| jagadvijayima~njimotkaravaropalabdhirnava\- prasUnasharachAturIpariNatirguNAnAM jayaH | sa yatra taruNIgaNaH praNayapUrNalIlApaNaH sa me.astu kR^itarakShaNaH sarasijekShaNasya kShaNaH || 108|| dayAmadhurimAmR^itapramadabhuktimuktishriyAM parasparagurorvinissaraNasambhramADambaraH | muhurjayati yatra no hR^idi bhavantu tAH sa~NkaTAH phaTAdharapateH phaTAnaTanakR^itkaTAkShachChaTAH || 109|| apA~NgataTari~NgaNasmitavachAMsi vAmabhruvo.a\- nugachChati yathA yathA kulabhuvastrapAchAturI | kapAlikamalAshritA nanu tathA tathA lIlayA.a\- nugachChati yadIyadR^igdyatu madIyaduHkhAni saH || 110|| spR^ishannamaramaNDalaM pramathanAthasa~NghaTTito ramAsyaparirambhakR^idbhajanabhAji majjanmuhuH | anAthajanasantatau vihitasIvanaH shrIvana\- prabhUtanayanasya pashyatu samAM dR^igantaH kadA || 111|| akhaNDamaNimaNDanatviShi karAvalambaM dviSha\- ddisho hasadanehaso.api cha sahAyabhAvaM muhuH | kimIhavikasanmanonayanamullasaddurlabhaM ramAramaNarAmaNIyakamaharnishaM bhAvayet || 112|| milannikhilama~NgalAvalinivAsasImArpaNA\- madhashcharaNayordadhatprapadacharvitorvItalam | yadIyanR^ikulaM kvachinmuraharAnanashrIsudhA\- nudhAvi nayanaM dayAjaladhimanyAnaM bhaje || 113|| nirAkR^itipurAkR^itaprachurapAtakAntaH punaH\- praveshavinivArakArgalayugAbhabAhudvayaH | kachAvachitapuNyapAdapaphalAbhirUvollasa\- dbhujA yadavalokinaH kvachana dhAma tatkAmaye || 114|| kiyadgaganamudtAnalalatA yadA sa~NkaTA dharA yadi narAndisha kvachana pu~njadIpatviShaH | tatAdivitatAravaM yadi jagatkR^ishaM kiM sakhe bravImi murajiddinAtyayashatA~NgayAtrAshriyaH || 115|| anAdimR^idumardalairatha vihAritAdR^i~Nmaho mudaM hR^idayamastravannayanayoryugaM tAdR^isham | apAyi puruShairdishAM kulamadhaM cha yasmiMstathA sa ko.api samayaH samutsavamayaH priyANi kriyAt || 116|| pichaNDaparipUrakAdhikanipAtapItAmbarA\- nanadyutisudhAbahirgamabhayena baddhAnanA | saroruhamayI svanartanamanoj~narUpAlikA hareralakapAlikA bhavatu pAlikA mAdR^isham || 117|| sArasAmarthyasaMsArasAdho yashaH sArasAnalpakAsArasAmanta he | sArasAyabjavAsArasA tvAM kR^ipA sArasAnandadA sArasAndradyute || 118|| sudhAmArAmArAdhananirupamArAtibhayada svanAmArAmArAjiShu taruNamArAyita bhavAn | akaumArA mArAlachayasuShamA rAjatayashaH shriyAmArAmArAshayatu ramArAjadharaNeH || 119|| navamAlikAlinavamArthakIrtima\- nnavamAnitendranavamAShTadiggajAm | navamArakAntyanavamAtidAnava\- nnavamAmilAdhanavamApi matkR^ipAm || 120|| dhanavyayopamAnavarjitorjitArjamAnava\- dbhaTachChaTAkShamAnavadyakIrtibaMhimAnavaH | maho.apyaho ramAnavardhatenasattamAnava\- nnavarNahInamAnavaprabhovibhAsamAnavaH || 121|| padAMshukhelanakharAMshusampadA padAhapuShpAyudhakoTikimpadA | padAya mUrtirbhavatu vrajApadA padAptavR^indAvanachandrikApadA || 122|| samArasampadvrajabhUramAsamA samAjasaubhAgyakalAnivAsamA | samApayantaM shubhakarmabhiH samA samAkulaM karma sadadya shaMsamA || 123|| iti shrIkavirAjakR^ita kR^iShNastutiH sampUrNA | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}