% Text title            : kiNgRRiheshastutiH
% File name             : kiNgRRiheshastutiH.itx
% Category              : vishhnu
% Location              : doc\_vishhnu
% Author                : veNkaTeshakavi
% Description/comments  : Thiruvallur Veeraraghava Swamy Veerarghavaswamy
% Latest update         : October 3, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kingrihesha Stutih ..}##
\itxtitle{.. shrIki~NgR^iheshastutiH ..}##\endtitles ##
ayatnasa~Nkalpitasarvaloka\-
       sargApavargasthitisaMvidhAnam |
anAdimadhyAntamasheShanAthaM
       ki~NgehanAthaM sharaNaM bhajAmi || 1||
akR^itrimAnAM vachasAmabhUmiM
       agocharaM brahmashivAdivAchAm |
ahaM stuve ki~NgR^ihanAyaka tvAM
       tathApyalajjaMstu mitaM pachoktiH || 2||
aki~nchano.ananyagatistvadIya
       stutiM karomIti matiM karomi |
kR^ipAnidhe ki~NgR^ihanAyakAdya
       tvameva me vAchamudIrayethAH || 3||
tvayaiva dattAmupalabhya vANIM
       aNIyasImapyatulaprabhAvam |
prasAdaye ki~NgR^ihanAyaka tvAM
       na chet kuto me saphalaM vachassyAt || 4||
anena jIvena samastavastu
       pravishya nAmAni cha rUpabhedaiH |
vyAkR^itya vIkShAvanamadhyabhAge
       vibhuM shayAnaM satataM bhajAmi || 5||
asheShapuMsAM hR^idi sanniviShTaM
       analpashaktyAdi guNairvishiShTam |
hR^ittApa hR^itpa~Nkaja bhR^i~NgajuShTaM
       devaM bhaje ki~NgR^ihagaM mameShTam || 6||
shrIshAlihotrArpitashAlipiShTa
       hR^iShTo bhavAn devashayiShNurenam |
kiM gehamatreti yadAvadat tat
       ki~NgehamAsIt tava sadma nAmnA || 7||
padmAmahIlAlitapAdapadmaM
       padmAsanAdhiShThitanimnanAbhim |
shayAnamAkramya bhuja~NgatalpaM
       ki~NgehasadmAnamahaM nato.asmi || 8||
vismeramAsIt bhuvanaM tvadIyaM
       charitra manvIkShya chirapravR^ittam |
ki~NgehanAthAsurakaiTabhAdi
       nibarhaNArthaM kila sarvashakte || 9||
ga~NgAditIrthAni niShevyashaMbhuH
       sarvANi puNyAyatanAni gatvA |
amuktapUrvovidhihatyayA tvAM
       saMsevya ki~Ngehapate vimuktaH || 10|| (kiM sevya ki~Ngehapade)

ajahnujAnodya mahAparAdhaM
       dvijaM hi hR^ittApaharaM saraste |
atItarat kaushikamadbhutaM tvat
       prabhAvataH ki~NgR^ihanAtha naitat || 11||
raghupravIrasya tavArhametat
       yathAgatasyaiva siporjighAMsoH |
vidhUya rakShastvamamuShya divyaM
       adAH padaM ki~NgR^ihanAyaka tvam || 12||
piShTapradIpAn parikalpya ye tvAM
       hR^iShTA bhajante.ahanipuShyadarshe |
iShTapradAyI vitanoShi teShAM
       kaShTopabhogyAnyapi kA~NkShitAni || 13||
vikAsayan mAnasapa~NkajAni
       vipashchitAM nishchalabhaktibhAjAm |
prAdurbhavannAsurakaiTabhAdi
       tamoravetvaM mayi suprasIda || 14||
pradyumnanAmne tapasAM hi dhAmne
       kR^ipAprasanne tvayi ki~NgR^ihesha |
ga~NgAdhikatvaM na kimApatIrthaM
       hR^ittApahaM vA tanayaM na vandhyA || 15||
tvaM sarvavit tvaM kamalAsahAyaH
       tvameva vedAnta vacho.avaseyaH |
bhavantametaM sharaNaM prapannAH
       vayaM na yasmAt paramasti daivam || 16||
purANapuMbhAvamaho viguhya (vigR^ihya)
       yuvatvamevAkalayan surUpam |
upAyamastvaM kila dharmasena\-
       sutAnnatA~NgImiha ki~NgR^ihesha || 17||
shrIbhUmilAlitapadaM shritasheShatalpaM
       kalpAntayogyabhuvanAvanayoganidram |
shrIshAlihotrashirasAdhR^itahastapadmaM
       shrIvIrarAghavavibhuM shrayatAM mano me || 18||
ve~NkaTeshakavinA vinirmitAM
       ki~NgR^ihAdhipati saMstutiM paThan |
divyabhogamupabhujya mAnavo
       bhavyarUpamavalokayet prabhoH || 19||

iti ve~NkaTeshakavinA virachitA shrIki~NgR^iheshastutiH samAptA |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}