% Text title            : kRiShNasya dvAvi.nshatyakSharo mantraH
% File name             : krishna22.itx
% Category              : vishhnu, krishna, stotra
% Location              : doc\_vishhnu
% Author                : Traditional
% Transliterated by     : WebD
% Proofread by          : Ravin Bhalekar ravibhalekar at hotmail.com
% Latest update         : January 19, 2005
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIkRiShNasya dvAvi.nshatyakSharo mantroH ..}##
\itxtitle{.. shrIkR^iShNasya dvAvi.nshatyakSharAtmko mantraH ..}##\endtitles ##

shrI gaNeshAya namaH |
shaunaka uvAcha |
kaM mantraM bAlakaH prApa kumAreNa cha dhImatA |
dattaM paraM shrIhareshcha tadbhavAn vaktumarhati || 1||
sautiruvAcha |
kR^iShNena datto goloke kR^ipayA brahmaNe purA |
dvAvi.nshatyakSharo mantro vedeShu cha sudurlabhaH || 2||
taM cha brahmA dadau bhaktyA kumArAya cha dhImate |
kumAreNa sa dattashcha mantrashcha shishave dvija || 3||
OM shrIM namo bhagavate rAsamaNDaleshvarAya |
shrIkR^iShNAya svAheti cha mantro.ayaM kalpapAdayaH || 4||
mahApuruShastotraM cha pUrvoktaM kavachaM cha yat |
asyaupayogikaM dhyAnaM sAmavedoktameva cha || 5||
tejomaNDalarUpe cha sUryakoTisamaprabhe |
yogibhirvA~nChitaM dhyAne yogaiH siddhagaNaiH suraiH || 6||
dhyAyante vaiShNavA rUpaM tadabhyantarasannidhau |
atIvakamanIyAnirvachanIyaM manoharam || 7||
navInajaladashyAmaM sharatpa~Nkajalochanam |
sharatpArvaNachandrAsyaM pakvavimbAdhikAdharam || 8||
muktApa~Nktivinindyekadantapa~Nktimanoharam |
sasmitaM muralInyastahastAvalambanena cha || 9||
koTikandarpalAvaNyalIlAdhAma manoharam |
chandralakShaprabhAjuShTaM puShTa shrIyuktavigraham || 10||
tribha~Ngabha~NgimAyuktaM dvibhujaM pItavAsasam |
ratnakeyUravalayaratna nUpurabhUShitam || 11||
ratnakuNDalayugmena gaNDasthalavirAjitam |
mayUrapichChachUDaM cha ratnamAlAvibhUShitam || 12||
shobhitaM jAnuparyantaM mAlatIvanamAlayA |
chandanokShitasarvA~NgaM bhaktAnugrahakArakam || 13||
maNinAkaustubhendreNavakShaH sthalasamujjvalam |
vIkShitaM gopikAbhishcha shashvadva~NkimalochanaiH || 14||
sthirayauvanayuktabhirveShTitAbhishcha santatam |
bhUShaNairbhUShitAbhishcha rAdhAvakShaH sthalasthitam || 15||
brahmaviShNushivAdyaishcha pUjitaM vanditaM stutam |
kishoraM rAdhikAkAntaM shAntarUpaM parAtparam || 16||
nirliptaM sAkShirUpaM cha nirguNaM prakR^iteH param |
dhyAyet sarveshvaraM taM cha paramAtmAnamIshvaram || 17||
idaM te kathitaM dhyAnaM stotraM cha kavachaM mune |
mantraupayogikaM satyaM mantrashcha kalpapAdapaH || 18||
|| shrIkR^iShNasya dvAvi.nshatyakSharo mantro dhyAnaM cha sampUrNam ||
##
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}