श्रीकृष्णाष्टकम् ३

श्रीकृष्णाष्टकम् ३

वसुदेवसुतं देवं कंसचाणूरमर्दनम् । देवकीपरमानन्दं कृष्णं वन्दे जगद्गुरुम् ॥ १॥ अतसीपुष्पसङ्काशम् हारनूपुरशोभितम् । रत्नकङ्कणकेयूरं कृष्णं वन्दे जगद्गुरुम् ॥ २॥ कुटिलालकसंयुक्तं पूर्णचन्द्रनिभाननम् । विलसत्कुण्डलधरं कृष्णं वन्दे जगद्गुरुम् ॥ ३॥ मन्दारगन्धसंयुक्तं चारुहासं चतुर्भुजम् । बर्हिपिच्छावचूडाङ्गं कृष्णं वन्दे जगद्गुरुम् ॥ ४॥ (पिञ्छाव) उत्फुल्लपद्मपत्राक्षं नीलजीमूतसन्निभम् । यादवानां शिरोरत्नं कृष्णं वन्दे जगद्गुरुम् ॥ ५॥ रुक्मिणीकेळिसंयुक्तं पीताम्बरसुशोभितम् । अवाप्ततुलसीगन्धं कृष्णं वन्दे जगद्गुरुम् ॥ ६॥ गोपिकानां कुचद्वन्द्व कुङ्कुमाङ्कितवक्षसम् । श्री निकेतं महेष्वासं कृष्णं वन्दे जगद्गुरुम् ॥ ७॥ श्रीवत्साङ्कं महोरस्कं वनमालाविराजितम् । शङ्खचक्रधरं देवं कृष्णं वन्दे जगद्गुरुम् ॥ ८॥ कृष्णाष्टकमिदं पुण्यं प्रातरुत्थाय यः पठेत् । कोटिजन्मकृतं पापं स्मरणेन विनश्यति ॥ ॥ इति कृष्णाष्टकम् ॥ Encoded by Bhargavi Atchutuni
% Text title            : kRishhNaashhTakam
% File name             : krishna8-3.itx
% itxtitle              : kRiShNAShTakam 3 (kRiShNaM vande jagadgurum)
% engtitle              : kRiShNAShTakam 3
% Category              : aShTaka, vishhnu, krishna, vishnu
% Location              : doc_vishhnu
% Sublocation           : vishhnu
% SubDeity              : krishna
% Author                : Unknown
% Language              : Sanskrit
% Subject               : philosophy/religion
% Transliterated by     : Bhargavi Atchutuni
% Proofread by          : Bhargavi Atchutuni
% Latest update         : November 21, 2022
% Send corrections to   : (sanskrit at cheerful dot c om)
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org