% Text title            : Kushapamarjana Stotram
% File name             : kushApamArjanastotram.itx
% Category              : vishhnu, vishnu, agnipurANa, apAmArjana, stotra
% Location              : doc\_vishhnu
% Proofread by          : PSA Easwaran
% Description/comments  : agnipurANa | adhyAya 31/2-46||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kushapamarjana Stotram ..}##
\itxtitle{.. kushApamArjanastotram ..}##\endtitles ##
mArjanavidhAnaM
agniruvAcha |
rakShAM svasya pareShA~ncha vakShye tAM mArjanAhvayAm |
yayA vimuchyate duHkhaiH sukha~ncha prApnuyAnnaraH || 1||
OM namaH paramArthAya puruShAya mahAtmane |
arUpabahurUpAya vyApine paramAtmane || 2||
niShkalmaShAya shuddhAya dhyAnayogaratAya cha |
namaskR^itya pravakShyAmi yattatsidhyatu me vachaH || 3||
varAhAya nR^isiMhAya vAmanAya mahAmune |
namaskR^itya prakShyAmi yattatsidhyatu me vachaH || 4||
trivikramAya rAmAya vaikuNThAya narAya cha |
namaskR^itya pravakShyAmi yattatsidhyatu me vachaH || 5||
varAha narasiMhesha vAmanesha trivikrama |
hayagrIvesha sarvesha hR^iShIkesha harAshubham || 6||
aparAjitachakrAdyaishchaturbhiH paramAyudhaiH |
akhaNDitAnubhAvaistvaM sarvaduShTaharo bhava || 7||
harAmukasya duritaM sarva~ncha kushalaM kuru |
mR^ityubandhArttibhayadaM duritasya cha yat phalam || 8||
parAbhidhyAnasahitaiH prayukta~nchAbhichArakAm |
garasparshamahArogaprayogaM jarayA jara || 9||
OM namo vAsudevAya namaH kR^iShNAya khaDgine |
namaH puShkaranetrAya keshavAyAdichakriNe || 10||
namaH kamalaki~nchalkapItanirmmalavAsase |
mahAhararipuskandhasR^iShTachakrAya chakriNe || 11||
daMShTroddhR^itakShitibhR^ite trayImUrttimate namaH |
mahAyaj~navarAhAya sheShabhogA~NkashAyine || 12||
taptahATakakeshAgra(nta)jvalatpAvakalochana |
vajrAdhikanakhasparsha divyasiMha namo.astu te || 13||
kAshyapAyAtihrasvAya R^igyajuHsAmabhUShita |
tubhyaM vAmanarUpAyA.akramate gAM namo namaH || 14||
varAhAsheShaduShTAni sarvapApaphalAni vai |
mardda mardda mahAdaMShTra marda marda cha yatphalam || 15||
narasiMha karAlAsya dantaprAntAnalojjvala |
bha~nja bha~ncha ninAdena duShTAnpashyArtinAshana || 16||
R^igyajuHsAmagarbhAbhirvAgbhirvAmanarUpadhR^ik |
prashamaM sarvaduHkhAni nayatvasya janArddanaH || 17||
aikAhikaM dvyAhika~ncha tathA tridivasaM jvaram |
chAturthakaM tathAtyugraM tathaiva satatajvaram || 18||
doShotthaM sannipAtotthaM tathaivAgantukaM jvaram |
shamaM nayAshu govinda Chindhi Chindhyasya vedanAm || 19||
netraduHkhaM shiroduHkhaM duHkha~nchodarasambhavam |
antaH shvAsamatishvAsaM paritApaM savepathum || 20||
gudaghrANA~NghrirogAMshcha kuShTharogAMstathA kShayam |
kAmalAdIMstathA rogAn pramehAMshchAtidAruNAn || 21||
bhagandarAtisArAMshcha mukharogA.Nshcha valgulIm |
ashmarIM mUtrakR^ichChrAMshcha rogAnanyAMshcha dAruNAn || 22||
ye vAtaprabhavA rogA ye cha pittasamudbhavAH |
kaphodbhavAshcha ye kechit ye chAnye sAnnipAtikAH || 23||
AgantukAshcha ye rogA lUtA visphoTakAdayaH |
te sarve prashamaM yAntu vAsudevApamArjitAH || 24||
vilayaM yAntu te sarve viShNoruchchAraNena cha |
kShayaM gachChantu chAsheShAste chAtrAbhihatA hareH || 25||
achyutAnantagovindanAmochchAraNabheShijAt |
nashyantu sakalA rogAH satyaM styaM vadAmyaham || 26||
sthAvaraM ja~NgamaM vApi kR^itrima~nchApi yadviSham |
dantodbhavaM nakhabhavamAkAshaprabhavaM viSham || 27||
lUtAdiprabhavaM yachcha viShamanyattu duHkhadam |
shamaM nayatu tatsarvaM kIrttito.asya janArddanaH || 28||
grahAn pretagrahAMshchApi tathA vai DAkinIgrahAn |
vetAlAMshcha pishAchAMshcha gandharvAn yakSharAkShasAn || 29||
shakunIpUtanAdyAMshcha tathA vainAyakAn grahAn |
mukhamaNDIM tathA krUrAM revatIM vR^iddharevatIm || 30||
vR^iddhakAkhyAn grahAMshchogrAMstathA mAtR^igrahAnapi |
bAlasya viShNoshcharitaM hantu bAlagrahAnimAn || 31||
vR^iddhAshcha ye grahAH kechidye cha bAlagrahAH kvachit |
narasiMhasya te dR^iShTyA dagdhA ye chApi yauvane || 32||
sadA karAlavadano narasiMho mahAbalaH |
grahAnasheShAnniHsheShAn karotu jagato hitaH || 33||
narasiMha mahAsiMha jvAlAmAlojjvalAnana |
grahAnasheShAn sarvesha khAda khAdAgnilochana || 34||
ye rogA ye mahotpAtA yadviShaM ye mahAgrahAH |
yAni cha krUrabhUtAni grahapIDAshcha dAruNAH || 35||
shastrakShateShu ye doShA jvAlAgardabhakAdayaH |
tAni sarvANi sarvAtmA paramAtmA janArddanaH || 36||
ki~nchidrUpaM samAsthAya vAsudevAsya nAshaya |
kShiptvA sUdarshana~nchakraM jvAlAmAlAtibhIShaNam || 37||
sarvaduShTopashamanaM kuru devavarAchyuta |
sudarshana mahAjvAla Chindhi Chindhi mahArava || 38||
sarvaduShTAni rakShAMsi kShayaM yAntu vibhIShaNa |
prAchyAM pratIchyAM cha dishi dakShiNottaratastathA || 39||
rakShA~Nkarotu sarvAtmA narasiMhaH sugarjjitaH |
divi bhuvyantarIkShe cha pR^iShThataH pArshvato.agrataH || 40||
rakShA~Nkarot bhagavAn bahurUpI janArddanaH |
yathA viShNurjjagatsarvaM sadevAsuramAnuSham || 41||
tena satyena duShTAni samamasya vrajantu vai |
yathA viShNau smR^ite sadyaH sa~NkShayaM yAnti pAtakAH || 42||
satyena tena sakalaM duShTamasya prashAmyatu |
yathA yaj~neshvaro viShNurddeveShvapi hi gIyate || 43||
tena satyena sakalaM duShTamasya prashAmyatu |
shAntirastu shiva~nchAstu duShTamasya prashAmyatu || 44||
vAsudevasharIrotthaiH kushairnnirmmathitaM mayA |
apamArjati govindo naro nArAyaNastathA || 45||
tathAstu sarvadukhAnAM prashamo vachanAddhareH |
apamArjanakaM shastraM sarvarogAdivAraNam || 46||
ahaM hariH kushA viShNurhatA rogA mayA tava || 47||

ityAdimahApurANe Agneye kushApamArjanaM nAma ekatriMsho.adhyAyaH |

agnipurANa | adhyAya 31/2\-46||
##
agnipurANa . adhyAya 31/2-46..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}