% Text title            : Shri Lakshmihayanana Suprabhatam
% File name             : lakShmIhayAnanasuprabhAtam.itx
% Category              : vishhnu, suprabhAta
% Location              : doc\_vishhnu
% Transliterated by     : Chandrasekhar Karumuri
% Proofread by          : Chandrasekhar Karumuri
% Latest update         : September 19, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakshmihayanana Suprabhatam ..}##
\itxtitle{.. shrIlakShmIhayAnanasuprabhAtam ..}##\endtitles ##
kausalyA suprajArAma! pUrvA sandhyA pravartate |
uttiShTha narashArdUla! kartavyaM daivamAhnikam || 1||
uttiShThottiShTha vAgIsha! uttiShTha turagAnana |
uttiShTha ramayA svAmin! madbuddhiM vishadAM kuru || 2||
mAtarhayAnanakR^ipApayasAM pradAtri!
       sUrIndrasaMstutapade! karuNAmburAshe!|
vAchAM vidUramahimAspada chArushIle!
       vAgIshabhavyadayite! tava suprabhAtam || 3||
tava suprabhAtamadhunA dayAnidhe!
       varaki~NkiNIdhvanita vedasusvare!|
amarA~NganAmadhuragAna bodhite!
       darahAsabhAsi! turagAnanapriye!|| 4||
kapyAsashabdavivR^itiM yatirADvidhAya
       shrI bhAShyakArabirudaM bhavadIyamUrtim |
vANyA avApya bhavadarchanalAlaso.asau
       lakShmI hayAnana! vibho! tava suprabhAtam || 5||
vedeShu rAkShasahR^iteShu vimUDhabuddhiH
       pratyarpiteShu dayayA bhavatA hi dhAtA |
prAj~no nivedayati deva! kR^itaj~natAM svAM
       lakShmIhayAnana! vibho! tava suprabhAtam || 6||
ArAdhitA satatameva budhaishcha vANI
       pANDitya satkavanabhAShaNashaktiyuktIH |
teShAM prakalpayitumAshrayate bhavantaM
       lakShmIhayAnana! vibho! tava suprabhAtam || 7||
vAstoShpatirditisutairapahanyamAnAM
       trAtuM dhiyA mahitayA surarAjyalakShmIm |
tvAM sevate samadhigantumahInabuddhiM
       lakShmIhayAnana! vibho! tava suprabhAtam || 8||
indrAgnikAlanikaShAtmaja pAshivAyu\-
       yakShAdhirAjagirishAstava dAsabhUtAH |
shaktyA tavaiva hi dishaH prabhavanti pAtuM
       lakShmIhayAnana! vibho! tava suprabhAtam || 9||
prAchIM dishaM bhajati bhAskara eSha raktaH
       gADhaM tamo vigatamAvikasanti sadyaH |
pUjAsumAni madhumanti tavArchanAya
       lakShmIhayAnana! vibho! tava suprabhAtam || 10||
padmodare mR^idula shItalaDolikAyAM
       nidrAsukhaM samanubhUya nitAntatR^iptam |
etanmarALamithunaM vidhunoti pakShau
       lakShmIhayAnana! vibho! tava suprabhAtam || 11||
tejo jahAti vidhurutpalatArakAbhiH
       sUryo.ambaraM samadhigachChati bAla eShaH |
AvAti mandapavanaH kramukIvanAntAt
       lakShmIhayAnana! vibho! tava suprabhAtam || 12||
AdAya darpaNamimaM kapilAM cha dhenuM
       mattaM gajaM vR^iShabharAjamapAM cha kumbham |
tvAM sevituM dhR^itadhiyaH munayashcha devAH
       lakShmIhayAnana! vibho! tava suprabhAtam.|| 13||
ApUrayanti muralIrmR^idugopabAlAH
       gAyanti puShpamadhupAnavimatta bhR^i~NgAH |
arghyeNa bhAskaramamI praNamanti viprAH
       lakShmIhayAnana! vibho! tava suprabhAtam || 14||
vedApahAryasurabha~njaka! matsyarUpa!
       manthAdribhAravaha! kUrma! mahA varAha!|
shrImannR^isiMha! balibha~njaka! vAmanAkhya!
       lakShmIhayAnana! vibho! tava suprabhAtam || 15||
bhUbhArabhUtakunR^ipAntaka! bhArgavAkhya!
       svAmin! dashAnanaviluNThana! saumyarUpa!|
sheShAMshabhUta! balarAma! vinIlavAsaH!
       lakShmIhayAnana! vibho! tava suprabhAtam || 16||
gItopadeshavimalIkR^ita pArthachetaH!
       dharmApadesha mR^idutAkhiladhUrtabuddhe!|
kalpakShaye khalavinAshaka! kalkirUpa!
       lakShmIhayAnana! vibho! tava suprabhAtam || 17||
vAgIsha! vAkprada! tamohara! jADyanAsha!
       sArasvataprada! japapriya! vedavedya!|
aj~nAnanAshaka! vidhIndrasamarchitA~Nghre!
       lakShmIhayAnana! vibho! tava suprabhAtam || 18||
govinda! keshava! nirIsha! sharaNya! viShNo!
       lokatrayesha! para! pAraga! shAnta! dAnta!|
shreyaHpradAchyuta! vidhistuta! nityatR^ipta!
       lakShmIhayAnana! vibho! tava suprabhAtam || 19||
pUrNendusaumya! shiva! shAntida! haMsa! yogin!
       vedAntapAraga! purANa! sharaNya! jIva!|
jADyApahAri! nirupadrava! sarvasAkShin!
       lakShmIhayAnana! vibho! tava suprabhAtam || 20||
dharmo yadA khalajanAllabhate smanAshaM
       saMvardhate.adhikamadharma anAhatAtmA |
sa~NkalpyamAmiha sR^ijAmi na saMshayo.astI
       tyuktaM tvayA khalu vibho! tava suprabhAtam || 21||
trANAya sAdhu vitatermama darshanena
       duShkarmachAraniratAn vinihantu mAshu |
saMsthApanArthamapi dharmataterbhavAmI
       tyuktaM tvayA khalu vibho! tava suprabhAtam || 22||
saMshuddhadhIrghanavibhAparipUrNadeha!
       vij~nAnadAnavidhaye dR^iDhabaddhadIkSha!|
kAruNyapUrNa! jaya! dehabhR^itAM sharaNya!
       lakShmIhayAnana! vibho! tava suprabhAtam || 23||
shItAstvadIyakaruNAprabhavAH kaTAkShAH
       vANIM dishantu puruShashravaNendriyANAm |
ApyAyanImamR^itakalparuchiM sadA me
       lakShmIhayAnana! vibho! tava suprabhAtam || 24||
vedAstvadIyamahimAnamapauruSheyAH
       nAdyApi nUnamadhigantu mamI samarthAH |
tvAmalpayA stutiparo na bibhemi vAchA
       lakShmIhayAnana! vibho! tava suprabhAtam || 25||
lakShmyA vasan mama hR^idantarapuNDarIke
       AbhAsanItibahulai ravikampanIyam |
sha~NkAkala~NkarahitaM vada te svarUpaM
       lakShmIhayAnana! vibho! tava suprabhAtam || 26||
ekena sha~NkhamapareNa kareNa chakraM
       vyAkhyAnachihnamitareNa pareNa pustam |
dhR^itvA shriyA saha vasan sitapuNDarIke
       mAM rakSha j~nAnada! vibho! tava suprabhAtam || 27||
itthaM hayAnana vibhoriha suprabhAtaM
       lakShmyAyutasya sitapadmaniviShTamUrteH |
ye mAnavAH paThitumAdarapUrNachittAH
       te prApnuvanti kavitAM cha vachovilAsam || 28||

iti shrIlakShmIhayAnanasuprabhAtaM sampUrNam |

shrIlakShmIhayavadanArpaNamastu |
##
Proofread by Chandrasekhar Karumuri

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}