% Text title            : lakShmIhayagrIvaprAbodhikastutI
% File name             : lakShmIhayagrIvaprAbodhikastutI.itx
% Category              : vishhnu, vishnu, lakShmI, suprabhAta, devii
% Location              : doc\_vishhnu
% Transliterated by     : Rujuta rujuta5879 at gmail.com
% Proofread by          : Rujuta rujuta5879 at gmail.com
% Latest update         : March 21, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lakshmihayagriva PrabodhikastutiH ..}##
\itxtitle{.. lakShmIhayagrIvaprAbodhikastutiH ..}##\endtitles ##

j~nAnAnandamayaM devaM nirmalasphaTikAkR^itim |
AdhAraM sarvavidyAnAM hayagrIvamupAsmahe ||
vishuddhavij~nAnaghanasvarUpaM vij~nAnavishrANanabaddhadIkSham |
dayAnidhiM dehabhR^itAM sharaNyaM devaM hayagrIvamahaM prapadye || 1||
prAchI sandhyA kAchidantarnishAyAH praj~nAdR^iShTera~njanashrIrapUrvA |
vaktrI vedAnbhAtu me vAjivaktrA vAgIshAkhyA vAsudevasya mUrtiH || 2||
kausalyA suprajA rAma pUrvA sandhyA pravartate |
uttiShTha narashArdUla kartavyaM daivamAnhikam || 3||
vIra saumya vibudhyasva kausalyAnandavardhana |
jagaddhisarvaM svapiti tvayi supte narottama || 4||
yAminyapaiti yadunAyaka mu~ncha nidrA\-
      munmeShapR^ichChati navonmiShitena vishvam |
jAtassvayaM khalu jagaddhitameva kartuM
      dharmapravartanadhiyA dharaNItale.asmin || 5||
sukhAya suprAtamidaM tavAstu jagatpate jAgR^ihi nandasUno |
ambhojamantashshayama~njutArArolambamunmIlatu lochanaM te || 6||
karuNAvaruNAlayAmbujashrIsphuraNAha~NkR^itihArilochanashrIH |
charaNAbjanatArtibhArahAriMstava bhUyAturagAsya suprabhAtam || 1||
puraHprabuddhAmbudhirAjakanyAmukhAbjanishvAsamivAnukurvan |
marutsugandhiH prativAti mandaM hayAnanastAttava suprabhAtam || 2||
tvaddIptayA pravimalayA jitaH
      kilAsAvAhosvittava dayitAmukhAmbujena |
pAshchAtye patati payonidhau
      sudhAMshurbhUyAtte sapadi hayAsya suprabhAtam || 3||
varadAnakR^itin smaradArtataradviradAghahR^itisphuradAdaraNa |
iti sanmatayo yatayaH pravadantyadhunA madhunAshana jAgR^ihi bhoH || 4||
samarchane te kR^itakautukena sajIkR^itaM shoNamaNIndrapITham |
haMsena kiM sAndhyamaho vibhAti hayAsya bhUyAttava suprabhAtam || 5||
harirharirhaririti ma~njubhAShitaM dvijAvalessapadi nishamya kautukAt |
dvijavrajo.apyanuvadatIva kUjitairhayAnanAnaghaguNa jAgR^ihi prabho || 6||
prAchIM vadhU sapadi mitrakaragrahArthaM
     sandhyAvadhUssvaruchiku~Nkumapa~NkasAndaiH |
prAleyama~NgalajalairabhiShi~nchatIva
     shrIman hayAsya bhavatAttava suprabhAtam || 7||
kumudavanaM vimuchya navapa~NkajaShaNDamimAH |
sapadi samAshrayanti muditA bhramarAvalayaH ||
bhuvi nikhilo.api chAshrayati sashriyameva jano |
hayavadanAdya jAgR^ihi hare karuNaikanidhe || 8||
phullatpa~NkajaratnapAtranivahAnAsAdya hR^idyashriyaH
saugandhyADhyamarandadivyasalilairApUritAnAdarAt |
haMsAstvAmiva pUjayanti virutavyAjAtpaThanto manUn
susnAtAssarasIShu vAhamukha te suprAtarastu prabho || 9||
uchchalanmadhukaraughama~njulaM padmamullasati pUjanAya te |
dhUpapAtramiva haMsasajjitaM suprabhAtamiha te hayAnana || 10||
indIvarANAmiva kAntiradya mandIbhavantI vyapayAtu nidrA |
phullatvidaM padmamivAkShiyugmaM hayAsya te samprati suprabhAtam || 11||
ete, vetrahatitruTatpaTumahAkoTIrakoTImaNi\-
shreNIbhistava mandirasya dadato dvArAya nIrAjanam |
kAkShanti pratibodhakAlamiha te sarve.api lokAdhipAH
tAnetAnkaruNAvalokanalavairdhanyAnvidhehi prabho || 12||
akShINe mayi tiShTha kiM viharase sa~NkShIyamANe muhu\-
rbimbe.asminniti devadeva nitarAM tvatprArthanAyAgatam |
chAndrambimbamidaM vadanti hi paraM modArpaNaM darpaNaM
dR^iShTiM nyasya kR^ipAnidhe.atra bhagavanprAbodhikIM shrIpate || 13||
nidrAsheShakaShAyitaissulalitairudyaddayApyAyitai\-
rdivyApA~NgajharaistvadarchanakR^ite dvAryatra baddhA~njalIn |
AchAryAnnigamAntadeshikamukhAnAdhatsva susnApitAn |
suprAtaM turagAsya te.astu karuNAsindho dinaM shrIpate || 14||
idaM kumbhadvandvaM ghusR^iNamasR^iNasmerasalilam
pratIhAre lakShmIstanayugamanohAri lasati |
iyaM gaussadvatsA parijanasamUho.api nibhR^ito
dinaM suprAtaM te bhavatu karuNAbdhe hayamukha || 15||
ravimaNDalImidAnImudayamahIbhR^ittavAbhiShekArtham |
kanakakalashImiva vahatyastu hayagrIva suprabhAtaM te || 16||
anuchita iva sevane tvadIye pramadabharAdiha pa~nchamaM vihAya |
vidadhati kila vaiNikAshcha gAna hayavadanAdya tavAstu suprabhAtam || 17||
pikanikaramadavidhUnanagAnamanoharamudArasukumAram |
dhanyaM kanyAdvandvaM tvAM nIrAjayati jAgR^ihi hayAsya || 18||
kAhalaDiNDimamaNDalamardalapaNavAdyahR^idyavAdyAnAm |
saMspardha eva ninadA jR^imbhante turagavadana budhyasva || 19||
tava tanuruchisAdharmyAtsaMhR^iShTe nartanaM kilAtanutaH |
dvArabhuvi chAmare dve hayavadana tavAstu suprabhAtamiha || 20||
tvatpAdAmbhojayugmaM paricharitumanA mUrdhni baddhA~njalissan
shrIkR^iShNabrahmatantrAgrimapadakalijitsaMyamI tvAM stavIti |
tvatsevAyai samudyanniravadhikamahAnandathustiShThatIha
shrImAnkR^iShNAvanIndro hayavadana tava shrIsha suprAtarastu || 21||
jayajaya nityasUktilalanAmaNimaulimaNe
jayajaya bhaktasaMhatibhavAbdhimahAtaraNe |
jayajaya vedamauligurubhAgyadayAjaladhe
jayajaya vAjivaktra parakAlayatIndranidhe || 22||

iti shrIkR^iShNabrahmatantraparakAlayatIndrakR^itiShu
shrIhayagrIvaprAbodhikastutissamAptA ||

##
Encoded and proofread by Rujuta rujuta5879 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}