% Text title : lakShmIhayavadanamantramAlikAstutiH % File name : lakShmIhayavadanamantramAlikAstutiH.itx % Category : vishhnu, devii, lakShmI % Location : doc\_vishhnu % Author : kastUrI raNgAchAryasvAmi % Transliterated by : NA % Proofread by : Swamini Tattvapriyananda tattvapriya3108 at gmail.com % Description/comments : Stotra Sringeri % Latest update : November 17, 2018 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Lakshmi Hayavadana Mantramalika Stuti ..}## \itxtitle{.. shrIlakShmIhayavadanamantramAlikAstutiH ..}##\endtitles ## || shrIH || shriyai namaH | shrIlakShmIhayavadanaparabrahmaNe namaH | shrIguruparamparAbhyo namaH | asmadguruparamparAbhyo namaH || tarkatIrthapaNDitaratnAdyanekabirudAvalIvibhUShitAnAM mahIshUramahAnagarIya\- kastUri\-ra~NgAchAryasvAmipAdAnAM kR^itiShu shrIlakShmIhayavadanamantramAlikAstutiH || omityAtmAnamantarniyamitakaraNairdhyAyatAM dhyAyatIhAM omityeva svayaM yaH parihR^itavihatiM siddhimAdhAtukAmaH | vaktre vAhasya tasya stutimatimitavAkprastuve tanmanUdya\- dvarNAdyasragdharAbhirvimR^iditavividhAvadyadhArAbhiradya || 1|| R^igbhiH shAshasyamAno mahimajuShi yajuShyeSha joghuShyamANaH sAmnA toShTUyyamAno munijanahR^idayAbjeShu rArAjyamAnaH | nIhArorvIdharAbhA pratibhaTaruchibhiH ki~ncha bAbhAsyamAnaH shreyaH stheyo vidhattAM mama hayavadanAbhikhyayA khyAyamAnaH || 2|| yachChatvachChAchChabodhaprasaramiha sa nashChandamAtrApraklR^iptA chichchichchitraprapa~nchasthirigatiniyatirmurdhni tu~Ngastura~NgaH | bha~NgavyAsa~NgadUraprasR^imarasharadudbhUtarAkAsudhAMshu\- jyotnAsachChAyavidyAvisaravitaraNasthUlalakSho valakShaH || 3|| juShTo devyA tayA.avyAnnigamasamudayadrohasaMrambhagarja\- ddaiteyAraNyavAhadviShaduditaravanyakchikIrShA.a.akulasya | vaktre vAhasya heShAhalahalaninade.abhUtapUrve pravR^itte bhrAntvorasto.avatIrya dratataramamumAshliShya yA vismitA.a.aste || 4|| sAraH sAmnAmudAraH sarasataraR^ichAmR^iddhirantardhidUrA bhadrAvaShTambhayaShTirvidhinidhi yajuShAM bhAgyamAtharvaNAnAm | a~NgAnAM tu~NgashR^i~NgaM lagatu mama tura~NgottamA~Ngo.antara~Nge sadyo hR^idyAni padyAnyapi parikalayan vishvavidyAniShadyA || 5|| madhyebimbaM sudhAMshordyumaNinibhamaNishreNibhArAjirAjat hAraistArairudArairahasitasudhAsAgarotsAripUraiH | bAmA~NkAvAsalIlAkutukalalitayA.apya~NkitaH pa~NkajAkShyA sha~NkAta~NkaM cha pa~NkaM tirayatu karuNApa~NkilaH kashchidarvA || 6|| rUDhA prauDhAsu vAchAsvapi puruShamativyApR^itivyAptyapoDhAsu AdhUtAntAsu tAsu pratihatagatitA tvannu.atAvAnane.arvan | itthaM satyapyahaM yattava guNagaNanArambhasaMrambhanighnaH sthAne tad yena bAlo.apyativitatabhujo vistR^itiM vakti sindhoH || 7|| pAtApAtAlabhUmyambaratalanilayAvAsajAyAsasArAt yAtAyAtAnupUrvyAdavigatajananIgarbhavibhrAntiyogAt | vedyA vedyAvamarshAsskhalitagatiyatIshAnarAjyAsabhAjyaH shAntAshAntAM samR^iddhiM vitaratu sa mama vyAjavAjIvirAjI || 8|| yasmin vij~nAnavArdhAvadhijagati purojjR^imbhamANe.aShTamUrteH mUrtiH sA dakShiNAkhyA tridashapariShadA bindurAlakShya dakShA | vANI sA padmasadmapriyatamagR^ihiNI kA.apyabhANIha veNI pArAsharyapradhAno.apyagaNi munigaNaH palvalaM pAtu so.arvA || 9|| vedoddhArodyataM tatpradishatu mithunaM sharma sharvAdimAnAM sevAhevAkabhUmodyadahamahamikAku~nchanadveShimUrdhnAm | shIrSheShvAbhAnti yasya dviguNamaNilatAbhAvabhAjaH kaTAkShAH kalyotphullAmbujAtapramadabharanirAkAranistandradR^iShTeH || 10|| dAkShyaM lakShyeta dhAtuH kvanu khalu jagatIjAlanirmANalIlA\- rambhe sa.nj~nAvidhAvapyatha cha taduchitAnekamUrtipraklR^iptau | tattatkR^ityaprapa~ncheShvapi cha diviShadAM daityapAshAhR^itAnA\- mAmnAyAnAM dayArdro yadi hayavadano noddhR^itiM saMvidadhyAt || 11|| hastAlambAya bhUyAt sa mama pathi satAM srastavR^ittasya nityaM nyastAsheShAgamAbdheradhikamapi samaM vastunI yasya na staH | shastAmastokadhIsaMstutimapi janayan yo nayanmohamastaM nyastaM yassavyahaste kalayati cha mudA pustakaM mastake.arvA || 12|| ratnaM yatpratnavAchA nirupamasuShamAkAntasImantinInAM sImante nityalAlyaM hR^idayasarasije.ajasradhAryaM budhAnAm | dugdhodanvattanUjAkarajalajayugIlAlanodyanmR^ijAto nityaM nUtnaM hayAsyaM mama kalayatu tannissapatnaM prayatnam || 13|| NatvaM yadbhinnavR^ittAvaghaTitamupalabhyodyamAddrAgviremuH te te nArAyaNAkhyAmitaravibudhasAdhAraNIM kartukAmAH | yasmiMstadyogarUDhyorguNamaNijaladhau puShkalaM vartanaM syAt devo mAyAdhavo.asau dhayatu hR^idi rujAM saindhavo bAndhavo naH || 14|| karNAvarNojarAjanmukuladalasamAvarvato.anarvaNo me prorNuyAstA lalATe kuTilavidhisamutkIrNasa~NkIrNavarNAn | varNyete yAvamuShya tribhuvanavapuSho vyomapAtAlarUpau parNairvA.apyarNasA vA satatamapi ruchiM pUrNayadbhirmahadbhiH || 15|| maNDalyA maNDanAnAM maNigaNaghR^iNibhirdhUrNitadyomaNInAM nIrandhraM maNDitA~NgaH sitakararuchire puNDarIke niShaNNaH | AmnAyAnAM shikhaNDairavagatagarimAkhaNDitAkhaNDalAriH daNDaM pAShaNDaShaNDe kShipatu sa tarasA vAjituNDaprakANDaH || 16|| eko.agre lokamAtrA sahamahitavihR^ityunmanAstanmude yo nAbhIpadme vidhAturjanimapi kalayan yo nayatyAgamAMstam | (nAbhIpadme vidhAya druhiNamamumatho yo nayatyAgamaugham |) (pA) | lokAmnAyaikamUlAkShararuchirakalAmAtR^ikA sA yadIyA sosAviShThaM prakR^iShTaM ghaTayatu ditijasphoTako ghoTako naH || 17|| praNyAyenAdhvarANAM manumayatanumAghAya viShvagviniryat jvAlAmAlAjaTAlAnalahutahaviShAM sAramAsvAdya chArum | gIrvANAnvAravANAnniyamitakaraNAM stUrNamApyAyya kAmAH kalpyante yAjamAnAH kalayatu sa mudaM ko.apyanarvA.a.anane.arvA || 18|| avyAdavyAhatArtho dhiyamupajanayan avyayovyAjavAjI bhavyAbhavyAkR^itAdyAkR^itimatanuta yo nAmarUpadvayasya | yo.antaryantuM cha mantuM vyudasitumadishajjantujAtasya yo vA kalpAnte.alpAnyalokagrasanasamuditApInatAnanditundaH || 19|| odanvanmekhalAntAdbalinilayayutAt kShmAtalAdAcha lokAt. nAlIkAvAsavAsAdavahitamanasA.apIkShite sthAsnujAte | yAdR^i~NnAlakShi kashchit sakR^idapi namatAM sAdhvasadhvaMsadakShaH bhaktAnukroshalakShmA kShapayatu mama hR^itkShobhamakShNA sa vAjI || 20|| gIte daiteyamohaM kalayitumanaso yasya heShAnuShakte prakhyAtodgIthabhaktiM shritavati janite rodasIrodhake drAk | devAH sambhrAntabhAvA ditijakulamalaM vyAkulaM dhUtagarvA gandharvA mohasheShaM samajani jagatIsheShameSho.avatAnmAm || 21|| thaM kiM shabdasya mUrdhni kvachiduditamupashrutya yattatpadAdiShu apyetadyojayitvA kaTuraTanapaTusvairavAcho.api jantoH | sadyaH sid.h{}dhyanti vANyo namadamarashirassadma yatpAdapadma\- dhyAnAddrAkShAsadR^ikShAHkalitagurushiraHkampanAHpAtu so.arvA || 22|| vaktuM sUktaM sudhAktaM pratikathakavachovIchivegaM cha hartuM kartuM kAvyaM cha bhavyaM hitamapi puruShArthaM cha tattvaM cha vettum | vAchChA chenmAnasa a~ncha sphaTikamaNimayakShmAdharAbhAdharIkR^it rochirvIchIbhirArAdakhilamapi jagatplAvayantaM hayaM tam || 23|| puShNan harShaM surANAM janimayamayati smeti no vastumIshe prAgevAsItpramattAsuragR^idrunikare yatsurANAM praharShaH | shrutyAvirbhUtihetuH shravaNasamudayAnantare.asminnayuktaH tasmAdasmAdananyAn dhruvamavitumasAvAvirAsAshvabhAsA || 24|| etashshveto.api rAjadrajatagirivarAkAradhikkArakArI vidyudvidyotabhAsodyadaruNakiraNonnidrapadma vahantyA | kAlindImandirendIvararuchiruchirApA~NgadhArAbhirArAt si~nchantyA~NgAni devyA satatakR^itapariShva~Ngato.avyAt tura~NgaH || 25|| ma~njIraM ma~njulaM te hayamukha ! mama sa~njIvanAyAstu shi~njA vyAjenAmnAyavAchAmanitaraparatAM vya~njayattvatpadoryat | lagnaM taddhAraNAsu dviguNamunijanastomahR^itpadmanityo\- llAsAyAsAditAtmadvayamiva savidhe jAgradarkasya vimbam || 26|| hAridraM kinnu sUtraM shrutitatisudatIkaNThamUShArthaklR^iptaM srotassArasvataM vA~NmayajananagIrernissR^ita veti shakyam | vaktre vAhasya vAmaprasR^ititalalasaddhaimasatpustakAntaH dIvyatsUtraM pavitraM mama kalayatu shaM bhAnumAnoH sagotram || 27|| shvabhreShvabhrebhiyAtIndititanujanuSho bhrAmayitvA vibhindan shIrNA~NgAn kIrNakeshAn bhR^ishamatirabhasaM pAtayan nirjarANAm | svArAjyaM prAjyayanyo mihira iva himajyAdharAdujjihAnaH bhAbhAtyashvAsyavAmetarakaravidhR^itashchakrarAjassa novyAt || 28|| shiShyANAM chittabhUmau prachurataratamaHkaNTakAni vyapohya AsichyAtyarthaM kaTAkShAmR^itarasavisaraishshAstrabIjAni vaptum | nirnidro j~nAnamudrAruchirakaratale dakShiNe yo.akShamAlAM bibhradbhAtyashvavaktuH saharatu nitarAmaMhasAM saMhatiM me || 29|| ramyaM syAdvimbamindoH sharaduditarucherambarAnniryadetat kiM vA DiNDIrakhaNDaM kalashajalanidheH kiM nu vA puNDarIkam | vAgbrahmoddAmalIlAgR^ihamiti vibudhairUhyamAno hayAsye nopAttaH savyahaste mama bhavatu shubhAlambanaM kamburAjaH || 30|| sevyA sharvAdisarvatridashapariShadA shashvadAsAshvinI shrIH asmAkaM yA sapatnI lasati bata shiro.asyAdhirUDheti serShyam | jetuM tAM santatoditvaravaramahasA bhAti nakShatramAlA devachChande sthitA yaM satatamapi samArAdhayantIva so.avyAt || 31|| nantuH santrAsahArI dadhadapi haritAM shashvadAtmanyanUnAM yastAM mUrdhnyeva nityaM prakaTayati hareH pUruShasyApi satyam | shrautIM mukhyetaratvAvagatimapi vishiShTAdvitIyatvadR^iShTiM spaShTIkartuM jagatyAM sphuTayatu sa jhaTityasmadiShTaM vishiShTam || 32|| maste.arvan vistaraiH kiM vihara mama manomandurAyAmamandaM kalpante.anuplavAste mama satatamime hIndriyAshvA dashA.api | kiM chAtrAnalpakalpAvasaravisaraduchchAvachAkAramUrti\- sphUrtisphItorukarmapraguNatR^iNagaNashcharvaNAya praNItaH || 33|| vastUrIkartumarchAvidhiShu samuchitaM nAnyadasyeti jAnan kastUrIra~NganAthaH stavamimamupada(dha)mAdimAshvasya dhatte | yastUno yotiriktaH sakalamapi cha taM hR^idyayannarthamasmin svastUlIkAradhIrAM vitaratu paThatAM vAgadhIshaH sa buddhim || 34|| iti shrIkastUrIra~NgAryakR^itiShu shrIlakShmIhayavadanamantramAlikAstutiH samAptA | ## Proofread by Swamini Tattvapriyananda tattvapriya3108 at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}