% Text title            : Lakshmikritam Shri Krishna Stotram
% File name             : lakShmIkRRitaMshrIkRRiShNastotram.itx
% Category              : vishhnu, vishnu, krishna, lakShmInArAyaNIyasaMhitA, lakShmI, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 4 | adhyAya 120/60-162||
% Latest update         : May 15, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lakshmikritam Shri Krishna Stotram ..}##
\itxtitle{.. lakShmIkR^itaM shrIkR^iShNastotram ..}##\endtitles ##
lakShmIstadA pR^ithagbhUtvA sAdhvI kAShAyadhAriNI |
astautsvAmisvarUpaM shrIparabrahmaprahaMsakam || 60||
OM namaH shrIparabrahma te namaH paramAtmane |
brahmamuktAdhipataye paradhAmanivAsine || 61||
apR^itha~NmuktasaMsthAya rahasyamuktasevine |
namaste shrIra~NgamaholAdivAsAya yogine || 62||
nirlepAya mahAmuktA.anAdimuktAdisevine |
akSharairmuktavR^indaishcha sevitAya cha te namaH || 63||
avatArairIshvarAdyaiH sevitAya cha te namaH |
R^iShipitR^isurAdyaishcha sevitAya cha te namaH || 64||
mAnavaishchetaraishchApi yakShagandharvakinnaraiH |
nAgaiH sarpai rAkShasaishcha sevitAya cha te namaH || 65||
udbhijjarAsvedajaishcha prasevitAya te namaH |
naraishcha pramadAbhishcha sarvasthAvaraja~NgamaiH || 66||
puShTyarthaM saMsevitAya sukhadAya cha te namaH |
asa~NkhyayoginAM kAmapUrakAya cha te namaH || 67||
asa~NkhyAnAM svabhaktAnAM tArakAya cha te namaH |
mANikyAyA badaryAshcha nAthAya te namo namaH || 68||
badaro nAma rAjarShirvyadhAdbadarikAshramam |
yatkR^ipAM.ashAtsvAminaM taM vande badarikeshvaram || 69||
hemAnalAsuro yena parvatAdho niShUditaH |
tasya badaranR^ipateH prasannAya cha te namaH || 70||
badarIsvIyamUlAdho hemAnalamamardayat |
yatpratApena taM kR^iShNaM natA.asmi sAdhurUpiNam || 71||
badaro rasArUpo.api yatkR^ipAto vyajAyata |
phale taM paramAtmAnaM vande shrIsvAminaM tviha || 72||
naro.api bIjatAM prApto badarAkhye phale sadA |
yatkR^ipAtastaM phaleshaM vande shrIsvAminaM prabhum || 73||
shrIshIlasya tu viprasya pretabhUtasya mokShaNam |
badarasya pradAnena kR^itaM yena cha te namaH || 74||
sAdhusAdhvIsvarUpAbhyAM dArAbhAgyAya darshanam |
datvA.apyamokShayadbhUpaM taM yastasmai cha te namaH || 75||
brahmadevadvijapatnyai datvA dve badare phale |
badrikA putrikAputrau dadau badrIsha te namaH || 76||
yatpratApAt kR^iShNapatnI jAtA vai bAlayoginI |
sureshvarIsutA taM shrIkR^iShNaM vande narAyaNam || 77||
yaH kR^iShNo divyadehAM cha chAraNIM nAgnakesarIm |
kR^itvA muktAnikAM ninye.akSharaM tasmai namo namaH || 78||
narmakartryA vinodinyAH sAdhuyogena mokShaNam |
kR^itaM yena kR^ito devaloko.api cha sakhIvidhaH || 79||
mokShaM tasmai dadau yashcha tasmai te svAmine namaH |
bAhulakAya tatpatnyai lIlAvatyai cha nartanAt || 80||
dadau brahmarasaM mokShaM tuShTo yaste namaH sadA |
mAliyAnaM mallikAM cha mAlAkArau hariH purA || 81||
prasannaH pAyayAmAsa brahmarasaM tatastayoH |
mokShaNaM kR^itavAn kR^iShNo yastasmai svAmine namaH || 82||
nikAmadevasa.nj~nAya dhIshUrAya hariH svayam |
mokShaM dadau cha tatpatnyai tasmai shrIsvAmine namaH || 83||
nigaDabhrAmakaivartaM matsyAshApAt suduHkhinam |
tAritaM bhaktayA patnyA yasya kR^ipAdishevadheH || 84||
anayaH svaM paraM dhAma tayA sAkaM cha yoShitA |
tathA tatputrikA chAdyA sAdhvI puNDarikA satI || 85||
nirvANikA satI chAnyA.a.anandaghanA tR^itIyakA |
tathA pa~nchAtmajA j~nAnadarbhyAdayo.api yaM prabhum || 86||
bhajitvA mokShaNaM prAptAstaM bhaje svAminaM harim |
kR^itaghnyAstu kuthalyAkhyastriyA yo rAjayakShmataH || 87||
rakShAM chakre dadau mokShaM taM vande svAminaM prabhum |
pratAraNyA viShalANyAH satAM samAgamAddhariH || 88||
uddhAraM kR^itavAn yastaM vande shrIsvAminaM prabhum |
ga~NgAM.ajanIM kaTakartrIM satsa~Ngena tvamokShayat || 89||
ramA~njanIM ramAM chakre yastasmai haraye namaH |
sunAriNIM kulAlIM cha raNastambaM cha tatpatim || 90||
sAdhuyogena tatputraM saMsArAdyo vyamochayat |
vande taM svAminaM kR^iShNaM vallabhaM prabhumIshvaram || 91||
svarNakArastriyA hemasudhAyAstu prabhaktitaH |
prasanno yo dadau tasyai chA.annapUrNAtvamuttamam || 92||
muktiM dadau tathA.ante cha vande shrIsvAminaM harim |
rAdhikAyanayogena vidrumiNIM tu viShTiNIm || 93||
dhAmni rAdhAsamAM chakre yastasmai svAmine namaH |
shvapachIM mAlavAnIM yo dharmayogena muktigAm || 94||
sakuTumbAmakarodyastasmai shrIsvAmine namaH |
rathyAmArjanikAM kArelikAM hitA~njalermuneH || 95||
yogAt kathAshravaNena muktimanayadyaH prabhuH |
hetA~njaleshcha putrINAM nirmohitvaM cha yadbalAt || 96||
mokShaNaM kR^itavAn yashcha tasmai te.astu namo muhuH |
nira~njanAdayashchApi bhrAtaraH pa~ncha tAdR^ishAH || 97||
muktiM yena praNItAstaM vande shrIsvAminaM prabhum |
yantrakartrIM gomatIM cha nayarAjaM cha tatpatim || 98||
arakShayadrAjayakShmato yastaM staumi mAvaram |
kanakA~NgadAyAH kR^iShNo dhUrtAyA mokShaNaM vyadhAt || 99||
bhANavANyA dyUtakartryAH shreyashchakAra yo hariH |
rAyaharinR^ipasyA.api taM vande svAminaM prabhum || 100||
mAdhavarAyanR^ipateH shreyo vyadhAttu yaH prabhuH |
vaidyotikAM tu kaMsArIM divyAmamokShayachcha yaH || 101||
nararAjaM kumbhakAraM tadbhAryAM ratnikAM cha yaH |
ambAlikAM svarNakartrIM dhAtudhmAM cha vinodinIm || 102||
amokShayaddhariryashcha naTaM ra~njanakovidam |
shrIrAmasundaraM chApi kadaryaM yo.apyamokShayat || 103||
vande taM paramAtmAnaM svAminaM dIkShitaM prabhum |
kShIrodavIraM bhUpaM cha rAj~nIM ruhAriNIM cha yaH || 104||
gaNikAM somikAM pa~nchaputrIyutAmamokShayat |
aruNAnIpatiM pATalAnyAdIshaM namAmi tam || 109||
madyapAyA liyAryAshcha mokShaNaM yo vyadhAt prabhuH |
miShTAsavadhvajinashcha taM vande svAminaM harim || 106||
gaNDavAtAbhidhAyAshcha chakriNyA mokShaNaM vyadhAt |
yAskavAdasya cha mokShaM taM vande svAminaM harim || 107||
nindAkartryA TvirvadantyA mokShaNaM yo vyadhAtprabhuH |
dvirgarjanAkhyapatyushcha taM vande svAminaM harim || 108||
suraprasAdaM vipraM cha gurughnaM yo hyamochayat |
mAtaraM pitaraM tasya chA.amokShayattu yaH prabhuH || 109||
nAgavikramabhUpasya devadroharatasya cha |
navadrohiyutasyA.api mokShakartre tu te namaH || 110||
shAlamitro jIvikAghno jayAlakShmIshcha tatpriyA |
uddhR^itau yena kR^iShNena tasmai shrIsvAmine namaH || 111||
kanyAghnaM yaddharAjaM yo viShadaM sAdhuyogataH |
amochayadyamadUtAt taM bhaje svAminaM harim || 112||
sAdhujIvaM kumAraM cha kumArIM sAdhujIvanIm |
nirviShAdaM cha yaH kR^iShNo.amokShayat taM muhurnamaH || 113||
nArAyaNyai prabhAvatyai ghaTamAlAkhyayoShite |
mokShaNaM pradadau yashcha tasmai shrIsvAmine namaH || 114||
ana~NgavallyAH kuTTanyAstatsakhInAM cha mokShaNam |
kR^itavAn yaH prabhuH svAmI tasmai kR^iShNAya te namaH || 115||
ShaNDhavajrAbhidhaM ShaNDhaM yaH saMsArAdvyamochayat |
napuMsakAnAM puMstrItvaM chakre yaste namo muhuH || 116||
yavasandhaM tu mAMsAdaM patnIM majAvalIM cha yaH |
tatkuTumbaM harirvyamochayattasmai cha te namaH || 117||
bhANDaM yo bhaNDashIlaM tu sakuTumbaM vyamochayat |
trigAlavA.NstathA bhavAyanAdIn yo vyamochayat || 118||
harivIryAdimallA.NshchAmokShayadyaH prabhurhariH |
vArdhUShikAn harilAlAdIMshcha vyamokShayattu yaH || 119||
kIravaNAdimR^igayUmamokShayachcha yaH prabhuH |
amokShayachcha nAgAdaM vAdiTaM yashcha te namaH || 120||
sArahAsIyamArtaNDamaNDalAdipramokShakam |
vilAsadevaM lu~nchAdaM vyamokShayachcha taM bhaje || 121||
daivAn prakAshakAdIMshcha tatputrAn sAdhudIkShitAn |
mauktikAyanikAdyAshcha tatputrIH sAdhvikAstathA || 122||
vyamokShayachcha yaH svAmI vande shrIsvAminaM cha tam |
duritaghoShanAmAnaM sarvAdaM yo vyamokShayat || 123||
tatpatnIM cha mahAsatyAyanIM vyamokShayachcha yaH |
tatputrAn tatputrikAshchA.amokShayadyashcha taM bhaje || 124||
dharmabhaTaM mahAmAtyaM shIlayAnIM cha tatpriyAm |
amokShayat prabhuryaH shrIsvAminaM taM sadA bhaje || 125||
dharmAdhyakShaM prabhurmukundasAvitramamokShayat |
nyAyAkShiNIM cha tadbhAryAM yastaM vande janArdanam || 126||
vishAlarekhakaM yashchauddhArayallekhakaM hariH |
shuchikAntAM cha tatpatnIM taM vande svAminaM prabhum || 127||
kR^iShNakAnteshvaronAthaM namAmi vallabhaM prabhum |
kAyasthAn karaNAdyAn yo.amokShayatparameshvaraH || 128||
shAhavilApanAdIMshchA.amokShayattaM namAmi cha |
gR^idhra uddhArito yena pUrvakaulikadehavAn || 129||
mArjArashchoddhR^ito yena pUrvagobAragopakaH |
jambUkashchoddhR^ito yena purA ThaThUTholako vaNik || 130||
svarNA~njanAdayo bhR^ityA uddhR^itA yena shAr~NgiNA |
shyenaH samuddhR^itashchApi purA yo bharavATakaH || 131||
chaTakAshchoddhR^itAH pUrve.ajA yAstaM naumi mAdhavam |
kapotA uddhR^itA yena sArthavArAstu ye purA || 132||
kAkAstathoddhR^itA yena purA ye ka~NkajAtijAH |
gR^ihagodhoddhR^itA yena nANakI prAk khavAsinI || 133||
mUShakA uddhR^itA yena prAk shUdrAH sa~NghavATakAH |
nakulashchoddhR^ito yena prAk vAruTastu sAgaraH || 134||
kIratArAbhidho bhATa uddhR^ito yena taM bhaje |
jyotirvettA devagatIshvaro yena samuddhR^itaH || 135||
puNyavatI cha tadbhAryoddhR^itA yena namAmi tam |
bandijano jayamAno nR^ipashcha vajravikramaH || 136||
prajAshchApyuddhR^itA yena vande shrIsvAminaM hi tam |
saptA.abdhisiMhanR^ipatiH sUtastasya sukesarI || 137||
rAj~nI rakShAvatI yena mokShitAstaM namAmyaham |
mAgadho harShanayano yogidAsashcha sevakaH || 138||
yena saurabhasAvitrastAmbUlakR^it samuddhR^itaH |
ra~Ngilo ra~NgakArashcha DamarUkashcha vAdyakR^it || 139||
chihnarAyo bhAvasArashchoddhR^ito yena taM bhaje |
rameshvaro grAmayAjI tathoddhR^ito.api yena ha || 140||
svarNAstaraNo vidyAdhrashchitrabarhAdayastathA |
uddhR^itAH kinnarA yena kimpumAMsashcha chAraNAH || 141||
asa~NkhyAshcha nR^ipA yenoddhR^itAstaM tvAM namAmi cha |
nandibhillaM hatavAn yo rarakSha nAgavikramam || 142||
hataM sainyaM punaH sa~njIvayAmAsa namAmi tam |
pura~njayanR^ipaM hyamokShayadyastaM namAmyaham || 143||
mokShitA yena bahavaH saptasvarganivAsinaH |
saptapAtAlavAsAshcha taM namAmi mahAprabhum || 144||
Ishvarebhyashcha dhArmibhyo darshanaM yo dadau prabhuH |
sarvastrIdAsavargADhyastaM bhaje puruShottamam || 145||
sarvastrIbhyo nijAbhyashcha yugalApatyakAni yaH |
mAnasAni dadau tasmai namaH shrIparamAtmane || 146||
mAyApAlo nR^ipo mahAnAstiko yamalokataH |
mochito yena kR^iShNena taM bhaje sAdhusatkR^itim || 147||
jyeShThaputrAya cha dIlAvarIrAjyaM dadau tataH |
svayaM patnIM darshayituM yayau dhAmA.akSharaM prati || 148||
dhAma nItvA nijAn sarvAn sarvAshcha pramadAstathA |
pare dhAmni svIyamUrtau vAsaM datvA hyarakShayat || 149||
ku~NkumavApikAkShetramAgatya tyAgamApya yaH |
sAdhudIkShAM parigR^ihya vartate sAkShigocharaH || 150||
namAmi svAmine tasmai shrIkR^iShNaprabhave namaH |
anAdishrIkR^iShNanArAyaNAyanAya yogine || 151||
yaH sadA shrIharishchAste saptAyatanamUrtimAn |
lInA lakShmIryada~Nge.ahaM varte sAmaparAyaNA || 152||
praj~nA lInA pAshavatI lInA cha svAmini prabhau |
yallIlAH shreyase sarvA jIvAnAM karmadehinAm || 153||
tasmai te pataye chApyapataye praNamAmyaham |
sarvadAnIshvaravaryottamAya paramAtmane || 154||
namo vishiShTarUpAya sarvatIrthAtitIrthine |
tIrthArthaM bhagavan svAmin lokakalyANahetave || 155||
abhilAShA jAyate me mahAtma.NstAM prapUraya |
asa~NkhyajanmabhiH kR^iShNoddhR^itAstvayA hi dehinaH || 156||
dharmavR^iddhiH kR^itA sarvA punashchApi vibhAvaya |
lakShmIbhaktA bahavo.atra loke bhavanti tAn prabho || 157||
sAdhurUpeNa nirbandhAn kR^itvA mokShaya machChritAn |
ityarthayAmi bhagavan viramAmi tvayi prabho || 158||
ityuktvA badrike lakShmIH svAminyantaradhIyata |
lakShmIstavaM prabhASheta bhAvagarbho.api yo janaH || 159||
lakShmIvachChrIharau lInasthAnameShyati shAshvatam |
nArI stavamadhIyAnA lakShmIH syAnnAtra saMshayaH || 160||
priyA lakShmIH stavAjjAtA jAtA lakShmIshcha mAdhavI |
bhuktiM muktiM labhet stotrAdyatheShTAM pArameshvarIm || 161||
yatkR^iShNasya samastaM vai tattasyAH syAtsamastakam |
shrIkR^iShNArpaNadakShAyAH kArShNyAH shrIbadrike svakam || 162||

iti shrIlakShmInArAyaNIyasaMhitAyAH tiShyasantAnAtmakasya chaturthakhaNDe
120\-adhyAyAntargataM lakShmIkR^itaM shrIkR^iShNastotraM sampUrNam |

lakShmInArAyaNIyasaMhitA | khaNDa 4| adhyAya 120/60\-162||
##
lakShmInArAyaNIyasaMhitA . khaNDa 4. adhyAya 120/60-162..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}