% Text title            : Lakshminrisimha Ashtottarashatanama Stotram
% File name             : lakShmInRRisiMhAShTottarashatanAmastotram.itx
% Category              : vishhnu, aShTottarashatanAma, dashAvatAra, vishnu
% Location              : doc\_vishhnu
% Transliterated by     : Yash Khasbage
% Proofread by          : Yash Khasbage, NA, PSA Easwaran
% Description/comments  : Brahmandapurana.  See corresponding nAmAvalI
% Latest update         : February 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lakshminrisimha Ashtottarashatanama Stotram ..}##
\itxtitle{.. shrIlakShmInR^isiMhAShTottarashatanAmastotram ..}##\endtitles ##
asya shrIlakShmInR^isiMhAShTottarashatadivyanAmastotramantrasya
shrInArAyaNa R^iShiH | shrInR^isiMho devatA | anuShTup ChandaH |
shrInR^isiMhaprasAdasiddhyarthe jape viniyogaH |

OM shrInR^isiMhaH puShkarAkShaH karAlavikR^itAnanaH |
hiraNyakashiporvakShovidAraNanakhA~NkushaH || 1||
prahlAdavaradaH shrImAnaprameyaparAkramaH |
abhaktajanasaMhArI bhaktAnAmabhayapradaH || 2||
jvAlAmukhastIkShNakeshastIkShNadaMShTro bhaya~NkaraH ||
uttaptahemasa~NkAshasaTAdhUtabalAhakaH || 3||
trinetrakapilaH prAMshu somasUryAgnilochanaH |
sthUlagrIvaH prasannAtmA jAmbUnadaparidhR^itaH || 4||
vyomakeshaH prabhR^itibhistridiveshairabhiShTutaH |
upasaMhR^itasaptArchiH kavalIkR^itamArutaH || 5||
diggajAvalidarpaghnaH kadrUjaviShanAshanaH |
abhichArakriyAhantA brahmaNyo bhaktavatsalaH || 6||
samudrasalilatrAtA halAhalavishIrNakR^it |
ojaH prapUritAsheShachalAchalajagattrayaH || 7||
hR^iShIkesho jagattrANaH sarvagaH sarvakAmadaH |
nAstikapratyayArthAya darshitAtmA prabhAvavAn || 8||
hiraNyakashiporagre sabhAstambhasamudbhavaH |
ugrAgnijvAlamAlI cha sutIkShNo bhImadarshanaH || 9||
dagdhAkhilajagajja.nntukAraNaM jagatAmapi |
AdhAraH sarvabhUtAnAM IshvaraH sarvahATakaH || 10||
viShNurjiShNurjagatdhAmabahirantaH prakAshakaH |
yogihR^itpadmamadhyastho yogo yogaviduttamaH || 11||
straShTA hartA jagattrAtA vyomarUpI janArdanaH |
chinmayaH prakR^itiH sAkShI guNAtIto guNAshrayaH || 12||
makhavichChedakR^itkartA sarvapAshavidArakaH |
vyaktAvyaktaHsvarUpo yaH sUkShmasadasadAtmakaH || 13||
avyayaH shAshvato.ananto vIrajitparameshvaraH |
mAyAvI marudAdhAro nimiSho.akShara eva cha || 14||
anAdinidhano nityaHparabrahmAbhidhAyakaH |
sha~NkhachakragadAshAr~Nga prakAshitachaturbhujaH || 15||
pItAmbaradharaH sragvI kaustubhAbharaNojvalaH |
shriyAddhyAsitavAmA~NgashrIvatsena virAjitaH || 16||
prasannavadanaH shAnto lakShmIpriyaparigrahaH |
vAsudevo mahAdevo vAkyapuShpaprapUjitaH || 17||
udyuktAhavahu~NkArabhIShitAkhiladi~NmukhaH |
garjanvIrAsanAsInaH kaThorakuTilekShaNaH || 18||
daiteyakShatavakSho.asR^igArdrIkR^itanakhAyudhaH |
asheShaprANibhayadaH prachaNDo daNDatANDavaH || 19||
niTilasR^itagharmAmbusambhUtajvalitAnanaH |
vajrasiMho mahamUrtirbhImo bhImaparAkramaH || 20||
svabhaktArpitakAruNyo bahUkto bahurUpadhR^ik |

evaM aShTottarashataM nAmnA narasiMharUpiNaH || 21||
narakesariNA dattaM svapne sheShAya dhImate |
AyurArogyasampattiH putrapautrapravardhana || 22||

iti shrIbrahmANDapurANe shrInR^isiMhAShTottarashatanAmastotraM sampUrNam |

##
Encoded by Yash Khasbage
Proofread by Yash Khasbage, PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}