% Text title            : Lakshminrisimha Suprabhata Vimshatih
% File name             : lakShmInRRisiMhasuprabhAtaviMshatiH.itx
% Category              : vishhnu, lakShmI, suprabhAta, viMshati
% Location              : doc\_vishhnu
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lakshminrisimha Suprabhata Vimshatih ..}##
\itxtitle{.. lakShmInR^isiMhasuprabhAtaviMshatiH ..}##\endtitles ##
parA~Nkushamuni virachitA
amba prasannasharadindumukhi prapanna\-
      pa~NkachChaTAdalanapAdasarojayugme |
lakShmInR^isiMhaparirambhaNaramyagAtre
      lakShmInR^isiMhadayite tava suprabhAtam || 1||
bhAnuH svabhAnuparirambhaNajR^imbhadabja\-
      pAlirvalAriharida~NgaNameti dIvyan |
shashvad vinashyati cha naishamidaM tamisraM
      lakShmInR^isiMha bhagavan tava suprabhAtam || 2||
yaH padminIM svaviraheNa kala~Nkisa~Nga\-
      bhItyeva sa~NkuchitanAlakarAbjavaktrAm |
AshvAsayannudayameti muhuH karAgrai\-
      rlakShmInR^isiMha bhagavan tava suprabhAtam || 3||
doShAkaro nishi payojasuhR^idviyoga\-
      dUrAM spR^ishan nijakarairnalinIM vibhAte |
mitreNa dR^iShTa upadhAvya nilIyate.abdhau
      lakShmInR^isiMha bhagavan tava suprabhAtam || 4||
bhAvatkapAdanakhachandraruchidravatsva\-
      bhAvochchalannayananiHsR^itabAShpapUrAH |
viprA harirhaririti sphuTamIrayanti
      lakShmInR^isiMha bhagavan tava suprabhAtam || 5||
gambhIravAribhavapa~NkajapatranetraM
      dhyAtvA dvijAstaraNimaNDalamaNDanaM tvAm |
arghyaM bhavatpadasarojayuge kShipanti
      lakShmInR^isiMha bhagavan tava suprabhAtam || 6||
Asannatimmakaragarbhatayeva shakra\-
      kAShThAmukhaM vilulitoDugaNAgryajAlam |
dUrIkR^itendutilakaM pravibhAti pANDu
      lakShmInR^isiMha bhagavan tava suprabhAtam || 7||
viprAstrabhinnakarakandharasandhibandha\-
      mandehadehanivahairiva meghakhaNDaiH |
muktaH purA svayamudeti viyad dinesho
      lakShmInR^isiMha bhagavan tava suprabhAtam || 8||
padmAlayeShu gR^ihiNo niyatAH prabhAbhiH
      ki~njalkakarmaThagaNA makarandabhikShAm |
vishrANayantyalivaTubhya upAgatebhyo
      lakShmInR^isiMha bhagavan tava suprabhAtam || 9||
dUraM gate kumudinI ramaNe.atimatta\-
      gAyanmadhuvratahaThAtkaraNAtibhItA |
dvAraM gR^ihasya pidadhAti dalArareNa
      lakShmInR^isiMha bhagavan tava suprabhAtam || 10||
shrIra~NganAthashaThajidgurusArvabhaumAH
      kR^itvAhnikaM bhuvanama~NgalamAdarAt tvAm |
udbodhayanti vijayI bhava mAdhaveti
      lakShmInR^isiMha bhagavan tava suprabhAtam || 11||
ambhojinI nijakaraiH kamane sudUrA\-
      dAgatya tADayati patrakavATamAshu |
uddhATya pR^ichChati sukhAgamanaM milindai\-
      rlakShmInR^isiMha bhagavan tava suprabhAtam || 12||
santastvadIyapadapa~NkajavandanAbhi\-
      rdhyAnArchanastutinamaskR^itibaddhabhAvAH |
tvAM sarvalokasharaNaM praNamanti bhUyo
      lakShmInR^isiMha bhagavan tava suprabhAtam || 13||
dhyAyanti bhAnti pariyanti vadanti santi
      tiShThanti yAntyabhinamanti samAhvayanti |
AkarNayantyanuvadanti nuvanti santo
      lakShmInR^isiMha bhagavan tava suprabhAtam || 14||
gAyanti bhR^i~NganivahAH sarasIruheShu
      bhrAmyanti pAnthanichayAstaruNIjaneShu |
AyAnti mandamarutastaTinItaTeShu
      lakShmInR^isiMha bhagavan tava suprabhAtam || 15||
mattA gajendra visararAsturagairnadantyu\-
      nnR^ittAstura~NgatatayaH pracharanti sokShAH |
dR^iptA mahokShanikarAH prabhajanti dhenU\-
      rlakShmInR^isiMha bhagavan tava suprabhAtam || 16||
kAkAH prayAnti kuharANi purIgR^ihANAM
      ghUkAH prayAnti kuharANi mahIruhANAm |
kokAH prayAnti kuharANi saroruhANAM
      lakShmInR^isiMha bhagavan tava suprabhAtam || 17||
Dolotsave suragaNairashiteShu tArA\-
      dugdhAnnakhaNDanivaheShvajamukhyadeyAH |
bhAgA ivendudhiShaNoshanasaH prayAnti
      lakShmInR^isiMha bhagavan tava suprabhAtam || 18||
vidhisha~NkarashakravibhAvita bho
      vijitAmaravairikadamba vibho |
vividhAgamasAravihAra hare
      vijayI bhava deva ramAnR^ihare || 19||
jhaSha kUrma varAha vaTo.aripaTo
      bhR^igunandana rAghava dhenukahan |
vasudevasutAnagha kalkitano
      vijayI bhava deva ramAnR^ihare || 20||
ra~NgAdhirAjashaThajidgurupAdapadma\-
      bhR^i~NgaH parA~NkushayatIndratapodhaneshaH |
hR^idyaM tatAna natama~NgaladAyi padmA\-
      sadmAyitA~NkanarakesarisuprabhAtam || 21||

iti mahAdevavirachitA shrIlakShmInR^isiMhasuprabhAtaviMshatiH samAptA |
stotrasamuchchayaH 2 (73)
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}