% Text title            : Lalitatribhangi Stotram
% File name             : lalitatribhangIstotram.itx
% Category              : vishhnu, viThThaleshvara, krishna, puShTimArgIya
% Location              : doc\_vishhnu
% Author                : Viththaleshvara
% Proofread by          : Mohan Chettoor, NA
% Description/comments  : puShTimArgIya
% Latest update         : June 21, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Lalitatribhangi Stotram ..}##
\itxtitle{.. shrIlalitatribha~NgIstotram ..}##\endtitles ##
namaH pitR^ipadAmbhojareNubhyo yannivedanAt |
asmatkulaM niShkala~NkaM shrIkR^iShNenAtmasAtkR^itam || 1||
vAmajAnvantAshritAtivakradakShiNajAnukam |
etatsamprAptasaubhAgyaM vichitramaNibhUShaNam || 2||
nakhachandramahaH kShiptabhaktasantApasantatiH |
vichitrabhAvasantAnavichitrIkR^itamAnasam || 3||
dakShiNapadatalapadmaM vAmaprapadasya vAmataH prakaTam |
saundaryaM kimapitarAM prakaTayati premavallabhyam || 4||
vikasita\-shArada\-kamalodaramadaharaNe.api tatra padmA~Nkam |
vahatA niravadhirasatA nivedyate svIyabhakteShu || 5||
bhaktArtiharaNe kA~nchit maryAdAM naiva manyate |
iti j~nApayituM vajrarekhAM dhArayati sphuTAm || 6||
anugrahAnilo yatra tatsAmmukhyaM bhajan tyajan |
anyAshAM rAjate bhakte padamevamiti dhvajam || 7||
dhArayan j~nApayatyeShaH tyaktabhaktAnyadik prabhuH |
ataeva hi tatsevyo nirdoShaguNavigrahaH || 8||
etatpadapa~NkajamadhumattasyA.ayaM nisargaevAbhUt |
netarabhAvaM bhajate yada~Nkusho nityamevA.asti || 9||
kadAchidvividhA lIlAH kartuM bhaktaiH saha prabhuH |
evambhUto vAdayati veNumiShTaM karoti cha || 10||
prapadopari sa~nchArichArupItAntarIyakaH |
gu~njadbhramadbhramarayugvanamAlAtisundaraH || 11||
vividharUpasuchArusugandhayu~NmR^idulapuShpachayairatisundaram |
grathitamadhyamadeshamatipriyAkarayugena hR^idi srji kAmaye || 12||
grIvoraHsthalakaTitaTakA~nchIjAnuprapadayoH satatam |
viharantI vanamAlAsaktAsIdalikulairmattaiH || 13||
gabhIranAbhivilasatkA~nchIdAmalasanmaNIn |
svaruchArochayannanyAnapyAkalpAn babhau prabhuH || 14||
triguNAnilasa~nchArachalatprAntAtisundaram |
uttarIyaM bibhradaMse shushubhe.atitarAM hariH || 15||
vividhamahAmaNikhachitaiH parito muktAphalAvaligrathitaiH |
valayA~Ngadaka~NkaNachayasakalA~NgulibhUShaNaiH reje || 16||
kaTyA kuTilayA kA~nchidbhuvanatrayamohinIm |
tanoti suShamA nAbhyAM saha sAmye.api durlabhAm || 17||
rasabharabharitaM pAtraM nAmitamanyatra taM rasaM kartum |
ekata Anatamunnatamekata iha dR^ishyate sarvaiH || 18||
kaTitaTagatabhAvarasAnAM vrajA~NganAhR^itsupUraNe sApi |
abhavat tathaiva hR^iShTA dR^iShTA paramupapadyate kA~nchyA || 19||
veNuravAnugayA navanavachApalyaM prApta vatyochchaiH |
vrajataruNImAnasadhanasampannayAbhUjjagajjaDavat || 20||
nayanAmbujasaundaryaM manasAM vachasAmagocharaM satyam |
vrajasundarInayanamanonubhavaikagataM paraM hR^idyam || 21||
tatrApi bhAvagarbhaM taralataraM priyatamAmukhAmbhoje |
sthagitaM bhavadaruNataraprAntaM prakaTAnurAgamiva || 22||
vichitraveNutAnAbdhitara~NgAndolitA~nchalam |
sthiraM vA taralaM veti naivAbhUdavadhAritam || 23||
smitAmR^itabhareNAtmabhaktahR^itprANapoShakam |
tatraiva layaheturvA teShAmiti na vedamyaham || 24||
bhrUchApaH sandhitaH karNAvadhyAkR^iShTaH priyAhR^idi |
viddhaH prANAnAjahAra svasmin asmin dayA na hi || 25||
smita\-kauTilya\-chApalyAruNimAmR^itasindhuShu |
magnAH katha~nchidjIvanti bhaktAstattatsvabhAvataH || 26||
shR^i~NgArarasasarvasvaM bhaktabhAvAmR^itAvR^itim |
anurAgachayaM tArAshchaityApA~Ngairbibhartyasau || 27||
sAlikulaM kamalakulaM jitaM nijAkAramAtrato jagati |
prakaTAtigUDharasabharabharito abhavat kusumasharakoTiH || 28||
snigdhatA mugdhatA vApi chAturIsahajApi vA |
naiva varNayituM shakyAnubhavantIbhirapyaho! || 29||
manye gokulataruNI\-navanavabhAvAH svarAsasa~njAtAH |
ratirasasudhAbdhipatitaplave plavante nisargamadhuratarAH || 30||
sammukhaprekShaNe.apA~NgaprekShaNecha yathA rasaH |
tathAruNAbhI rekhAbhirj~nApayatyambujekShaNaH || 31||
viralAruNarekhAbhiH sitagarbhasya netrayoH |
Avirbhavati yA shobhA tAM na vaktuM kShamA ramA || 32||
pakShmANi taruNIbhAvAn AnetuM charaNAbjayoH |
karA~NgulichayAbhAni bhAsante paritaH bataH || 33||
atisArasyato netre sarasaH parito.abhavat |
rasA~NkurAH pakShmarUpA bhAsante suShamAspadAH || 34||
AdAyAdAya bhaktAnAM bhAvAn atimanoharAn |
nimeShamiShataH svAntaH sa~nchayaM kuruto mudA || 35||
svataH samarthamapyetat trilokImohane bata ! |
smitaM sahAyaM samprApya yatkaroti na vedmi tat || 36||
rasapUraiH plAvayati svajanavivekatrapAdhR^itirathavA |
tAneva tadrasAbdhiShu magnAn kurute tadaivaitat || 37||
etatkAryasya bhavane pratibandhe.api cheshvaraH |
na shakto pratibaddho yat tatsvabhAvasvabhAvataH || 38||
tatrApi chetsahAyo.abhUdudAro veNuniHsvanaH |
tribha~Ngashcha trijagati na jAne kA dashAvashA || 39||
tiShThatvanyakathaitAdR^iksvarUpaM pratibimbitam |
kvachit pashyet svayaM nAthaH kAM dashAM nu bhajet tadA!|| 40||
prAyo na darshanApekShA yatsvayaM tadrasAtmakaH |
priyAhR^idayanetreShu niruddho.asti sunAyakaH || 41||
etatsandarshane tu syAt pramadAbhAva eva hi |
tachChAntikartA konyo.atra bhavet tenAsti naiva tat || 42||
athavA tadrasAtmA taddarshanenatitoShitaH |
bhavati svapriyAvR^indavR^ito.ayaM gajarADiva || 43||
kadAchidathavA preShThA viyogArtyA tadAtmakaH |
tAsAmAvirbhavedbhAvaireva tAM shAmayatyapi || 44||
dR^iShTyApi rasarUpatvaM mayi jAnantu mAmakAH |
tadarthamAviShkurute tribha~NgaM bhaktalochane || 45||
rasAtmatvaM sphuTaM svasmin bhaktairnaivAnubhUyate |
tadarthamAviShkurute tribha~NgaM bhaktalochane || 46||
puShTibhaktiM sthirIkR^itya maryAdAM cha tadAshritAm |
kR^itvA vR^indAvanakShoNImayathApUrvasaMsthitAm || 47||
hR^idayaM bhaktahR^idaye sthiraM lokAn nijAn parAn |
puShTidishyeva sumukhAn kR^itvA saMrAjate prabhuH || 48||
udbuddhashR^i~NgArarasasvarUpo bhUShaNAdyapi |
tAdR^igevAkhilA~NgeShu bibhrat saMrAjate prabhuH || 49||
shrutyAdyagamyaM yadrUpaM svalpakena mayA katham |
tannirUpayituM shakyaM tadIyatvAdbhavedapi || 50||
tathApi shrIgokule.asmin AvirbhUto virAjate |
ananyabhaktairanIshaM pIyate tatsudhAsavaH || 51||
(sa matprabhuH sadA.ahaM tu tatpAdAbjarasosmi vai |
tatprabhAvAdyathAshakti varNayAmyavichArayan || )
(ayaMshlokaH mudritapATheeva asti | anyatra nopalabhyate)
aha~ncha tatpAdapadmareNurashmIti matprabhuH |
sa chAstIti yathAshaktirvarNayAmyavichArayan || 52||
svato mallochanamanovR^ittiH vR^indAvanaprabhuH |
bR^ihadvanapriyaH shashvat shishirIkurutAt svataH || 53||
ahaM tadIya ityeShA tadvArtA rUpitA param |
tena prasanno bhavatu dAse shrIviThThale prabhuH || 54||

iti shrImadviTThalanAthavirachito
lalitatribha~NganAmA granthaH sampUrNatAmagamat |
##

Proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}