% Text title            : Lunthakarditaih Balakabalikastribhih Kritam Purushottama Stotram
% File name             : luNThakArditaiHbAlakabAlikAstrIbhiHkRRitaMpuruShottamastotram10.itx
% Category              : vishhnu, vishnu, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 191/1-87||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lunthakarditaih Balakabalikastribhih Kritam Purushottama Stotram ..}##
\itxtitle{.. luNThakArditaiH bAlakabAlikAstrIbhiH kR^itaM puruShottamastotram 10 ..}##\endtitles ##
shrIpuruShottama uvAcha |
shR^iNu lakShmi bAlikAshcha bAlakAshchApi vihvalAH |
astuvanmAM svarakShArthaM yadahaM shrutavA.NstadA || 1||
divodAsasutAM divyAdevIM bhAgyavihInakAm |
kaShTAdvimuchya naijAM yashchakre.akShare.anayachcha tAm || 2||
bAlakR^iShNaH sa bhagavAn naH prarakShatu sevikAH |
bhillIbhillau tava sAdhoryogAnmokShaM gatau purA || 3||
subAhunR^ipatirbhAryAsahitaH sAdhusaMshrayAt |
tava pratApataH kR^iShNa mokShamArgaM yayau purA || 4||
ashokasundarIM kanyAM satIsha~NkaraputrikAm |
tvaM rarakSha purA kR^iShNa naH prarakShaya sevikAH || 5||
vihuNDasya vinAshArthaM nArIrUpo.abhavaH purA |
kAmodAyAH patistvaM sa naH prarakShatu sevikAH || 6||
shukamokShapradastvaM naH prarakSha nijabAlikAH |
khasho nAmnA viShNudAso rAmaNI chAsya bhAminI || 7||
lIlAvatI cha tatkanyA puroddhR^itAstvayA prabho |
gaNikAnAM purA kR^iShNa pApAni tu tvayA vibho || 8||
kR^itvA puNyasvarUpANi puNyajanAn vyadhAstadA |
gaNikA yoginIshchApi kR^itavA.NstvaM purA prabho || 9||
rakShAnAmnyAH shvapachyAstvaM sumarasya tu yoShitaH |
muktidAtA.abhavaH kR^iShNa naH sa rakShatu sevikAH || 10||
kaushikaM garuDaM chakre gAyakaM yaH purA prabhuH |
mAlavaM nAma vaishyaM cha tathA.anyAn gAnakovidAn || 11||
brahmalokaM hyanayad yo naH sa rakShatu sevikAH |
harimishraM brAhmaNaM yo dadau mokShaM sa pAtu naH || 12||
chidambarAmahArAj~nyai jiShNupatnyai purA bhavAn |
gadAM samarpya rakShAM chA.akarodbhadrakarAkShasAt || 13||
prajAshcha jIvinAstasyAH sa no rakShatu sevikAH |
raNeshvaryaH kR^itA naijA brahmapriyA gadAsutAH || 14||
yena nArAyaNenApi kR^iShNaH sa naH prarakShatu |
raNeshvarAstathA muktAH kR^itA yena sa rakShatu || 15||
bindumatyAH kR^ito yena mokSho yayAtiyoShitaH |
sa hariluNThakebhyashchA.avanaM karotu mAdhavaH || 16||
parashuchandrako yena nArAyaNena tAritaH |
so.ayaM kAntaguNaH kR^iShNo rakShatu nijasevikAH || 17||
suchandrikAM gopapatnIM gopAlaM tatpatiM tathA |
anayadyo.akSharaM dhAma sa kR^iShNo naH prarakShatu || 18||
hariprathamanoH patnI brahmapathA.akSharaM pratim |
prApitA yena hariNA sa kR^iShNo naH prarakShatu || 19||
gR^idhrANAM mokShaNaM yena kR^itaM purA parAtmanA |
bAlakR^iShNo harikR^iShNaH sa kR^iShNo naH prarakShatu || 20||
jIvachandrAya muktiM yo dadau kR^iShNaH sa rakShatu |
shatAnandavinodinyoH putrANAM mokShaNaM kR^itam || 21||
yena shrIhariNA kR^iShNaH sa eva naH prarakShatu |
kAshIvArA~NganAbhyo yo muktidaH sa prarakShatu || 22||
vR^iShAyanena chaTakA yadbalena prarakShitA |
bAlakR^iShNo.anAdikR^iShNaH sa kR^iShNo naH prarakShatu || 23||
chitraketoshcha mAlatyA rAj~nyA muktiH kR^itA purA |
yena shrIbAlakR^iShNena kR^iShNo naH sa prarakShatu || 24||
shreShThA yena kR^itAH santaH sa naH kR^iShNaH prarakShatu |
kR^ishA~NgakaH kR^ito yena kR^ishAnuH sa prarakShatu || 25||
bha~NgAsvanaH kR^ito yena naro nArI muhurmuhuH |
sa eva bhagavAn kR^iShNo rakShatvatra svasevikAH || 16||
vipulaM cha ruchiM devasharmANaM yo rarakSha ha |
mokShado bhagavAn kR^iShNo duHkhAdasmAt prarakShatu || 27||
gokarNAkhye purA tIrthe R^iShayo yena vAsitA |
sa eva bhagavAnasmAn luNThakebhyaH prarakShatu || 28||
kuvalAshvaM tathotta~NkaM satyavrataM cha gAlavam |
shreyase kalpayAmAsa yaH sa kR^iShNaH prarakShatu || 29||
yatpratApena cha praNadbrahmasAdhuH pratApavAn |
samabhavat sa kR^iShNo no luNThakebhyaH prarakShatu || 30||
keshariNIsutashchA.a.alambAyano muktimApa vai |
yatpratApena kR^iShNaH sa luNThakebhyaH prarakShatu || 31||
gokarNasthAn lakShasAdhUn ninye dhAmAkSharaM tu yaH |
bAlakR^iShNaM priyaH kAnto naH prarakShatu vallabhAH || 32||
shabaro rAkShaso yena mochito bhavabandhanAt |
gR^idhrashcha shvapachashchApi sa kR^iShNo.avatu sevikAH || 33||
khyAtiM shApaparAM vIkShya chakarta yastu tachChiraH |
sa naH kR^iShNo luNThakebhyaH prarakShatu svasevikAH || 34||
bhAruNDaH puShkaso yena tAritaH sa prarakShatu |
vR^iShAdarbhiH kR^ito yena muktaH kR^iShNaH sa rakShatu || 35||
narashAyastaskarastu mochito yena chakriNA |
dhanino mochitA yena sa kR^iShNo.avatu sevikAH || 36||
kundadharmA.avitA yenA.avitashcha jA~NghalAmakhaH |
bAlakR^iShNo divyakAntaH kanyakA naH prarakShatu || 37||
yena shambhalavAro.api prajayA saha mochitaH |
bAlaHkR^iShNo vallabho.atra prarakShatu svasevikAH || 38||
devAnIkadivyavaMshe bAlakR^iShNo vyajAyata |
sa eva bhagavAnatra prarakShatu svasevikAH || 39||
namo.anAdikR^iShNanArAyaNAya svAmine namaH |
namaH shrIkambharAlakShmIgopAlajanuShe namaH || 40||
dIrghashIlo vipravaryo mochito yamapAshataH |
yena shrIhariNA so.ayaM prarakShatu svadAsikAH || 41||
brahmasatI brAhmaNI yA mochitA paramAtmanA |
so.ayaM no bhagavAnnAthaH prarakShatu svasevikAH || 42||
kAlandharA mahArAj~nI vaivartto nAma bhUpatiH |
mochitau yena kR^iShNena sa kR^iShNo.avatu sevikAH || 43||
romapAdasya vai putro vR^iShagamo.api viShNunA |
mochito yena kR^iShNena sa kR^iShNo.avatu sevikAH || 44||
nagrabha~NgaH purA chauro mochito yena viShNunA |
bAlakR^iShNaH kR^iShNanArAyaNo naH sa prarakShatu || 45||
bhaNDAsuro hato lalitAdvArA yena chakriNA |
sa chAsmAnatra kR^iShNashrIkR^iShNo rakShatu sevikAH || 46||
lalitAmAnasIkanyAH koTishaH svIkR^itAH purA |
yena shrIparameshena sa kR^iShNo.avatu sevikAH || 47||
lohA~NgArasya vaishyasya mokShakR^innaH prarakShatu |
pIvaryAdyA vrate yena pUrNakAmA nirUpitAH || 48||
so.ayaM kR^iShNo luNThakebhyo naH prarakShatu dAsikAH |
vasiShThA.agastyakau shApAnmochitau yena shAr~NgiNA || 49||
anAdishrIkR^iShNanArAyaNo naH sa prarakShatu |
paruSho lubdhako yena mochito bhAryayA saha || 50||
puShkaravAhanasyApi mokShakR^innaH prarakShatu |
sarojinI kumbhakartrI satIshvarIkR^ipAnvitA || 51||
padminI sA.abhavadyasya kR^ipayA kamalAsamA |
sa shrIkR^iShNaH prabhushchAsmAn luNThakebhyaH prarakShatu || 52||
dharmatapaso viprasya rakShaNaM kR^itavA.Nstu yaH |
surathasya manutvaM cha kR^itavAn shrIpatistu yaH || 53||
dhanavarmA divaM yena preShitaH paramAtmanA |
balIshvarastathA rAjye sthApito mAnave dvijaH || 14||
AnandavarNI yenA.api sthApito mAnave tathA |
rAjye ghR^iNeShikaH shUdraH sthApito yena mAnave || 55||
bhUtishcha tarito yena kR^iShNo rakShatu sevikAH |
asuro bAlako yenoddhR^ito.asya maNayaH kR^itAH || 56||
bAShkalirnAshito yena viShNurnaH samprarakShatu |
gajanArAyaNenApi purukR^isaro ghAtitaH || 57||
pralambo nAshito yena matsyAtmakena shAr~NgiNA |
bhImaratho ghAtitashcha kUrmarUpeNa yena vai || 58||
shAntashatrurghAtitashcha haMsarUpeNa yena hi |
mahAkAlo nAshitashcha hayagrIveNa yena tu || 59||
hiraNyAkShavihantA sa kR^iShNo.avatu svasevikAH |
vAmano.avatu kR^iShNashcha kAlakAkShavinAshakR^it || 60||
balishatrvasurahantA harirduHkhaM vyapohatu |
dashagrIvavihantA cha nArIrUpo.avatu prabhuH || 61||
tArakaghno harirnapuMsakarUpo.api rakShatu |
TiTTibho vihato yena mAyUrarUpiNA purA || 62||
shuchishcha ghAtito yena chakriNA naH sa rakShatu |
sAdhubhAvAyanarSheshcha tathA shrImAnasasya cha || 63||
chidAnandasyApi mokShakR^it kR^iShNo naH prarakShatu |
sadvidyAyanapatnIM yaH shrutiphalAM hyamokShayat || 64||
alarkajananImokShaM kR^itavAn sa prarakShatu |
muktisrotAyanashchApi siddhiveShAyanastathA || 65||
ayAchitA~njalibhAryA bhikShAyanaR^iShiH patiH |
muktA yasyA.a.ashrayeNaiShaH shrIkR^iShNo naH prarakShatu || 66||
mAtA nityAshrayA putraH keshI yena pramochitau |
bAlakR^iShNo mahArAjaH sa nastvatra prarakShatu || 67||
mAtA tu chAraNI putro vyAghrashcha yena tAritau |
kUTadevaH pitA sAdhuH shyAmashcha yena tAritau || 68||
uttamashchApi bhUdevo devAyanaR^iShistathA |
kaShTAt pramochitau yena kR^iShNo rakShatu sevikA || 69||
yena virAlako vaishyaH sakuTumbaH samuddhR^itaH |
bAlakR^iShNaH priyaprANo luNThakebhyaH prarakShatu || 70||
pR^ithvIdharo nR^ipo madhuvindA rAj~nI samuddhR^itau |
tathA durvoDhako dInashchoddhR^ito yena so.avatu || 71||
sAgaraH shUdrakashchApi venapAlAbhidho nR^ipaH |
hIrukA shUdrapatnI cha rakShitA yena so.avatu || 72||
vR^ikNadevo bhAvashUraH shIladharmA satI tathA |
mochitA yena kR^iShNena so.ayaM rakShatu sevikAH || 73||
ma~njulakesho bhUdevaH pAshupateshaviprarAT |
bANA~NgaNastathA shUdro rakShitA yena so.avatu || 74||
mR^itAdanaH santadAso dharmashAlAyanastathA |
sha~NkudharashchoddhR^itAshcha yena so.avatu sevikAH || 75||
luNThakAdhipatishchAyaM nAmnA sAmantavikramaH |
luNThayatyatisarvasvaM kR^iShNa hA kR^iShNa rakSha naH || 76||
tava smo.atra tava smo.atra tvatsevikAH prarakShaya |
antarAtman vyApakAtman bhUmannatra prarakShaya || 77||
bAlakAshchApi vai kR^iShNastavanaM chakrire tathA |
shrutvA.ahaM sahasA tatra shatarUpo.abhavaM rame || 78||
ashvavArA uShTravArAH sashastrA bhUbhR^ito bhaTAH |
pa~nchAshadvegato dUrAdAgatA rakShaNAya vai || 79||
uchchairAkroshamAdadhyuH sajjAshchaurA bhavantviti |
mArayiShyAma evA.atra jAyantAM mAtR^iputrakAH || 80||
evaM nAdAn shrAvayanto sphoTayanto hi dhUShkR^itIH |
uShTrA.ashvAdyaiH kShaNAddikShu dashasvAvR^ittaya.Nshcha tAn || 81||
vartule chauralokA.NstAnAvR^itya rAjapArShadAH |
dharShayituM daNDayituM tADayituM puro.agaman || 82||
tAvatte roShamApannA jIvanAshAM vihAya vai |
dudruvurmadhyadeshAchcha dhUShkR^itIsphoTakAriNaH || 83||
tadA me pArShadairlakShmi dhUShkR^itayaH sphoTitA drutam |
yuddhaM parasparaM jAtaM dhUShkR^itIgolikAmayam || 84||
mayA te golikAyantrairviddhAH sarve.atigarvitAH |
mR^itAste tatra pa~nchAshatsarve golyabhibheditAH || 85||
tAn sarvAnanayaM svargaM mama hastairmR^itAnataH |
mochitAn bhaktavaNijastato.ahaM samasAntvayam || 86||
te sarve sharaNaM prAptA narA nAryashcha bAlikAH |
bAlAshcha petushcharaNe mama sainyaparUpiNaH || 87||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
    191\-adhyAyAntargataM luNThakArditaiH bAlaka\-bAlikA\-strIbhiH kR^itaM
    puruShottamastotraM sampUrNam |

lakShmInArAyaNIyasaMhitA | khaNDa 3| adhyAya 191/1\-87||
##
lakShmInArAyaNIyasaMhitA . khaNDa 3. adhyAya 191/1-87..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}