% Text title            : Malavatikritam Shri Krishna Stotram
% File name             : mAlAvatikRRitaMshrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | brahmakhaNDa | adhyAya 18/15|| 9-35||
% Latest update         : March 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Malavatikritam Shri Krishna Stotram ..}##
\itxtitle{.. mAlAvatikR^itaM shrIkR^iShNastotram ..}##\endtitles ##
mAlAvatyuvAcha |
vande taM paramAtmAnaM sarvakAraNakAraNam |
vinA yena shavAH sarve prANino jagatItale || 9||
nirliptaM sAkShirUpaM cha sarveShAM sarvakarmasu |
vidyamAnaM na dR^iShTaM cha sarvaiH sarvatra sarvadA || 10||
yena sR^iShTA cha prakR^itiH sarvAdhArA parAtparA |
brahmaviShNushivAdInAM prasUryA triguNAtmikA || 11||
jagatsraShTA svayaM brahmA niyato yasya sevayA |
pAtA viShNushcha jagatAM saMharttA sha~NkaraH svayam || 12||
dhyAyante yaM surAH sarve munayo manavastathA |
siddhAshcha yoginaH santaH santataM prakR^iteH param || 13||
sAkAraM cha nirAkAraM paraM svechChAmayaM vibhum |
varaM vareNyaM varadaM varArhaM varakAraNam || 14||
tapaHphalaM tapobIjaM tapasAM cha phalapradam |
svayantapaHsvarUpaM cha sarvarUpaM cha sarvataH || 15||
sarvAdhAraM sarvabIjaM karma tatkarmaNAM phalam |
teShAM cha phaladAtAraM tadbIjaM kShayakAraNam || 16||
svayantejaHsvarUpaM cha bhaktAnugrahavigraham |
sevAdhyAnaM na ghaTate bhaktAnAM vigrahaM vinA || 17||
tattejo maNDalAkAraM sUryakoTisamaprabham |
atIva kamanIyaM cha rUpaM tatra manoharam || 18||
navInanIradashyAmaM sharatpa~Nkajalochanam |
sharatpArvaNachandrAsyamIShaddhAsyasamanvitam || 19||
koTikandarpalAvaNyaM lIlAdhAma manoharam |
chandanokShitasarvA~NgaM ratnabhUShaNabhUShitam || 20||
dvibhujaM muralIhastaM pItakausheyavAsasam |
kishoravayasaM shAntaM rAdhAkAntamanantakam || 21||
gopA~NganAparivR^itaM kutrachinnirjane vane |
kutrachidrAsamadhyasthaM rAdhayA pariShevitam || 22||
kutrachidgopaveShaM cha veShTitaM gopabAlakaiH |
shatashR^i~NgAchalotkR^iShTe ramye vR^indAvane vane || 23||
nikaraM kAmadhenUnAM rakShantaM shishurUpiNam |
goloke virajAtIre pArijAtavane vane || 24||
veNuM kvaNantaM madhuraM gopIsammohakAraNam |
nirAmaye cha vaikuNThe kutrachichcha chaturbhujam || 25||
lakShmIkAntaM pArShadaishcha sevitaM cha chaturbhujaiH |
kutrachitsvAMsharUpeNa jagatAM pAlanAya cha || 26||
shvetadvIpe viShNurUpaM padmayA pariShevitam |
kutrachitsvAMshakalayA brahmANDabrahmarUpiNam || 27||
shivasvarUpaM shivadaM svAMshena shivarUpiNam |
svAtmanaH ShoDashAMshena sarvAdhAraM parAtparam || 28||
svayaM mahadvirADrUpaM vishvaughaM yasya lomasu |
lIlayA svAMshakalayA jagatAM pAlanAya cha || 29||
nAnAvatAraM bibhrantaM bIjaM teShAM sanAtanam |
vasantaM kutrachitsantaM yoginAM hR^idaye satAm || 30||
prANarUpaM prANinAM cha paramAtmAnamIshvaram |
taM cha stotumashaktA.ahamabalA nirguNaM vibhum || 31||
nirlakShyaM cha nirIhaM cha sAraM vA~NmanasoH param |
yaM stotumakShamo.anantaH sahasravadanena cha || 32||
pa~nchavaktrashchaturvaktro gajavaktraH ShaDAnanaH |
yaM stotuM na kShamA mAyA mohitA yasya mAyayA || 33||
yaM stotuM na kShamA shrIshcha jaDIbhUtA sarasvatI |
vedA na shaktA yaM stotuM ko vA vidvAMshcha vedavit || 34||
kiM staumi tamanIhaM cha shokArttA strI parAtparam |
ityuktvA sA cha gAndharvI virarAma ruroda cha || 35||

iti brahmavaivartapurANe brahmakhaNDe aShTAdashAdhyAyAntargataM
         mAlAvatikR^itaM shrIkR^iShNastotraM samAptam |

brahmavaivartapurANa | brahmakhaNDa | adhyAya 18/15|| 9\-35||
##
brahmavaivartapurANa . brahmakhaNDa . adhyAya 18/15.. 9-35..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}