% Text title            : Markandeyamaharshikritam Jagannatha Stotram
% File name             : mArkaNDeyamaharShikRRitaMjagannAthastotram.itx
% Category              : vishhnu, vishnu, brahmapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmapurANa | adhyAya 55/11-35||
% Latest update         : September 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Markandeyamaharshikritam Jagannatha Stotram ..}##
\itxtitle{.. mArkaNDeyamaharShikR^itaM jagannAthastotram ..}##\endtitles ##
mArkaNDeya uvAcha |
devadeva jagannAtha mAyAbAlavapurdhara |
trAhi mAM chArupadmAkSha duHkhitaM sharaNAgatam || 11||
santapto.asmi surashreShTha saMvartAkhyena vahninA |
a~NgAravarShabhItaM cha trAhi mAM puruShottama || 12||
shoShitashcha prachaNDena vAyunA jagadAmunA |
vihvalo.ahaM tathA shrAntastrAhi mAM puruShottama || 13||
tApitashcha tathAmAtyaiH pralayAvartakAdibhiH |
na shAntimadhigachChAmi trAhi mAM puruShottama || 14||
tR^iShitashcha kShudhA.a.aviShTo duHkhitashcha jagatpate |
trAtAraM nAtra pashyAmi trAhi mAM puruShottama || 15||
asminnekArNave ghore vinaShTe sacharAchare |
na chAntamadhigachChAmi trAhi mAM puruShottama || 16||
tavodare cha devesha mayA dR^iShTaM charAcharam |
vismito.ahaM viShaNNashcha trAhi mAM puruShottama || 17||
saMsAre.asminnirAlambe prasIda puruShottama |
prasIda vibudhashreShTha prasIda vibudhapriya || 18||
prasIda vibudhAM nAtha prasIda vibudhAlaya |
prasIda sarvalokesha jagatkAraNakAraNa || 19||
prasIda sarvakR^iddeva prasIda mama bhUdhara |
prasIda salilAvAsa prasIda madhusUdana || 20||
prasIda kamalAkAnta prasIda tridasheshvara |
prasIda kaMsakeshighna prasIdAriShTanAshana || 21||
prasIda kR^iShNa daityaghna prasIda danujAntaka |
prasIda mathurAvAsa prasIda yadunandana || 22||
prasIda shakrAvaraja prasIda varadAvyaya |
tvaM buddhiH prakR^itishchaiva sattvAdyAstvaM jagatpate || 23||
tvaM nabhastvaM manashchaiva tvamaha~NkAra eva cha |
tvaM buddhiH prakR^itishchaiva sattvAdyAstvaM jagatpate || 24||
puraShastvaM jagadvyApI puruShAdapi chottamaH |
tvamindiyANi sarvANi shabdAdyA viShayAH prabho || 25||
tvaM dikpAlAshcha dharmAshcha vedA yaj~nAH sadakShiNAH |
tvamindrastvaM shivo devastvaM havistvaM hutAshanaH || 26||
tvaM yamaH pitR^irADdeva tvaM rakShodhipatiH svayam |
varuNastvamapAM nAtha tvaM vAyustvaM dhaneshvarAH || 27||
tvamIshAnastvamanantastvaM gaNeshashcha ShaNmukhaH |
vasavastvaM tathA rudrAstvamAdityAshcha khecharAH || 28||
dAnavAstvaM tathA yakShAstvaM daityAH samarudgaNAH |
siddhAshchApsaraso nAgA gandharvAstvaM sa chAraNAH || 29||
pitaro bAlakhilyAshcha prajAnAM patayo.achyuta |
munayastvamR^iShigaNAstvamashvinau nishAcharAH || 30||
anyAshcha jAtayastvaM hi yatki~nchijjIvasa.nj~nitam |
kiM chAtra bahunoktena brahmAdistambagocharam || 31||
bhUtaM bhavyaM bhaviShyaM cha tvaM jagatsacharAcharam |
yatte rUpaM paraM deva kUTasthamachalaM dhruvam || 32||
brahmAdyAstanna jAnanti kathamanye.alpamedhasaH |
deva shuddhasvabhAvo.asi nityastvaM prakR^iteH paraH || 33||
avyaktaH shAshvato.anantaH sarvavyApI maheshvaraH |
tvamAkAshaH paraH shAnto ajastvaM vibhuravyayaH || 34||
evaM tvAM nirguNaM stotuM kaH shaknoti nira~njanam |
stuto.asi yanmayA deva vikalenAlpachetasA |
tatsarvaM devadevesha kShantumarhasi chAvyaya || 35||

iti brahmapurANe pa~nchapa~nchAshattamAdhyAyAntargataM
         bhagavatstavanirUpaNaM nAma jagannAthastotraM samAptam |

brahmapurANa | adhyAya 55/11\-35||
##
brahmapurANa . adhyAya 55/11-35..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}